同人鍋 (Closed)

大約兩個月前食過，今日同另一班朋友再光顧，雞煲再打邊爐，揀龍蝦或花膠湯底加埋是日海鮮併盤，一碟安格斯肥牛，嘿嘿吃左個雞煲先，照舊小辣多麻，大家都係鍾意麻味，而且一黎就叫多份薯粉，因為吸味麻辣味，真係好正！雞件算滑入味，唔肥無雪味，唔會成大塊雞皮！嘿嘿一群女孩子黎到，當然係花膠湯底啦，湯頭不錯，清甜，沒有味精感，花膠份量也不小，可是不夠軟淋，嘿嘿黎左一碟火鍋併盤，全部岩食就落哂佢了配料選擇都幾多，岩食既可以再叫最鍾意係碟安格斯肥牛，因為牛味好重唔係好滑溜的肥牛，是帶有小小咬口但係唔ＵＮ既，嘿嘿海鮮拼盤來了，麵包蟹係主腳，賣相的確麻麻，食落又ＯＫ　ＷＯＲ！嘿嘿滾兩滾就ＯＫ，太耐會ＵＮ哂最後呢個水晶丸！必食啊！每人都食左５，６粒！紫薯同綠茶，嘿嘿

今晚與一班好友聚舊，選了一個雞煲+花膠湯底煲，海鮮送九孔，聖子，蠔，蝦，花甲蜆類等，味道十分鮮，肥牛不是一般美國肥牛。最愛是紫薯水晶包，不太甜也不膩*^O^*也有各式各樣丸類任君選擇。此外，喜歡此家飲品菊花蜜和柚子茶，清熱解渴。唯一欠缺是枱長方形，排排坐，難以同部份朋友交流，如果是圓枱就更好。

識逢週未，與老人家共聚晚膳的日子，食物方面當然要花點心思。友人告知同人鍋可嘆雞煲的同時，又可任食海鮮火鍋，價錢只需$288， 那就一試吧！枱上早已放了清湯，讓食客自行添加火鍋湯底，飲品則放於雪櫃內讓食客自取任飲。除了有罐裝飲品，還有自家製柚子茶、蜂蜜菊花露及酸梅湯。不好凍飲的朋友可選熱茶。此店特色是先吃雞煲，後上火鍋。由於我們接受辣的程度比較低，所以點了微辣的雞煲。雞件大件頭，啖啖肉質鮮嫩，煲內還有洋蔥、乾薑片等配料，味道濃郁，汁料呈深啡色，微辣度尚可接受。吃完雞煲，侍應隨即奉上火鍋湯底，海鮮拼盤另上。原隻龍蝦放於湯內，份量佔了鍋的三份之一位置，使湯底頓變成橙色， 未放其他食材，已聞到陣陣的龍蝦香氣。海鮮拼盤內的刀貝、龍蝦、鮑魚只提供一次，其他海鮮則可以無限添加。刀貝非常生猛，未落鍋前蠢蠢欲動。可能一次放得太多海鮮於鍋裏，忘了鮑魚煮了多久，結果因煮得太久，鮑魚變得細細粒，並且有點韌。吸取今次經驗，下次要好好控制煮海鮮的時間了。安格斯肥牛，一點都不肥，而且肉質鮮嫩。即使再叫多幾盤，牛肉仍能保持水準。細細粒水晶包，未熟前外型像湯圓，煮熟後，外層變得晶瑩剔透，紫色內餡透顯出來，糯米外層，內層

原本見到佢有雞煲又打邊爐咁，每位三舊水好抵咁，入嚟醫肚，點知嘢就唔係好食到落肚，就成肚火！話說波波叫咗最貴嘅龍蝦湯底，畀其他食評呃咗以為好正好大堆頭好抵食，點知入到嚟想食嘢，乞食咁！話說佢話就話海鮮任食，但點知佢竟然係兩隻兩隻咁上，喂大佬，兩個人畀兩隻放題呀！我叫多五六次都係得咁多，每次叫佢畀多啲都係嚟兩隻！最後忍唔住同侍應講，佢竟然話：「你哋兩個人最多可以叫兩隻！」大佬我唔係想任食海鮮食你哋做咩？我去食其他任食邊爐唔好？

作為一個火鍋控，和朋友聚會去吃火鍋是常識吧! 今次我們一行四人，在網上搜索一番後，決定到山林道這間同人鍋一試。這裡有平價版的任食火鍋不包海鮮，也有上一級的任食海鮮火鍋。我們選擇到同人鍋，當然要試它的海鮮火鍋，其實才$288，還包了雞煲，而已感覺上多吃幾件海鮮已值回差價。我們坐下不久，大雞煲就上桌了，有朋友不太吃辣，所以我們點了微辣。這個雞煲香氣十足，雞肉嫩滑，份量也十足，本身已可作為一個主菜了。吃過雞煲，來到真正的主菜 - 龍蝦湯底海鮮火鍋。先上桌的是一大盤海鮮，賣相十足，有一整隻大龍蝦開邊、刀貝、鮑魚、沙貝、生蠔、海蝦、白鱔片等等，甚為壯觀。當中的大龍蝦、刀貝及鮑魚不可再點，其他的海鮮任食。我們先放大龍蝦入鍋在湯底出味，龍蝦肉彈牙，肉質鮮甜。刀貝在盤中還在動，非常新鮮甜美。其他海鮮也不錯，而我最喜歡的是白鱔片，真正的爽脆，我們前後點了數次。肉類方面，安格斯肥牛及黑毛豬片也很好，脂肪適中，煮火鍋後仍然軟身有彈性。這裡還有很多丸類、餃子及蔬菜，真的吃不下那麼多。整體上這裡食物種類選擇多，食材質素亦高，不因為任食而將價就貨，而當中的海鮮更比較出色，非常適合海鮮火鍋控。

最近朋都友介給各紹我到同人鍋吃火鍋，朋友之前吃過這裡的燒烤，感覺不錯，所以今次推出火鍋，就帶我來一起試！甫坐下，先食，點了個小辣雞煲，惹味可口，肉質嫩滑，非常入味，我和朋友都大讚做得非常好。吃完雞煲後，店員會送上原隻龍蝦湯底，可選蕃茄或豬骨湯底，成隻龍蝦在鍋中。湯底鮮甜，蕃茄味道濃郁海鮮拼盤每日供應7-10款當日有、蟶子、鮑魚、廣島蠔、白蜆、魷魚、海蝦、青口、象拔蚌仔，樣樣都非常新鮮。另外還配上十多款火鍋配料如丸類、精選火鍋配料、安格斯肥牛、菇、餃子、生根、即炸響鈴、田園蔬菜、腸仔、午餐肉。任飲任食價錢如下：一至四（$268）無限時⏰五至日及假期（$278）2.5小時⏰

今日帶左媽媽去食打邊6 因爲冬天就快完 要有呢種天氣 環境食既時間越來越少 又行開附近 所以就去食呢間食野 味道好冇味呢？一入到去就叫左個雞煲 雞既肉質吾錯 不肥不瘦 岩哂我口味 而且湯底好惹味 加上特製紅薯粉吸哂d汁 真系好正 薯粉好大條好搞笑 而且好彈牙 我地叫左原隻龍蝦湯底 味道幾鮮甜 而且吾算太濃味 龍蝦好大隻 仲大過我隻手掌呀 肉質都算鮮 用黎做打邊6湯底都吾錯 比較特別 平時通常都系食較濃味既湯底 好似麻辣湯底甘 所以都值得一試 放埋其他海鮮落個湯底到都幾夾 可能系d海鮮本身鮮之後配料都系任叫的 除左有d海鮮要另外再加錢之外因為咩都想食既關係 所以咩都叫左d試下 我覺得一定要叫個響呤食下 因為幾脆 而且又可以吸哂d湯 如果食響呤 記得吾好擺甘耐 5秒到就拎反出黎 如果吾系就會淋哂架拉 而其他食物就不過不失拉野飲系自助既 有幾款比你簡 可以消除熱氣 其實飲啤酒都吾算貴 而架仲有優惠 買3送1整體上都吾錯 性價貴左少少但味道不錯 得閒都會再去既

今晚和小情人在尖沙咀逛街，沿途看到有不限時的任食打便爐，便前往一試。走上一條小樓梯，進到餐廳，環境寬敞。兩人坐下，點了海鮮火鍋任食+雞煲。雞煲（選了不辣）：很久沒有吃雞煲了，今晚竟然在這便爐餐廳看到有。看旁邊的那枱吃得津津樂道，我倆也點了😁。 此雞煲非常香噴噴，雞嫩肉滑，汁底濃卻不油膩👍 雞煲還配薯粉和響玲，非常美味！值得一提是，如此真材實料的雞煲份量亦非常夠，真的很滿足。😍吃完雞煲，開始打便爐了！湯底可選原隻龍蝦湯或花膠湯。我倆選了花膠湯底😋 侍應特意提醒我們，湯底是真正高湯，值得在開始放食物前先飲一碗！我們一喝，真的滋味無窮，啖啖爽口的花膠，鮮甜極了👍海鮮：開工！先吃海鮮，樣樣新鮮，肥美鮮甜！最愛蟶子，鮑魚，蝦，蠔等，任食能有如此高質新鮮的海鮮，讓我倆驚喜不已👍👍👍👍牛肉：有別於肥牛，是較厚身的那種！太好了！終於吃到真正的牛肉，肥肉相間，真係有牛味😋😋打邊爐不能少的丸和菜等，都是出色的！飲品選擇亦很多！最後要讚的是：平時吃完便爐會有的熱氣感和口渴感，但是在這吃完是竟然完全沒有感到熱氣和口渴，反而非常暖胃舒適，再一次證明，打便爐湯底真的不能輕看!!!

個待應呀叔好串我地book左位，有人到左先，order住野食等其他人，佢串串貢咁話: 你地得2個人，邊食得咁多丫！呢樣都算，行出去睇下有咩野飲同醬料，佢走黎講:無啦得咁多喇！唔洗望！哇我即刻嬲到！你當呢到係我屋企呀？我望下都唔得？我第一次黎一定知d野放晒係邊啦！佢仲要全程係到眼啤啤，口upup。到最後9個字我地叫加湯，等左半個鐘都無人加，個煲等到燶左熄火仲瓊埋油都未等到。中間出去叫加湯加左4、5次，之後行去收銀到同老闆娘講我地等左半個鐘都未有人黎加個老闆娘先親自幫我地加湯。件事我地原本都諗住先，老闆娘都親自黎加湯。點知個呀叔無啦啦走埋黎講: 哇你地仲加湯丫？！就夠鐘走喇喎你地！仲加？！我地即刻爆seed同佢講，我地等你加湯等左半個鐘喎！d野又未食晒，點解唔加？我地已經無要求你俾返半個鐘我地你仲走黎話我地要走？到夠鐘埋單，佢又過黎講:喂你地夠鐘喇！埋單啦！我真係以後唔會再黎呢間野，食物又唔係好食，又唔係特別平黎食野同其他姐姐講野都唔該前唔該後(態度都唔係幾好)，但呢個呀叔態度係極惡劣！食氣都食飽！

So the roomie loves hot pot and we never had it before even after one year of living together. We decided to go to this hot pot and we were quite surprised with the chicken hot pot. We first started out with the chicken hot pot. the chicken hot pot was so delicious and so flavorful. The chicken was so tender and juicy. We had the noodle in and once the noodle was so chewy once it was cooked. I loved the fat think noodles and it has a wings! which was my favorite part of the meal then we switche

冇食一排邊爐，呢排邊爐隱又起喇！今次就去到佐敦打邊爐！今次已經唔知第幾次喺係山林道搵食喇！呢間同人鍋好特別，係先食雞煲，後打邊爐，都幾創新下。鋪頭非常闊落，冷氣好夠，坐得好舒服，而且侍應服務好好，細心哋講解點樣打邊爐食海鮮。雞煲好香好足料，食落又唔會好韌，都幾滑下。我哋之後仲加埋啲紅薯粉落雞煲入面一齊煮，紅薯粉煙煙韌韌，口感好得意。食完雞煲，就開始打邊爐喇！我哋叫咗超級多火鍋配料，又肉又海鮮，超級豐富！火鍋肥牛自家製響鈴新鮮蔬菜水晶飽同餃子個水晶飽係我最鍾意嘅芝麻味，仲有抹茶味添啊！呢度嘅芝心丸同午餐肉好特別，第一次用午餐肉打邊爐，都唔錯！仲有好健康嘅芋絲啊！登登登凳！全晚焦點終於出場啦！就係一大碟海鮮！等我介紹一下啦！韓國蠔固名思義來自韓國，超大隻，又新鮮；有特大澳洲蜆，蜆肉超級爽口；青口都有好大陣海水味；仲有原隻魷魚，四隻大蝦，鯇魚片，最犀利就係四隻大鮑魚！鮑魚好甜又唔韌，打邊爐食鮑魚真係好豪啊！呢度而家做緊意大利雪糕推廣，只要你喺facebook打卡，就可以有免費雪糕一杯，有芝麻味、朱古力味同士多啤梨味等。山林道真係好多好野食啊！大家快啲去打邊爐啦！

早前朋友推薦了同人鍋給我，今天就約埋好友一起親身來體驗體驗……步上二樓一張張誠意有禮的笑臉，熱情地招呼我們坐下， 逐一介紹飲品和醬油的擺放處然後解釋雞煲的食法和 步驟，很细心啊~白色的牆身 ,地方整潔座位舒適;選擇了其中兩款飲料……首先上枱的鷄煲味道調校得非常惹味，加入的薯粉索了鷄汁滑脱脫！好味！！~令我吃不停的鷄件，件件都啖啖肉，好嫩滑呀！接着是先飲湯……花膠湯！！！大大件滑脱脱的花膠份量十足， 真材實料淆製而成的 湯底甜美濃郁 非常鲜味 ！更令我邊飲邊讚不停！！湯继續用番來打邊爐(可再加湯)火鍋料中除蟶子和鮑魚追加要另收費外其他海鲜如蠔，尤鱼、蝦等，都是任食任叫的。還有自家製的响鈴，甜甜的紫薯水晶包 煙煙靭靭很特別，好味！多款飲品供選擇……今晚的火鍋最令我满意的是雞煲和花膠湯！ 員工服務夠專業 環境舒適， 收費合理！讚！

今日嚟到山林道打邊邊先嚟個任食鷄煲，然後再選鍋底打邊邊，真係滿足咗我兩個願望。鷄煲點了少辣，但亦非常惹味；紅薯粉吸收哂鷄煲的精華；如果鷄煲覺得唔夠，仲可以加添；真貼心。另外的湯底選了花膠鷄湯底，有大大嚿花膠（太開心，唔記得影相添），飲完湯食埋花膠，啲肌膚即刻緊緻哂。佢哋預先準備咗一客響鈴, 一碟肥牛, 一碟火鍋配料俾我哋（顧客常吃的），唔使我哋慢慢等，好細心呢!之後又有預先安排的海鮮，包括海蝦/蜆/魚片/魷魚同埋活生生的鮑魚等....材料都好新鮮，不過有點殘忍！因為睇任隻鮑魚慢慢掙扎，然後俾我食落肚。如果覺得未夠飽，仲可選其他配料，我哋竟點咗時菜

同人鍋又來尖沙咀山林道食雞煲放題啦，今次係第三次來，加左價，一坐低先叫一個雞煲，雞煲上到枱熱辣辣，店員話要焗一焗先，然後佢再幫我地炒一炒，就食得啦。雞件都幾多，醬汁略嫌淡左少少，不過都算惹味，食晒啲雞，店員就幫我地湯底打邊爐，係番茄湯底，之後海鮮拼盤就上枱了，今晚有龍蝦、魷魚、蝦、蟶子、鮑魚、生蠔等，海鮮來講都幾豐富，而且質素都非常新鮮，某啲海鮮仲可以任吃，例如係韓國蠔、蜆、白鱔片、魷魚、帶子、青口、花枝片、松葉蟹鉗等，呢啲都係可以任食嘅，非常豐富。之後就嚟咗一碟丸、腸仔等，呢度嘅丸類雖然唔係手打，但係種類非常多，有啲都幾特別，就好似卡通芝士丸、龍蝦沙律丸等等，仲有水晶包，有紫薯味同埋綠茶味，幾特別。不過安格斯肥牛嘅質素就一般，而且份量好少，每次來都只有三薄片，冇咩牛味，較為失望。總括來講，呢間雞煲火鍋放題嘅食物質素一般，不過海鮮種類幾多，而且海鮮都非常新鮮，有機會會再嚟。

開頭早一日用whatsapp訂枱，回覆好有耐心同夠詳細，到當日中午又會打電話confirm booking，到場後服務生妹妹態度好好，話說本身訂左9點，但係早左45分鐘到，都比到位我地（星期五晚），本身坐走廊位，見牆邊位人走左想轉枱都熱心幫忙，冇話say no，上左海鮮拼盤之後，耐心講解每樣海鮮要烚幾耐。因為當日冇試雞煲直接上火鍋，所以冇法對雞煲評價。冇得免費既海鮮，龍蝦肉彈牙、鮑魚仔仲識郁、扇貝夠鮮甜；其他海鮮，蝦肉唔會好淋、青口當日好似唔太新鮮，有少少怪味同沙、蠔細細粒，味係ok但唔夠滿足既口感、蜆仔都正正常常，花枝片彈牙好味，可以再試、蟹棒正路野，好味；肉類黎講淨係試左牛肉，牛肉頭2 round係幾好，不論賣相同埋味道，第3 round開始就開始走樣，但係都算可以接受範圍啦，都有牛味既…其他配料，響鈴第1 round好正，好飽滿同好脆，索埋個整左好多海鮮既蕃茄湯底，直頭係正，但第2 round開始個響鈴就好hea，得1，2圈，索唔到湯同埋好大油味；水晶包好食，為成個火鍋咸中帶點甜；牛丸算彈牙，普通不過不失；牛栢葉都ok，唔會太韌；可惜醬料得豉油、辣椒、生蒜同蔥有點單調乏味，如果可