天池日式放題 (Closed)

👂同事講裕發廣場一樓開佐間新的放題餐廳，約埋一班同事過來試新野，可能係新開張，環境舒適新開張優惠多，好抵食！特別係牛🐂尾，他整得超好食，下次來一定要再叫這個。海鮮都好新鮮，還有青菜🥬夾住食，可以無咁濟肚。仲有好多飲品任選。食放題最正嘅係多人可以食得好熱閙，一人的晚餐可以很寫意 ，慢慢 enjoy 同事們都食得捧著肚皮走我地來做白老鼠先，下次過油麻地再來食，值得再來溫馨提示：一定要叫昇級版！只係多$88多好多野食，物超所值！

在油麻地新開的放題，十月已經想食但嗰時成日full，book唔到！今次終於可以黎試下放題唔食刺身又點得呢！有三文魚、虎蝦、吞拿魚、北寄貝、帶子、甜蝦...... 全部好新鮮俾得好足！仲叫咗好多壽司！三文魚、蟹子、燒三文魚！有飯都好正仲嗌咗芝士焗帶子，芝士俾得好足好濃芝士味！唔錯～啲野飲比較特別，好多放題店都冇呢啲，蜂蜜雪梨、薑母茶，健康飲品配放題感覺冇咁肥呢到雪糕好特別， 玄米茶味，唔係平時見到綠茶味，唔太甜，啱啱好！可以再試～

今日為左補足結婚5週年，所以揀左間新開放題試下我地揀左9點入座，每人$178，再加左$88升級，d食物好似好味好多咁職員態度唔錯，地方寬敞，所以坐得好舒服我地都叫左好多野食，但就無點叫魚生推介辣味吞拿魚脆脆，醬燒三文魚腩壽司，蒜蓉帶子壽司，焗黃金大虎蝦，日本芝士年糕由於我倆都係嫩肉愛好者，所以覺得佢地既肉類都煮得偏老，但味道係唔錯的，但羊架同雞軟骨就可以不用試了我地都有失策地方，我地一開始就一口氣叫哂想食的……無預到佢地出單咁快，而且我地9點到，其實已經無咩人，記得慢慢一樣樣叫，否則你會望住成枱都係食物，但食既速度趕不及佢地凍的速度飲品就正常放題飲品，但有迷你版樽仔，適合我呢d飲得唔多的人，甜品方面有小甜品杯，雪糕同雪條，都係Q版裝，十分好左右下下是送的，都唔錯

我哋8點15左右入去餐廳一坐低就即刻叫咗野食先 食物亦都好快黎👍🏻第一樣野黎先就係刺身之後就黎壽司之後見口渴就睇下有咩飲la，突然見到身後有日本啤酒—麒麟一番搾，我就即刻去針左杯嚟飲，隔黎仲有部機可以唧啲沙冰上杯啤酒嘅面頭到，口感好正。之後上網check反，原來係有專利同埋啲沙冰係可以將杯啤酒keep住凍半個鐘。流心玉子蛋卷千層塔都十分滿意😋焗黃金大虎蝦 🔥 蜜香燒菠蘿串🍍脆炸香芋波最後緊係要食埋個甜品先走啦，雪櫃裏面仲有好多其他唔同嘅味，而我因為太飽所以淨係試左沖繩海鹽味。 我之前未食過呢隻味嘅雪榚所以想試下，點知食落比我想像中好食好特別刺身&壽司全部都好新鮮同埋真係叫幾多就比幾多！流心玉子蛋卷千層塔蛋味濃郁，軟硬度剛剛好，面頭有d醬令蛋有少少鹹味！焗黃金大虎蝦面頭有層芝士同埋芝士味都重！用筷子一撩成舊肉就出晒嚟，好容易就食到！蜜香燒菠蘿串食物夠熱但味道就比較普通🤔脆炸香芋波應該係即刻炸因為好熱同埋餡甜度適中！

一入到餐廳給人一個十分日本風的裝修，很古典高雅。點菜的時候是用手機掃描QR CODE 網上點餐非常之方便和新穎。餐廳有自助啤酒，加上有專利的碎冰，冰涼的溫度加上碎冰的口感令啤酒營造出十分清爽的口感。有幾個壽司我十分喜歡，和牛壽司以及炙燒三文魚壽司，和牛壽司的和牛非常軟化，入口即融。炙燒三文魚燒得剛剛好，不會過熟，一咬下去和和牛壽司一樣融化在口中，帶著炙燒的味道以及三文魚的鮮味，非常美味。海鮮刺身也十分新鮮美味。還有很特別的吞拿魚碎米餅，很新奇的配搭但效果卻十分出乎意料的美味。

今日同屋企人嚟到油麻地， 好耐都冇出街食飯。屋企人又鐘意食日式食物，就選擇食放題。黎到一間叫天池日式放題食晚飯。 天池日式放題 地點就喺油麻地港鐵站上面一出港鐵站行唔駛五分鐘就到，好方便。叫得放題梗係多嘢食啦 成80幾款日式料理，有刺身 、壽司 、燒物 、串燒 一品鍋 、沙律同手捲等等...今次我哋仲加咗$88做 升級套餐。升級 套餐多咗成三十幾款 食物嘅選擇 。除咗刺身款式再多啲同再靚啲 外，連飲品都升級埋。可以任飲日式清酒、拉格烤麥黑啤同埋驥驎frozen beer。 我都有試下拉格烤麥黑啤同埋驥驎frozen beer，自己就鐘意飲驥驎frozen beer多D。

天池(油麻地店），抵食又好味，款式多，員工服務態度好👍！連炒個通菜都青脆爽口，焗大虎蝦更是鮮甜清香，芝士焗生蠔，芝士味較濃郁，還有些三文魚和蝦刺身更是清甜爽口，還有一個燴牛尾，嘩！簡直绝啊！這道菜式我叫了2次，隨以上提及的還有一些泡菜，壽司，炸雞翅，沙律，青豆等等等等美食。那里的環境清靜和諧，最適宜一些情侶和生意伙伴以及家庭聚會去食。朋友們！這是店鋪新開張優惠價噢!只需升級加$88元就可以任食以上圖片上的食物，要食就快些動身啦！這么好的環境我下次有時間都継續約朋友食!😋😋

小妹臨近生日家人一齊慶祝，見好耐冇食過放題，而爸媽又鍾意食日本野，一於放肆一下😆 一行6大人1bb，安排左足足可以坐8個大人既卡位俾我地🥰可以擺袋仲有位淨🥰值得欣賞餐廳用手機落單，夠方便有圖有字，操作簡單，爸媽一用就上手，慳返好多紙又唔怕漏單，又可以隨時check返自己落過啲咩，讚！👍🏻發覺鍾意食既野都喺升級菜單入面，如焗蠔、焗扇貝、羊鞍、赤蝦、油甘魚等等，所以一致決定升級😋最愛焗蠔，有啲似生蠔既味道，另外其他野食都不錯，刺身、壽司、芝士年糕、天婦羅🍤，個個都食到捧住個肚走🤣

食放題有時都食到我好怕,特別係旺區,旺角個d.坐得好迫, 燈光又暗, 食都食得唔係咁舒服.點知住旺角的朋友介紹呢間新開張放題. 地點係彌敦道近油麻地同旺角交界. 環境好好, 店舖於一樓,從玻璃窗看出去可以看到街外風光. 而店舖入面,枱同枱之間地方好闊落,地方睇落又整潔乾淨企理,完全唔係一般放題的格局. 店員都好nice，全程態度好好，見到我地帶住小朋友,都安排左沙發卡位俾我地.呢度落單係用電話掃qr code order食物的，好方便又環保。order食物係用一件為單位，方便大家就數量，減少浪費。而升級加$88仲可以食到多款美食及飲啤酒清酒，另外仲送左一人一份日本璣燒鮑魚。刺身都幾新鮮，推介：油甘魚，三文魚，吞拿魚，北海道帆立貝。壽司好多款，非常推介：醬燒三文魚腩壽司，岩鹽和牛壽司。 真係必點，入口即溶好好食！海膽赤蝦壽司，墨汁蜘蛛卷，岩鹽檸檬皮三文魚壽司都可以試下。海膽刺身甜蝦甜筒杯，好特別，不過甜筒杯我地留返最尾同雪糕一齊食。熱食，基本上所有點的熱食都係熱辣辣上枱，正。推介：流心玉子蛋卷千層塔，關東風壽喜燒，泡菜豚肉鍋，日本芝士年糕，唐揚雞軟骨粒。囡囡我叫左海膽芝士醬叉燒沾面，芝士

職員快速帶位並介紹加$88升級放題,裝置簡而潔,是日4位卡座已訂滿,2人座位靠窗邊區比較冷氣涼。呢度用QR CODE掃描落單,較環保又方便可以睇番落單記錄免漏單運送食物速度快，職員忙過不停。升級食物方面:刺身︰珍寶阿根廷赤蝦、. 袖子薄切鱆紅魚、 海膽甜蝦筒和牛壽司&辣味吞拿魚脆脆燒物︰娘惹黑豚串伴芒果醬，不能盡錄不錯啲~炸物︰即製蝦天婦蘿薄皮熱辣辣燒物︰黑椒牛柳粒，但羊架十分鹹要飲多水焗︰焗黃金大虎蝦(肉味彈吾"莓"味道調得不錯， 焗海膽黃金蠔(雖較細隻隻爆芝士焗正~)仲有啤酒任斟，可惜我們吾飲酒但都係好介紹之一飲品櫃款式普遍汽水、細樽裝竹庶矛根，茶水區提水和茶較淡，旁有甜品較一般，雪糕櫃有揀︰沖繩海鹽、港式奶茶、朱古力、芒果....今次沒有食煮物，選擇小食較多，聽講係剛剛試業中，下次試午餐時段$98

放題時間去到夜晚十一點，時間好充裕，唔會趕頭趕命又唔夠時間，食得好少。另外，出餐好快，份量都足，唔洗好似某啲方題咁因為出餐太慢而逼住我一次叫勁多野食。本身已經好多款式，選擇好多，加左幾十塊升級之後更加多選擇，仲有個鮑魚送俾升級嘅顧客。刺身好新鮮，另外值得一試嘅一定係玉子燒，甜而不膩，蛋香味好足。啤酒最特別係有沙冰，而唔係普通冰塊。甜品係一杯杯細嘅，差唔多一两啖就食完，所以可以試好多唔同口味。雪糕唔係出面常見嘅品牌，玄米茶同海鹽口味好特別，玄米茶有茶香但唔會苦，海鹽有少少鹹味，好奶嘅感覺。

去旺角食放題$198一位，加$88一位就可以升級美食更加多款式揀。咁就加88啦刺身款式好多：三文魚、八爪魚、黃金螺、蟹棒、呑拿魚、甜蝦、赤蝦、油甘魚等等海膽手卷好得意，用咗雪糕脆筒取代紫菜😋岀奇地幾好食，不過食一兩個就夠了！岩鹽和牛壽司入口溶化。流心玉子蛋捲千層塔，雖然無流心，但玉子煮到岩岩好，入口香甜，軟熟。日式胡麻檸檬燒三文魚伴薯蓉，三文魚龍用黑胡椒醃過再煎，食落好香口，薯蓉好好味，好似炸雞髀沙律個種薯蓉，正！白汁芝士焗扇貝仲有飲品，雪糕仼飲任食升級埋大約300/1位，價錢ok既

朋友話油麻地最近開左間日式放題, 想去試下。於是我地決定今晚去食飯, 順便慶祝生日。餐廳地點好就腳, 基本上好多巴士都會經過附近 (其實係街上仔細留意都會見到間餐廳)。我地book 左7:30pm, 一入到去就直接入座。雖然有限時, 但3個鐘真係好長, 慢慢食, 慢慢傾計, 再慢慢交枱。客人需要用app去落單, 我覺得幾方便, 尤其係當有朋友要遲到, 可以send條link俾佢揀, 直接落埋order, 一黎到就有得食, 而且唔洗影menu, 快靚正!。食物種類有9種, 分別係沙律, 刺身, 壽司, 卷物, 串燒, 一品料理, 鍋物, 天婦羅 & 炸物。睇落好似幾多款式, 不過其實每項的選擇都唔多。例如刺身方面, 只有三文魚, 魚立魚, 八爪魚, 北容貝, 馬刀貝, 虎蝦同埋甜蝦, 共7款。其他類別的款式都唔多, 不過D款係大路的, 味道中規中矩。呢度的食物款式同種類雖然比唔上大X喜/ 大X屋果類餐廳多, 但我個人則較欣賞呢度。首先價錢較便宜 (晚市$198 一位), 而且座位與座位之間的空間較大, 坐得舒服。另外就係呢度的店員有效率, 但唔會快到令人有一種壓迫感。所以都幾推薦大家黎試

最近朋友建議嚟試下呢間新開放題，位於油麻地，方便大家收工過嚟！成人每位$198，另可選擇升級菜單加$88，價錢尚算ok~餐廳飲品甜品以自助形式供應，有清酒、啤酒、汽水、迷你杯裝甜品、雪糕係cocoberry任君選擇！從未試過呢個牌子雪糕，不過有好多味揀，特別如玄米茶（推介👍🏻👍🏻）、港式奶茶、沖繩海鹽、大路如芒果、朱古力、椰子等等，全部都好好味☺刺身壽司都新鮮，壽司飯唔會太大粒，唔會食得壽司嚟就飽晒～熱食最愛燒牛舌，夠爽！燒鯖魚、燒蝦、溫泉蛋烏冬、燒菠蘿等等，每樣都要encore😆

任飲任食一向係本人至愛，收工成班大男孩聚會，梗係食放題！可以喺budget裡豪飲就最爽！油尖旺又就腳！今次試呢間天池放題！環境光猛乾淨，食物款式多，放題應有的都有，飲品櫃好多選擇🤩汽水、茶、涼茶乜都有，仲有黑啤、清酒任飲，值得一提餐廳仲特別供應人氣之選-Frozen Beer🍺客人可以體驗零下5度冷凍泡沫生啤，好似沙冰咁，泡沫幼滑，口感冰涼，不過人地斟喺杯啤酒上面，友人就傻傻以為係思樂冰咁飲🤣不過佢絕對唔需要擔心掛住食攤到啤酒熱晒唔好飲🤣🤣🤣