屯の大阪章魚燒 (Closed)

最近係屯門很火紅的章魚燒鋪頭在比較偏僻, 人流亦比較少的商場地鋪~鋪頭並不難搵,認住人龍就搵到~鋪頭細細,員工連老板都係得3個人,整章魚燒既工具亦只有兩部~~~有大阪原味， 超多蟹子,超正明太子同激多蔥口味!小編去到人龍不算太多, 大概十個人係我前面左右但係想不到我竟然等左超過一個鍾~~鋪頭仲貼左等候時間3~4小時.....真係令人汗顏是次揀左原味,蟹子同明太子口味,雖然等左好耐但係完全無令我失望, 每粒章魚燒都處理得非常好, 沒有燒焦的部分,外觀非常漂亮。而蟹子真係多到成盒都係，睇住職員一大匙一大匙咁加落去,真係好爽。 明太子咸咸地最好味,海水既咸水同章魚燒非常夾, 一D都唔腥。而原味就中規中矩啦。章魚亦都絕不欺場非常大粒建議都係食蟹子同明太子, 一定無介紹錯。P.S 雖然真係等好耐, 但係食落真係有係日本既味道。喜歡食章魚燒既朋友們可以一試。記住上佢地facebook睇下最新既消息,因為據聞佢地唔係日日都開同埋開門時間都日日唔同!!!!!!

facebook 吹噓得好勁既小丸子，趁閒日早收工衝去試試先! 出發前keep 住update 舖頭個facebook page 為免遲開/休息就白行一趟。星期三下午四點到達，已經有短短既人龍，約莫8人，排隊既人多數係後生仔，但亦有一個兩老街坊，似乎係外買比孫仔。排到4:30 有得食喇，熱辣辣，每粒丸子都有大大粒章魚，足料! 不過無咩特別，唔算好好食，亦唔係難食。order 前，睇圖先留意到，四款丸子既分別，原來只係on top 加蟹子，蔥，明太子。所以都係慳返筆，試原味8粒同蟹子4粒。若非自己住屯門，未必再去!

大板原味章魚燒等你我90分鐘，才來的大阪章魚燒！ 味道不錯口感十特別，既不像真正大阪的章魚燒也不像香港平常吃到的章魚燒。口感煙un. 大阪吃到的章魚燒裏面比較水，香港吃到的就整粒都實綁綁。這裏的章魚燒就是介乎兩者之間說真的我等了90分鐘，如果它的味道不好我真的會摔手機！還好他味道不錯。明太子章魚燒是原味章魚燒上加了明太子。還是那句，等了90分鐘，如果不好吃，我真的會摔手機！這雨位人兄，每板章魚魚燒都燒上30-40分鐘我的天哦！長長的人龍在等食之餘都俾蚊食

先前係fb看到d章魚燒好似幾吸引，見今日經過屯門去買黎試下我由晏就6點開始排，排10幾個左右，排到7點3先排到我。店入面得3個人做野，師傅逐粒逐粒章魚燒慢慢整，見到條隊咁長都仲可以慢慢黎 佢地整完4排（72粒），就停哂手腳開始掛著裝章魚燒落盒，搞到裝哂所有就要再等過新一輪，完全冇效率 等左咁多先做到幾個客咁我買左盒蟹子章魚燒，每粒入面得一粒八爪魚粒，不過蟹子就有好多，味道就普普通通啦我之後唔會用咁長時間買盒咁普通嘅章魚燒黎食，真係冇下次p.s. 我冇見到間鋪頭有掛張食物牌，唔知係咪收埋左？！

排第8，等左一個半小時。熱食都幾好食。但衛生就麻麻地，現場都幾多大烏蠅。粉漿個桶直接放地下，旁邊就係放左蛋殼厨餘既垃圾袋，仲有部麵粉機放地下。同埋手腳慢，四個爐，一爐18粒。雖然四個都有用，不過人手問題(兩個人)，基本上用得三個爐。師傅可能係新手，或者大阪風格，慢慢燒。所以條隊咁鬼長。個爐預熱都要成分鐘，粉漿又要加兩次。一爐18粒，兩個人，四個爐，整一爐1x分鐘左右。基於排咁耐，我見每人都最少買兩盒16粒。如遇到有人買四盒32粒，就大鑊，有排排。自己預時間，條隊冇瓦遮頭，記住帶傘，冇咁熱。

今天來潮聖.傳聞中"屯の大阪章魚燒"排3小時多.大熱天氣下3小時店主雖然說了每小時只服務6-8人但等待期間,留意他們太慢條斯理.也沒有因為要客人久等簡單基本一句"不好意思"服務一般味道也一般.不值得用超過3小時來嘗試試一次就算.不會再來.不值得等.應有改善

其實本身因為有朋友去左兩次都食唔到嘅關係。我有種衝動想比佢食到先，所以二點收工去排隊。我由3點開始排隊，當時前面只有十幾個人，一心諗住應該好快到我，但我足足排個兩個鐘先排到，腰同小腿都酸痛，另外特別想講系排隊的環境很差，紙巾，煙頭等的垃圾滿地都有，幸好系做外賣生意，唔會造成很大影響。到了叫餐時，見到兩位師傅真的慢工出細貨，其實排隊嘅人真的系唔多，但師傅系用法國式嘅速度製作每顆章魚燒。食方面，我叫左多蟹子章魚燒，系真系勁多蟹子，味道方面可能因為排了兩個鐘嘅關係，食落勁好味，入面軟軟，章魚大大粒，蟹子多到每一顆都有，勁滿足。注意:1.排隊最好由佢準備嘅時候開始排2.一個人排隊比較攰，最好都系同朋友一齊排3.食時小心個底好熱，最好找個地方坐

睇到facebook所以走去食，等左30分鐘，不過食落真係一般d粉勁多，入面係有粒章魚粒。以為會同日本食個d一樣，但完全唔係，佢整到好淋，不過用蟹子配搭係幾得意！！但應該唔會有下次。

價錢貴唔抵食，同日本嘅相差好遠，服務亦不太好，您唔會知邊d人是係排隊。如果您睇完同網上宣傳的文章，您會發現有好大的分別。章魚燒口感偏淋，八爪魚亦不新鮮，另外蟹子的涷同小丸子的溫感有很大的反差，所以吃下去會很奇怪。唯一做得好的地方，係蒽花章魚燒，因為全靠有好多蔥撘夠。

之前去大阪食過激多葱章魚丸，一試難忘！！！近日係Facebook 見到屯門開左間章魚燒有激多葱就走左去試下一去到店外已經有幾個人係到等店內只有兩人打理，一人負責燒章魚丸，另一個負責收錢同出餐，所以等候時間會更長～雖然最後都係試唔到激多葱（售罄），不過都叫左超爆多蟹子黎試原來店主都係一個旅遊達人，成日飛😂真係爆多蟹子，買完即刻食，正！入口時熱辣辣的章魚丸配上冰涼蟹子同醬汁，蟹子在口腔中爆開，增加章魚丸的口感層次。

在香港偶爾都想吃有日本風味的章魚燒不過吃到的不是粉漿太多 就是偷工減料的-今次卻在屯門吃到了對味的章魚燒看著老闆用心的弄一盤又一盤的小丸子 再把大大的章魚粒放在內未吃已在店外大流口水章魚燒有四款口味原味大阪風 - 4粒/8粒激多葱風味 - 4粒/8粒超正明太子 - 4粒/8粒超爆多蟹子 - 4粒/8粒今次選了明太子和蟹子 $22/4粒急不及及待吃了我最喜愛的明太子明太子的咸香味豐富了章魚燒的味道再配上醬汁 是個挺濃味的章魚燒而且明太子的份量十分多相比之下 蟹子則較清新帶出了章魚燒原本的味道粉漿不會過熟/過生章魚粒亦大大的一顆一粒是真材實料的章魚燒