Tivoli 意大利餐廳

Open Now

Now Closed

Bitterly disappointing dining experience. Overpriced and poor quality. Ate here with my family and ended up paying close to 180HKD per head and this was with the 2 children sharing a spaghetti bolognese which we sent back twice after asking for it separated into 2 bowls and not having any drinks. The kids meals also came well after the adult meals. A 2-mouthful bowl of soup at 48HKD and 6 slivers of garlic bread at 18HKD would not have been so bad had the quality managed to exceed what we could

以前由理工行到這附近，也曾經過這餐廳，但光顧的都是第一次。沒想到這裏的食物、環境、服務水準確實不錯。 意大利餐廳四人套餐（$488）餐湯：我選了雜菜湯，湯底蕃茄味濃，加入新鮮雜菜。波菜煙肉蛋麵：芝士香濃，蛋麵口感香滑。海鮮薄餅：海鮮配上香濃芝士和薄薄的餅底，吃了不會感到太飽滯。白菌牛柳：牛柳肉質嫩滑，有牛肉味，牛魔王一定愛吃。田園沙律：吃不出沙律醬是用什麼材料，但好好味，一片片的香蕉沒有變色，真奇怪。蒜蓉包：新鮮焗製，香脆可口。在經朋友介紹，我們便點了兩款甜品。TARTUFO($55)：是榛子雪糕，入口香滑，而且榛子味非常香濃好吃，與眾不同，一試難忘。TIRAMISU($55)：味道有意大利風味，芝士味和咖啡味不會太濃，原來這款甜品也有這種說不出的好吃。

不是太多人, 環境很好, 而且很有情調, 叫了openrice 上最好味的幾款, 墨汁意粉, salty a little bitpizza is ok, 個皮好crispy 火雪山好味

是晚的「預早十天慶生晚餐」，在《瑞士餐廳》與《Tivoli Italian Restaurant》之間，他選了後者…其實上星期六跟他試過這裡的午餐，雖水準平平，但他心中的那團火卻仍未熄滅，店子仍穩坐他的「Wish List」頭幾位。這晚我原本book了7:30pm，可是由於之前的活動「預早」完成，於是提早6:30pm便步入餐廳，想不到店子早就為我們預留了座位，還要是跟上星期一樣的那個靠邊的位置，「真係剛剛遇著岩岩」…晚上餐廳內的環境昏暗，感覺浪漫得很…（別被我的s100欺騙，實景沒那麼「光」的啊！）我倆還是第一次吃Candle Light Dinner，嘿嘿…（自小便被電視劇薰陶，總覺得情侶約會一定要吃燭光晚餐，而燭光晚餐就等如「浪漫」…）如斯「浪漫」的燭光下，當然要order白酒才像樣（1/4瓶）。味道挺「嗆喉」，普普通通（由於我不太會喝酒，只是淺嚐而已）…carbonara，基本上是他每次吃意菜的必點之物（好像已說過很多遍），這裡採用的是混入蛋碎、不「creamy」、比較乾身的那種做法。粗身的意大利粉似乎是一貫豉油西餐慣用的來貨，尤幸煮得剛好，煙煙韌韌而不「淋」，味道總算不俗，只是

今日跟同事去左間外表好似好貴, 但係原來有中價午市飯食的西餐廳門面係D傳統西餐廳同埋酒吧FEEL, 但係睇下個門口水牌, 午餐都係40元, 都算OK呀入到去環境氣氛都不錯, 連招呼的侍應都係鬼鬼地,叫左一個西班牙汁豬排跟意粉, 跟一餐湯, 麵包同一杯餐飲見到侍應擺餐的手法和態度, 都知道呢間餐廳夜晚係做D高價的晚市等左一陣, 好快有D食, 個餐湯都不錯, 都好夠熱,試下塊豬排, 有兩塊咁多, 已經覺得好抵, 而且夠冧, 好好食意粉方面, 爽口, 唔係煮冧左個種感覺, 抵讚最後, 點了杯冰奶茶, 一如以往的西餐廳, 奶, 糖漿係分開上, 俾客人自己落, 決定甜味和份量,雖然埋單時要加一服務收費, 但係總結都係44元, 感覺覺得好抵食, 不失為午市的開飯之選

同同事去這間餐廳食意大利菜入去氣氛暗暗然的幾有FEEL十幾個人同枱點菜都沒理會價錢點了個羊架哇, 裡面付上的醬汁超好吃蜜糖白蘭地醬(超讚)有酒香之餘又有甜味薄荷醬也超好吃點了個牛柳(三百九十八元)燒出來用些TABLE SALT 伴碟簡直是人間美味意大利式的PIZZA,脆皮再加上佐料是PIZZA 吃不到的享受而且每碟菜的配菜也很好吃啊在旁還有老闆一路上菜一路教點食法可以把食物的味道發揮得淋漓盡致服務的確很周到

是日午餐有白汁雞皇同西班牙豬扒揀，同太太倆個都不約而同地，揀咗西班牙豬扒，一飯一意粉。餐湯揀咗羅宋湯，濃淡適中，唔會太辣太咸。仲要熱辣辣上場，合格有餘。相反，餐包一啲都都唔熱，好在唔太硬。牛油用凍水浸住，好處係保持到溫度唔會熔，壞處係比較濕。主菜上場，豬扒水準好參差，有兩塊好瘦好實淨，一塊好肥，一塊好腍。味道其實唔差，係口感怪咗啲。個汁甜甜地辣辣地，幾惹味。咖啡乃全場最大敗筆，帶苦澀而嚡。落多多奶都補唔返...呢度啲侍應都十分快手，雖然唔算好有禮貌，但都可以接受。食物賣相、味道都有唔錯水準，而且午餐只係$35 (另有加一小費)，值得俾個笑笑口。

今日同兩位好友到呢間餐廳食lunch，菜式味道等一如以往，唯獨服務差到令人咋舌。我地三個人入去坐低，侍應例牌問完我地叫ｄ咩食之後，我地就好似隱左形咁，湯等左差唔多二十分鐘先黎到。我地一度懷疑漏單，詢問之後，侍應過左一陣先係廚房攞住張單出黎覆一次，好，我地當冇事發生。主菜一樣經過漫長嘅等待，眼見其他比我地遲黎嘅客人已經開始走，我地又趕時間，只好加快速度「好好享用」我地嘅主菜。當我地都食完主菜，餐飲依然未黎，我地「唔該」左四次經過我地張枱嘅侍應，全部都係充耳不聞，完全無視我地。我地係咪食左隱形意大利粉？終於有一個侍應上前，但佢一開口竟然係話「你地都就黎走，收住錢先啦」。即使我地問「餐飲未黎喎」，佢只點左兩下頭，冇下文冇跟進。再苦等一會，我地怕左呢間餐廳，只好撤退。一間好嘅餐廳，需要客人入黎食飯每樣野都要催，其中一樣野甚至無疾而終? 當然，佢地會禮尚往來，極速地催番你埋單俾錢。我地唔開心嘅唔係因為區區一杯餐飲，而係作為一個客人，竟然食個飯得到咁樣嘅尊重、咁樣嘅服務態度。各位，如果你想感受下被世人遺忘，大可試一下呢間服務良好嘅餐廳，坐靠左邊牆嘅坐位，相信你會有機會體驗到態度和服務點樣影響你嘅心

在 openrice search 了一遍意大利菜發現這兒竟有百多個笑想著和老公來這裏浪漫一下環境黑黑的，附送長蠋一支，格調唔錯先來的蒜包不太熱，連焗都懶，不行不行酥皮忌廉海鮮湯，不太忌廉招牌 pizza 也很普通，餅底亦無歡喜，style 較快餐墨汁意粉唔錯，頗多貝類海鮮坐位有點逼狹，幸好當晚兩人坐卡位，感覺良好這餐廳的價錢屬中上價，食物質素未算差，也未至於超讚，勝在食格調

之前在OPENRICE見到有唔少人講呢間食肆咁見環境都好似ok就不妨同女朋友試下啦第一下的感覺不太好就係我訂左檯但我唔係即刻有得坐我係要等人埋單走人先有得坐(但我冇遲到架喎)第二個感覺唔好的原因係.......佢送黎果幾塊麵包係唔熱, 應該話唔暖先真可能我對呢間餐廳有D寄望, 但結果係有D失望第三個感覺唔好就係杯凍檸茶無味0既??唔通佢以為我走甜??但結果我發現隔壁檯D人杯飲品係有杯仔糖醬我就知道發生左咩事不過值得一讚的係個焗青口真係好好食另外佢D蝦都幾大隻, 亦有口感

這次又要「想當年」．．．還記得在理工讀了三年， 差不多日日都響 canteen 食飯，如果遇上天地堂，我們當然不會去圖書館溫習，反而選擇去附近 Neway 唱好 K，少年輕狂就是如此，倒不太介意入肚的是甚麼質素的食物．．．偶爾也會去貴價餐廳食個 lunch，所謂「貴價」，並不是某某酒店的西餐廳，或去某某扒房鋸個扒，那太幸福了，我們吃的只不過是扒王之王，或者一班人上「李嘉誠樓」飲個茶，花費約四五十元，感覺已經「好歎」，大學生，知足總不是一件壞事吧。位於柯士甸路的 Tivoli，就是其中一間我們常去的「貴價餐廳」，周日中午來這裡重溫舊夢，店子挺熱鬧的，坐了近九成滿，午餐都是一般意粉或焗飯的選擇，連餐湯及飲品，還不到 $50 的價錢。侍應先送上一紅一白，忌廉湯不太杰身，配料包括紅蘿蔔粒、蘑菇及雞肉，是正常豉油西餐的水準。餐湯跟法包，配上呈花形的牛油，但法包是沒有烘過的，入口軟淋淋，盛載牛油的小碟更是滿佈水漬，給人的印象差透了！女友點的鮮番茄燴什菜意粉相當奇特，什菜包括青椒、青瓜、西芹屬正常，但竟然還有西生菜，兜得亂亂的賣相也令人食欲大減，據說上檯已傳來一股青椒味，幸番茄汁味道尚可，否則很難把

一行5人...點O左唔少食物沙律(唔記得個完名)有芒果肉又有香蕉, 唔知好知用O左咩汁撈, 不過我覺得好好味, 好開胃, 讚海鮮飯有成4-5隻蝦, 都幾太隻, 其他海鮮OK啦, 無咩特別...公司pizza都算多料, 海鮮應該用酒煮過, 所以食落帶點酒味, 幾特別, 一試無妨意大利雲吞雲吞應該唔係自家制, 所以好普通, 個汁反而做得唔錯, 因為有好濃O既蕃茄味, 配雲吞食, 感覺唔會太膩蜆肉墨魚麵初初以為係忌廉汁, O黎到知知係炒完O既蜆加上墨魚汁麵上面, 有點失望...由於無咩汁, 味道好淡, 鍾意濃味O既我覺得麻麻地焗雪山(2人份量)當著火時, 視覺效果一流, 我O地忍唔住係咁影相, 好開心味道方面都好好, 酒味唔算太勁, 外層芒果好甜, 蛋白好滑, 加埋蛋糕同雪糕...出奇的好味, 可能因為太好味, 5個人share的確唔係好夠...環境有點80,90年代feel...有D舊舊地...坐得好逼...價錢方面唔算平...試過一次就夠...無衝動想返兜, 但一試的確無妨

我們這四人, 仍係o係呢間公司兜兜轉轉, 也是時候約出來互相update 吹吹水餐廳選擇, 當然又係落o係我呢個食家手上, 亦會選擇平時仲未一嚐o既候選。已訂位, 但我o地遲o左o的, 要等……今日好爆多人o係餐廳外面都可以慢慢諗o下食乜, 有menu睇場面是黑暗格局, 亦坐得幾迫, 尤其二人位之間距離很close……服務是一般了, 點餐時feel 唔到有heart蜜瓜配巴馬火腿, 不算好正, 因為鹹味同甜味都各自不足芝士焗雞x, 面層芝士幾好食, 伴菜都fresh 而juicy, 雞塊嫩口蜆肉墨汁意粉, 蜆肉爽口, 墨汁味道剛好而不致太鹹芝士海鮮pizza, 好好食, 正宗薄批, 海鮮鮮味, 配上惹味芝士, 拍案叫絕火焰雪山, 好耐無食, 視覺效果當然一絕, 有o的生果伴住就無咁"漏"。酒味都渾發晒, 食唔到苦味只係二人浪漫聚餐會有更好選擇

約了裁縫中午度身做外套,比原定時間早到便先在鄰近的這裡吃午飯.知道這店已存在了很久只是一直提不起興趣專誠來吧了!看見門外大大個焗爐向著街外想必Pizza應是這裡強項吧!但原來午市不作供應...只得一些普通的ABC餐供選擇.只好揀了這兩款看來較為穩陣的希望不會太差吧.環境其實不算太差,星期日的中午頗為冷清.這幾件法包沒有加熱,看見侍應把牛油從冰水中撈上來,質感還是硬如石頭,還要一碟子也是水.好一個下馬威!羅宋湯味道極淡這不過是一碗紅色的雜菜水吧了.Carbonara----意粉軟淋淋全無彈性,連最基本的芝士味道也沒有！但原來這還不是冠軍的料子.焗豬扒飯----面層的燴汁焗得微焦從外觀來看是對辦的.豬朳肉質偏瘦,雪藏味濃郁而且豬羶味強勁！燴汁不酸不咸像沒有調味似的.炒底飯亦好不到那裡去！飯粒軟身濕得像飯煲剛跳制便打開蓋立即拿來吃一樣.這個焗飯全軍盡墨。侍應對客人吃剩大量食物似已見怪不怪.只機械式的收走拿去倒掉連問也懶得去問。難以置信這裡竟然有百多個笑臉!看來這裡也是屬於十大不可思議餐廳之一.更多文字分享http://pandamenhk.blogspot.com

今次8個人一齊去食飯, 見到朋友揀左呢間野, 心中都有好大祈望環境唔錯, 都好似幾多人咁叫左1個Pizza, 1個沙律2個Pasta: 蟹肉 同 海鮮 同一個海鮮飯1個steak1個青口1個茄子海鮮飯, 海鮮Pasta, 青口, 同茄子都係同一個味, 全部都係同一烹茄汁煮出來同一個味唔緊要, 佢係同樣"冇味"!!真係要勁落TABASCO, 一淡落一滴, 先吃得完呢餐飯 蟹肉意粉好腥, 好難食Steak 4/5 係肥膏, 令我諗起豬肉檔用籮裝住果D"下蘭", 又UN, 好難食青口係好少少的, 不過都係茄汁煮咁大把我地7個人一人比左200蚊, 好貴, 但好難吃一定冇可能再去, 太恐怖返到屋企要補番個杯麵