天后甜品

Open Now

Now Closed

榴槤佐酒係會中毒架～豬仔想大家享受食物, 都要留意自己身體呀黎到天后, 緊係食天后甜品, 豬仔覺得榴槤味好正架店員又極力推薦榴槤椰果冰冰, 一於試下！甜品黎到店員細心咁叫我地與甜品底下的冰冰混在一起吃, 以免底下的冰冰無味道😍😍榴槤味重而香濃, 奶味濃郁, 喜歡奶味的食家, 不妨都試一試！ 榴摙當造, 榴槤甜品唔食唔得啦

同朋友一齊入黎避雨順便食糖水，結果中晒伏，個腰果糊係加水既極甜花生醬，個芒果西米露配布甸收成50蚊但d西米煮到過晒火，個布甸分明cheap 野而且d汁係螢光黃色既唉，早知淋雨算

街口轉角果間間唔時都食下，印象中價錢正常，味道正常，今次想食埋串燒，見過左11點無其他選擇，就入左呢間分店既天后甜品。入到去大把位，冷氣開到好大...兩個人，叫左一個冰糖雪耳燉木瓜 $4X，一個芒果豆腐花 $4X，雪耳木瓜屬正常味道，暖暖地唔算熱，不過成差唔多50蚊。芒果就偏酸唔夠熟，但芒果汁底就好甜，豆腐花一般質素唔好預佢好滑，男朋友見我食到咁既樣都知有幾好食。想叫少少串燒食下原來每類串燒要至少叫2串，最平既串燒都要$28/一串，最終叫左3類串燒，總共6串。有豬頸肉、雞軟骨、雞翼，記得其中一款要$3X一串，一款要$4X一串。串燒黎到，終於明白點解每款最少叫2串，因為叫1串你唔覺得自己有野落肚。燒得都正路，係雞翼有啲太鹹。不過去到埋單真係嚇親，居然要$28X，只係食左2碗普通款既甜水 + 6串細細串既串燒。個人覺得定價過高喇...300蚊我可以行去琉璃街食潮州野食到好飽了...😓 大家自己考慮呢間甜品自己比唔比得起...因為隔離鋪既居酒屋都係佢地既，同一條街開3間鋪又開到咁夜，你話比咁貴啲錢去左邊喇😓😓

今晚幾個朋友約埋去SHOPPING，跟住去睇電影，睇完電影出嚟有個話去天后甜品食糖水，佢話聽講果度出品幾好，雜志上有介紹，我地都未去過就過去試下味啦，我地去得比較夜喇，店差唔多關門，店面唔大，不過感覺幾干凈同舒服。楊枝甘露睇落同其他店嘅差唔多，甜度適中，糖水濃度都OK，芒果味幾重，西米都算Q彈，但柚子肉有D苦，總嘅嚟講一般。芒果冰，顔值幾高，睇落好靚，芒果味幾濃，做得都幾滑，無冰渣，我地幾個都覺得呢個做得都算可以。黑芝麻糊一上臺就聞到好香嘅芝麻味，幾香滑，有D似即磨果種感覺，用料比較足同新鮮，唔錯。呢個我覺得系今晚點嘅幾個甜品最好食嘅一個，好大舊榴蓮肉，榴蓮肉好香滑，涼粉無咩苦澀味，幾爽口，糖水濃度OK，甜度適中，但無傳說中嘅咁好食，無特別驚艷嘅感覺。

食過晚餐，當然要有甜食埋尾，天后一定是頭三甲位置。而天后甜品的豆腐花當然是我第一選擇，有時市面上的連瑣豆腐店，酒店餅房撞的豆腐花都不及天后甜品來得滑跟細緻。豆腐花用木桶裝，聽聞是為了保存豆腐花的温度，用木桶裝的豆腐花也較傳統，一入口，豆腐花立即化開，滑到喉嚨的深處，完全沒有任何「鞋」口、厚身的感覺，這刻終於明白為何這間店會用如此平凡的豆腐花做招牌。豆要磨得十分滑，撞擊的力度、温度等要恰到好處，才可做到如此質素。至於豆味，我個人認為x和豆x廠較重。整體而言，這是一碗上乘的甜品。朋友叫了楊枝甘露和榴槤西米露。食後十分激讚，不停叫我試一口，考慮兩款甜品味道太重，食後影響豆腐花的味道，唯有期待下次試試。

今晚同男朋友散步經過天后，見到呢間叫天后甜品的店舖，正想食甜品，就行埋去睇一睇。職員在門口好親切咁叫我地入去試下，我地諗住是但食一間都OK，最多都係普普通通，唔會至於唔好食，所以就試下入到去，D位都幾逼，坐低左郁少少都會唔小心撞到後面果個人我同我男朋友都算瘦同斯文，平時都坐得好定，但食野中途我同我男朋友都唔小心碰到一下各自後面的人坐低無幾耐，五分鐘內啦，我地仲揀緊食咩好，職員已經問左兩次我地揀好未又唔係埋來介紹自己店舖的甜品，佢係催你嗌野食咁睇下個餐牌，見到款式有好多，榴槤、心太軟、雪花冰、中式甜品、椰果冰等，乜都有。心諗咁勁？好似外面間間甜品的招牌甜品佢地都做到咁睇多兩睇，有埋串燒、小食同壽司TIM，真係樣樣齊，但價錢真係偏貴，不過如果大份或者好食都無所謂，咁就叫左一個龍眼椰果冰同榴槤飄香試試啦！首先係榴槤飄香，一見到份野，已經唔多對路，同平時其他店舖相比，個色怪怪地份量少，榴槤更少，賣相差唔緊要啦，可能都好好食，但一試就發現中伏榴槤唔香，而且無好食的榴槤的質感，超軟，完全無口感個汁食完令人覺得喉嚨唔舒服，好似加左好多糖水咁，完全唔香同深井發X完全無得比，無論份量、賣相、味道都差好多

偶然經過這所甜品店，見貼滿照片，以為是好評熱店，怎料今天打食評才嚇一跳。最嚇人的只是我覺得這裡的甜品沒這麼差，只是性價比和服務可以好一點。朋友點的豆花公主有紅豆蓉，紅豆奶凍和紅豆雪糕。紅豆蓉味道香濃，只是奶凍欠香味，雪糕也很一般。整個甜品賣相還好，只是搭配口感奇怪，像是3樣甜品拼湊一起而已。要大讃的是這個紅豆腰果露。店主說是每天現磨的腰果果然軟滑甘香，口感細膩濃稠！與紅豆沙是和諧的組合。但以單價$36一個紅豆沙來說，若價格可以便宜一點就更抵食。

叫左兩碗糖水,海底揶涼粉,椰汁西米露....只是需要將材料撈埋既甜品,等左20分鐘😑😑但係真係好難食...西米露稀到好似用水溝咁...餐牌明明寫$65，但牆上寫話是日假期，要收多10%，收錢先講：盛惠$72！

23/8 在天后區實在有太多食店及糖水鋪了, 選擇非常多, 但要有十個連住吉位, 都不易找到. 所以一見到這間有位便進去了. 我叫了榴槤天王, 是有強烈榴槤味的. 頂部的便是榴槤蓉, 下面是黃色的布甸, 但又吃不出是什麼味. 旁邊有西米及涼粉粒, 有不同口感, 都OK. 喜歡榴槤的朋友可以試下. 朋友K叫的豆腐公主, 也是有西米和涼粉, 也是有些東西下面有布甸, 很像我那個, 所以就合照了. 上面的香蕉, 都是新鮮的, 下面的白色布甸, 無乜味, 可能就是淡淡然的豆腐味吧. 朋友說OK. 朋友A叫的OREO木糠布甸, 他沒說什麼, 但我看到白色部分就是CREAM冷凍了, 很厚, 加薄薄一層朱古力粉, 卻不是OREO的深黑色. 同OREO完全無關. 我睇到都覺得好DRY,唔好食.另朋友K2, 等了20分鐘, 大家都吃完了才來的天后WAFFLE, 外貌是很討好的, 有兩球雪糕, 又有士多啤梨及朱古力醬作裝飾. 可是最重要的窩夫卻是硬和燶的, 又話即叫即製, 仲要等20分鐘! 但最後我還是決定比OK面, 因為我吃的那個天王是OK的. 但相信我下次都不會再入這家店. 一來試下其他店, 二來在這

到天后食完父親節晚飯後, 再去附近揾個地方食個甜品。「天后甜品」原來跟旁邊的串燒店是同老闆的, 因此餐牌有甜品及串燒。甜品店没有什麼特色的佈置, 裝潢十分簡約。老公點了熱腰果露$28, 味道香滑。媽媽點了芒果冰$45, 冰涼之選可是芒果味比較淡。爸爸點了榴槤木康布丁$35, 未食已聞到濃烈的榴槤味, 食落味道不錯, 口感順滑。我點了雪糕芒果布丁$50, 一次過食到雪糕、布丁及芒果肉, 內容豐富賣相吸引。

龍眼豆腐花@天后甜品 $35。賣相看起來有種很清淡的感覺，最初看見賣相我有種失望的感覺，怎料吃起來發現有種驚喜。清甜清新的龍眼味糖水光喝起來就覺宜人可口，配上豆腐花吃後有相得益彰的效果。龍眼糖水的香甜味沒有像傳統豆腐花所用的紅糖一樣掩蓋了豆腐花的豆味，反而每舌尖先嘗到一陣清甜後就能感受到香滑的大豆味。比較可惜的是，可能因為儲存備用的關係，龍眼去殼後放久了，吃起來沒有那麼新鮮，甜度比較低。 不過，總而言之，這份新舊crossover的甜品值得喜愛新鮮感的你一試。

11月5日同朋友二人， 食過幾次甜姨姨， 今日試下天后甜品同區的小不 免會 比較下朋友的薑汁芝麻湯圓， 服務員放下來檯面的時候 沒有聞到薑汁的味道， 朋友話， 味道略淡， 湯圓有d淋， 無乜口感， 我都試咗一粒， 湯圓係有d淋， 芝麻味略淡，不夠味 榴槤飄香 ～等同楊枝甘露.芒果改成榴槤， 榴槤分量適中， 味道很淡 唔係榴槤唔靚， 係食到濃濃嘅淡奶味道， 淡奶味太多遮蓋左 榴槤既味道， 食得出唔係常溫牛奶及鮮奶的味道 近幾年都未食過糖水舖有淡奶既味道， 因為而家大多數糖水舖都係用 牛奶或忌廉奶食物和價錢永遠都是掛鉤的， 食物質素唔好， 相比他就不值得 呢個價格

今晚同fd宵夜，行落天后又唔想食太貴，見倒有間甜品未入去試下囉。之後叫左圖中果兩樣：雖然賣相睇落唔錯，顏色仲幾靚，但就系因為芒果既顏色幾靚，望落唔夠天然，而且食落覺得非常非常甜到膩，陣味亦好似經過加工，所以絕對唔推介雖然唔知系咪因為芒果本身太酸，需要加甜，但系甘做已經失去左原有既味道至於oreo呢個都系令我覺得有種奇怪配搭既感覺，雖然oreo雪糕味道尚可接受，與某連鎖店既雪糕味道相似，但系加上其他配搭，真心覺得有少少奇怪，味道亦唔夾。如果真系要黎e間我諗食d普通野可能會安全少少。

味道很好,点了木糠布甸和芒果西米露。布甸入口即化,口感很好,奶油味十足,回味无穷。芒果西米露也很好,芒果新鲜,椰奶很香。价格适中,很幸福的味道哦。十一来的,下午没什么人了

外賣加一蚊合理。甜品舖仲要堂食或外賣都要加一，坐街邊咋喎！今日係普通日子，唔係中秋、花市或新年！叫咗個芒果西米白涼粉，味道普通過普通。以為白涼粉好特別，無味，硬掘掘。最差係個椰汁，水liao liao，無味，一定加咗好多植脂奶同水。其實天后有好多糖水舖，呢間環境同服務真係不敢恭維！除咗可以坐街睇車同食煙。