Tivoli 意大利餐廳

Open Now

Now Closed

The restaurant decor is very vintage yet in a cozy romantice christmassy way. You could tell the waiters are all working there for decades and would surely continue to working there. It's the atmosphere and the people that makes you feel cozy. Food is nice. Dessert is great, I had "sabayone", portion is small but good enough to enjoy with your beloved ones after a good meal. Would love to go again

今日經過這家意大利餐，很好奇之前想吃晚餐，却一直没有位，一直没吃過。所以見到午餐時間有大把位，就進去了。1、拉開門，一眼掃過，環境幽禁，像晚間的田園，到是很吸引。2、看看餐牌，随便叫了一個龍列柳飯，一個海鲜焗飯。5分鐘不到，面包，餐湯都來左，味道一般。又過多2分鐘，两樣飯到齊。我吃了吃海鲜焗飯，鱿鱼圈和着芝士飯扮着一口，甜甜芝士奶香，飯又軟身，方便我不大喜歡咀嚼。第二口，可能芝士没扮匀，一股芝士腥。哦…算了，吃我自己的龍咧柳。叉了一小块點汁，送入嘴。。。出了咸味里點點蒜香，我吃不出它的好，肉煎老了，還没茶餐厅吃的嫩滑。Oh，so bad。。。3、出于對食物的尊重，我勉强吃完大半。于是同一位中老年的waiter反應了情况，他就"嗯"敷衍一下。。買單時态度又不大好，明明没两人，就扮得很忙的樣，感覺想赶我們走。。。算了，價格不貴，還是給他家餐厅面子，就算給了加1服务費，又另給了幾元小費。。。以後我是不會來的了！

中學時代常來食lunch, 今次與兩個女兒於這裡為媽媽慶生。重遊舊地，想起當年最喜愛的意粉及牛油，決定要再嘗。晚餐有牛扒及雞扒，就呢兩樣啦，仲有南瓜湯添！一個配薯菜，一個配我久違了的意粉，再加一個意大利腸pizza.各樣都美味，尤其意粉，一如以往Al Dente, 且不是無調味的意粉，而是有淡淡的橄欖油香，甚有heart，令我回味不已！Pizza即叫即烤，熱呼呼，美味！短期內會再來！

一直"欠交"這個食評因為停寫一段時間要逐篇找回相片真的頗花功夫, 嘻嘻, 既然急不來...慢慢排隊寫不用急!  其實會去這間意大利餐廳是因為以前工作地方在百利附近, 出地鐵我好鍾意出佐敦站恆豐出口再'兜'路行番公司, 享受獨行發"吽豆"發白日夢踱著旺中帶靜的地段...行來別有一番滋味...每次經過這間餐廳望入去都覺得感覺良好, 有時想食, 但又無訂定位太多人, "下次啦"咁...終於不再在這區工作, 又沒有想起它直至要搵地方同Honey及朋友仔在尖沙咀區食飯就想起這店, 好, 一於預早訂座, let's go, Go~Go~Go!我們訂得早, 18:15當然有位, 但提醒各位, 假日晚市無訂位唔好望walk-in, 因為確實我們走時已爆場, 唔訂有排等...地點方面: 地鐵出口行來唔駛3分鐘, 非常方便!氣氛方面: 燭光晚餐喎, 嘻嘻...唔錯唔錯! 座位安排: 如果不是坐近門口的枱, 入面都排得略為密麻麻, 大家要相就一吓...服務方面: 叔叔侍應很好, 其他侍應要咩有咩, 雖則唔會笑笑口, 但亦無黑面或越叫越走, 算不錯! 食物方面: 很多選擇! 但當晚我們一行只得3人, 有點可惜

因為係附近，又見開左咁多年，諗住今晚唔知去邊度就試下啦，入來個環境好吵好迫，anyway叫左晚餐牛柳跟飯，7成熟(話一係5一係7冇6wo) 好期待。。。來到試一啖，超過9成熟唔算仲要係一d牛味都冇，頂唔順，d汁好古怪唔識形容，感覺食緊碟頭飯，好失望，絕對不會有下次

周初公司佐敦"春零"，同幾個同事懷舊一下，去咗冇去廿年的意大利餐廳午膳，6個人叫咗5個牛扒餐，1個焗豬扒飯。面包先上，牛油唔係一盒盒果D，係放碟上，刨出來的牛油花，面包熱,牛油凍，幾好。個紅湯就一般，酸咗D，椰林閣好過佢。牛扒跟飯上，有2舊菜，塊扒有手掌咁多，汁味普通啦，牛扒叫做有D牛味，起碼冇俾大量梳打粉整死。凍啡都一般，冇驚喜。乜都普普通通，寫嚟做乜，喂，45蚊尖咀食牛扒，坐得舒服，招呼唔差，有包有湯有主菜有嘢飲有招呼有冷氣，尖沙咀街市食碗牛腩粉加支可樂都40啦，Tivoli 食得舒適，超值。

今晚替PingPing補祝生日. 這次是我第二次來Tivoli. 第一次是他人替我慶生. 這次輪到我幫他人慶生.暗暗既燈光, 微微既燭光. 營造出高貴既格調. 很喜歡這間餐廳的情調.今晚既set dinner似乎不太合胃口. 所以在餐牌散點了一些. 前菜我們點了巴拿馬火腿配哈蜜瓜. 主菜分別點了一份西冷及紅酒燴牛肉. 餐飲再點了兩杯紅酒.巴拿馬火腿配哈蜜瓜 - 咸咸既巴拿馬火腿巻住清甜既哈蜜瓜, 咸與甜的交匯. 刺激着味蕾. 不錯既開胃小吃.西冷 - 我們叫了五成熟. 這個程度口感一流. 肉味夠之餘不會太老.紅酒燴牛肉 - 牛肉粒配大量的雜菜. 味道還可以, 只是牛肉煮得有點兒老. 加上個人不太喜歡雜菜. 所以感覺一般.用餐完畢後, 侍應突然拿出一個雪山火焰蛋糕. PingPing有點嚇住了! 想製造一個驚喜, 不妨預先通知侍應, 他們很懂得配合.雪山火焰蛋糕 - 口感特別, 外面感覺很泡, 裡面就有雪糕. 注意火焰只有短暫既一刻, 影相要快!

今日黎左依到食LUNCH,都係朋友介紹我地黎,環境係幾舒服嫁,不過價錢就要自己諗諗喇當然,睇左一陣就決定叫左個Set lunch首先黎到既係羅宋湯,特別既牛油同埋法包片,湯飲落係唔錯嫁,份量都十足呀,個味道都幾真唔似有太多味精,之後就係一個特別既刨牛油，佢用不銹鋼碟上既，好耐都無見過,食落都幾香既,之後就係依個雞胸凱撒沙律,非常之新鮮,賣相都十分靚,菜食落新鮮,好爽脆,汁就岩岩好夠,唔多唔小,雞胸肉就抵讚,食落有一陣好香既炭燒味，加埋炸香既麵包粒，仲要份量十足，正。之後就係依個Margherita Pizza,依一個即做既pizza,當然一定夠熱,食落仲好香又夠哂脆，自己就覺得唔算太夠芝士味,同埋蕃茄味弱左少少,不過整體食落都唔錯既,最後仲有埋杯咖啡,唔錯既。 

惠顧午餐，牛柳餐HK$78，連餐湯及麵包牛油及餐飲，焗肉醬意粉HK$52， 連餐湯及麵包牛油及餐飲。午餐份量偏少，焗肉醬意粉味道滿意，牛柳都可以，配嘅芝士薯蓉有別於一般薯蓉較為好味！餐飲熱奶茶較差！

叫左四季同煙肉意四季無味又唔翠煙肉ok個咩咩雪山水果勁少，就問點解只有芒果無士多啤利個waitress話我洛單係要士多啤利，我開初是開她有無芒果，不是非走芒果，仲發脾氣收哂入廚房，加兩塊芒果就叫人食，仲要無得取消。真係食到一肚火

Tivoli也是一間屹立不倒多年的餐廳，幾年沒來，仍然抵食仍然味美。Set lunch 羅宋湯 牛油 法包片湯ok, 份量足，最有趣是配數十年前時興的刨牛油，用不銹鋼碟盛着，但碟附一灘有不知來歷的水，要減分。Set lunch 雞胸凱撒沙律菜很新鮮，汁不多不少，coat 在每片菜上，雞胸肉有炭燒香，配炸香的麵包粒，滿滿一碟，正。Set lunch 煙肉蛋意粉侍應特別推介，汁特濃，每條意粉也充滿煙肉芝士蛋香，十分美味。即做Margherita Pizza即做的pizza, 夠熱夠香夠脆，惟不夠芝士和蕃茄味，還加了cherry tomatoes，有點殺風景，即使如此，它也比連鎖pizza店好吃千倍。Set lunch 還附咖啡，四人盛惠$280，抵。

大澳遊後晚上來到我的至愛Tivoli, 如果山林道有車位, 其實泊好車行兩步就到Tivoli, 很方便的。說起Tivoli, 我成為這裡的客人都有10年歷史。雖然不是經常來, 一年總有一兩次。懷舊意大利餐廳的格局多年沒變, 侍應除了多了幾個新的女侍應外, 還是舊有的那一班。 大大支的蠟燭和厚厚的燒過燭台上的蠟是這裡的特色。Prama ham with melon 是我到這裡必吃的。甜甜的哈蜜瓜配上咸咸的Prama ham, 是絕配!!  有一次來到點了這個, 他們給了蜜瓜而不是我喜歡哈蜜瓜, 我就失望了, 很奄尖吧! 牛柳也是我每次來必點的, 味道多年不變, 濃濃的蒜汁滲入腍腍的牛柳內, 不可不吃。最後當然一定要有他喜歡的carbonara, 濃郁的蛋汁混和彈牙的意大利粉, 不是其他餐廳那些稀稀的, 他說這裡的carbonara是他吃過的top 3!還記得多年前餐前一定有免費的麵包配少少咸的牛油, 我很喜歡的, 現在都要另外點了。

Tammy Sum對Tivoli 意大利餐廳絕不陌生，去過五次，每次都吃那裡的忌廉煙肉蛋意粉。舊舊的裝潢，但蠻有風味，仿佛身處意大利的一些傳統小餐館！意粉份量頗大，就算男生也一定夠吃！每次點這個吃到三份二已經飽撐了！價錢經濟，意粉連一杯飲哈只需$60，需加一服務。口感方面，意粉軟硬度剛好，每條意粉均佔滿香濃的蛋黃忌廉醬，味道不錯的！要彈的是每次水準不一，有時過鹹，有時完全不夠味(忘了落鹽?!)

Today I went with my wife to restaurant Tivoli.  The restaurant looks great from outside so we decided to have our diner here. When we stepped inside an enormous stinking smell came to our noses. Stupid enough we didn't leave. Strange enough after 10 minutes you don't smell it that much anymore.  We ordered for a starter Parma ham with melon and Canadian salmon. My wife got her food first and 15 minutes later, after I told the waiter that we like to eat together, my food arrived.  The Parma ham

26.Sep.2013 (Thu)哈哈~~~約左成個月o既飯局, 今晚終於一聚食到. 今晚一行三人, 叫左5款食物 + 1個甜品. 極度滿足~~~好, 介紹一下我地今晚叫左什麼款式o既食物啦.1) Mussel.價錢合理, 肉質仲軟軟的. 而個汁都不錯, 幾開胃.2) 燒羊鞍.哩個真係極力推介. 個人本身鐘意食燒羊鞍, 我真係無諗度哩度會比到驚喜我. 佢煮得岩岩好, 而外面有少少脆. 好味到不得了. 下次我一定要叫一個 & 自己食晒. 我真係好鐘意哩個燒羊鞍!!3) 意粉.哩個意粉都唔錯. 不過, 唔太特別.  4) 公司薄餅哩個薄餅我地等左好內, 起碼有45分鐘. 不過, 等左咁內都算值得o既, 因為我覺得香脆 & 味道都幾好食. 值得一試. 5) 意粉我地仲叫左一個意粉, 可惜掛住講, 完全唔記得影底. 不過, 個個海鮮意粉, 本人覺得好一般. 下次可以試其他野. 6)火焰雪山嘩, 其實我地已經係好好好飽 + 我地驚太甜, 所以完全無打算叫甜品. 點知我地見到差唔多枱枱都有叫一個, 我地覺得好好奇, 覺得應該一試.加上服務員話唔係cream 整成, 而係蛋白, 所以我地膽粗粗叫左一