甜記餃子

Open Now

Now Closed

我地兩個人嗌左兩款湯餃，兩款煎餃同一碟小食。每一粒餃子都漲卜卜，皮又唔會太厚。湯餃分別係椰菜冬菇雲耳豬肉餃同洋蔥薯仔牛肉餃配番茄湯底。椰菜冬菇雲耳豬肉餃好足料，菜肉比例啱啱好，咬落清甜爽口👍🏻洋蔥薯仔牛肉就好普通，唔係好食得出牛肉同薯仔嘅味。番茄湯就真係太清，唔覺得配埋佢會令到餃子好食咗🤔兩款煎餃分別係粟米芝士雞肉餃同香葉豆角豬肉餃。粟米唔脆，芝士味好啖同我本身以為芝士會拉絲，所以有啲失望🫤香葉豆角豬肉餃反而有驚喜，好有泰式風情，每款食材都有種相輔相承feel，係今餐MVP👍🏻👍🏻👍🏻-環境樓底高不過張枱好細，同埋我要抱住個好大嘅gym bag黎食，（ 餐廳無位可以擺袋）感覺上有啲逼👉🏻👈🏻-整體味道正常，但性價比極高🤑我地兩個人嗌左兩款湯餃，兩款煎餃同一碟小食，埋單都只係一百頭。如果咁啱經過又唔洗排隊嘅話，會再入黎試下其他口味如果要等位就應該會pass😬

網上睇到好多人講呢間餃子店好好食，勁人氣，亦都好多人講一定返轉頭再食，就梗係要試吓啦！雖然落好大雨，去到時見到10幾人排隊嘅狀況，我叫外賣，職員話15分鐘左右有，最後大概25分鐘先攞到。今次叫咗雙併湯餃（$46），試咗共4款餃子，再試晒兩款湯，外賣有跟醋同菜脯。見到有comment 話餃子好大隻，我覺得係幾飽滿嘅，但size 嚟講算正常，未至於有荃灣餃子屋咁大隻咁重手咁勁足料。🍴京蔥羊肉餃呢個係4款餃子入面最好食嘅，味道比較突出，羊羶味孜然味啱啱好，非常惹味濃郁，不過攪笑嘅係，雙併supposed to be 係有5隻，但最好味呢個就得4隻！🍴香芹芫荽豬肉餃呢個係第二好味，香芹芫荽令餃子比較香口同埋有口感，豬肉味相對唔算好夠味。🍴椰菜冬菇雲耳豬肉餃食得出雲耳味同口感，冬菇味冇咩，食咗呢個就知道豬肉味唔夠，因為呢款比起香芹芫荽淡味，但如果呢款都食唔到豬肉味，可能係調味不足，整體上呢款係正常！🍴洋蔥薯仔牛肉餃呢個係4款入面最差嘅，有少少莫名其妙，完全食唔出牛肉味，洋蔥味都欠奉，只係食到薯仔味！🍴湯底 - 番茄薯仔湯及雞湯試晒兩款湯底，好多人話佢嘅番茄薯仔湯好正，係要成碗飲晒！我一試，完全唔

相信呢間大家都唔會陌生(˶'ᵕ'˶)成日去旺角 其中一間既lunch飯堂黎💛價錢平之餘又好食～每次必食韮菜餃+椰菜豬肉餃配蕃茄湯！٩(ˊᗜˋ*)و湯底好飲 餃子又大隻～仲要加好多辣菜脯(重點之一！)(˶‾᷄ ⁻̫ ‾᷅˵)每次食完都好滿足咁走～甜記係最愛既餃子店 暫時未搵到取代到佢既舖頭🤪個人認為旺角舖環境舒服過長沙灣舖～歡迎推介其他好食餃子舖|ω･`)👅味道：4.5/5💰性價比：4.5/5👀回頭率：5/5

平時經常都食呢間餃子, 簡直係上班人士嘅福音, 好味飽肚又唔貴, 不過如果堂食就要有心理準備等位, 因為呢度都幾full下, 如果外賣自取就預早叫定啦, 今日1點幾鐘嘅lunch繁忙時間我就預早左打黎外賣自取, 侍應姐姐就叫我20分鐘後取, 拎返公司食咁就唔使排隊啦叫左雙拼餃子 : 京蔥羊肉餃+香芹芫荽豬肉餃 (10隻) +另加一支熱豆漿京蔥羊肉好香蔥味 羊肉亦唔會話超羶 , 香芹芫荽愛好者不要錯過, 皮薄餡靚非常足料, 而且跟左一個蕃茄薯仔湯底, 我真係飲到一啖不剩, 而且跟左個菜脯非常滋味, 搭配羊肉餃一流.不過豆漿應該就係叫貨嘅, 味道非常普通無咩豆香, 工場嘅味道侍應姐姐好有禮貌服務好好!! 食物又好味 , 是必須encore的店!

終於可以為我最愛的甜記餃子寫一篇食評🤭每次都急急忙忙開餐忘記為食物拍照。對於不吃豬肉但又好喜歡吃餃子的我而言，可滿足我要求的餃子店真的很少。但甜記卻有許多雞肉/牛肉/羊肉餃子的選擇，餡料款式還會按時更換👍🏻現在變了用QR Code落單，可以節省人手及等候點餐的時間👍🏻今次點了韭黃雞肉餃拼洋蔥薯仔牛肉餃($42/8隻)✨湯底的蕃茄薯仔湯就像住家媽媽煲湯一樣，簡簡單單的味道💛每粒餃子的餡料都好大粒好飽滿！略嫌牛肉餃的肉餡有些少少筋位較難咬，但味道及食材配搭都是100分～+$8點了洛神花茶，酸酸甜甜好消暑解渴，夏天必叫另外枱上有辣菜甫，每次都必會夾住餃子一齊食，辣辣的好惹味！雖然餃子款式很多，但有時過了七點，就會陸續賣完。如果想試到自己心儀的口味，就可能要早點光顧了！

平日夜晚嚟到唔洗排隊不過座位比較窄，拎住太多嘢就比較麻煩～餐牌（餐廳用qr code落單，不過都有實體餐牌俾人睇）我地都揀咗煎餃+台灣麵兩款餃都煎得好靚，個皮算簿，幾好韭菜豬肉餃：幾好食！裡面係菜多過肉，我鍾意咁冇咁膩粟米芝士雞肉餃：味道正正常常～入面得勁少芝士，幾乎冇咁濟，所以有啲失望碗麵都不錯，份量超級多，早知叫一碗share食，雞湯都好飲我地仲嗌咗枝豆漿～好飽整體嚟講都唔錯嘅，價錢方面又唔貴，下次如果要快食嘅都可以再嚟呢間

旺角食肆五花百門 有時想食健康啲既 最後都會揀食餃子 黎番甜記😚😚▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 香葉豆角豬肉餃拼椰菜冬菇雲耳豬肉餃($46👉🏻10隻）前者既感覺幾新奇 未試過呢個配搭係餃子度出現 豆角吾會太淋 加入香葉令餃子變得有啲泰式feel🤣🤣 後者調味適中 穩陣既味道 配料豐富 ❀可選雞湯或蕃茄薯仔湯之前有飲過雞湯好淡 所以都係揀番茄薯仔湯 比起媽媽煲既淡 但起碼濃過雞湯🤣🤣✨辣菜甫✨超好食 大大粒有咬口 每次都食勁多🤣🤣❀洛神花茶 （$8）酸甜酸甜好開胃

好多人介紹話呢間好食, 一直都係我個list 到, 未有機會食, 今次終於有機會試下, 天氣好熱, 尤其是女人街入面等左30分鐘自己填埋電話頭幾個字登記, 都要有心人先食食到, 終於入到去, 食左個芥菜湯餃+湯麵仲有杯凍豆漿, 另外叫左口水雞食, 首先講下餃子, 皮係薄值得讚, 但係個餡就好青味, 好似熟同唔熟之間, 我唔知係料既問題, 定係唔熟問題, 真係一般般, 之後再講埋個麵, 係我食咁多間餃子麵店真係尾2差, 有間係佐敦仲差既, 個湯無味已經好似直接落滾水入去加蔥既感覺, 另外D麵少都算, 係細條又無口感, 我真係會比好差評語, 我諗如果係屋企水加雞粉都仲好食過佢地個湯; 再講口水雞, 個味係OK 但D雞肉唔滑係好已經扣分, 個味幾好都無用; 呢間唔會有第二次,完!

🥟每次經過都見到好多人，但又懶排隊🫣經過門口無乜入就入左去，份量有8隻同10隻可以揀，單雙併價錢都係一樣，雙併就可以試多幾隻味1️⃣西洋菜豬肉湯餃 & 韮王雞肉湯餃 湯底有雞湯同蕃茄薯仔湯揀，未試過蕃茄薯仔湯配餃子，出奇地味道又幾夾，得湯底好重蕃茄味，好甜無味精，係可以飲哂既湯底黎🤤每粒餃子皮都好薄，仲要爆餡🐷西洋菜豬肉餃：西洋菜好香食落爽甜，唔係切到好碎，所以比較有咬口🐥韮王雞肉餃：韮王味好香濃，雞肉亦唔好乾身，味道好清甜2️⃣京蔥羊肉煎餃 & 洋蔥薯仔牛肉煎餃 煎餃比較香口，成隻都煎到金黃色，個皮脆卜卜，煎咬咬開係爆汁🐑京蔥羊肉煎餃：羊肉味好香好重，但唔會好羶，有少少孜然味，京蔥亦都好多🐮 洋蔥薯仔牛肉煎餃：洋蔥好甜，但食唔到有薯仔🙈洋蔥同牛肉好夾，味道偏甜🌟舖頭既麻辣菜脯好好味，放左櫻花蝦一齊炒，另外有生餃子，可以買返去自己煮🫶🏻想睇更多食評，記得留意IG __imfoodieb

由於今日喺旺角附近需要上足全日堂而午膳時間只係得一個鐘嘅關係我一落堂就沖去呢間甜記餃子度排隊好彩我比較早到淨係等咗一張枱就有位一坐低就叫咗個芝士粟米煎餃+1個蕃茄薯仔湯米我另外再加多咗支豆漿芝士粟米煎餃好好食！外皮煎到好脆好好食食番茄薯仔米嘅時候 我加咗舖頭提供辣菜脯幾好食！下次會再嚟幫襯食煎餃仲有個南瓜忌廉煎餃都想試呢間舖頭有啲細 不過坐得都唔算唔舒服價錢正常 唔係太貴見到Menu仲有生餃子可以買返屋企自己煎仲好似平少少添推薦！

有位餃子控朋友介紹而間店俾我😙皮薄餡靚, 每一粒都漲卜卜, 勁足料🥟 大件夾抵食呀😝🥟湯餃 8隻 $42 / 10隻 $46: 可選2種口味🔶南瓜忌廉雞肉餃👍🏻: 勁推‼️甜甜地, 夠香滑😋🔶香葉豆角豬肉餃: 有d似生菜包既肉碎, 又香又有口感😝🔶香芹芫荽豬肉餃: 多左芹菜, 比平時既芫荽餃fresh😚🔶粟米芝士雞肉餃: 芝士味重, 配埋粟米, 絕配😝湯底可選雞湯或蕃茄薯仔湯🥫雞湯清甜, 不過識叫一定係叫蕃茄薯仔湯😋絕對唔係罐頭湯, 清甜無味精, 好有家既味道😉🥟煎餃 8隻 $46 / 10隻 $50: 可選2種口味煎餃熱辣辣上碟, 好脆, 而且唔會好油😋🔶韭菜豬肉餃: 超濃韭菜味, 係草既感覺🤤🔶洋蔥薯仔牛肉餃👍🏻: 洋蔥偏爽, 牛味濃, 調味同口感都唔錯😚🐖醉豬手 $50: 醉汁唔夠醉😂 同埋豬手有dd腥🙈🥬蝦籺蠔油菜芯 $22: 煮得幾淋, 正常😂小食就一般般, 但係餃子真係大件夾抵食😍 湯底又唔油, 回頭率💯評分: 🍀🍀🍀🍀🍀

又係一間要排隊嘅餐廳🥲🥲餃子均一價 可以揀雙拼🫡 粒粒皮薄飽滿🤤推薦同菜莆一齊食 辣味令成件事更惹味豐富————————————————————————🐕湯餃子（配蕃茄薯仔湯)($42 8隻；$48 10隻）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯聽聞蕃茄薯仔湯好正 有家的味道淺嗜數口 感覺湯底以純蔬菜熬成 偏似重少少蕃茄水 冇乜味精但始終冇以肉去熬製 會比較清可能以免搶了餃子風頭🥇京蔥羊肉餃羊肉餡混入不少香料 微羶 像極了燒羊肉串 惹味得很😝相信煎都不錯🥈西洋菜豬肉餃菜比例頗高 感覺天然健康 是正正常常的餃子餡🥉南瓜忌廉雞肉餃加上忌廉的南瓜肉餡比其他餡軟身幼滑 相對口感冇咁豐富 但的確南瓜味香甜濃郁 頗為特別🏅椰絲冬菇雲耳雞肉餃雲耳脆身 有少少似鳳城水餃 本身自己就唔太中意————————————————————————🐕煎餃子（$46 8隻；$50 10隻）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯All in 粟米芝士餃可惜不如人意粟米未夠香甜爽脆 芝士味淡 以為自己食緊淨肉餡🥲唯一好嘅喺煎餃夠熱夠脆————————————————————————

平日兩點半去到都勁多人，要等3至4枱，好旺人流❤️‍🔥 我嗌咗雙拼+偷咗朋友🦦嘅一款餃+Share咗個煎餃嚟試下，飽到傻咗❗️🤰💛湯餃2款口味 ($46/10隻)💛栗米芝士雞肉餃 呢款好好食🤤🧀 皮薄餡靚👍🏻 好重芝士味😍 Surprised🥳 而且栗米冇乜胚芽(應該類似渣/芯嘅感覺?)，有時出面食嘢會食到啲胚芽，會有少少突兀，呢款湯餃係是日最愛❤️💛菠菜豬肉餃菠菜幾香，但佢超多菜，冇乜肉嘅feel😢💛椰菜冬菇雲耳豬肉餃成舊嘢好有咬口👍🏻 但都係冇乜肉feel💛煎餃 — 韭菜豬肉餃 ($50/10隻)韭菜食落比起菠菜更香❤️‍🩹 隻餃唔會太油，佢係少少脆，唔係咬到牙崩嘅脆，亦都唔係非常香口個款🤔 我都幾鍾意呢種口感💭 我唔討厭食韭菜，但今日太飽，啲韭菜氣勁誇張😂 持續咗幾個鐘😵‍💫 💭支裝豆漿，抵飲👍🏻💭湯餃跟番茄薯仔湯🥔🍅 有少少料食下，唔會搶咗餃嘅味，但又有啖湯水飲下🥰 💭旺角舖對面街開咗間螺絲粉專門店，得罪講句勁撚臭😓 出面排隊已經聞到就死，入到間舖都仲聞到一陣陣嘅螺絲粉味🤦🏻‍♀️

甜記餃子皮薄餡靚，每一隻都好飽滿，而且價錢抵食，10隻湯餃 $46、10隻煎餃 $50，雙拼仲要唔洗加錢，每次食都要排一陣隊先食到架！*韭黃雞肉餃（湯餃）韭黃雞肉係意外嘅寶藏湯餃✨韭黃味道香濃，能夠帶出雞肉味，所以兩者好夾。白菜豬肉餃（湯餃）白菜豬肉餃係典型配搭，白菜清甜，豬肉肉味濃，咬落去好juicy，但係白菜梗剁得唔夠碎，煮完唔夠腍。椰菜冬菇雲耳豬肉餃（湯餃）四個之中，佢嘅味道最淡，椰菜本身味淡，帶唔出豬肉餡嘅鮮味。西洋菜豬肉餃（湯餃）西洋菜+豬肉嘅組合令人聯想到西洋菜豬骨湯，就係呢個味道，而西洋菜嘅味道再強烈啲番茄薯仔湯識叫一定係叫番茄薯仔湯，有啲番茄蓉、薯仔粒，為湯餃加分！第一次煎餃，老實講係失望😫似炸餃多啲，餃子皮炸到油腍腍，硬到咬唔開，而且油味好重，食唔到餡料嘅味道。粟米芝士雞肉餃（煎餃）時令關係(?)所以粟米粒唔夠飽滿、唔夠甜、唔夠juicy，芝士份量好似比我上一次食少咗啲，遜色咗唔少🥺南瓜忌廉雞肉餃（煎餃）南瓜蓉塞滿成隻餃子，入口順滑，雞肉味因為煎炸嘅餃子皮稍稍弱啲，可能叫湯餃會好啲🤟🏻

除左米線之外，企鵝妹都好鍾意食餃子，貪佢有菜有肉夠晒健康又方便食😛有幾次經過旺角嘅甜記都會見到有一堆人等位，今次試左覺得真係唔錯呀，仲要係良心餃子店，值得支持💛!!⭐️椰菜冬菇雲耳豬肉餃 拼 粟米芝士雞肉餃配蕃茄薯仔湯 $46/10隻 蕃茄薯仔湯係店鋪嘅其中一個賣點，真係有蕃茄同薯仔蓉架🍅🥔，有少少似屋企煲湯嘅住家感覺，配埋餃子食都飲左大半碗呀🫶🏻餃子每隻都好飽滿脹卜卜咁，大大隻超級足料，企鵝妹平時食開10隻餃子當一餐，今次都差d 食唔晒🤣椰菜冬菇雲耳豬肉餃口感好豐富，多菜少肉，配料爽脆，係健康之選💚粟米芝士雞肉餃🌽🧀芝士味香濃，粒粒粟米好甜，不過食多幾隻會有少少膩，覺得應該襯煎餃香口d會更加夾~⭐️西洋菜豬肉餃 配雞湯 $46/10隻 相比之下，雞湯就冇咁特別啦~同樣清甜冇味精，但私心推介蕃茄湯多d😛西洋菜豬肉餃入面嘅西洋菜好多，而且唔會切得太碎混入豬肉，而係保留原有菜嘅口感，更加帶出西洋菜獨特嘅香味👍🏻🐧企鵝妹食後感:嗰日夜晚7點左右入座，幾款比較高人氣嘅餃已經沽清lu~所以如果大家想有多d味道選擇，建議lunch或者早d時間去。特別喜歡佢地嘅餃子好足料好飽肚，特別要介紹佢地嘅菜