原汁原味

Open Now

Now Closed

今日又要喺灣仔搵地方食午餐，黎到附近打工仔的最愛：原汁原味❗️一坐低就先來一碗足料老火湯，今日係蓮藕湯，但竟然好失敗咁唔記得影相，老火湯好足料，唔係一般餐廳嘅味精湯，絕對係原汁原味，碗湯亦係餐廳的一大賣點❗️❗️至於另一個餐廳中我嘅最愛就係籠仔飯，將飯同餸放入蒸籠度蒸，飯吸收晒配料嘅日月精華，好好味😋今次叫咗鹹蛋蒸肉餅飯，鹹蛋足料，夠鹹，好難得地係餐廳食到咁好味的鹹蛋，肉餅亦唔會太乾身，好多肉汁。而當然最好食的係怖滿住肉汁嘅飯，好想再食多d，整體而言價錢雖然偏貴，但絕對物超所值❗️

黃色架步 專賣特色住家菜！非常原汁原味！🌰#田中食灣仔 🌰#田中食銅鑼灣-🍲原籠金蒜雲耳蒸龍躉球飯 ($108 加一)有龍躉球、雲耳、炸蒜、豉油、荷葉墊底，連湯1️⃣龍躉球好滑，膠質好豐富，魚油味非常重，不過就算加左炸蒜都幾清淡，係健康既！2️⃣飯撈左甜豉油，幾好味，不過食唔出有魚味，同普通白飯撈豉油冇咩分別。👍🏻6/10-🐷古法梅菜蒸肉餅 ($88 加一)肉餅一大塊，加$20有飯有湯1️⃣肉餅嫩滑，非常惹味，撈埋肉餅汁超好送飯。簡簡單單但好出色！2️⃣肉餅用既係甜梅菜，而唔係鹹梅菜，一鹹一甜非常非常正。3️⃣上菜少少慢，可能因為即蒸啦。👍🏻7.5/10-總結：良心小店 值得支持既！

有罷工 遊行既時候仲有個香港人加油站既小黃店💛·原籠雲耳沙薑蒸雞飯 $68呢個籠仔飯超好味😍佢係每一啖飯都有荷葉同埋沙薑香 而且個雞超嫩🤤我都有試過肉餅個個個個就一般少少 但係呢個沙薑雞真心正😚·#rbyeat#rby小黃店#rby灣仔·📍灣仔灣仔道141號地舖

唔知咩事 果日其他餐廳都勁多人排隊 唯有四處尋覓其他有色餐廳 輾轉黎到呢度其實一心只為醫肚 開頭一望個餐牌 午餐黎講價錢實在偏貴但考慮到地段 都尚算合理吧!嗌左"原籠雲耳沙薑蒸雞飯""原籠金蒜雲耳蒸龍躉球飯"加左$18配明太子雞翼 同 芥末雲耳蒸飯好。出。色！雖然係蒸飯 但個飯底唔知點解係撈左雞蛋碎的!個籠底有塊荷葉墊底 成個飯勁香荷葉味 另外有陣蒸飯既油香味 但又唔會太油膩 (出面有啲蒸飯為左香口而會落好多油.......)蒸雞飯既雞 食得出唔係雪藏雞 好香好有雞味 成個蒸飯絕對係驚豔級數 (真係估你唔到咁好食)之後試左個蒸魚飯坦白講 相對之下較遜色呢個價錢一定有龍躉食都算係咁但魚既鮮味真係俾雞比下去我唔識分佢係咪新鮮龍躉啦但如果用新鮮既其他平價D既魚 食其鮮味 價錢再調整 有無得諗呢?明太子雞翼 骨已去 炸得好香 明太子唔會太咸 好食!但芥末雲耳較遜色 醋味多過芥末味... 點解會咁LOL加啲麻油可能會好食啲 (個人意見haha)另外 個自家湯真係幾好飲! 難得完全無落味精既老火湯! 飲到一滴都無得淨!唯一要彈既係 上菜真係等左好耐 可能無預期果日有咁多人光顧?但店員態度一直正面

雖然個lunch 成$80, 但估唔到d美國珍寶蠔真係勁大隻，仲要有3大隻，而且仲有好多海鮮係入面，相當高質。老火靚湯亦好足料，應該冇落味精，雖然貴但一定會再幫襯！

灣仔一帶都好多野食，今日口淡淡又屸東，想飲返d啖湯潤潤個人。search之下見呢間賣點係老火湯，同埋以中式食材為主，就去一試！呢到有兩層，枱同枱之間吾太闊，要迫迫地咁食，尤其lunch time。午餐時間一坐低會即刻比碗湯你，再揀要咩邊款餐。飲完碗鷄腳湯，好似未夠喉，所以揀左好滋保既花膠藥材湯飯再加十蚊再多碟菜呢碗湯好好飲呀，材料好足，有四塊花膠，又有當歸黨參妃子等食材，好甜好好飲！凍天食呢個餐好吾錯！埋單九十，飲到呢種湯都算值

和朋友一起去周日晚饭，点菜后半小时服务员才告诉我们有一道菜卖完了，要我们重新点。重新点菜时我们有提到能不能尽可能快一些上菜，服务员直言“不可以”又过了20分钟，我们桌和其他桌都等的很久了，问服务生菜到底什么时候能上。服务生说，“要是等不了可以买单直接走人”。50分钟过去了，一道菜都没有上桌，店内明显understaffed, 还是这种服务态度，请问谁会再来这样的饭店？

今日又係係灣仔搵飯食的時候！行行下見到呢間原汁原味吸引左入去😋😋價錢雖然貴啲，但食完就知其實物超所值！先黎碗老火湯，好足料，好足火喉！！淨係啲碗湯都足夠吸引我再光臨！之後到主角出場，飯好足料，好多雞、雲耳，雞好嫩同好滑，好好味當然食得籠仔飯就梗係最好味就係吸曬所有精華的飯😋😋食完會有dd失落，因為真係想再食多少少😋😋另外仲有杯熱飲，凍飲加$3Lunch 黎講6x係偏貴，但佢質素搭救，值得一試💪🏻

在吃蟹粥的一番風味對面, 有著這家外表低調的小菜菜館, 說是原汁原味, 強調的是食材的新鮮吧! 像是桶蠔和雞也是鮮味滿載, 前者炸起來一點縮水也沒有, 外面夠脆而入面十分Juice, 單看其巨型也令人食指大動; 後者以炸子雞形式製成, 用了柚子伴菜不但中和其油膩感, 其酸味也令炸子雞味道層次更豐富. 主菜不夠飽就點了龍躉荷葉蒸飯, 少少可惜的是荷葉味道有點不足, 但以一百元就有這籠有六大塊龍躉的蒸飯, 以灣仔的消費我已夠滿意.

The Yuan serves Hong Kong and Chinese style food in a casual and no-fuss environment. The dishes are decent, tasted quite original without using MSG. Although you could get some of the dishes at many other local tea restaurants (茶餐廳) at a cheaper price, the dining experience here is more comfortable, less loud and less rush. Service is also pretty friendly with good food portion.|Set Lunch (with soup/drink)Stirred Fried Beef Fillet with Flat Noodles干炒牛柳絲河粉💰HKD68|Steamed Scallop and Garlic with R

第一次黎食 以後並必定再來 侍應服務十分有善 唔好意思前 唔好意思後 搞到我都啲唔好意思 睇咗陣menu 點了三道菜 1. 芥末牛柳粒2. 柚子片皮雞3.鮮腐竹鮮野菌豆腐煲全部都好好食 又有湯又有湯水 無論食物 價錢和服務質素都食得十分滿意 十分gur 見到前後兩檯都點了牛尾煲 下次會試埋

食物好食，仲有涼茶送，比我地休息侍應同廚師都好好，會不停叫人入黎飲免費涼茶休息，價錢5算太貴，服務態度一流，我點左一個雲耳紅棗枸杞蒸雞飯同乾炒牛河，仲有例湯飲。大家支持下

今日同朋友食飯，原本搵左間泰國菜館，點知行錯方向😅。咁就將錯就錯，係附近既原汁原味食飯。一坐低，就放低兩杯羅漢果茶，好清涼，不過淡左D。睇食牌吾知食咩好，最簡單就係望下周圍D人食咩，好多人都係食蒸飯，好似好好味，但係太大盤，我食吾晒。最終我叫左粟米炸魚柳飯，D魚柳有魚皮，睇就似急凍班塊，無雪味，味道吾錯。仲有無味精既例湯。朋友叫台式三杯雞飯，好惹味不過都幾辣，加$5叫左杯凍檸檬茶。每人$50－60，性價比高。👍

都市人每天忙碌工作，很少有時間在家中吃一頓住家飯。這天幸運的找到了家的味道先是這個薑蔥桶蠔煲，味道濃郁又不會太咸，蠔面的粉漿恰到好處，不會太厚，薄薄的一層炸得甘香脆口，蠔肉又大又鮮味多汁，配上薑蔥實在太好味啦豆鼓蒸倉魚拿捏得很好，蒸的時間剛剛好熟，魚肉很滑，很鮮味而且大大條最後飲多兩碗住家老火湯，清甜無味精，非常滿足

逢星期三係我同女朋友去食lunch ge日子，而今次ge原汁原味係我地ge飯堂之一！午飯黎叫午餐會送白灼生菜同羅漢果茶，係健康gelee度ge蒸籠焗飯係首選推薦，而我今日食geh原籠金蒜野菌龍躉球飯😋籠入面係荷葉包住geh，所以飯入面有荷葉同濃濃geh蒜蓉味，而龍躉同蒜蓉亦好夾，加埋菇令口感提升一個層次。其實我覺得個蒜蓉太好食，重好食過個龍躉，簡直係功高過主（8/10）然後女朋友叫左燒汁牛仔骨飯，佢話個汁係好食ge，但牛有d太un同難咬（6/10）總括黎講，以我食過幾次ge經驗話我知，蒸籠焗飯係首選！