原汁原味

Open Now

Now Closed

出街食飯成日都好多味精添加劑，今日想健康啲黎食原汁原味道既蒸肉餅飯。一坐低就上左老火湯一碗，冇落味精亦都好夠味，證明碗湯真係好足料。👍叫左鹹魚茸煎肉餅籠仔飯✨肉餅煎到好似漢堡扒咁，煎到香香地，肉嘅份量真係唔少。加埋豉油落飯度，真係幾正。雖然價錢以午餐黎講唔算平，但都值得一試。

行過俾個招牌吸引左入黎，午餐樣樣都好吸引，最後簡左呢個蟲草花燉鮑魚鴨腿湯飯，黎到飯同湯分開上，飯唔會俾湯浸到爛晒👍🏻好欣賞呢種做法鴨湯非常清甜好飲，冬天食真係一流，一拎起鴨腿，成條骨起埋出黎，好稔，仲有菜芯、冬菇同隻鮑魚，冬菇好大隻好入味，係可惜隻鮑魚有少少鐵鏽味平時都唔會食得晒一大碗飯，今次真係食晒全部飯同湯，跟餐仲有個老火湯，都飲晒！食完之後無口乾，應該無味精，好難得出街食鴨腿湯飯會無味精👍🏻下次黎再試其他野

出街食飯難免會食得多味精發現尼間店主打原汁原味, 少油, 不加味精之後間中想提醒自己食得健康啲就會過嚟幫襯午市套餐都會送上老火湯啖老火湯又夠濃, 飲得出完全冇味精家的味道非常之足料好飲👍🏻-🍚原籠雲耳紅棗蒸雞飯 $70上枱熱騰騰 陣陣荷葉香氣撲鼻每粒米飯都吸收唒荷葉香, 又有雞油香, 真係好正飯量足夠兩碗雞件相當之滑溜, 多肉少骨, 一d都唔鞋份量亦都唔少配料營養滿分食材配搭非常用心嘅蒸飯原味道 的確好味道👍🏻

柚子片皮雞 ｜Deep Fired Deboned Chicken and grapefruit salad with honey $168（半）雞皮脆口，沒有油膩的感覺，雞肉嫩滑，柚子為片皮雞帶來清新的味道。奶油胡椒煎虎蝦｜Stir Fried King Prawns with black pepper and cream butter sauce $48/隻蝦肉彈牙，奶油和胡椒爆香虎蝦十分惹味。香酥素卷 ｜Vegan Bean Curd Roll $48炸起熱辣辣，素卷不會很多油，算是清淡之選，非常酥脆。白飯+湯｜Rice+ Soup $20

想食中菜又想支持黃店，就一定要幫襯原汁原味喇!!! 標榜少油又冇味精，但啲餸又勁惹味，一啲都唔頹!!!💛巴東牛肉三個餸入面最鐘意呢個!!! 上菜連埋個砂鍋，而且非常滾熱辣，香到不得了，食落味道有啲似沙嗲同咖喱嘅混合體，好少好少嘅辣，但超級香!!!! 再加上蕃茄嘅酸甜平衡翻，香口得黎又唔會太over，牛肉、薯仔同椰菜嘅份量都好多，牛肉入味，而配菜又索哂啲汁，鐘意重口味嘅人一定會鐘意🤤💛魚香茄子煲同巴東牛肉一樣用砂鍋上，上菜嘅時候啲油仲好滾，茄子拉過油，淋得黎又香口，同平時食嘅魚香茄子煲一樣配上肉碎同咸魚，充滿咸香，最特別係入面有少量雞髀菇片同秀珍菇片索哂個汁，用黎送飯一流!!!💛菠蘿咕嚕肉咕嚕肉炸得香脆，無骨啖啖肉，酸度同甜度都啱啱好，配上菠蘿、洋蔥、青黃椒，絕對係一碟好味嘅咕嚕肉但無特別驚喜，如果用新鮮菠蘿就更加好喇😛💛無味精蓮藕雞腳湯雖然佢冇味精，但係個湯都好甜好好味，飲落就知好足料，因為會feel到有少少漿住個口，係用咗大量雞腳先煲到咁嘅質地，同行嘅朋友飲第一啖就話”係媽媽煲嘅湯嘅味道呀”😍十二點半去到唔洗等位，落咗單之後又好快上菜，三個女仔嗌三個餸食唔哂，明明唔想食咁多飯，但啲餸

#holidayouthk美食 #holidayouthk🔅【原籠荷葉排骨蒸河粉】 HKD88.【原籠荷葉蟲草花蒸雞】 HKD98.【豉汁蒸白鱔】 HKD148.今次黎到灣仔揀黎粵式懷舊中菜館👨🏻‍🍳，同個名一樣，強調菜式原汁原味，少油，唔加味精。排骨蒸河粉同蒸雞用上荷葉包裹🍃，除左賣相討好💕之外，仲散發住淡淡嘅荷葉香味。蒸河粉煮得格外滑溜之餘又唔會痴埋一舊成餅野，加入蒜🧄同豉油，排骨都不過係配襯品。蒸雞🐔肉質一啲都唔鞋，調味適中，食落滿滿蟲草花香。而蒸白鱔同平時食到嘅味道相若。白鱔咬落帶輕微韌度，豉汁嘅份量足以蓋過腥味。.📍原汁原味🔅灣仔灣仔道141號地舖🚇灣仔站A3出口 步行約5分鐘🕑星期一至日 11:30-15:00 17:30-22:30#holidayouthk灣仔#Hkig #Hkiger #Hkeat #Hkfood #Hkfoodie #Instafood #Foodstagam #Foodielife #Foodislife #Foodaholic #Foodfeed #Foodtravel #Foodlover #Foodgasm #Foodphotography

今日約咗朋友食lunch，大家都想食中菜，呢度有好多款精選午餐以供選擇，我們叫了原籠金銀蒜蒸龍躉球飯，厚切嘅龍躉夠晒新鮮令整個飯非常鮮味另外叫了一份咖喱芋頭雞煲配白飯，芋頭同雞都炆到好入味，呢款咖哩唔辣帶有甘甜的味道好喜歡呢碗老火湯非常足料，有蓮藕、紅蘿蔔及豬骨，好清甜，好有家的味道套餐加$20有一份明太子雞翼，嫩滑的雞肉內有明太子作餡料味道好獨特（必食）加配了一份上湯灼時菜$10，味道很淸新同時增加了膳食纖維

之前食完晚飯經過，想吃也吃不了。所以今次特別乘車去吃。時間還早，人不多，點了二人套餐，叫了炸雞和蒜蓉蒸龍蝦。沒想到炸雞的皮很脆，肉又很嫩，還限量發售，剛剛我們吃了當天最後一隻，這個不錯。真的有半隻雞 （忘了有否頭和pat），有不少肉。難得不太吃雞的我，也吃了不少。至於蒜蓉蒸龍蝦，味道不錯，龍蝦也切好，方便用叉和筷子便可以將肉抽起，肉也不錯，而且居然不是最便宜的波士頓👍 老火湯感覺不到味精。服務態度不錯，會主動加茶，看到碟子裝滿了骨，會主動換碟

中午時分過來灣仔辦事，上網查到這間特色的中餐小店，便來一試，結果可以保證一定有下次和下下次。餐廳的感覺有小小懷舊，亦有一些很美麗和有趣的擺設，算是小數吃中式小菜的地方，都算機特別，員工多是年青的一輩，而且好好禮貌。食物方面，有很多個午市套餐，價錢很優惠，都是幾十元左右至一百多元，已經包括老火湯，一個主菜和飯，另外加多幾元便有飲品了，是次我們叫了蒸龍躉飯和明太子雞翼，龍躉飯份量幾多，配上炸蒜，很好吃!明太子雞翼香脆好吃，老火湯都幾好，吃完午餐後，我和友人們都很愉快，絕值很值得來！

今晚原本想同老婆去灣仔鋸扒，點知去到餐廳先發現已經滿座，極度失望之下唯有喺附近搵其他餐廳跟住就見到呢間餐廳賣相好似唔錯，主要食中式小菜加埋老火湯，於是就即刻衝左入去入邊見到餐牌寫住米芝蓮推介，心諗品質應該有保證，於是就叫咗兩個小菜同老婆一齊食點完餐之後即刻就送上老火湯，都有成大碗，仲有材料喺裏面添，好夠味，應該係煲咗好耐飲完湯等咗一陣就有小菜陸續送上，首先係燒汁牛柳粒，牛柳粒好腍，而且充滿牛肉味，加上份量都唔少，好惹味至於呢一個係招牌小炒皇，賣相好靚，而且好香，不過如果腰果多一啲會更加好食完真係超級飽，我諗三個人食份量都足夠

今日決定買外賣同屋企人食，諗起呢間標榜無味精，食「原汁原味」既良心小店，於是嗌咗個套餐試試：- 脆皮雞：雖然買到返去已經無咁脆，不過塊皮同蒜粒炸得好香，啲雞又好滑，食到lum lum脷，下次一定要試堂食！- 清蒸咸鮮馬友：打開外賣袋見到個餐跟咁大條魚已經嚇親😂 咸咸鮮鮮好送飯！- 例湯：個餐本身跟是日靚湯，呢日係猴頭菇蘿蔔煲豬展，好鮮味好足料，飲完真係一啲都唔會口渴，同街外既無得比！- 燉湯：我哋另外加錢轉咗蟲草燉雞湯，好鮮甜滋補，好彩有加錢試埋，相當滿足🤩其他餸菜都好高水準，好似食緊媽媽飯咁！仲送埋五花茶，成餐飯驚喜滿滿，成家都食得好開心😚 已經好期待下次可以多d人去堂食，試多幾味，熱辣辣食一定更加正！最後要提既係個個員工都好nice好helpful，果然係良心小店🥰🥰🥰

抗疫在家，想食得好、又豪，又要係海鮮？仲要唔駛洗&煮？呢到幫到你！我都係膽粗粗試吓咋！叫咗佢地個四人餐外賣（外賣有八折，抵食👍🏻。估唔到佢煮得又有鑊氣，又好味😋！老🔥湯是粉葛煲靚魚飲落肚好舒服😌芝士龍蝦伊面底份量豐富，再多啲芝士汁就正啦😜蒜蓉蒸扇貝，金柚片皮雞😍⋯⋯可當手撕雞食，但佢又撈埋啲沙律醬。我prefer冇沙律醬，但有都好味！西蘭花龍躉球，好有鑊氣，但魚乾咗少少鮮竹浸時菜，清一清以上啲濃味都是一個幾好的配搭！失落於甜品....佢哋話冇做！😔送多幾碗老火湯俾我。但我婉佢了。返正我都食唔晒，咁就唔好嘥啦！如果你真係想有甜品，落單時先確認一吓先！

今日放工超級肚餓，好難得在灣仔這邊，一定要試這間我想食好耐的「原汁原味」中菜一向是我愛的，這間環境好中式，有隔離板加上有空間，好安全；舒適乾淨的，不錯我點了午餐套餐：滑蛋炒蝦仁，是配了白飯及餐湯中餐湯無味精好清潤又足料的湯，最愛飲湯的我好喜歡有湯料的，好好飲又去熱氣呀滑蛋炒蝦仁配白飯及熱茶滑蛋炒得好靚好香口，配有爽口蝦仁幾大隻又有健康入味菇菇及香口韮菜，白飯香又軟硬剛好！好滿足又飽飽飲埋個熱茶剛剛好，推薦再來

已經食過好多次，最鍾意食籠仔蒸飯，今次試左海皇泡飯好足料，起碼十幾粒貝貝，又有蟹柳同蝦湯好濃，好好食😋，暫時係我食過最好味既泡飯仲有老火湯相信係無味精，食完唔會口乾如果第一次黎食，推薦食籠仔飯，包你翻尋味

發現要搵啲一圍枱食小菜嘅餐廳真係唔簡單，早幾個月仲係8人限聚令嘅時期小編就搵到原汁原味，如果喺港島想同朋友一圍食小菜，又或者自己一個食吓好食的中菜，都可以去吓原汁原味試吓㗎！😋 蜜汁金柚片皮雞（全隻） $308呢味真係非常值得推介！片皮雞非常脆口，雞肉被片皮腐後同柚子撈成沙律，食落口食到柚子香味又食到啖啖雞肉，真係估唔到咁清新，絕對係有「哇」一聲嘅感覺😝😋 薑蔥桶蠔煲 $158薑蔥蠔煲看似平凡，價錢亦都看似不平凡，正當你懷疑緊：「食個煲啫，使唔使158呀」嘅時候，發現啲蠔真係好鬼大隻，長9厘米呀痴線😱 煲完縮完水都仲有9厘米，咬開入面仲好肥美仲有蠔汁，唔乾㗎！