天池日式放題 (Closed)

今日媽媽爸爸放假~ 一於就食餐好㗎啦！！我哋就揀咗最多選擇嘅放題啦hahaha ~~~真係食乜都得架~ 岩囇我地啦咩都想食少少~刺身🥢 屋企人少食生野~所以基本上都係我食啦🥢🤙🏻 三文魚超級肥美 甜蝦虎蝦大大隻好鮮甜👍🏻炸物天婦羅蝦！正啊正啊~真係即炸架！ 上到黎仲超級熱啦啦~~一上枱已經好快俾我地搶晒啦！仲有芝麻雞翼呀， 雞翼本身已經好好味~炸過之後再加埋芝麻粒更加正啦！玉子燒🥢🥢甜甜地既蛋~ 燒過之後有少少焦香！！再放埋醬油 um...好好味啊😋牛柳粒粒🤩必試必試必試啊！牛柳入口即溶🥰牛味極重~仲要超級香噴噴！日本枝豆~ 估唔到而個又幾好食喎 哈哈🤞🏻🤞🏻食下食下又一粒食下食下又一粒😍😍最後仲有大量飲品同雪條揀啊🥳🥳

同太座談戀愛10週年紀念，好耐冇去旺角油麻地，趁風平浪靜帶埋比卡豬去行吓女人街，當然唔少得買玩具啦!行到肚餓又搵嘢食，見到呢間有放題食，都好耐冇食過就行上去試吓!侍應問加唔加88蚊升級食好D，我呢條皇帝脷當然唔會孤寒!呢度食物種類都幾豐富，刺身我推介珍寶阿根廷赤蝦、帶子、馬刀貝，特別係後者出面較少地方食到!海膽芝士醬叉燒沾麵，第一次食沾麵，感覺唔錯，同拉麵係唔同食法!燒牛舌，牛舌較厚有咬口，肉汁夠!鰻魚炒飯係比卡豬全晚食得最多嘅食物，可想而知有幾好味啦!香蒜大蔥牛柳粒絕對有驚喜，牛粒非常腍入味，安哥再安哥!最估唔到嘅係呢度嘅雪糕，名不經傳但款式多入口軟滑，甜度適中，不妨一試!放題係好多款食物但永遠一次係食唔齊，下次我會再返嚟挑戰!

天池木系裝潢，好舒服同埋好光猛地方好濶落，坐得好舒服佢用QR code落單，唔洗係咁叫待應加單，好方便有刺身、壽司、沙律冷盤、手卷、串燒、炸物、一品料理，應有盡有刺身有三文魚、赤貝、馬刀貝、八爪魚、甜蝦串燒最正係牛舌、雞軟骨同辣味雞串！淨係牛舌都encore左幾轉炸物嘅榴槤波好有驚喜，雞翼都好好味仲有放題少見嘅櫻花蝦炒通菜罐裝飲品都有成十款，成個櫃慢慢揀！自助bar仲有甜品、雪糕、前菜同埋面豉湯好抵食！可以食180分鐘！性價比高嘅放題絕對對得住佢198呢個價錢！

12月臨近聖誕特別多飯局，同朋友兩個去食放題，不嬲對放題無咩興趣，不過食過哩間改觀左，原來放題d嘢食都可以做到咁精緻好食。我覺得加$88 升級價錢都合理，因為嘢食質素算值。係咁多種嘢食，我最印象深刻嘅竟然係壽司，通常食放題寧願食多幾件刺身，怕壽司有飯會好快飽，不過哩到嘅壽司🍣細細件之餘，係好食的！特別推介黑松露帶子壽司！另外，仲有個牛舌都好ok ,可能我本身鍾意，燒得都唔錯。燒菠蘿都好食，上面仲有一層蜜糖。甜品就一定要試個榴槤炸彈，勁重榴槤味，榴槤雪糕反而覺得麻麻，寧願食多粒榴槤炸彈。總括黎講，價錢係合理，味道係超出我原本所想

上網睇到呢間新開既日式放題!就去試下book左6點入座,,,果日星期五去係$228一位(另加一),揀埋$88升級優惠,有飲酒任飲食足三個鐘真係好抵好多款美食可以選擇!同埋掃QR code電子入單有埋圖揀!環保減少紙張值得加分開始既時候唔算太多人,,,所以上菜既速度好快同埋打卡讚好天池FB有三款食物送!侍應有禮貌!同埋我出去斟黑啤既時候小小手殘😂有侍應姐姐睇到都好好主動黎幫我斟值得加分!熟食都好有水準!但美中不足果日加錢升級無吞拿魚食

老公成日經旺角，佢最近發現一間新開無耐嘅日本放題就話帶我地一家大細去食🍣🥘🥟。一入到去發現地方唔算大，但座位唔似一般放題餐廳咁擠迫，十分闊落。成個晚餐食得好舒服，無壓迫咁，可以舒舒服服同一家人食飯👍🏻亦有BB櫈(出面放題好小用某傢俬店個種BB櫈，可想而知有幾闊落)。因為見到有$88升級可以食多D款式，所以我地都加左。而升級左都有3種啤酒任飲，真係好抵。食物質數都唔差，刺身生鮮，壽司又包到好靚，唔會散開哂，唔會事旦加夠餸係飯上面就算。我最鍾意食焗海膽黃金蠔同醬燒三文魚腩壽司，而有個海膽刺身甜蝦甜筒都好特別。全晚食物唔會上到好急，比一般放題食得舒服，因為唔會話好多枱，所以地方算比較靜。員工都十份有善有禮。呢間放題一定會再黎食過！！！刺身新鮮牛油味好重，正勁多芝士升級送鮑魚

冬天是需要積聚脂肪的時侯,所以今晚特地去吃放題,好好放縱一下。這家放題的地點非常方便,就在地鐵站旁。踏入餐廳時真的懷疑自己有沒有去錯地方,因為地方十分寬闊,不像其他放題店般把座位排得密密麻麻,這絕對是我吃過坐得最舒服的放題店,可以好好跟朋友吃飯談天。平日基本放題是S198,可加$88升級享用更多星級食品。吃放題不外乎都是吃瘋狂刺身,所以我選擇了加88,可以有更多刺身選擇。升級後還可以任飲啤酒,適合酒鬼朋友,哈哈。餐廳緊貼潮流,採用QRCODE點餐,不用浪費紙張。食物款式多樣化,更有不少創意壽司。飲品區的選擇不算太多,但全都是受歡迎的飲品!!!甜品除了有雪條,還有甜品區提供小杯的甜點。首先來的是刺身,北海道帆立員厚肉鮮甜,吃過不停。赤海蝦份量十足又夠爽口。刺身吃得出很新鮮,而且師傅刀工很好,厚薄適中。鹽燒左口魚貝壽司入口即溶,口腔内充滿魚油香味。天婦羅,每款都各試了一件,炸粉薄薄一層,鬆脆可口。白汁芝士焗扇貝和焗海膽黃金蠔,醬汁濃郁,再加上海鮮的鮮味,值得一再encore!途中店員還送上鮑魚和花菇，鮑魚肉質彈牙，花菇厚肉飽滿。放題必點的炸物,榴種炸彈、芝士年糕和脆炸香芋波,這裡還有忌廉蟹

先講講野食種類先, 上部分係唔洗額外加錢既野食.下部分係要加錢既野食~ 加錢係加88$~先講壽司飯既醋岩岩好, 無問題, 送夠大件, 刺身夠新鮮全部都唔錯, 比較推薦係蝦,因為比其他MK既放題更鮮甜, 三文魚我覺得正常.不過不失.呢到比較特色小小既野係竟然有沾麵, 湯底係芝士海膽, 雖然講係沾麵, 但佢係撈落去, 同正常沾麵都係有D唔同, 但都叫好有特色, 未見過放題有沾麵食, 芝士味濃, 海膽味相對比較淡小小不過個湯汁整體都係唔錯, 反而係個麵比較唔夠硬.壽喜燒, 牛肉正常,湯底我覺得整得唔錯, 甜度岩岩好, 反而配料唔太夠, 例如小小粉絲, 金菇等既基本材料都無, 加多D料會好食^^.玉子卷, 流心就反而見唔到, 名有D怪, 佢話流心, 但蛋做得相當好食, 蛋既甜度有小小偏甜, 可以淡返D, 但口感好正, 夠厚, 軟硬度岩岩好, 呢個菜我覺得係全餐廳最好食個個, 不過Depends on 你中唔中甜野.牛柳粒正正常常, 主要味道正常, 口感就有d硬硬地, 但個汁都係夠濃味, 所以都係好食!望圖都見到比較juicy.雪糕個品牌就無見過 但味道還好.整體價錢正常, 服務唔錯~

本人第一次去食呢間新開嘅日式放題，位於油麻地地鐵站A2出口，再步行3分鐘就到譽發廣埸1樓，環境可以，嘢食都算可以，祇係本人唔鍾意食甘咸，鐘意食日式料理既你，不仿去試吓，D侍應都好友善！本人特別推薦鐵板黑椒牛脷、泡菜豚肉鍋、炸忌廉蟹餅、串燒牛脷、串燒大蝦、流心玉子千層塔、各種刺身都非常新鮮，師傅仲有好多創意，例如墨汁軟殼蟹手卷！，由於食物種類繁多，聽老闆講有一百五十幾種，哇哇哇哇哇哇哇！很多啊！啊！

今天經過油麻地發現一間新開天池日本放題，我們入內一看，食物美觀，價錢抵食。午餐只需$138加$88升級食到更多的美食，例如焗大虎蝦丶芝士焗生蠔等。還有好多飲品任選，點餐更是方便，只需用電話掃一掃就可以在電話上自由揀選和下單。我特別推介那款燜牛尾😋😋！下次來一定要再叫，我們人均消費都係$270元咋🥰🥰

帶爸爸嚟咗呢間放題食生日飯，一家人都飽着走，好滿足見佢款式都唔少，不過見係爸爸生日加多$88食埋升級選擇首先叫咗刺身加咗錢梗係要試吓佢嘅阿根廷赤蝦，的確係幾大隻，其他刺身都好新鮮仲有我好鍾意食嘅前菜，每樣都叫一碟佢呢隻牛柳粒超好食，好鍾意佢嘅汁，令到個牛味好出又甜甜地咁肉質勁嫩首先選擇都好多，特別鍾意佢個岩鹽禾牛壽司同埋左口魚邊壽司🍣全部口感都入口即溶我摯愛蟹子軍艦都好出色最鍾意依啲食起來脆卜卜嘅蟹子至於我媽咪好鍾意食呢個泡菜豚肉煲鍾意佢夠辣，食起嚟入哂泡菜味豬肉都好嫩口係唔錯既而我自己就好鍾意食呢串牛舌鹹鹹地有咬口，加埋檸檬汁食就更好食所以我都有encore總括嚟講，款式幾多，食材都新鮮每個人三百幾蚊慶祝一下都唔錯

一家人去慶祝生日，揀左呢間日式放題，選擇多，野食又新鮮又好味，而且地段係油麻地近登打士街，非常方便去或走。食放題，刺身係必食既，呢度啲刺身非常新鮮，而且廚師一啲都唔吝嗇，份量好大，滿足哂你既口感，選擇多，我地叫左 珍寶阿根廷赤蝦， 吞拿魚油甘魚，三文魚， 北海道帆立貝， 北寄貝， 馬刀貝 鮮松葉蟹棒 甜蝦。每樣都新鮮好味。除咗刺身之外 ，仲有多款冷盤小食， 蟹子沙律， 中華沙律 ，味付螺肉 ，味付海蜇素翅 日本支豆。熟食方面都有好多選擇 ，有鹽燒牛脷串， 燒汁雞肉棒， 鹽燒青魚， 香蒜大蔥牛柳粒， 櫻花蝦炒通菜 ，流心玉子蛋捲千層塔。壽司有，三文魚壽司 ，花之戀 ，蟹子軍艦 ，京蔥拖羅軍艦 ，鹽燒左口魚背壽司 ，黑松露帶子壽司，吞拿魚壽司，海膽赤蝦壽司，醬燒三文魚腩壽司等等，款式多 又好味，實有岩你既一款如果唔夠飽仲有鍋物或者有啲料理畀你選擇， 我就叫咗個泡菜豚肉鍋， 辣度適中 豚肉肥厚適中 ，好好味。仲有好多款唔同嘅飲品同埋甜品畀你任食。綜合嚟講非常唔錯回頭率極高

之前因為中左某間公司既抽獎活動－『食一送一』既優惠所以黎左 #天池日式放題 食放題晚餐假日一位$228，另加$88有額外添加既菜式不過款式就唔算太多啦最吸引既都係芝士焗生蠔，芝士烤扇貝同燒虎蝦其實整體黎講係好食既，菜式都好特別例如呢個 #海膽刺身蝦甜筒 係真係甜筒黎甜筒裡面係飯黎，配搭真係好特別，但食落又ok喎又例如個羊架係一d都唔騷黑松露帆立貝、油甘魚都係我至愛當然唔少得烤蕃薯呢個我至少食左五串🤣🤣另外，佢既環境都真係算舒服乾淨既地點又方便唯一覺得有少少遺憾既係甜品就無咩選擇啦希望會有多d甜品選擇就好啦

為咗慶祝肥🐽成功升職加薪我哋決定食返個放題，大大力咁慶祝一下.最後我哋揀左呢間油麻地新開嘅「天池日式放題」.食後總結款式貴精不貴多，製作吾求其合理價錢，高質享受環境乾淨寬敞，店員服務貼心.價位日至四嘅晚市每位只係$198仲可以食足3個鐘真係相當之抵食2人同行仲送左鮑魚同大菇添.環境以木系為主嘅日式裝修簡約嘅格調，好有日本和風感覺餐廳環境寧靜，座位寬敞唔會好似一般放題咁坐得擠迫喺呢個環境之下，心情得以放鬆可以好好享受美食.款式以落單形式為主只有飲品，雪糕同甜品設有自助區原SET有11款系列有壽司，刺身，火炙壽司，手卷串燒，烏冬，鐵板，鍋物，天婦羅同炸物加$88就可以食多32款更矜貴更特色嘅款式我哋當然唔會放過呢個優惠啦.SIZE如一個手掌般長切邊後上層鋪滿芝士同沙律醬焗到微微焦香啖啖鮮蝦肉配上半溶芝士，勁邪惡勁.三文魚口感豐富肥美入口滑溜而帶油脂感，鮮味十足帶子入口富彈性，味道甘甜赤蝦獨特嘅黏黏口感同膠質，入口即化八爪魚爽口又彈牙.呢個燒菠蘿真係好有水準兩面都有燒到，而且火喉控制得宜吾會過燶，食落勁JUICY 勁多汁.淨係睇到個金黃色，都已經流哂口水啦白汁同芝士堆到滿一滿焦香嘅芝士底下，

星期一係blue Monday，當辛勞完後，去食放題又係開開心心既時候啦。今次去左一間新既放題，雖然新開，但性價甚高，食物有水準。首先，呢個餐廳幾新穎，掃QR code點餐相對特別。每次點完餐都有紀錄，可以睇到出餐速度同唔怕漏單無紀錄。建議大家加88升級豪華版。因為多左不少特別選擇。例如和牛壽司，吞拿魚，黃金大處蝦，珍寶阿根廷赤蝦，焗海膽黃金蠔等，值得一試。上菜速度快，點完刺身後，基本五分鐘内就有。數量足，唔會有d比多或無比。刺身夠新鮮無雪味，肉質鮮美。赤蝦大隻爽口壽司又夠香。飯唔會多，一口份量岩岩好燒物係更值得一讚，食材新鮮之餘，味道剛剛好。燒雞軟骨夠熱夠脆，微咸仲惹味。黃金虎蝦肉質爽口彈牙。黃金蠔夠大隻，食落有口感，芝士味香。燒羊鞍正，肉嫩而沒有騷味。檸檬牛油蝦又蝦甜惹味，食完又開胃食多幾樣。升級完仲可以飲到日本啤酒，無限添飲。每人仲有一隻燒鮑魚。整體食物夠新鮮！比多少少錢可以食到樣樣都滿意既放題，真心值得我再去！