好叉燒魂

Open Now

Now Closed

知道有曾於米芝蓮餐廳任職嘅主廚坐陣，即刻過嚟試吓叉燒有幾燒魂！餐廳比舊式燒味店舒服得多，店舖裝修新淨企理，有2-4人桌，亦有1人自私桌，而且有自助落單。黯然銷魂飯精選半肥瘦叉燒，以爐火微微燒焦，外焦香內軟腍，肉質完全唔柴。蛋可選太陽蛋或煎熟蛋。燒鵝油雞飯，鵝汁菜心燒鵝皮就唔算好脆，可能我哋太夜過嚟，不過仍然有光澤，肉汁多不帶腥味，配以酸梅醬食。油雞都浸得幾靚，夠滑嫩，配上薑蓉自己沾來食。善用埋鵝汁，用來煮菜心正！羅漢果茶餐飲除咗一般汽水 竟然仲有羅漢果茶，清熱潤肺。🛎️必試指數：8/10🔆

❤️‍🔥= 極度推介的單品✌🏻🍚大滿貫燒鵝五寶飯 $80-轉米粉-燒鵝-燒腩仔❤️‍🔥-叉燒-紅腸-咸蛋加煎蛋 +$8凍奶茶 +$5🔸本身好鍾意食燒腩仔，而聽講呢間燒味小店有好正嘅脆皮腩仔食，就嚟咗一試！想講，啲腩仔真係超！驚！喜！好似真係無食過咁脆而保持到厚身嘅腩仔脆皮，一咬落去係卜一聲勁好口感，而腩仔本身肥瘦均勻適中，水準接近滿分😍餐廳嘅燒腩係用太空爐二重燒製，保證咗大家外賣買返去五個小時內都一定仲係脆口，所以放工斬料都唔驚佢會淋咗～🔸另外啲燒味就正常水準，燒鵝唔會太肥，個皮一樣係脆身。電子落單時叉燒可以揀要半肥瘦，燶邊都有得揀～

上堂之前想食個快飯😌喺鰂魚涌站行幾步就有間燒味舖店舖唔算好大 但佢有外賣自取code 方便落單😉🥡.🌟黯然銷魂飯黯然銷魂飯絕對係香港嘅一大特色🤩兩隻太陽蛋嘅蛋黃半熟流心🍳將叉燒點一點蛋汁食係另類嘅享受～🤤而且蛋邊仲煎得香脆 半肥瘦叉燒亦都啱啱好腍得黎又唔會太肥🤭.🌟至尊燒鵝腩仔雙拼飯一上枱已經見到燒鵝好有光澤🤩燒鵝有薄薄嘅脆皮 仲好香油脂 送飯一流腩仔亦都係一口size 香脆嘅皮同加上腩肉好好味😋.🌟上湯菜心🥬加多$16 就有個菜心 點埋就更加健康😙.🌟檸檬茶/香滑奶茶☕️.店舖用手機落單 而且有好多選項📲例如叉燒可以揀肥叉、瘦叉或者半肥瘦啱晒有要求嘅朋友😎

朋友介紹喺鰂魚涌有間由曾在在米芝蓮一星大師主理嘅燒味店更用太空爐來烤製燒味試過之後果然好食 值得回頭😋至尊燒鵝拼燒腩仔飯（$63）燒鵝皮脆肉嫩 食到鵝香🦆燒腩仔外皮非常香脆肉質亦半肥半瘦岩岩好 食落好香口🤤 醬汁份量適中 唔會搞到個飯好油同原隻妃雞髀拼燒腩仔湯米粉（$70）妃雞髀本身皮下帶少少啫喱狀嘅質感 食落幾爽滑 雞味幾香濃肉質亦嫩滑 肥瘦適中調味岩岩好唔會好鹹店舖環境都舒適乾淨 坐得舒服住港島嘅朋友不妨試下！

朋友推介我食呢間燒味飯，話性價比唔錯。門口牆壁夾壁畫咗各款燒味飯好逼真。大滿貫燒鵝 五寶瀨粉一次食晒皇牌燒味-叉燒同燒鵝，仲有紅腸同油雞，份量幾多，小確幸係食到燒鵝髀，外皮香脆，滿佈香濃鵝油，啖啖肉，而油雞雞肉嫩滑。黯然銷魂飯 可以選唔同嘅蛋，叉燒可以選擇半肥瘦/ 肥/ 瘦/燶邊，個人比較鍾意半肥瘦梅肉。 店內設燒味工場同太空爐，幾入味，一上枱聞到香濃嘅叉燒蜜糖焦香味，唔嚡口，幾厚切。加上湖北蛋 蛋香味較濃 ，流出蛋汁。

不過餐廳係QR 落單! 啱晒我呢啲唔願講嘢既I人! 備注選項多！我簡左鵝髀免斬+半肥瘦叉燒!🍛如果客人落唔到單⋯店員會主動幫手!!🫶🏻🫶🏻當店員上菜! 驚喜一幕突然出現左😳原隻燒鵝髀大得有夠誇張‼️‼️‼️應該啱啱出爐!! 外皮色澤飽滿!! 隔離檯客人都忍唔住過嚟影!! 📸📸📸仲話下次一定要叫!! 小店氣氛變得熱鬧左🤭鵝脾皮脆肉嫩！建議趁熱直接用手拎住嚟食! 鵝油滲透白飯!! 好ok !!🤤🤤半肥瘦叉燒加上少少的燶邊!! 街坊們大推!!咬落鬆軟且多汁!! 配搭薑蓉&白飯食更加完美👍🏻👍🏻🥬健康配搭埋鵝汁菜心！咬落新鮮爽脆! 全餐飯嘅美中不足就係例湯中午已經冇晒🈚️🈚️🈚️整體嚟講餐廳既燒味真係好高質! 值得推介🤤🤤

前排經過這家小店眼見人潮湧湧，多人排隊，所以都沒機會試，今次終於食到了🥹.聽聞是一位曾在米芝蓮一星及其他人氣燒味店任職的燒味大師在此自立門戶，店內設有燒味工場, 更有太空爐來烤製燒味，足以展現大師的專業與講究👍🏻.𐐂燒味自選組合 (雙拼) 𐐚.。食品。.❥ 叉燒油雞白飯店家的叉燒是採用半肥瘦梅肉，香甜嫩滑，juicy入味，外層燒至焦香甜甜的蜜汁滲入飯粒當中，更是滋味無窮🤤而油雞色澤亮麗，醬汁調得不錯，鹹香十足而沒有蓋過雞味，雞肉鮮嫩香口.❥ 腩仔燻蹄白飯燒腩仔外皮香脆，驚喜的是沒有預期中的。。。過鹹😂肥瘦適中，入口時帶有油脂的甘香，同樣很下飯🍚🥢燻蹄外皮煙韌兼Q彈爽口，膠質豐富，肉質細嫩，同時帶有微微的煙燻香氣.。飲品。.❥ 檸檬利賓納友人點的，意外的不會過甜，酸酸甜甜幾解膩.❥ 可樂.𐐂總括𐐚.用料新鮮，從調味及火喉的把握方面亦看得出大師的真功夫，奈何乳豬和燒鵝太搶手，已經賣光了🥲希望下次早點來可以食到🫠.(人｡◕‿‿◕｡)歡迎來追蹤我~ FOLLOW FOLLOW ME ❣ 喜歡的就給個贊👍🏻鼓勵支持我👉🏻👈🏻

鰂魚涌有間好特別的燒味店，店舖外牆仲有好特別的彩繪。店內有自家燒味工場，用太空爐燒製出嚟的叉燒更加美味，店內有堂食位置必食 [ 黯然銷魂飯 $63 ] 最梗要就係揀半肥瘦的叉燒，嫩滑軟腍，食落有咬口又鬆化，食落又唔鞋口，好多肉汁，邊位少少脆又甜甜地；再加叉燒上蛋香味較濃的湖北蛋，我就揀咗煎蛋，大大隻好足料，再在蛋上淋上醬汁，就更加美味，( 可轉太陽蛋或反蛋 )；另外我選擇了少飯，除咗飯外，可轉米粉或瀨粉揀開胃小食 [ +$22 蒜香拍青瓜 ] 一碗份量滿滿，新鮮青瓜切片，滿滿蒜蓉，越食越惹味，青瓜口感爽脆，越食越開胃，正跟餐配 [ +$7 支裝羅漢果茶 ] 濃郁羅漢果味，入口清新爽口，味道唔甜[ 人氣四寶飯 $60 ] 四寶有叉燒、白切雞、紅腸、鹹蛋黃，叉燒當然都係選擇半肥瘦，嫩滑軟腍，甜甜又多汁、白切雞肉質嫩滑、紅腸口感細膩、鹹蛋黃當然要拌飯一齊食，口感豐富有層次跟餐配 [ +$9 檸檬利賓納 ] 夏日清涼飲品好叉燒魂鰂魚涌英皇道860-878號麗都大廈地下B及B1號舖

🔖黯然銷魂飯 HKD63超正嘅煎蛋叉燒飯，蛋有三款，包括太陽蛋、煎蛋同熟蛋，任君選擇。太陽蛋煎得燶邊，蛋黃流心，蛋味香濃，撈飯一流。而叉燒好好食，燒得燶邊香脆不在話下，甜甜嘅叉燒味令人開胃。想食高質叉燒就要試下啦🥰🔖雙拼燒味飯 HKD58有好多選擇，今次揀咗燒腩仔同貴妃雞。燒腩仔真係冇得輸，舖頭嘅燒腩仔主打二重燒製，外皮幾個鐘都keep住香脆，食落皮係脆的，絕對唔淋，非常香。而腩仔肉都好有咸香，肥瘦均勻。貴妃雞雖嗌咗雞胸，但唔會好老好柴，加上香濃嘅蔥油，確實唔錯。🔖礦泉水 HKD+3🔖凍檸茶 HKD+5

史努比平時好少食燒味飯 通常食都系陪細佬👦🏻架姐🤣因為佢系個超級叉燒fans今次帶咗佢去鰂魚涌嘅一間小店喫飯🤭👍🏿黯然銷魂飯 $63話明佢系叉燒迷吖嘛 梗系嗌返個黯然銷魂飯比細佬👦🏻值得一讚嘅系佢可以比你揀要燶邊叉 半肥瘦或者瘦叉 連多汁少汁 要唔要薑蓉呢啲都有得自己揀🤭細佬👦🏻揀咗半肥瘦燶邊叉叉燒有5-6舊 夠厚切😚食落超淋身😳系完全唔韌嗰種少少鞋都冇 一咬就咬得開🤤仲有啲肉汁燶邊位少少脆口 甜甜地帶啲蜜香史努比覺得佢肥嘅部位比較多 所以稍為偏油但又真系幾好食😂所以肥都要食!😛飯量唔少 另外有兩隻燶邊太陽蛋(可以揀荷包蛋/全熟蛋)同兩條菜心史努比就嫌佢啲飯淋咗啲 如果硬身返啲佢應該值9分🤭味道: 8.5/10性價比: 8/10本身細佬👦🏻想食乳豬同燒鵝 點知佢兩樣都賣晒 真系可惜🥲所以嗌返叉燒🤣👍🏿燒味自選組合 單拼$52 雙拼$58白飯轉咗濃湯米粉 湯底幾清~米粉幼滑 帶啲咬口 唔錯😚叉燒同頭先嘅一樣 但薄切少少 不過都唔會話好影響味道 依然好食😋妃雞似髀位 皮下帶少少啫喱狀嘅質感肉質嫩滑 調味亦適中 唔會太鹹👍🏿但就略嫌佢油咗啲🥴味道: 8/10性價比: 8.5/10👍🏿上湯菜心

在香港要找到燒味店不難，但一間無論店名還是舖面壁畫都很特別的就少見了。 位於鰂魚涌的好叉燒魂不止有用太空爐燒製的燒味，還設有堂食位置。下午2點半過來有 HKD47 起的下午茶，這時間的客人仍然是絡繹不絕。對比起附近的茶餐廳，港式燒味好像更得歡心。下午茶燒鵝 (HKD 47) 另外再加了個 燻蹄 (+HKD 6)燒鵝肉味很濃，吃落滿有油香但不羶。微脆的皮再加上保留了的肉汁，不會乾柴。薄切的燻蹄外皮爽口，配上酸醋味薯柔和的蒜茸醋一起吃清甜爽脆。若果不想吃飯，可以選濃湯米線。這裡米線的入口很有彈性。來到燒味店又怎可以少了 黯然銷魂飯 (HKD 63) 標準的黯然銷魂飯是以叉燒再加上太陽蛋再淋上醬汁的一碗飯。這裡有兩隻蛋味濃郁的太陽蛋，也可以選要煎蛋或是反蛋，另外我這碗叫了少飯。叉燒亦能夠選擇要肥點定瘦點，最後揀了半肥瘦。採用梅肉燒成的叉燒加上少少的燶邊，入口鬆軟且多汁。可以加錢點 鵝汁菜心 (HKD 20) 菜心很翠綠﹐咬落爽脆。淋上鵝汁讓味道變得更香濃且富有鵝油香氣。不含味精的老火例湯 +HKD 5，都有不少湯料的喔。跟餐亦可以加錢點其他飲品 -  檸檬利賓納 (+HKD 9)。

今次我去咗鰂魚涌一間好出名嘅港式燒味餐廳，試咗佢哋嘅燒味自選組合，真係好滿足！💖首先講下雙拼叉燒，叉燒嘅色澤金黃誘人，咬落去肉質非常嫩滑，甜甜嘅醬汁同肉味完美結合，實在係唔可以錯過🤩👍🏻✨而紅腸就係佢哋嘅另一個亮點，肉質緊實✨至於幸運三重彩，味道都唔錯，份量又十足，絕對夠食😋而腩仔叉燒就更加令人驚喜，油脂分佈得好均勻，咬下去好Juicy，唔會太膩，搭配白飯食更加完美。😆🤍整體嚟講，呢間餐廳嘅燒味真係唔容錯過，無論係味道或者質素都非常出色。如果你係燒味愛好者，真係要去試下！下次我一定會再嚟，仲想試其他燒味！🌻💛

#鼠尾草食飲玩 #sagefoodiehk必去🙌🏻 × 燒味🔥 × 香脆🤤呢間位於鰂魚涌嘅燒味舖必去🥰！自家製嘅燒味真心手勢好，夠香又夠脆口。舖頭主打廚房裏面有太空爐炮製燒味🔥，半肥瘦叉燒會三段式咁燒到燶邊，而燒腩仔會二重燒製，令到脆皮keep住長期香脆🤤。至尊燒鵝飯揀咗雙拼埋叉燒，同埋加購飲品。燒鵝外皮燒得夠脆夠香，裏面肉質好好，重點係超重油香感覺，好好食😋。叉燒係半肥瘦，口感好正。而且邊位燒到微燶、好香，亦都食到蜜汁嘅甜味，超級餸飯✨。雙拼燒味就揀咗叉燒同埋燒腩仔，同樣有優惠價加購飲品。呢度嘅燒腩仔出品好好，食嘅時候超級酥脆，脆皮唔會淋咗😍。揀咗配瀨粉，烚出嚟嘅口感都啱啱好。💰至尊燒鵝飯(雙拼套餐$70)💰燒味自選組合（雙拼套餐$65）

系附近做完嘢，經過嘅時候俾佢外牆好吸睛嘅燒味painting吸引左，加上好耐冇食過燒味，就決定食呢間🍽️ 大滿貫燒鵝五寶飯（$80）如果想試哂唔同燒味嘅話，我會推薦呢款；入面有齊晒燒鵝、叉燒同燒腩仔，仲有紅腸同咸蛋，每樣燒味份量唔少；燒腩仔經過太空爐兩重燒制，皮脆肉嫩；燒鵝皮脆但如果鵝肉再嫩身d就完美喇；個人認為燒腩仔同叉燒比較出色🍴 黯然銷魂飯 （$63）叉燒燒得香氣十足，外層帶有香脆嘅燶邊，佢用咗半肥瘦梅肉，肉質肥美適中而不膩，而且非常入味；加上煎到脆邊嘅湖北蛋，蛋香味濃，兩者夾埋係絕配🥄老火靚湯個湯對我嚟講有驚喜，因為飲落口令我諗起屋企煲嘅湯；無落味精之餘亦好足料，有大大隻雞腳，1/3隻手掌大嚿嘅豬肉同蟲草花，而且跟餐加$5就可以飲到🥗鵝汁菜心（$20）菜心份量頗多，而且灼嘅時間啱啱好，仍然保持翠綠唔會老身，鵝汁味道偏淡，但個人認為配上濃味嘅燒味飯就啱啱好

經過鰂魚涌見間燒味鋪幾多人幫襯，又去試吓，結果一試愛上❤️ 下午茶時段自選燒味飯仲減$10，一定要試！🐷叉燒腩仔雙拼飯($58)，叉燒揀咗半肥瘦，亦有瘦叉/燶邊任君選擇，非常貼心🥰 半肥瘦梅頭豬肉脂肉均勻，肉質香軟，蜜汁夠多，一試難忘❤️ 燒腩仔外皮脆卜卜，肉質軟腍，幾好食😋 本來想食乳豬，可惜冇供應🥲 改要🪿至尊燒鵝油雞雙拼濃湯瀨粉($63，轉鵝胸+$8)燒鵝外皮微脆，一咬香濃鵝油滲出玫瑰豉油雞淨係睇賣相都知好食，仲要係雞脾肉🥰 雞肉好嫩滑，整得好入味😋本身想飲老火湯，好可惜賣哂🥲 加配菜芯($16)同熱菜蜜($3)餐廳採用手機落單，環境光猛企理，落單後好快上菜呢個價位有咁高質嘅燒味，下次可以買返屋企加餸，推介👍🏽