屯の大阪章魚燒 (Closed)

呢間在屯門的 (屯の大阪章魚燒.....)之前綱上面見到人地講到幾好食幾好食..又排長龍又盛..次次行過見到條龍都唔想食 ...今日下午三點去到...一個人都冇 唔洗排....即買左$20元六粒 原味章魚嬈即刻試一試其實又唔係話好似網上面講到咁好食姐...(普通既嬈汁+普通既沙律醬+普通既木魚片)=普通既小丸子...最多可以話佢中問多左粒八爪魚肉所以有別於其他街鋪的小丸子.....$20蚊6粒黎講 絕對唔貴 可以一試既但係如果要大排長龍先買到黎食的話!咁就唔須要食佢羅.....可以稱得上是(雷聲大雨點少)....寫到幾好食幾好食....見仁見智啦

是咁的, 我一向好鐘意係日本食章魚燒, 可能睇得太多卡通, 總係覺得去到一定要食一次先似黎左日本。有日, 朋友邀我山長水遠咁去佢到玩~ 應約之餘, 身為一個貪食既人當然要搜尋一下o個區既美食啦!見到市中心有幾間出名既小食, 而呢間就真係令我兩眼發光, 是關店主真係去左日本學師, 而且大家既好評+雜誌既介紹都真係好想去試試~約埋幾個朋友仔去食, 嘩! 好名既野真心要代賃, 條隊唔係好長,但係大家都買唔少, 而且冶主好細心, 每次只出佢handle 到. 而且佢滿意質素既份量。我地人多, 都買哂佢所有既味道 每樣一客(原味, 明太子, 香蔥, 蟹子)每人一粒咁去試下。 (可能就係太多我地呢D樣樣想試既為食貓, 所以條隊先咁慢)拿,  小妹係為左明太子而黎既, 當然第一啖放入口係明太子啦!! 我想講比大家聰, 老板都真係比好足料, 可能大家話. 嘩幾廿蚊得幾粒jar wo, 但同一價錢你去番旺角, 或香港既日資百貨, FOODCOURT, 你可能章魚都見唔到, 唔好話明太子定蟹子。明太子真係大pat既, 入口熱到呢...大家小心小心, 佢外脆內軟, 軟棉棉既質感比你又有章魚既咬口, 唔錯唔錯

我愛街頭小食，章魚丸是其中一款我常食的小食。嚟到屯門探好友，於是他們帶我吃一些屯門特色小食。呢間章魚丸店便是其一。見很多食評話要排隊排好耐，我都算好彩，下午3時左右嚟到，居然冇人排😛✌🏻️即刻order 2 客章魚丸（每客6粒）：1款係蟹子章魚丸（右）、另一款係激多葱章魚丸（左）真的很多配料，而每粒章魚丸內都有大大粒章魚，粉漿剛好，不杰不粉不糊口。整體口感十分豐富👍🏻同其他章魚丸比較，這間的章魚丸無論賣相、口感、味道，絕對是好好多。一客6粒，份量絕對夠一人女子做午餐。因店子遠在屯門，唯有下次嚟屯門先可以再食過。

呢間章魚燒前排好HIT, 除左雜誌有幾篇報導之外就連自己朋友d facebook/ ig 都有唔少post 過佢d 章魚燒人就係咁奇怪架啦, 當人人都一窩蜂咁走去試, 明明本身對章魚燒冇乜特別興趣的我, 都會忍唔住想試埋一份難得今日去開屯門呢度, 就順便排隊試下你有咩咁巴閉啦!!!!!!嘩,, 一行到去鋪頭附迎, 已見到長龍了但既然一場來到, 又唔係趕時間, 唯有乖乖排埋一份喇.........係排左好耐......個老闆手腳勁慢, 我地覺得係為左keep住條人龍排左都起碼40分鐘, 終於到我地喇!!!我地order 左明太子章魚丸味道是ok的, 但份量好小，粒粒都好細粒一定唔會翻兜, 呢d 真係試一次就夠了.............

虹橋原本沒有太多食店，但在這一兩年，特式食店開設得愈來愈多。記得早陣子，受網上一番推廣宣傳下，個個也湧著尋找這間店的位置，排隊的人龍源源不絕。最誇張的是有人排隊排了兩三個鐘為買這幾盒章魚燒，香港人排隊時間還真持久。最初時候只有一人在整章魚燒，而肉眼看爐具只有兩盤，看見每每來到的人不只點一盒，而師傅手勢速度亦非想像中的快，也難怪需要排隊時間耗時那麼久。不同款式章魚燒，最後還是選擇回最傳統的原味大阪風。章魚燒主要必備必備的燒汁、沙律醬、紫菜。原味大阪風店員不留餘地放了一大堆木魚絲在旁，而醬汁、沙律醬明顯重手地加上去。章魚燒確實大大粒，但礙於即整過後用紙盒打包，回家時明顯有倒汗水情形出現。雖然章魚燒內大大粒章魚，但蛋漿略為厚身，相對較一般街外買到的淋身。如需要長時間排隊才買到，期望大了便會對食品要求更為嚴謹，沒期望反而會更好。

由於天氣凍既關係，人係會比較想不停食野（致肥原因），所以呢，就算岩岩食完夜晚都好，賴生都比人拉左黎食《屯之大阪章魚燒》，難得屈小姐山長水遠黎到，佢同賴生又鍾意食章魚小丸子，呢間又係人氣店，梗係要同佢黎試下究竟係龍係鳳啦果然！就算夜晚8點呢d時候去，佢出面都係有2大條人龍既（1條等拎野食，1條排隊等落order，咪傻豬豬排錯呀⋯⋯），好彩既係，賴生同屈小姐去排既時候，咁岩出左一板，所以散咁一批人，係地理位置上，我地排第3，而排頭位既係一個男仔，第2既係一個(貌似為食既)女仔，而佢居然語出驚人咁同佢另外兩個fd講:「要排成個鐘嫁，梗係要買夠4隻味，24粒啦」 講到呢度，賴生當堂虎軀一震，心諗咩話？成個鐘？24粒？你買24粒我地被逼咪要食隔離(睇落整得好hea)好求其果個師傅既製成品？！好彩最後佢班fd說服左佢買2隻味就算⋯我地先試到(睇落好似比較)專業果個師傅既手勢順帶一提，呢間野既位置處於一個比較窄同靜既(商場?!)走廊，冇乜人同舖頭，而且好黑⋯冇啦啦仲會熄燈添！黑上加黑等左大約20分鐘之後，終於等到啦，我地落order叫左10粒明太子味！（其實一路睇住師傅整，一路同屈小姐係度討論同8卦

一向都超鐘意章魚小丸子，但香港真係唔多好食嘅小丸子。好多時感覺都係落太多粉。但呢間完全唔會，勁鐘意食明太子必點當然係明太子小丸子，因為連係日本都未見過。就咁睇圖就知道非常足料，而且食落去食少少un。每粒都會有一粒章魚。雖然非常多人排隊，但仲堅持即叫即整，務求個個客人食嘅章魚丸都係熱辣辣，超抵讚。

好特別，好想試晒所有味～～～～～～～～～～～～食物：極多蔥風味外脆內軟 外面：脆其他鋪頭都係會軟身 但係泥間真係脆架！！！！裡面：呈半熟狀態，雖然得一舊章魚，但係成個組合唔會太膩包裝盒：冇孔會好易令到章魚燒軟晒，美中不足等候時間：都好耐，佢要整好耐同埋要人分派買，如果提醒效率同時保持食物質量，長做長有～～～～～～～～～～～～～～～～～～整體：非常非常值得一試，排咁耐係抵架

最近屯の大阪章魚燒比開業時多添左2個章魚燒爐，所以lunch唔使點排隊買到。不過轉左爐，章魚燒變得迷你左，由以往4粒變成可以買6粒或者10粒。今次試下朋友力推既激多蔥章魚燒，睇下係咪真係咁好味。碧綠如茵既蔥花灑係章魚燒上，尤如自成一格既大草原，唔講真係唔知啲蔥係老闆親自去日本採購呢。章魚燒表層酥脆，內裡粉漿依舊軟滑，平日較重口味晚章魚燒配上木魚絲及蔥花竟然超級match，頓然清新感不斷湧出，蔥花非常鮮美，果然朋友冇推介錯。微辛且少少鹹香既脆卜卜明太子章魚燒每次都必叫，章魚燒變得迷你既好處就係比我一口鯨吞，哈哈。

章魚燒外脆內軟 蟹子份量爆多 一啖咬落去好似爆炸糖咁😆 但入面得粉同章魚 冇菜 粉漿唔算多 章魚大大粒 沙津醬同木魚都勁多😌-味道有原味大阪風🇯🇵、超爆多蟹子、超正明太子🍣、或者極多蔥風味🌿-一輪大約要15-20分鐘 (4-8位客人)

喺同事嘅介紹之下搵到黎呢間極度隱世嘅章魚小丸子鋪頭 ，難搵程度絕對可以稱得上我食過嘅舖頭入面既三甲。呢間嘢除咗隱世之外，排隊排一頭半個鐘亦都係好出名嘅，估唔到最憎排隊嘅我，今日都屈服喺佢嘅淫威之下。舖頭淨係賣章魚小丸子，口味有五六種，橫惦黎得等，除咗已經賣哂嗰啲口味之外，梗係要試哂啦。原味大阪風，材料同出面食到嘅差唔多，不過外皮脆好多，同舊魷魚大粒同新鮮好多囉。激多葱風味就由於係激多葱嘅關係，有少少京川滬嘅感覺。超爆多蟹仔果然係爆多蟹子啊吓，啲蟹子多到有啲鹹得滯添，另外一提喺等食期間見到女店員將兜蟹子打瀉左落地，雖然好彩只係個匙羹跌咗出嚟，但係佢竟然將跌咗落地嘅匙羹再次塞返落堆蟹子嗰度，三歲小朋友嘅衛生意識，瀨地下啦。辛口明太子醬，個人覺得呢個最好食，個醬甜甜地，不過就完全冇話辛口，叫做有少少特別咁囉。係就係好食過其他舖頭嘅，不過要等成半粒鐘都係咪搞我啦。

點可以唔黎跟風排小丸子。排都緊架啦。 一氣過食三種口味。其實點解等咁耐 店主仔真係用心反完又反，粒八爪魚又大大粒咁樣。唔會擺到個皮林鬼晒呀。 讚試d野好唔好食就緊係要試下原味。 都ok ar d漿唔會過份over 可能可以即食啦 皮仲脆脆地的。再要埋爆多蟹籽同明太子⋯我個人中意食蟹籽多d ja😎其實我再去食左一轉係食爆多蔥，其實我覺得蔥係最好最好食的。d蔥好新鮮好辣👍🏿👍🏿👍🏿一流支持小店❤️❤️❤️❤️

在一個屯門的人氣討論區裏，大家都談論着這章魚燒店。店主熱愛日本文化，常到大阪旅遊觀摩，及後開了這家大阪章魚燒店。經一輪宣傳攻勢之下，為店方帶來大量人氣，高峰期時輪流食客需排隊一小時以上，實在是何等誇張。店離我的家很近，而我亦因利成便，找了個非繁忙時間試試。時值晚上九時，客人不多，在我之前才不過四組客人，照理不用等太久吧，最終還是等了半小時。這兒的章魚燒共有四款，分別是「原味大阪風」($16/4粒)、「超爆多蟹子」($22/4粒)、「超正明太子」($22/4粒)、「激多蔥風味」($18/4粒)。購買程序是先付款後排隊，期間不能離開隊伍，說是擔心混亂，或產生不必要的誤會云云，平心而論是店方的管理問題，更有可能是在製造人龍的假象。在等候的當兒看着店員在製作章魚燒，看似有板有眼，但那些章魚燒遲遲未燒熟，更遑論是要燒成金黃香脆了，看着那燒板不慍不火的，真會令等候的人更不耐煩。在大阪吃過正宗的章魚燒，也在本地吃過不正宗的章魚燒，可從未見過如此「慢速」的章魚燒，如此說來，人龍除了因為人氣，製作速度也有影響。好不容易才等到章魚燒製作完成，一份即場享用，另一份外帶回家。「超爆多蟹子」一如其名，面層鋪滿了

上星期摸門釘，今日放假再過來。12點半去到，等20分鐘左右就可以吃。這個等候時間絕對可以接受！而且真的挺好吃，屯門區朋友都值得一試。 住得遠又未至於要專程坐車過來…就自己衡量個人認為稱得上是香港少有好吃的章魚燒，一般都是極厚粉！聽說小丸子由大變小了，但對我來說這個尺寸剛剛好，一口吃得下！章魚燒有四款口味：原味、超爆多蟹子、超正明太子、激多蔥風味🔸激多蔥風味 $24/6粒 $38/10粒🔸超爆多蟹子 $28/6粒 $42/10粒沒有很貴，章魚燒的確是大阪吃到的風味。外皮燒得脆，裡面粉漿剛剛好超多蔥，切得挺幼，沒有臭蔥味。值得一讚蔥放一邊，不吃蔥的朋友也可以分享。蟹子跟小丸子幾夾，而且份量超多，配料令章魚燒整體口感更豐富，比原味更值得試。

一直有留意店家的網站，緊貼最新消息，得知店主最近去大阪買了新的章魚燒銅板，特地來試試有何不同。相隔一個月再來光顧，並在閒日下午茶時段來避過人潮，可惜已沒了期間限定的辛口明太子醬味了。幸運地沒有人排隊，只有數人落單後在等候。發現餐牌稍有變化，四款口味依舊，分別為原味、激多蔥、蟹子和明太子味，但價錢貴了點，數量多了點，每粒的尺寸又小一點。以原味大阪風為例，原價為$16/4粒，現在是$20/6粒。吃不到辛口明太子醬味，便吃明太子味好了。我這些外行人實在看不出這塊新銅板和舊鐵板有啥分別，真的懂條鐵，不過也看得出章魚燒比之前小顆一點。不知是否因為章魚燒小一點快熟一點，這次等了七分鐘便有了。明太子的份量並沒有因為章魚燒的大小而減少，幾乎把章魚燒蓋住了，非常慷概。本來想咬開一半再拍個照，但原來一口一粒剛剛好！外皮微脆，內裡軟滑，除了章魚粒還加了些少蔥花，但味道不突出；明太子充滿鹹香，配沙律醬和木魚味道更豐富。建議放涼一點點再吃，待蒸氣稍為蒸發，外皮會脆些，口感更佳，也不怕燙到嘴，更能認真品嘗章魚燒的味道。從店家的網頁感覺到他們對章魚燒的誠意和執著，盡力把大阪風味帶到香港，迎合港人口味之餘（不加紅薑）