The Point - Pizza & Pasta (MegaBox) (Closed)

天氣轉凍 而且又踏入聖誕月份令人特別想吃芝士火鍋於是便約了芝士迷的朋友一起來了這間 — The Point 試一試室內環境舒適寬敞配上聖誕樹更有氣氛選了二人芝士火鍋套餐是日餐湯 南瓜湯大大一碗 入口軟綿細滑南瓜味香濃 甜甜的好味道海鮮芝士火鍋原隻波士頓龍蝦、虎蝦、南非鮑魚仔等有不同的海鮮 肉質彈牙味道鮮甜 點上芝士好邪惡時令蔬菜拼盤有茄子、南瓜、蕃茄仔和西蘭花等 款式也不少雲呢拿泡芙擺碟挺有心思 味道不會太甜用來作結剛剛好

又到左食大閘蟹嘅季節，今次比我搵到呢間有得食大閘蟹菜式嘅餐廳，睇落幾吸引，一於試一試。呢個set非常豐富，有多款有創意又吸引嘅菜式，而且價錢都算合理。蟹肉南瓜湯南瓜湯非常濃郁，裏面仲有絲絲蟹肉，令人食得好滿足。意大利炸飯團配蟹粉沙沙呢個望落好似沙律嘅菜式，內裏充滿驚喜。除咗沙律菜之外，裏面竟然有炸飯團，我都係第一次食，出奇地夾同好味。配上蟹粉沙沙，多一份蟹粉獨有嘅香味。蟹王三重奏pizza呢個Pizza淨係賣相已經好有氣勢，好大隻軟殼蟹切成兩半放喺中間。Pizza上枱時仲係熱辣辣，半溶嘅芝士非常滋味，上面仲有啲藜麥，口感好特別。M5澳洲和牛西冷朋友話淨係食蟹滿足唔到佢，好想食返啲肉，見到呢個牛扒就二話不說一定要點。牛扒夠份量，下面仲有啲薯蓉同茄子，真係要有返咁上下食量先食得晒。雲呢拿泡芙泡芙裏面嘅cream好冰凍好好味呀！

我最愛吃大閘蟹了，所以今天和朋友來吃這個期間限定的大閘蟹盛宴 。蟹肉南瓜湯：湯的南瓜味香濃清甜，湯裏有很多下肉碎，南瓜味和蟹肉味配合得天衣無縫。意大利炸飯團配蟹粉莎莎：飯團炸得外脆內軟，裏面還混合了蟹粉，味道和口感十分獨特，第一次吃到這樣的前菜。還配以藜麥和火箭菜，醬汁帶點酸味，整道菜的感覺挺清新不會肥膩。蟹王三重奏Pizza蟹肉蟹粉軟殼蟹：大大隻軟殼蟹在Pizza上面，看起來真的很有視覺衝擊。軟殼蟹炸得香脆可口， pizza還有很多蟹肉，芝士味香濃。餅底香脆，芝士彈牙，口感和味道都很有層次感。蟹粉牛油汁意大利小雲吞：有很多蟹肉，醬汁鹹鹹的，有香濃的牛油味，小雲吞彈牙，令人欲罷不能。雲呢拿泡芙：相對起來，這道菜比較普通，泡芙中有雲呢拿雪糕。如果能把這甜品換成一杯餐飲，可能比較好。不過餐廳上菜速度實在太快了，上一道菜才剛剛開始吃，下一度菜又馬上送來，所以食物都涼得很快，希望上菜速度能調整一下。

最近聽同事推介九龍灣MegaBox 11樓；前身也是一間Pizza專門店，現在改為煥然一新的The Point Pizza 餐廳；且推出時令大閘蟹盛宴。既然有一段時間都冇去過，約咗好姊妹一齊去試吓順道shopping 。地方寬敞；設有outside 座位，可一邊品嘗美食之餘也可俯瞰溜冰場上的活動；另有inside 的舒適雅座。大閘蟹盛宴包括我至欣賞的南瓜湯，夠鮮和夠熱，浠稠適中和分量十足😋👍。金黃色的意大利炸飯團配蟹粉沙沙，餡料是蟹肉茸和飯茸；炸得外脆內軟。蟹黃三重奏pizza保留一貫風味之餘更自創風格；用明火和採用岩石版烘熟，餅底口感有點似烤餅，上面配料豐富，當然少不了有蟹肉、蟹粉和軟殼蟹。還有主菜香煎三文魚也不錯👍。用朱古力醬來點綴泡芙甜度適中，是這大閘蟹盛宴的完美終結！

平時也很喜歡吃蟹宴，今次看到這間餐廳有大閘蟹宴，一定要品嚐一番大閘蟹盛宴 $598蟹肉南瓜湯兩客原來南瓜和蟹肉是這麼夾，龍蝦湯鮮味十足，南瓜帶點香甜，每一口也啖啖肉， 非常creamy意大利查飯團配莎莎炸飯團外脆內軟， 入面還有蟹粉， 非常好味蟹王三重奏Pizza蟹肉蟹粉軟殼蟹軟殼蟹炸得香脆鮮味，Pizza香脆無比,蟹肉和蟹粉的點綴， 讓pizza 更有質感，還有火箭菜和藜麥，質感非常豐富又中和了炸軟殼蟹的油膩感。蟹粉牛油汁意大利小雲吞小雲吞牛油味極其濃厚！

同honey 係Megabox戲院欣賞完梅艷芳的戲之後去覓食，行過11樓發現有間只開張不久的The Point 餐廳，是吃意大利菜、Pizza和意粉的。遠望見有烘爐是用明火烘Pizze 另有一位員工專人拆蟹肉，環境舒適和地方寬闊，吸引了我們進入去試試。餐廳最近精心炮製的大閘蟹盛宴套餐。有熱騰騰充滿蟹肉的南瓜湯兩客。意大利炸飯團蟹粉莎莎、與別不同的蟹黃三重奏Pizza, 上面除了鋪滿芝士外還鋪了蟹肉、藜麥、三色椒粒、蘆筍、車厘茄子和原隻軟殼蟹，令這份Pizza加添特色和健康感！主菜有幾款選擇可揀一款；我們選擇香煎三文魚蟹粉沙沙配蘆筍汁，蘸點矜貴蘆筍汁同吃增添美味；塊魚皮夠鬆脆，墊底的幾個原隻薯仔也不遜色！吃埋最後的雲呢拿泡芙甜品已感覺很滿足！

今天去Megabox影聖誕裝飾，預先感受聖誕氣氛，所以book 埋The point 食飯，見餐廳竟然有個大閘蟹盛宴，所以叫了呢個二人餐$598 ，餐湯是個蟹肉份量相當多南瓜湯，啖啖肉，我覺得蟹肉多過南瓜添呀！還有香到不得了的蟹粉蟹羔香味。頭盤是意大利炸飯團配蟹粉沙沙，飯團外皮好脆，飯內還有蟹粉，配上一大碟沙律菜，好開胃。主菜是蟹王三重奏Pizza，一大隻炸軟殼蟹炸得酥脆，蟹身還有啖啖肉，又唔乾，Pizza中間軟身，皮邊香脆，材料加了主角蟹肉和蟹粉，還有藜麥、火箭菜和沙律菜。主菜有香煎三文魚配蟹粉沙沙鮮蘆筍汁，三文魚又厚又香脆，魚肉味夠鮮，魚油味香，還有鮮蘆筍和藜麥。最後甜品雲呢拿泡芙，雲呢拿雪糕好冰涼。

The Point-Pizza&Pasta在九龍灣MegaBox11樓開左又一間分店喇✌️佢哋係主打義大利菜，披薩🍕呢間分店環境寬敞舒適自在我同朋友一齊係食晚餐揀左$398二人套餐方便又唔洗諗包括有俩份頭盤，龍蝦湯🦞南瓜湯🎃龍蝦湯🦞味道唔錯仲有啲龍蝦肉 口感豐富南瓜湯 香甜濃郁真係好飲👍主菜 煙三文魚蘆筍刁草忌廉汁天使面煙三文魚份量好足，天使面都軟硬適中搭配忌廉汁口感真係完美👍披薩 BBQ CHICKEN PIZZA(9”）材料有烤雞肉 野菌 焦糖洋蔥 燒烤醬披薩好大一個披薩👍俩個人我覺得有啲太大份喇🤣三個人都可以食到添😝雞肉同香菇都好香👍最後當然要揀多一個甜品先係夠滋味喇，朱古力布朗尼睇到都流口水🤤即叫即整，15分鐘就可以食到喇，朱古力味香醇濃郁，搭配香蕉同雪糕，真係太滿足喇✌️

大閘蟹盛宴｜蟹肉南瓜湯（兩客）｜蟹肉味好重，食到絲絲蟹肉同南瓜蓉，質感好濃厚可口～｜意大利炸飯團配蟹肉莎莎｜蟹肉莎莎亦都有蟹肉、混合埋蕃茄，沙律菜，作為前菜好清新爽口，加上熱辣辣即炸飯團好香口，飯團外皮薄脆，有少少飯焦口感幾有咬口～｜蟹黃三重奏披薩（蟹肉、蟹粉、軟殼蟹）｜披薩都係即焗所以一上菜又熱又充滿香味～上面有炸好嘅軟殼蟹，蕃茄、肉碎、芝士、三色椒，色香味俱全～｜香煎三文魚配蟹肉莎莎鮮蘆筍汁｜三文魚係主角，煎得香滑，魚油香味都好突出，份量大之餘仲配合蘆筍、藜麥，係唔錯嘅配搭～｜雲呢拿泡芙｜雲尼拿夠晒香滑，泡芙順滑易入口，雲尼拿好似雪糕咁融合泡芙嚟食一流～

向來對The point 都有信心保證，今次見佢有時令套餐，仲要係我至愛大閘蟹盛宴，都好奇pizza ,意粉點同大閘蟹扯上關係呢，所以特登訂枱試下。套餐$598 兩人份量又唔會貴喎，先來餐湯，係一碗又大又足料的蟹肉南瓜湯，多到我覺得有半隻蟹的蟹肉，超足料，仲有面層的蟹黃同蟹油，蟹黃味濃郁，頭盤喺意大利炸飯團配蟹粉沙沙，大量沙律菜，配三個外脆內軟的炸飯團，飯團內同樣有蟹粉，好香。到主菜，是蟹王三重奏Pizza，一大隻炸軟殼蟹，估唔到裡面都咁多肉，Pizza上也有蟹肉和蟹粉，材料還有superfood藜麥、火箭菜和沙律菜，中和炸蟹的膩口感，感覺又健康左的Pizza 。另一個主菜係香煎三文魚配蟹粉沙沙鮮蘆筍汁，三文魚超大條，好少見到咁長咁厚肉，魚皮炸得金黃，香脆，魚肉熟度剛好，沾上蟹粉沙沙的鮮蘆筍汁，更香，最後甜品係雲呢拿泡芙，中間係雲呢拿雪糕再加朱古力醬，和新鮮士多啤梨片，好fresh。

最近人人都話食蟹，我都約朋友去九龍灣MegaBox嘅The Point 食個大閘蟹盛宴先。首先一人一碗蟹肉南瓜湯，南瓜味道香濃creamy，食到啖啖蟹肉。然後喺意大利炸飯團配蟹粉沙沙，炸飯團感覺香脆，沙律酸酸甜甜，非常開胃。然後開始主菜，蟹王三重奏Pizza，非常給睛嘅大大件軟殼蟹，多汁肥美。Pizza上蟹肉，蟹粉令質感更豐富，更配以大量蔬菜同藜麥增加Pizza 層次感。另一個主菜係香煎三文魚配蟹粉沙沙鮮蘆筍汁，三文魚煮得皮脆肉嫩，香滑多汁。我非常欣賞配以蟹粉莎莎嘅鮮蘆筍汁，除咗令賣相吸引之外，更能夠帶出三文魚同埋薯仔嘅香味。最後甜品係雲呢拿泡芙，雲呢拿再加朱古力醬，非常滿足。

距離上次來The Point 已經一年多了，今年又和妹妹再回味一下它的pizza。明太子軟殼蟹披薩軟殼蟹鬆脆，餅底煙韌，整塊薄餅都佈滿醬汁明太子，芝士很香很可口，配料還有蝦仁，紫菜碎，口感更豐富 ，味道雙重提升, 值得推薦。香煎虎蝦牛油果意大利香草醬意粉兩大隻虎蝦，蝦肉爽脆香口又彈牙，也不難吃出牛油果的味道，creamy質感的牛油果令意粉更香滑美味，意粉熟度適中, 半熟但不生，非常有口感。黑松露芝士蛋黃醬薯條面頭舖滿香濃芝士，加上黑松露濃郁的味道，薯條又炸得香脆金黃，整盆非常滋味又邪惡。我們點了一杯Iced Oreo Chocolate和 Strawberry Ice Cream Float，對我來説味道都不錯，Chocolate不會過甜，oreo味濃｡ 最後當然加多份甜品才夠滋味，朱古力布朗尼必定是首選，即叫即做，大概15分鐘後，香濃美味的布朗尼呈現眼前，朱古力味醇香濃郁，口感紥實，滿足感爆滿。

Megabox分店最近轉咗新lunch set menu! Lunch set有兩款, express lunch就奉送飲品一杯, executive lunch就連前菜甜品。天氣開始涼, 唔想飲凍嘢, 就加$12轉咗做餐湯。南瓜湯好rich, 仲加咗幾粒croutons, 已經愈來愈少餐廳會咁做👍🏻香草蕃茄醬家鄉火雞肉丸長通粉有驚喜! 首先, 因為超級熱辣辣, 已經加咗唔少印象分。另外, 有5粒肉丸, 而且啲肉丸鬆化得嚟又唔多肥膏, 好食!

去開mega box，揀左The Point 開餐❤️都幾多款色選擇。黑松露芝士蛋黃醬薯條$78薯條厚切，焗至微焦，芝士份量都唔少，趁熱可拉成長長嘅絲打個卡😂溶左嘅芝士沾滿每條薯條，入口有啖啖奶香味，十分邪惡，再加長少少黑松露，味道更添層次。香煎虎蝦牛油果意大利香草醬意粉 $148呢個意粉賣相很有田園氣息。虎蝦有兩大隻，比想像中好食，口感味道同新鮮嘅差唔多，蝦肉爽口彈牙。醬汁牛油果味唔算岀，有陣陣香草味，非常creamy，掛滿每一條意粉，好邪惡。明太子軟殼蟹Pizza 11” $178酥炸軟殼蟹 蝦肉櫻花蝦明太子醬軟殼蟹被炸至非常酥脆，食落啖啖肉，Pizza餅底隨身，新鮮焗起即食最好食。pizza上仲有好多爽脆蝦仁，明太子醬加芝士味道非常夾，芝士拉絲，很不錯呢😍朱古力布朗尼 $68隨熱pan端上，賣相唔錯，有香蕉，合桃，朱古力味很濃郁🥰，唔會好乾，有軟糯口感，朱古力控一定要試😊 雲尼拿雪糕可中和一下甜甜嘅brownie，一口熱辣brownie，一口冰凍嘅雪糕，真係幾正。strawberry ice cream throat $48味道清新，甜度適中，加埋冰凍雲呢拿雪糕，好正。Ice Or

疫情關係多左外賣 小左堂食咁就多左機會試下唔同餐廳堂食絕對比較優勝外賣經歷都係麻麻地明明都唔係full house但係等餐總要等好耐由於只收現金提完款返黎都未準備好外賣餐點好似被遺忘左咁要追問先至入袋但經觀察 食物都ready左一陣啲野食都已經係微溫焗到燶哂乾乾硬硬咁劣吸晴龍蝦🦞Pizza仲有原隻蝦頭可惜純粹吸晴實際配料都唔係好多肉性價比底 以同樣價錢會有其他良心選擇即使即叫即整但冇理由 冇一款食物係熱架嘛😅