德家日式燒肉店 (Closed)

咁大個囡，第一次寫食評，因為唔想其他人中伏！今日突然想食燒肉，就同男友去了這間店，諗住燒肉應該任何一間都ok，但我去到大廈門口，見到係德x的分支餐廳，已心中有少少不安，最後我地選了$248的任食價，但呢間真係極品，提供完全冇味嘅肉，去街邊篤魚蛋掃街都好過嚟食，真心唔明點解會有好評。我好後悔冇睇清食評就去食，一定唔會有下次，朋友請都唔會到。肉類真心難食，完全冇味，最好食係個雪糕。希望其他人唔好再中伏。

今日和朋友慶祝生日，當然是取中間點旺角區，創興大廈相信是一個好好的選擇，在網上看見這間德家日式燒肉放題好像不錯，是德興集團旗下餐廳，我想都應該不會太差吧！今日是星期六，我們中午都訂到檯，將了晚上八點鐘，來到創興下面，已見到人山人海在排隊搭𨋢上樓，幸好我們是四樓，不是太多人排。上到去已經被濃烈的燒烤味吸引，齊人方安排入座，我們坐低後就立即點了一個海鮮自助放題燒肉。海鮮都算新鮮，有鮑魚、大蝦、帆立貝、蟹糕等....有大量不同款式的肉類、刺身。外面有啤酒、梅酒、清酒任飲。總評：款式不太多，食物不過不失。

本身是燒肉控，想來德家試好耐，睇見食評罕有地很兩極化，有點擔心，但曾睇過影片介紹，也是正評推介，最後本住二百零蚊，都來一試以作引證。我食第一輪5:30，有85折，也加了$50點選prime級牛，因口痕想食刺身，最後主餐選了$288，來多一碟刺身及海鮮盤。位置安排二人卡位，環境尚算寬敞，坐低後倒了杯清酒，合格，有hoegaarden rose 任飲，甜道偏甜個人不太喜好，飲品種類很多，大量樂天飲品，不錯。自助區食了溫泉旦，螺肉，八爪魚，標準食品，選擇款式尚可。留意一點，加了$50要刺身及海鮮盤，是每樣一碟的。來了刺身，5款每樣4片，新鮮度不錯，溶雪功夫不錯，厚切口感亦住。說實每人俾多$50，當自費食一碟刺身，心理上會好過一些。再睇下碟海鮮盤，就算吾加錢，餐單都有帆立貝，海蝦，魷魚點選的，海鮮算多了4隻蠔，兩隻鮑魚，1個蟹蓋。蟹蓋有驚喜，同日本當地食的相似，鮑魚及蠔不新鮮，有點伏。反而帆立貝，海蝦有賣點，新鮮爽口。建議大家不用加$50選刺身及海鮮盤，除非像我口痕想順便食幾件魚生。牛肉加了$50要了Prime牛頸脊，油花度不錯，肉質新鮮有牛味，較特別及推介的是有一個預先腌製的牛肉，一碗有5片

超讚的韓牛放題， 已經幫襯過很多次，每次都有意想不到的驚喜。牛肉質素非常好，雞肉及其家肉類食物（有羊扒）及蔬菜也出色，服務相對其他放題餐廳來說已經非常周到，如果喜歡喝酒的更加應該到此，竟然有任飲 hoegaarden beer，清酒及梅酒都可以任飲，燒肉配啤酒絕對是perfect match 🍺🍻除牛肉外， 還有各樣款式的海鮮，另有刺身拼盤（需額外收費），雪糕選擇更是令人出人意表， 有Häagen-Dazs 及 movenpick !

第一次去的時候都十分滿意，但第二次去之後發覺佢將所有明火爐轉咗做電子爐再加一個煎pan，所以導致熱力不足令到牛肉變得唔好食，除非佢將所有電子爐轉返做明火爐否則我應該都唔會再去。

1：食物上枱時間1730入座，10分鐘後落order，本身每枱都會送一客得嗰幾片唔同部位嘅牛肉大約15至20分鐘後上枱，而我地點選嗰啲1820先至第一輪上枱，而隔離枱比我地更遲，佢地更忍唔住搵經理投訴，但經理冇出現過，只係推個senior去做箭靶。2：牛肉冇肉味，其中一款肉用一個器皿裝住，感覺好似我喺台北食嘅燒肉店應好入味好惹，點知…… 一啲肉味都冇！基本上所有肉都要靠醬汁去提升肉味。3：嗰個唔知係抽氣扇定吹氣扇 ！又或者攞黎裝飾，啲煙由四方八面四散，完全吸唔到煙。4：有份生蠔用冰鋪底，又有片檸檬。感覺上可以即食，但係原來係要燒，不幸地我生吞咗，x+y@z上枱嗰陣唔早講！我見識少，我見過貝殼類大部份都係爐端燒而未見過用食燒肉嘅鐵板黎燒蠔囉。不過呢度我都唔怪得晒佢地，我又唔問就咁食落肚，好好彩而家仲未有事。5：啲職員派幾張類似不織布嘅紙嘅紙巾係話用黎抹爐，吓 …… 到底係抹爐邊嘅油定係真係要黎抹嗰塊鐵板呢 ? 我真係好想睇佢示範吓，可能又係我見識少，通常我只係知成塊鐵板更換，未見過要啲客人親自抹爐。6：2小時任食，我地1730入座，1900叫埋單，成場最早係我叫埋單，都要等10至15分鐘

星期五又同班朋友happy Friday 一下😆見網上呢間好像好抵食，決定試下好在早一日訂左位，如果唔係真係有排等真係好多人！好在我們等左15分鐘左右就入到去入到去就見到好大既小食區好多選擇，有生果，不同既蔬菜🥬佢有燒肉同火鍋兩個選擇，我們揀左食燒肉目標都係黎食燒肉$288 海鮮刺身盛燒肉半放題🥩🐟🦐🐙肉方面：五款特選牛肉（一口牛、黑蒜油牛脊肉、牛肋肉、牛肋肉，牛舌）D肉望落幾新鮮雪花紋理都唔錯呢度有個幾特別既動作，就係會俾舊豬油膏你，將佢放係爐面當油，食落香d其實所有肉都好香，牛味好濃厚，一點都唔似呢個價位可以食到，每個部位都食到唔同既牛味當中最中意食牛肋肉，脂肪同肉既比例比較平均，食落好淋，牛味好重，唔洗點汁都好好食刺身方面🦐🐟 三文魚幾新鮮，章魚都好爽口，蝦就普通，正常味道燒海鮮方面，帆立貝好多汁燒完都仲好彈牙👍🏾甲羅燒真心好食入面既蟹肉雖然唔係話好多，但都好甜，推薦另一碟係廣島蠔。燒得火候岩岩好，食落都仲好juicy 同幾新鮮整體來說，肉既質素真心不錯，以呢個價錢牛味算幾突出海鮮同刺身都ok。下次會試埋火鍋

燒肉好多選擇,不過多數都好貴,起碼都4舊水埋單。近排見到有新片介紹呢間咪試下。佢有幾隻肉你揀,極上牛肋肉同埋牛舌就一定要食,望落d牛都唔錯,份量都好夠。送埋隻生蠔俾你燒,燒完要加埋檸檬汁先係最好食海鮮盤有飽魚,帶子,八爪魚,鮮蝦同埋甲羅燒。飽魚燒起上黎都幾野味,蝦肉爽脆。八爪魚燒落都好好食,帶子唔洗講啦刺身盤有魷魚,三文魚,甜蝦同埋,油甘魚,全部刺身都係厚身,同埋都係新鮮。其實3舊水 又海鮮又牛,汽水又任飲,雪糕又有moven pick同埋hagandaz俾你揀,都真係好抵食

開始嘅時候睇完Facebook懷着興奮嘅心情嚟到呢度有啲牛肉係咪真係咁得啦！點知原來Facebook嗰啲所謂嘅KOL講到呢度啲嘢有幾好有幾抵食，嚟到原來貨不對板！價錢來講可以接受，但係坐低左佢先臨時話俾我聽要加$10，238元變248元，見到別人的海鮮拼盤實物同Facebook果段片差天共地，所以嗌咗238餐冇叫288啊！見到佢牛肉還可以升級Facebook個姐姐話升級$50嗰個就夠咁咪試吓啦！感覺一般！如果你係超鍾意食牛肉嘅，一般牛肉個樣唔建議你嚟呢度食！唔好因為價錢平就將貨就價覺得呢度好食！當一般日式烤肉自助餐同幾個朋友嚟傾計食野，價錢係可以接受嘅！佢嗰個任飲好hoegaarden生啤，居然係無咩氣！似無氣啤酒服務態度超差，態度敷衍！倒瀉左汽水喺枱面問佢拎毛巾等左15分鐘，最後自己去佢做嘢嗰個位度自己搵！全晚最好食就係個金菠蘿同尾個杯雪榚！PS：廁所很污糟，好多嘔吐物冇人清潔！食完呢餐飯之後我去咗女人街買臭豆腐食！

Food:Great food served. Good quality of those fresh raw beef which sliced into pieces and cubes. The sashimi is an additional bonus not sure if this is granted because of 6 persons or privately accorded as a gift by the boss. (Or manager? Not sure?) anyway, it’s surprising and we are all satisfied this free gift☺️☺️At the end, beside nestle ice cream is served in the refrigerator where we can take by ourselves, we can also order mövenpick n häagendazs by an ordering form. Tho it’s limited, still a

攞位時話7:30pm先開始燒烤section，我地6:40pm到，最後等了一個半鐘先入得，其實入面好多位只是唔夠人手執檯，咁都算啦，d員工又西口西面，叫佢地換塊燒烤板扮聽唔到，叫佐幾次先黑曬面先換order佐d野等勁耐都唔黎⋯所以建議大家如果真係要點野請盡快，等得佢上都夠鐘。烧燒到一半先上豬油⋯d野都痴曬底啦味道其實係ok既，不過不失，但服務真係好差！唯一抵讚就是hoegarden rose freeflow ...

勁嬲 明明我落左3次單 我吹勁多次 最後結果只係上左一次 加上服務態度差到一點 真係蝕錢比佢地 嗰啲侍應真係全部都係冇靈魂嘅軀殼。一是無妨再試投降！咁嘅價錢咁嘅質素仲衰過返大陸食！呢個價錢可以去牛角食好好！奉勸咁多位想倒錢嘅就去搵佢啦

話說去了旺角彌敦道593-601號創興廣場4樓..........這一層有3個餐廳，但3個餐廳都是共用同一個地方，包括是德家(日式燒肉放題)，日悅（日式放題），德興（日式放題鍋）。德家(日式燒肉放題)，就是我所選擇的～～～主打燒烤，燒肉之類，當然都有食甜點，有食雪糕，有食前菜，因為侍應說價錢包括可以食這些的💁🏼‍♀️💁🏼‍♀️💁🏼‍♀️日悅（日式放題），就應該是平時食的放時任食吧。德興（日式放題鍋），就涮涮鍋吧。好吧，我選擇了食德家(日式燒肉放題)，就一於說一下我的食後感吧。整體其實算滿意的。因為材料都新鮮。例如蝦都算大隻，帆立貝洗得幾乾淨。至於燒肉放題，當然主打都是燒牛肉，豬肉，羊肉.......這些肉類沒有經過醃製，但是我燒一燒，然後灑上旁邊提供的黑椒，味道都有提升，都食得到肉的味道。牛肉有牛肉味。羊肉有羊味。豬肉有豬肉味。感覺自己像說廢話一樣。哈哈。但我想帶出一點的是，這間餐廳的肉類質素的確不錯。不過我略為有點嫌棄的事，就是這間餐廳的雞翼。因為雞翼沒有經過醃製。所以燒完之後肉質比較硬。不嫩。不太好吃。所以我主打都是叫牛肉，羊肉和豬肉。👅👅👅至於甜品就比較喜歡吃貴雪糕，因為這餐廳有MOV

今日第一次去到旺角的德家。可能由於我5:00已經去到門口等待，但是餐廳的營業時間是五點半才開始。於是我就坐在餐廳門口的一排排椅子等待...........等.....等......等.....大概等到五點半的時候，果然餐廳的職員開始出來。餐廳職員有問要燒肉放題，還是火鍋放題，又或者是放題。我的選擇是燒肉放題。(>^ω^<)一入到去坐低，當然立即點餐。我叫了很多肉類，當然今次主打牛肉。因為我覺得這間餐廳的牛肉賣相不錯 。果然當職員把食物送到我面前的時候，牛肉鮮紅色的，而且脂肪和肉類的分布都幾好，所以我覺得都算是高質素。其實餐廳有一張紙寫着可以加$80港幣升級做安格斯牛肉任食，不過因為今次是第一次來，所以我選擇不加$80港幣升級，而直接食燒肉放題。其實我覺得燒肉放題質素都已經幾好。牛肉新鮮。又有雞翼，魷魚，海鮮，豬肉等等可以選擇。其中小紫薯仔我覺得都好好食。 餐廳用一個錫紙兜裝住小紫薯仔，而且裏面有一些牛油，我先將錫紙兜放入去燒，燒到熟透的時候，再將小紫薯仔放出來燒多兩燒，令到外皮有一種脆的感覺。果然，食下去，好好食。裡面有牛油味，而且內裡好軟，外皮又脆脆的，好正。整體感覺

我們一行7人想在旺角食日式燒肉幫朋友慶祝生日，已預計星期五晚找一張七人枱不易，已在日前致電訂位，餐廳另有確認訂位無問題，我們準時8時到達，餐廳表示正在執枱，等幾分鐘，一直等一直等，期間查詢過數次，一直回覆快有，終於等到50多分鐘後，叫我們先入一半人，我們入內查看，原來訂了位再等了50多分鐘，得到嘅係一張4人枱，另外3位要分枱坐，他說要一齊坐就要再等多5分鐘，我們再等多10多分鐘左右，還未有安排到一張七人枱，我們最後在9時10分離開此間完全不守承諾的餐廳，足足浪費了我們70分鐘，大家都已無胃口了，成個飯局都被破壞哂！最嬲的還有他們還在給一些完全不成理由嘅解釋試圖去解脫自己嘅錯誤！呼籲各位認真考慮才決定會否去此餐廳！今次焗住俾左1粒星，可以的話，我連1粒星都不會比！