雷拉麵 (Closed)

赤雷($72)辣度適中， 整體湯底合格!湯底有三文魚子，湯底入口果然濃郁，很夠味道，我幾乎喝盡整碗湯，而且沒有口渴的感覺，不錯。 麵質算係彈牙，硬度滿意，叉燒甘香，用了半肥瘦的部份， 圓形切片，  質感還可以。青麟拉麵 ($85) : 秘製菠菜汁豚骨湯, 溏心玉子, 叉燒, 黑魚子, 珍寶刺身帶子, 木耳, 紫菜. 直麵正常硬度, 多蔥, 少辣. 先試烹調而成的濃厚豚骨湯底。所以在這麵端上來之後的第一個動作，當然是先喝一口湯底為快啦！把湯呷上一口，這湯的味道果然濃郁，充滿鮮味，是好味的豚骨湯， 而且都幾濃郁香氣四溢....湯底濃濃杰杰的， 個湯厚身比較油膩，麵質彈牙，夠韌性，掛湯能力不錯，整體感覺不錯不錯. 溏心玉子好入味, 而且蛋黃味濃,帶子同黑魚子都好味，而且不用排隊，下次會再試其他拉麵。

之前都曾經食過呢間拉麵既普通款，湯係好濃的，但水準程式只係屬於一般。今次就點左佢地既青麟拉麵，來到個賣相係成碗都係綠色，似綠茶拉麵居多，麵質有分兩種，不過吃過就知無乜大分別用料算足，有玉子、叉燒等，湯底是菠菜加豬骨湯，湯似汁多，配料既帶子的新鮮又大隻，但食落帶子同呢款拉麵不算夾，因為波菜湯始終都係波菜湯。同一個新鮮既海鮮刺身，始終都唔夾。價錢就80幾，偏貴。 

其實之前已經食過依間小店幾次，之前還是只有拉麵同小食，上次經過看見有新的食物款式所以今日決定一試，點知大失所望 今日點餐食品是黑虎拉麵，其實我每次都食依款，但係一睇張落單紙剩係見可選拉麵的款式(赤青黑)冇得選麵的軟硬湯的濃度麵款(太麵，直麵)加肉加麵...麵一到O...直麵(食開太麵)算啦，飲一啖湯...唔同晒味冇晒嗰種濃厚嘅味道sosad，麵質偏軟，肉份量好似少咗，蟹肉有蟹殻，雖然唔係難食但係原全稱唔上好食。應該唔會再黎，又少一間食拉麵ge鋪頭

睇戲日~~期待已久既一套戲，今日終於有假去睇^^睇戲前，梗係要醫醫肚先"小隊決定係戲院附近搵間特色餐廳試試~經過雷拉面既門口，俾門口既menu吸引，拉面有4款，有一款中左小隊胃口"結果我地揀左呢間拉面店試一試~~店內，大概有20人位置，裝飾簡潔，色彩繽紛，其中有一部分裝修有條大麻繩，背景用鐵片做底~近似豚王既裝修，小隊以為係同一集團既分店~裝潢有專業拉面店既風範，但味道絕對有待改進!!!一共叫左2樣主食，吉列豬扒蛋包飯&一個黑色拉面(我唔記得左叫咩名)先講下個蛋包飯，我最欣賞件厚豬扒，外層炸漿唔會厚，肉質嫩~岩岩好"不過蛋包飯就稱唔上好食，飯好乾，加左d海鮮一齊炒~唔加好過加，仲完全冇味....失望 到我最鐘意既拉面環節，3個字"好 難 食!!"呢個拉面，得個色，0味道，上面有d蟹拆肉，其實真係唔知食緊咩...冇味既面，加埋有蟹殼既蟹肉。真心冇誇張，我食左2啖就放棄左~~咁唔好味，點解唔改良個配方先推出市場??補反張環境相，我覺得裝修得好精美，但色.香.味.同樣重要，店家好好做好味道方面，另外我欣賞呢度有勤快既員工~為呢頓晚飯挽回一d分數"價格唔貴，唯食物參差，有待改善。

係旺角放工，經過見到這間小小的拉麵店，剛巧不用排隊，一進去是日本拉麵的裝修，令人很懷念日本旅行。今次試了兩款拉麵，一款是墨魚汁蟹肉拉麵，另一款是原味豚肉拉麵，麵有兩款選擇分別是幼麵和曲麵（好像是叫這個😂），而我選了我最愛的幼麵，而硬度是剛剛好！驚喜是墨魚汁拉麵很清新，而豚肉拉麵也不會太濃味，不會口渴👍是一間可以再光臨的小店啊！

早前經過旺角，看見這家的拉麵頗特別，就進去午餐了。青麟拉麵，青色的湯底是由菠菜煮成的，除了日式叉燒和溏心蛋，它更加了數粒帶子刺身。帶子爽滑，沒有雪藏味，湯底不膩，菠菜味不濃，溏心蛋一般水準，拉麵選了曲麵，麵質剛好，算是不錯的拉麵店。赤雷拉麵，特別之處是加了鮮蕃茄蓉和三文魚籽。湯底不算太辣，但蓋過了蕃茄蓉的味道。三文魚籽拌著拉麵入囗，囗感很特別。如果吃厭傳統拉麵，可以前來一試新派的拉麵。

因工作忙碌，有一個月沒來嘗試過這裡的拉麵，本來份外懷念，可惜到來看見師傅都不同了，就知道可能有問題了，所以就點了最簡單的雷拉麵。一試湯，毫無骨味，稀稀的，但卻十分咸，完全失敗，叉燒沒有味道，只有糖心蛋和麵質保持到。還有新師傅整天在說有味笑話，打擾食客，難怪湯會這麽咸

濃豚骨湯拉麵 雷拉麵🍥豚骨湯底非常濃，味道不會味精feel，但沒到一試難忘的程度，感覺一般。🍥最值得一提的是叉燒，一層脂肪一層肉交替，脂肪通透不油膩、叉燒部分一點也不老，質素比x蘭的好！🍥附送的糖心蛋也有6成熟，但蛋黃偏少，唔夠喉><，還好還醃汁香，挺回味。🍥拉麵底量偏少，正餐個人來說一定不足夠..但$65有找，算是挺雷的拉麵了:

去開波鞋街買鞋, 順便去隔離街食個拉麵, 望到門口好多人, 仲以為要等位, 好彩仲有好多位><揀左青麟拉麵同黑虎拉麵, 因為青麟拉麵有3粒大大粒的爽滑帶子刺身~仲有3塊肥瘦適中的叉燒, 都幾抵食, 至於黑虎拉麵就普普通通, 好似食唔出有蟹肉味, 比較單調, 其他配料同青麟拉麵差不多, 兩個人食, 仲加左麵, 剛剛好, 唔會太飽~講講配料先, 蛋就合乎水準啦~少少鹹的蛋白配少少甜的蛋黃, 不過半隻剛剛好, 食太多會食唔落其他野青麟拉麵的湯底好濃, 但冇咩菠菜味, 可能比其他配料搶晒啲味, 所以食唔出...或者下次試下淡湯底, 可能菠菜味會明顯啲, 至於黑虎就係墨魚汁, 本身墨魚汁都冇咩味, 所以冇咩評價.

突然想食拉麵~記得女人街附近有間拉麵店, 就走去試下, 依度裝修幾特別, 好懷舊的感覺, 仲有盞大燈膽係上面, 不過略厭低了點...抬頭時, 有少少刺眼...拉麵款式不多, 都係限定4款, 最後點了黑虎及青麟...因為受到鮮蟹肉及珍寶刺身吸引~~這間不錯~可以選擇醬油濃淡情度, 仲有分直麵同太麵.....黑虎就點了太麵及濃醬油, 湯底好濃郁, 鮮甜的蟹肉, 彈牙的蟹籽, 略厭湯底唔夠香, 唔似墨魚汁...青麟就點了直麵及正常醬油, 分唔出直麵及太麵的分別, 但湯底就冇黑虎咁濃郁, 有淡淡的菠菜味, 加上入口即溶的叉燒, 好入味的溏心玉子, 仲有主角帶子刺身, 配上黑魚籽, 口感好豐富, 不過唔知係咪較少食帶子刺身呢...好似有少少少少酸味, 唔知算唔算正常呢?下次較想試"雷", 試試有咩分別~

試了黑虎拉麵都唔錯，但無太多墨魚汁味度，直麵比曲麵好食，湯太濃，選中，青麟也不錯，有帶子，算生鮮，湯也太濃，可能要選淡會好些。但服務就一般，只有一個男待應，態度頗差，破壞餐廳評分

今日收工同男朋友行女人街. 眼花繚亂太多選擇. 最尾腳步停留咗係呢間細而別緻嘅拉麵店.等咗一陣就入到去食. 一坐底就有張menu, 好日式嘅feel. 俾張紙仔自己揀嘢. total有4款面. d名好特別, 叫黑虎,青鱗..etc最尾我地叫咗兩個青鱗, 顧名思義青bb所以佢其實係菠菜汁(好鬼馬).. 另外可以揀埋面嘅軟硬度, 辣嘅份量, 甚至要唔要蔥. 都幾細心. 當然最緊要嘅就係面嘅款式, 我揀咗曲嘅面, 佢呢度叫咗太麵.攞完張紙俾佢之後等咗一陣面就黎到了!!好豐富咁有玉子,叉燒, 紫菜, 帶子,木耳絲,仲有墨魚籽. 一黎到ofcos要試下個湯底, 菠菜豚骨湯底. 好濃豬骨味, 菠菜味唔算太濃. 有少少點綴. 搭住濃郁嘅豬骨湯一d都唔膩, 好match.其次我要講嘅就係佢嘅帶子,講真我無expect過佢會有咁嘅size. 食起身居然好鮮甜. 一d都唔差過日本料理嘅帆立貝. 其餘叉燒都唔算肥膩,不過不失. 木耳絲就反而平凡中帶點難忘. 我估應該係黑木耳所以食起身好爽口, 兼且無好乾淨無沙. 再講面, 我要咗中硬度嘅太麵. 中硬度啱啱好. 因為我唔係食面食得好生嘅人.食一啖面搭一啖湯.

星期二, 晚上9:00pm, 平日人流比較少, 只有幾枱客.所以店員都慢慢黎, 懶洋洋. 都好既, 唔使咩都趕頭趕命.一個人食拉麵都唔怕, 因為有幾倨面壁位. 也可以揀望住廚師既單人位. 當然有4人枱. - 青麟拉麵 ($85) :秘製菠菜汁豚骨湯, 溏心玉子, 叉燒, 黑魚子, 珍寶刺身帶子, 木耳, 紫菜.我揀左直麵, 正常硬度, 多蔥, 少辣.先試湯底, 冇咩菠菜味, 所以冇草青味, 只有豚骨湯味, 而且都幾濃郁.湯面上起層膜, 個湯厚身比較油膩. 麵有彈性, 估唔到正常硬度都夠硬身. 不錯. 溏心玉子好入味, 而且蛋黃味濃, 只係帶點生蛋腥. 帶子同黑魚子都料靚好味.紫菜大大塊, 好味又抵食. 不過木耳太少, 又淋到爛哂, 應該放左好耐...

相信好多人都鐘意食拉麵. 我都系其中一個, 難得放假,唸住走去旺角揾嘢食. 女人街出名多嘢食兼且價錢合理. 最尾行下行下到咗呢間拉麵嘢門口見到有人排隊, 就決定入去試下. 有人排就應該唔會錯啦!入到去感覺好日式, 又係一張menu, 得4隻湯底, 啱曬有選擇困難症嘅我! 始終覺得主打少嘢食選擇嘅食肆味道會更有保證,就因為佢地'精'! 4隻湯底都係出名嘅豚骨湯底, 唔同個區別有辣嘅,有菠菜嘅,有墨汁同純原味豚骨. 我最尾tick咗原味豚骨,亦姐係'雷'. 跟住到面款我就要咗直面, 另外仲好細心有埋醬油濃度,辛辣度,蔥嘅多少,同埋最緊要嘅一樣嘢,(面嘅硬度!) 好多人唔鐘意lum嘅面, 包括我. 就連公仔面我都要煮硬身d. 所以no wonder呢次我要嘅係硬身面. 面一上到黎我已經想即刻開動, 但當然我無啦,如果唔係邊有相擺上黎呢哈哈.仔細睇下. 油度適當,唔會過多肥膩, 試咗啖湯, 味道好濃郁, 拉麵嘅湯底猶如心臟, 好味嘅湯底可以令拉麵加上好多分. 溏心蛋好正, 唔會太熟, 咬開中間仲流緊, 食落d蛋白仲好嫩好lum. 講到叉燒, 呢個叉燒唔會好肥膩, 半肥瘦. 一圈一圈拆開食都幾滋

旺角餐應食肆出名快～變得快。好像隔個月不回來，有些餐廳就會不見了，當然又會有些新面孔自動出現。今天一個人來到旺角，這間店就突然出現在我面前，印象中沒見過這間店。有點雷到我的~雷拉麵。不錯啊，根據本少多年來一個人練習一個人的生活，一個人最適合就是食個湯麵。一向很配服設計師，入到店內很多東西平時見慣唔覺靚。但入到去見到一盞盞吊燈、一個個竹簍、麻繩木蓋，出奇地有格調，這就是設計師的功力了。這種接近文藝的氣色也是旺角少有的。入面的菜單也很雷。本少喜歡文字多於說話，這張點菜紙都幾週全，有做到比說話更有效率。抵讚。最後當然要說回主菜～青麟拉麵。只聽名字已有種介乎日本與古武士之間的氣牆。食落又真係唔簡單，足夠雷到我。綠色湯底一上枱，有點想像不到他的味道。畢竟紅湯白湯就試得多，綠湯少有見過。一喝之下，想起大力水手～很濃的菠菜味。入味程度喝得出是精心熬制的。然後要讚的是那名叫糖心玉子的蛋。本少平時正餐不喜食甜，但這蛋中一點甜又與別不同。能與正餐融合的甜食不多，這個應是最能融洽相處的一個。麵有硬軟選擇也是少見，本少今次選軟，口感確實夠軟韌。有點像食到很滑的水餃皮那種。軟麵再連同叉燒、帶子配合上述的綠湯甜蛋