波士廳•101

Open Now

Now Closed

1月5日去到圓方icc商場101飲茶，去到icc寫字樓嘅𨋢，行入左手邊會有𨋢直上101樓。呢間茶樓叫波士廳，2個人食咗幾個點心埋單950蚊，當然因為價錢貴啲有係食緊個景，12點左右打電話嚟問使唔使book位要留窗邊位，咁我食開下午茶時段可以避開逼人嘅午餐時段，呢間波士廳同一般嘅酒店飲茶一樣唔會有特價的下午茶時段，但選擇下午茶時段就可以避開人群。風景高，望海一望無際。來到有一枱客，幾人的，我們就是第叧1枱客，之後仲有冇人入嚟就冇留意，這個時段冇乜人幾好坐好傾計，來到覺得個冷氣開得算大，感少凍的，可能另外一台客全部穿西裝關係想要冷氣大啲掛，因為佢哋埋單走咗後明顯將個冷氣關細返啲感覺微涼就正常d。食物～螞蟻上樹餃～我唔食得辣嘅，我覺得佢個香辣好適中，個皮膚晶瑩好食的，剛好唔會太鹹太淡。想叫帶子腸粉佢話賣曬咁就要咗蝦腸，唔記得menu寫咩蝦腸,佢話冇嗰樣蝦腸得韭黃蝦腸，咁我照要，但係到係一條韭黃都冇的皮薄蝦大隻口感彈晶瑩，蝦嘅味道都適中，但腸粉皮冇乜米香味的。鮑魚鴛鴦燒賣～冇我本人討厭嘅肥豬透明粒，味道都係好食，粒鮑魚唔會一食落口就好似打開罐頭就咁食鮑魚咁的味，味道口感算好食。芝士芋角～做到有

強烈建議，如果大家想慶祝、搞聚會、搞event等等都不要book波士廳，因為佢會Last Min打電話嚟叫你改日子或者Cancel Booking，換來不知所措同一肚氣😤😤👉🏻我兩個月之前book定波士廳1🈷️3日同屋企人一齊為老公慶祝生日， 已經book晒窗邊位、留定生日蛋糕、生日牌。點知12月31日除夕下午，波士廳突然打來話佢哋1月3號有人包場，叫我改日子。我同老公慶祝生日要為咗你哋臨時有人包場而改日子？？Ridiculous!!! 😡😡👎🏻👎🏻仲要佢哋打電話嚟係通知你，令人感覺係「係咁㗎嗱～」，好唔舒服、好難受！😠😠時間咁倉猝根本book唔到其他心水餐廳😢😢太過份、太無誠信！希望各位都不要經歷我的不知所措，本來高高興興book位慶祝，最後換來失望同一肚氣！#沒有誠信的餐廳#最伏餐廳#隨時取消你Booking嘅餐廳#最後一刻叫你改時間嘅餐廳#最差餐廳#TheSkyBoss#波士廳101#yumcha

一家四口來飲茶, 點心偏貴但味道好一般, 點心上得好慢好慢, 一個點心上完起碼等5分鐘先上下一個點心, 侍應又唔會主動收碟。雪山叉燒包等咗9個字都未到, 最後cancel埋單走人算，埋單見佢charge咗餐前小食同小食各$28，侍應話係花生，但我連花生碎都無見過最後叫佢cancel咗去。總結就係又貴又無service, 唔會再來。

波士廳午市轉左新套餐今次有驚喜今次竟然有官燕同鮑魚食$1000一個人都唔使我就話好抵食可以喺度做波士嘆鮑魚😂101環境好就係人都知✅望住藍色嘅天空🌈食慾大增😂覺得充滿希望🌈套餐包括有：紅燒蟹肉官燕、燒汁焗鱈魚伴鍋巴、南非四頭鮑魚天白菇、炒飯、糖水。其實都好豐富，食咗個官燕都飽咗一半。鱈魚扒都有驚喜，用鍋巴一齊上，左邊嫩口右邊脆卜卜，震撼味蕾🤪食個中午都可以用刀叉品嚐鮑魚，真係覺得好開心🥳成餐飯都好滿意，價錢合理。今日天氣好好，所以望出去環境好好，自然乜都好。 女服務員又好細心，成日留意住我哋有冇咩需要,好主動幫我哋加茶。

今天週日，我們是第三還是第四次到波士廳飲茶。上菜速度很好，快，新鮮。服務態度0分，甚至是負分。事件1⃣️：餐桌旁開了暖風機，我們按了一下，竟然惹來侍應立刻過來訓斥「唔好搞壞部機，你地可以叫我地搞」，接著邊走邊低聲在我們身後咕噥「都唔知有無整壞…」事件2⃣️：我們結帳查看收據，當發現多收取款項後，侍應竟然竊竊私語，還和其他人低生交談，再往下我們。這個讓我們感覺很不好受，一所在ICC的餐廳，一所米芝蓮餐廳竟然如此表現。深感失望。真的不會再有下一次，很失望！非常不友善的服務態度

一間收費不便宜的餐廳，再配合幾位服務態度非常惡劣的職員。服務態度同隔離執咗笠嘅龍璽冇得比。以前我地差不多每星期都去龍璽，偶然一兩次會試吓波士廳，”龍璽”執咗，所以再想去多次試下(好的話咪星期六日翻翻黎囉)…..過往佢地”都好似”好忙好唔得閒理客人。(其實都係得幾圍枱姐😅)今次經理不尋常地經常望實我哋呢圍枱，又背後竊竊私語同其他同事討論我地check單，又話我哋小朋友整壞部風扇 (我地一到步已經想轉郁佢，但係個掣根本冇反應)…其實講都無問題，你行去我地睇唔到聽唔到嘅地方慢慢講，但竟然蠢到一路行一路係我地隔離講，聽到個下尷尬。真係令人反感嘅員工。我哋嚟得呢度食就當然會期待有好嘅環境，好嘅食物，好嘅服務態度。如果唔係我哋都唔使成日過嚟呢度食。(玻璃心又好乜都好，飲餐茶俾幾千蚊嘅價錢就唔會expect咁低素質嘅service 😌)希望管理層或者老闆們會睇到我哋呢個留言，提點下佢哋嘅同事整頓下佢哋嘅風氣。食物也不算最好味和驚艷😅😅

#chuchu食在尖沙咀📍 波士廳•101 母親大人生日緊係要帶佢食好西！book左lunch係ICC 101樓食，之前聽人講話ICC啲餐廳又貴又唔好食，可能prepare for the worst所以最後又唔係咁差，都幾好食！最緊要景真係好靚，俯瞰九龍，咩都抵番曬！不過第一次黎可能要預時間行上黎，上到咁高路程當然要行行啦🙈咁呢啲餐廳都預咗唔平架喇，$100個點心正常，不過物有所值的！—————————————————————❣️ 螞蟻上樹餃 $98賣相好特別，餡料好滿，有啲似蝦餃，不過係XO醬，辣辣哋好惹味！🐷私心推介記得加埋佢放係枱面嘅辣椒菜脯更出色！.❣️ 芝心海皇荔芋角 $88🐷媽話出面小有試下佢，有驚喜！出面炸到脆卜卜，入面有流心芝士、蝦同芋泥，唔會話好漏！.❣️ 酥皮雪山叉燒包 $833個叉燒包！香脆外皮，配熱辣辣叉燒內餡，加埋個包都烘到好脆，好食！.❣️ 翡翠帶子腸粉 $99呢個就冇乜特別，真係有帶子係裏面！比你自己落幾多豉油.❣️ XO醬煎蘿蔔糕 $88餐牌話需時20分鐘，都真係等左陣，師傅將一粒粒蘿蔔糕砌到好似座山咁，好靚，味道都唔錯，辣辣地好惹味！.❣️ 鮑汁鳳爪 $10

前傳: 十幾年前工作上認識 “老闆” 同埋 “大秘書”, 記得當年喺紐約一齊睇住 “雷曼兄弟” 爆煲, 往事只能回味.🤗 幾年前偶然食過中環波士廳, 一般般, 後來 “大秘書” 爆料: “波士廳” 係 “老闆” 嘅飯堂. “老闆” 因為我呢句 “一般般” 再同我食一次, 老實講, 見到 “老闆” 乜都好食.🥢 波士廳於2015年搬咗上ICC 101樓, 望城市海景, 落雨大霧就變咗雲景, 高級裝修, 環境一流. 近年同 “大秘書” 食飯都係去 “波士廳 101” (The Sky Boss). 今日N訪, 點咗午市商務套餐, $598, 追加咗鎮江小排骨.🦐 波士點心拼盤. (1) 貴妃鱈魚餃. 第一次食, 皮薄, 味道正常, 創意加分. (2) 鮮萵筍蝦餃王. 皮薄, 蝦肉實淨, 口感充實, 唔錯! (3) 蒜香蝦春卷. 脆口, 唔油, 餡料出色, 值得推介!🥰 生磨杏汁燉白肺湯. 夠熱, 味道濃郁, 杏仁味啱啱好, 非常出色!🐟 豉油王煎鱈魚扒. 雖然炸粉略厚, 脆皮效果OK, 豉油味出色, 滲透魚肉, 少少偏鹹, 整體唔錯嘅.🐖 追加: 鎮江小排骨. 呢個版本係炸脆咗嘅, 排骨夠

I simply cannot understand why the service here is so bad. All their waiters are so rude and impatient, and they often gather in groups and chat loudly amongst themselves. The view is great, which is a given, but food is also just mediocre. The sky boss fry rice was the most delicious dish, it was fragrant and not too oily. The dim sum dishes were not that appetizing though. To be honest, the fried dish tasted a bit stale.

今天我家哥哥女兒出嫁，用ICC用邊消費餐飲用善，到了此餐飲用善由我入單到出餐時間，竟然可以用40分鐘~60分鐘以上先可以出餐，眼看在傍其他顧客遲進來但較我可以用善，感覺到在香港高尚地區消費，竟然有如此不乘正比的服務………………

晚餐：杏汁豬肺湯，正常不錯；海盜粉絲蟹煲偏咸，性價比十分低；蝦多士一咬成口油；其他餸菜，包括咕嚕肉、豆腐煲、上湯浸菜味道跟普通中低價酒樓無異；白飯要提早叫，否則食完餸飯都未蒸好；招呼欠俸。不會再光顧，可惜餐廳辜負了靚夜景。

人均消費8xx. 食物質素可以睇相就知.一台6個人，去第2到食應該可以有更高品質同服務。食完一碟，超快收野都算，喺個客後面上菜，叫個客keep住唔好太大動作因為要上菜。其實旁邊有位囉？！之後有碟飯未食完，叫我地食埋佢，佢要收野🙄 野食普通到一個點都算，服務又無，好啦，食環境，都無，裝修好老套，個夜境反晒光，都明既有玻璃。所以，玩上黎既話就算數啦。我見其他食評講到甘好，可能我唔係叫點心囉。甘我建議夜晚唔洗黎試，真係無咩值得試。

今日係我阿媽嘅生日，所以我就特登食貴啲。環境好豪華，但係個廁所就要走好遠。居高臨下，可以遠眺九龍半島。食物方面，選擇豐富，樣樣都好好食😋其中胡椒麵包蝦用春卷皮切絲再包住隻肥蝦來炸，外脆內爽，仲有胡椒嘅香味，亦都炸得好乾身，令人垂涎三尺，一試難忘。但係，講到令我食個不停，就必數押上店家名堂嘅波士脆皮雞，皮脆肉嫩，必試無疑！講到價錢嘅話，就相當之波士！😮‍💨！服務態度超級好，仲有免費糖水食，超正！最後我哋叫咗一個超靚嘅甜品🍮 就係壽桃！

上星期六跟家人來，今星期六再跟朋友來，好味的重覆order,也點了些別的 #龍蝦湯鮮竹卷 #黒松露帶子餃 #蜜餞風膳球 #西班牙黑毛豬ChaSiu #蕃茄豆腐魚湯 #黑金流沙包 #松露野菌素雞肉餃 #石榴陳皮牛肉球 #鳯尾蝦蘿蔔絲酥 唯獨$298的cha siu最普通 魚湯好味但$138 略不值 點心🥧還是性價比較高 。旁邊枱的客人點小菜，蝦 蟹煲 乳鴿 跟我們吃點心完全不同 甜品有荔枝蒟蒻 既特別又好味 想encore, 還有竹蓆茅根水 清甜的

同屋企人嚟飲茶，喺呢個地方再加上個偏貴嘅價錢，自然會有所期待，但點知服務同埋啲點心嘅質素同普通屋村茶樓差唔多，甚至可能更差！個雪山叉燒包普通到不能再普通螞蟻上樹餃個皮偏厚，餡嘅蝦肉都ok ，整體可接受蟹粉小籠包，好少少過超市個啲急凍小籠包黑金流沙包，真係流沙嘅，做到基本要求正正常常嘅帶子腸粉波士炒飯，不堪入目，啲飯偏乾，啲蝦淋嘅，懷疑死去多時而且死後冇適當處理，我喺超市求其買包急凍蝦返嚟炒都好過佢鳳尾蝦蘿蔔絲酥，催左幾次單先話炸到出嚟，一咬落去，哇，啲蘿蔔好似啱啱喺雪櫃攞出嚟咁凍，唔敢再食除咗食物之外，服務都好有問題，而且漏單情況嚴重。可能人手唔夠，好多時想搵人幫手加單或者跟進漏單都要叫好多次先得。埋單個陣都要等好耐，但後嚟知道原來因為電腦壞左要人手寫單計數，咁都體諒嘅。總結成個用餐體驗得兩樣嘢係欣賞嘅，第一係個景色，第二係肯主動唔計個蘿蔔酥嘅錢。5個人埋單三千幾蚊，可以有更多選擇。