碼頭故事 (Moved) New Location

聽講是一間都幾正宗的四川打邊爐，所以一家人都去試下😎結果真係幾好食😋醬料不用出去拎，都放晒係台面上面可以倒 唔夠仲可以叫店員加🤣店員幾親切有禮貌 ，火鍋湯底都好好食😋成餐飯都好滿意，食完仲有7折，真係抵食！成餐飯有好多野食都沒有影相 記得冬瓜片是切到好薄 好快食得 吸晒湯汁 都是水準之作！仲有鴨舌都好新鮮好好味，每一個鴨舌都不是只有骨 都帶好多肉下！好好味自己好鐘意食鴨血的關係，呢間的鴨血真的相當滑，不似溝左豬紅/雞紅的感覺 所以仲encore左一次！正

佢地嘅裝修好特別 但望落就有啲暗😳 食物嘅款式都算多 有唔同嘅肉類✧菜類同海鮮等🦪 先講下我地叫得最多嘅肉類🍖 肉質都尚算細嫩而且份量唔會少😚 最正嘅係份羊卷肉🐑 食落有好濃嘅羊味而且好滑👍🏻 至於個湯底 蕃茄湯比較淡 而麻辣湯底就十分惹味同香🌶 但烚耐咗 個湯底變到好多油🤭 影響咗之後食物嘅口感除咗肉類之外 其他都普普通通😬 坐耐咗會唔太舒服同覺得好焗 因為張凳好硬同太多蒸氣了🥺💨 ❤️環境: 2.5/5❤️食物: 3/5❤️價錢: 2.5/5

今次係第二次食，記得第一次食感覺良好，無論係餐廳環境定食物都好好。印象中第一次係食中辣都好辣，但今次一樣都係中辣，覺得下一次可以試大辣。今次帶朋友食，佢地都覺得好好食，話香港好少搵到呢啲重慶火鍋。入到店內就好似真係去左成都咁。食完第二日已經又想再食啦。4個人食，叫到成枱都係。味鴨血係必叫，切得厚薄適中，2分鐘就食得，好滑。麻辣牛肉好食，夠麻。炸饅頭好似係近排先有，每逢去親食飯見到炸饅頭仔就一定會叫。炸得好脆。仲有好多菜都好想試，不過已經又飽。麻辣湯底最岩就配薯粉，癲到叫左2份。仲有個手工筍片，佢地切得好薄，放入去幾秒已經食得。呢一間火鍋店暫時係我最愛，排名第一位。希望可以keep到水準。不過可能疫情關係當晚人手較少。

我同朋友都係喜歡吃內臟及嗜辣 毛肚 黃喉 竹筍(不是䈑筍)都爽脆 忍不住要加單 田雞煮久點肉仍嫩 豬腰也不錯吃 緊記毛肚只能快灼 一米腸可能控制不好火喉 稍韌 最不喜歡係牛舌因為實際係牛舌絲 沒口感 還有那長板凳坐得人屁股痛 要忍下

數月前在對面樓上鋪吃韓燒時，發現了這成都火煱店，看來佈置很特別，一直想來試試！行動時竟然發現近日有幾個負評，不敢約朋友一起來又見OpenRice 訂位有優惠，便膽粗粗兩口子來試吓入內感覺良好，員工很有禮貌。古色古香，坐位尚算舒適。食物款式不少，價錢也合理，恰到好處近期吃過「渝」和「劉」的麻辣火煱，但覺得這家的麻辣湯底最香！最讚推介：果蔬豬肉丸 - 新鮮手打、混有菜粒，很清新千絲牛舌 - 混了很香的麻辣醬，很香而不辣，好吃黑豆花 - 有豆味和質感，並不是冰鮮貨一米肥牛 - 牛放在長條板上很特別，而且份量很足一米鵝腸 - 一個字，型一定要再來

幾日前同朋友聚舊食飯，千揀萬揀...揀左呢間🤦🏻‍♀️首先朋友訂枱時無講話要有限時交枱，點知去到餐廳時就突然話要2小時內交枱食到尾段突然枱上出現曱甴，即時叫職員，職員冷靜拍死曱甴後，乜表示都無，一句”唔好意思”，”對唔住”都無！施施然咁走咗去。重點🔴🔴🔴個個食完都肚痾！我本人，痾足幾日，睇完醫生，到今日都仲未好番！！！我食完當晚已經肚痛胃痛又痾又作嘔！已經唔想評論佢d食物質素，環境舒適度，職員態度等等，淨係衛生已經做唔好就已經係罪大惡極

朋友聚舊，大家都鐘意食辣，見碼頭故事名字同裝修都幾特別，而且openrice都好多好評，就決定一試。我地平時總係會叫好多野食，但今次對住張餐單，望左好耐都好似冇咩好點，選擇好少，有 d失望。鍋底揀左鴛鴦，湯底冇咩驚喜，一般般。食物都係叫左 d大路野，比較特別係麻辣牛肉，哩個都幾嫩同入味，另外西洋菜餃，墨魚滑都吾錯，幾好味😋。另外，哩度有支裝冰糖燉檸檬，好似未遇過其他餐廳有，都好飲吾太甜👍但最驚嚇係差不多尾聲，突然有隻小強喺檯面出現😵 即刻同店員講，佢地都有即刻整死佢同收走附近未食完嘅食物。但就冇道歉，冇話換過碟食物之類，好似冇咩特別咁。不過我地都冇心情再繼續，所以即刻埋單。雖然食市有小昆蟲好難免，但睇住隻曱甴係檯面 d食物旁行，真係咩 mood都冇晒，亦破壞左成餐飯嘅感覺。

今次係我第5次食呢間碼頭故事，第一次openrice 卜有7折，叫完野食黎到，某啲野食係比之前正價少咗，呢樣都算，到賣單時見到單茶芥加油碟要50蚊一位，佢暗地裏又減少食物，又加價，賣單時見到真係覺得勁搵笨，之前係20蚊一位茶芥加油碟，如果佢咁計，十個人去佢米先收500袋落袋先，到我比信用卡時又話只收現金，因為比左7折，我打開openrice 再睇T&C我睇唔到囉，間野poster係有寫，但佢個個係比walk- in客，好彩咁岩夠錢係身比姐，想另人尷尬死嗎？就算7折左間野本身貴都唔會平得去邊，個店員仲要係度解釋，因為收信用卡銀行遲幾日先比番錢佢地，佢地會遲幾日先收到錢同銀行會收佢手續費。我係食客，你本身整咗有卡機有呢個服務比客人，我唔係唔比錢，我理得你同銀行方面點樣。至於野食方面，佢地既麻辣小群肝確實唔錯，好食，湯底同其他配料都正宗，但湯底唔夠麻，辣度係夠。麻辣牛肉可以唔叫，好*un *，墨魚滑都唔掂，唔彈唔爽

讚1. 環境闊落，抽氣強2. 服務好，又提客載圍裙又叫客放袋入籃咁，以火鍋店黎講係幾好3. 辣湯底香，內臟類處理得好，牛胃爽脆唔韌；餃子足料彈1. 有七折訂位，但無叫任何海鮮同貴野都去到每人近四百，實在係貴，仲有醬料費貴得出奇2. 牛肉真在唔鍾意呢種滑牛質感，炸卜肉都無果種漲卜卜又爽口既感覺

今次要介紹既係黎自四川成都既火鍋店，黎到緊係食麻辣火鍋！未食都聞到香料同麻辣油香，辣度岩岩好入口又唔會太麻，正🤤出面打邊爐都好少見有鴨腸。佢地既一米鴨腸有成一米長，無鵝腸咁肥，新鮮爽脆👍🏻醬料用芝麻香油 淨係加蒜同蔥已經不得了😜 不過個人覺得偏貴，好彩而家做緊七折！-🔹招牌牛油鴛鴦鍋 $138🔹一米鴨腸 $88🔹鮮切牛肉 $118🔹羊肉卷 $98🔹五花肉 $68🔹鮮鴨舌 $38.📍碼頭故事 (尖沙咀)尖沙咀寶勒巷3號萬事昌廣場1樓101號舖

湯底夠晒麻辣好味 成餐飯都ok OpenRice 訂位有7折，只不過賣單時見到（茶介及漿油每位50大元）點餐紙都無寫仲要係冇茶飲🤭 我哋兩個人食飯無啦啦就要比多$100 🥵 唔想比7折人咪直接d 比8折9折，都唔好計左7折後茶位加到50蚊嫁，感覺好差嫁。我後來睇返OpenRice既相，半年前都係$20一位。 又要比折吸引人去平比人，但又係第到屈返你錢，我明搵食艱難，但咁既營銷手法唔老實喎。😅😅😅😅😅

生日飯聚，好彩剛剛過咗限聚令，而家可以有最多八人，今日我哋有七個。呢間餐廳裝修好靚好中國化。味道都不錯揀咗個兩個湯底，一個麻辣一個應該係豬骨😅因為是朋友選的食物方面嗌左肥牛（唔知邊隻品種不過好食）鴨血紅，鵝腸丶羊肉、豬腩片丶響鈴、冰菜.....等。最特別係食咗一個叫做牛喉嚨，我冇食過不過佢哋話好爽口好食。其實仲有叫左好多，不過我唔記得影相淨係掛住食😅😁其實我哋都食咗好多嘢，買單大約$300一位其實都幾平我自己覺得呢個鴨血紅配麻辣火鍋簡直冇得頂👍🏼

對上一次食川式火鍋已經係大學時去重慶交流既時候。本身食唔到辣既我，同中同叙舊試下新野。平日多數食開任食果d邊爐，今次試下叫呢d睇下有咩分別。平時我地用豉油，咁佢呢就用麻油+蠔油+蔥+莞茜，咁樣食法都幾香。野飲叫左呢個，打邊爐點都要清下熱。咁我都冇點食辣，哈哈，因為一食就要狂飲水。叫左好多平時唔會食既餸。最令我難忘既係萵筍片，真係好fresh好爽口好好食。脆皮腸煮完會變左8爪魚咁，開心度加分。餃子and豆腐都ok喎。佢d野食擺得幾好睇。魚皮係鮮炸，仲有個甜品入面係紅豆餡。呢次係唔錯既體驗，食物質素都唔錯，當然價錢有7折都唔算好平，不過一分錢一分貨，都係值得一試既邊爐店。

突然同老公想吃四川火锅，系openrice见到码头故事的评价都唔错，决定一试。Openrice book位有7折。鸳鸯锅底138，拣左牛油辣锅底同大骨汤底。牛油锅唔系太辣，比较香。肉类点了安格斯牛（7-8片158），望落油花均匀，肉类新鲜。重点推荐脆肉皖片（68定78），比较新鲜所以肉质很脆，本来想点脆骨腩，已经售罄，下次要试下。还点了鹌鹑蛋，油麦菜。最后不够饱点了牛肉丸，埋单两人460（七折后）。

好耐之前去過食過一次，覺得好好食，份量都算合理，而且仲有購買現金卷。今日再去，雖有七折，但份量少左，味道冇之前咁好，整體質素都下降。食物依舊比起任食火鍋好好多，但性價比已經唔值得我再去。