德家日式燒肉店 (Closed)

一直聽人講德家日式燒肉店好抵食今次終於可以試下喇身為食肉獸及放題黑洞🌪食牛絕對唔會手軟啲牛果然好有牛味記住加錢食刺身同安格斯牛😈另外meiji乳酪也是必吃的🍓________________________裝修環境：✨✨✨✨服務態度：✨✨✨食物質素：✨✨✨✨(5個✨為滿分)價錢：$340/1(升級哂)________________________唔信我嘅可以自己去試試😂地址：旺角創興廣場4樓

第一次寫食評，環境潔淨，抽風系統幾好(可能唔多人燒的關係)。首先每枱送一盤刺身，當然沒有日式放題的水準，所以選+50蚊升級安格斯牛，牛肉好有牛味，唔會太"鞋"，另外其他燒物都唔錯，上食物速度算快，沒有漏單情況。外面設有自助吧可以夾丸仔去燒，仲有雲耳 中華沙律 等冷盤小食。整體都唔錯。提外話，當晚食完後手機放在桌上忘了拿走便離開，好彩店員幫忙保管，感謝！員工都很親切有禮，值得一試。(建議平日去會比較少人)

跟好姊妹瘋狂燒、瘋狂吃，2小時鯨吞了數碟牛、雜菌和菠蘿。。。放題的食材選擇豐富，牛、豬、雞、海鮮等各樣齊備，還免費送贈一碟4式刺身！燒肉放題最講究是食材新鮮，德家這方面是做到的，只是雜菌配搭的牛油似乎重手了，每次燒完都變成「油浸雜菌」！最值得推薦的是菠蘿，我們encore了3次燒肉放題我會比較注重環境和衞生，特別是抽風系統！因為我愛吃烤肉，但是同時很怕完以後全身「烤肉」的味道。值得一讚的是這裡的抽風系統，我吃完以後一直嗅嗅自己的頭髮，完全沒有味道！以香港的消費指數來衡量，人均消費$251，我覺得合理了。

呢間食店啱啱開嗰陣我成日幫襯，因為嗰陣價錢真係好抵，兩個人埋單三百幾，之後兩年冇嚟過，見團購$188，加每位$38服務費已經有升級Meun嘅安格斯牛，價錢都ok，即刻買，即刻訂埋枱。餐單大致同以前差不多，飲品類有多咗選擇，有自酙嘅hoegaarden，仲有熱飲，奶茶，朱古力，咖啡，甜品亦多咗細細件嘅蛋糕同和菓子選擇 。職員服務態度唔錯，到七點幾開始多人，有啲焗。不過二百幾一位食到安格斯牛同刺身，抵食。座位闊落舒適，唔會唔夠位擺食物。八張餐單，安格斯牛同埋刺身要另加錢，團購價包埋。自助區有沙律，前菜，丸類，烏冬，冷面等。各款前菜。甜蝦嘅賣相唔太好，頭有啲變黑，各類刺身中規中矩。安格斯牛係比較有牛味。但係我最鐘意係呢度嘅牛舌。佢哋醃好嘅肉都比較嫩滑。迷你甜薯加牛油好味，食完見有牛油剩唔浪費，喺自助區再拎啲加上去燒。一口甜蛋都唔錯，食得出一層層嘅蛋。牛油鮮菌就麻麻，燒完有啲乾。可花肉好味，入口唔會太肥膩。海鮮類車海老較好，蝦肉唔霉。各類飲品，好鐘意呢度啲奶茶好滑好香。蛋糕仔有七款，味道一般，另外有乳酪，同雪糕。

朋友食過好食，昨晚同一班朋友一齊來e間食燒肉放題，極上牛肋肉超正，食左好多件，迷你曰本甜薯好好食，牛類多選擇，其餘肉類都可以，甜品類不算多，飲品多選擇，坐得舒服，這價錢算合理，唯一係有一個侍應態度不好.

幫同事慶祝生日，喺OpenRice 見到呢間未食過嘅放題，好似開左唔算好耐嘅:德家，放工近近地就黎左旺角呢間德家食任食燒肉。打黎book位果日其實幾爆笑。。因為接電話嘅譚仔腔姐姐劈頭等一句係講:你好，德興令我即時聯想起飲茶食蝦餃feel嘅德興海鮮酒家。。同印象中openrice啲相係高格調深色裝修嘅感覺實在有啲極端！但反而激起我嘅好奇心想試試。尋晚去到終於明白，原來呢度係屬於德興火集團嘅一間年輕化左嘅放題。。分左2個區域，一係日式邊爐，二係日式燒肉！燒肉可以+$50升級任食安格斯牛&+$30任食刺身。因為本身已經有碟送嘅雜錦刺身。。但賣相唔多吸引。。上菜速度快，個人認為其實佢之後都真係幾好食架！尤其是係極上牛肋肉，我一個人都食咗超多。唯一唔好係甜品係喺出邊攞嘅。。但係我哋食咗兩個鐘，磁粉只係出咗一轉，而且可能因為太耐冇出甜品嘅關係，啲甜品蛋糕一放落雪櫃就即刻俾人攞晒咁滯，根本就唔夠食！甜品裏面得和果子+合桃碎朱古力蛋糕係好食嘅。。其他蛋糕唔識都無咩所謂。

旺角四圍行找放題，見這間新開張有火鍋和日式燒肉可選就試試，選了日式燒肉放題。今期推廣用匯豐卡埋單有九折優惠。設備不錯，有抽油煙，旁邊有一個粉紅色的油，自己隨意用，第一次見，很新穎。一坐下就附送一人一件羊架，香草味濃，不錯。菜單名字部份是偽日語，要想一想，甚至菜到才明白。例如：味附海帶=中華沙律，車海老=海蝦。另外，加$50就可以任食安格斯牛，不過我們沒加。前菜：味附海帶、味附螺肉、泡菜、糖心蛋，基本上全部都好味。海鮮：除了車海老可以入口外，其餘都沒甚麼味道，就連本人平常至愛的多春魚都淡而無味，實在有點失望。牛：除了牛舌和一口牛，其餘都沒甚麼味道，極度懷疑所有肉類都沒餣過。甜品：百福豆花和明治蘋果乳酪都不錯，自家製甜品還好，屬一般放題質素。另外，有數款口味的雀巢雪糕可選。飲品：只有拍啤酒櫃，因為少有放題提供，算特別。無酒精飲品的種類其實不少，有沙示、錫蘭檸菜、碧泉、忌廉溝鮮奶等等。其實價錢算抵，但食物淡而無味這點，如不改善，很難會再幫襯下一次。

第一次食德家,主要都係價錢唔貴, 上到去店員力推$50食安格斯牛, 見佢信用咭有折就加左。安格斯牛同普通都有叫, 咁食落緊有分別啦安格斯牛食落牛味濃郁,又淋, 相比起黎加錢係值得既至於其他野比較鍾意既:蕃薯仔:佢落左牛油一齊燒, 好香好甜蝦: 估佢唔到好新鮮又大隻,牛舌: 雖則細舊, 但係好爽口咁當然有啲唔推介啦:雞肉及豬頸肉係冇味既, 點埋燒汁都唔掂。菠蘿非常酸。

大學同學聚會，搞手話要尋找我們的青春歲月，特別搵左間讀書時候大家窮到燶時會去食嘅「任食燒烤」！雖然我唔係食家，但對食都有少少要求架...我。最緊要大家開心繼續吹水啫～偶然二百幾蚊任食狂叫狂燒，都幾過引！ 有6張食物紙，有前菜，小食，牛，豬，海鮮，野菜任君選擇！ 至於質素，呢個價錢係合格的，但牛就唔好寄予厚望。眼睛食是可以的、吸晴的，但口感就大部份鞋到咬唔開，我都係以前菜同蔬菜填包肚仔。好like佢兜牛油煮迷你蕃薯仔，食左十幾粒！而海解就強差人意！墨魚仔燒完咬唔開。一年一次大班良朋共聚，食物其次，開心歡聚呢度絕對俾到你，但限時2小時。

德家老顧客啦，今次朋友千里迢迢落黎香港玩，我地成班人一於決定帶佢去食呢間燒肉放題。鐘意呢間有個好重要嘅原因就係因為佢唔洗等，店面好大位又够闊，and店員態度幾好。 人齊後會先送刺身，刺身新鮮，但都不如從前，睇起身好似比以前送少咗唔少野，例如北極貝。 肉的水準依然有keep住，選擇幾多。最愛燒豬頸肉同牛肋骨。 去食一定要點菠蘿同紫薯！紫薯加啲牛油一齊燒得香香綿綿，口感perfect，小妹一次可以食10+顆到:-D 食飽之後除咗雪糕食之外還有meiji yogurt同甜點食(近排新入嘅芝麻味雪糕好好味)，比起其他間燒肉放題多選擇得多，like.雖然食的人少，但德家無論係環境、食物質素同價格都ok嘅，以後會繼續幫襯落去。

小妹好細食，所以好少食放題或自助餐，但係8點幾喺旺角好多地方都要等位，最後去到呢間聞到好香又唔使等位就自自然入咗去，每人HK$198，加$50可以食安格斯牛，店員又力sell，好啦今晚一於對自己好啲！落咗單無耐店員就放低碟魷魚，我明明無叫到，一問之下先知原來係送嘅，幾彈牙，大大舊，正正常常好味嘅，必食指數：3粒星。過咗一陣又有店員放低碟刺身，有三文魚、甜蝦等，我唔食生嘢所以唔知好無味，但我朋友一個人食晒呢碟，我估應該都唔錯。是日重點嚟喇！安格斯牛！好好味！以呢個價錢嚟講算抵食，一片片係好食過一粒粒嗰啲，最好食係安格斯牛肋肉壺漬，肉嫩又juicy，好重牛味，調味適中，必食指數：5粒星。之後狂食牛完全唔記得咗影相，唯有只用文字描述，店員比咗舊豬皮當油用，都幾方便。鯖魚：好味，唔腥，仲要啖啖肉，必食指數：4粒星。蝦：新鮮，大隻，不過我懶搣殼，只係食咗一隻，必食指數：4粒星。雞脾菇、翠肉瓜：出奇地好食，可能因為食得太多肉，需要蔬菜瓜果平衡吓，必食指數：4粒星。蕃薯仔：超甜，加埋牛油無得頂，必食指數：5粒星。帶子、多春魚、青口、黑椒腸、辣雞肉及豬頸肉：正常味。菠蘿：超酸。總括嚟講，安格斯牛真係好

依排秋風起🍁，又到食燒肉🍖既時間，朋友介紹話旺角有間坐得舒服既任食放題，又可以食魚生，又可以食燒肉，就一於去試下👭👬鋪頭分開左兩邊，原來仲有shabu shabu食，一邊係打邊爐🍲，一邊係食燒肉🍢，店入面空間非常大，食燒肉仲有抽煙管唔怕好大陣味💨放題可以加錢升級食魚生或和牛，朋友話依道魚生唔錯，就每人加$30升級，魚生總類都可以，一般三文魚，北寄貝，八爪魚，希靈魚，帶子，蟹棒都有，味道都算新鮮，三文魚都肥美另外放題既重點燒肉黎啦💥，分燒🐔雞肉，🐮牛肉，🍢小食，🌽蔬菜，🐟海鮮，🍥烏冬熟食等等，雞肉分雞腿肉，五花肉，豬頸肉等等，而牛就分一口牛，牛脊肉，牛肋條等等，海鮮又可以選擇燒帶子，青口或其他魚類，選擇都算多，除左畫紙，出面仲有野飲🍺，雪糕🍦等等服務黎講，服務員態度都幾親切熱情💁，又會問你野食好唔好，有咩需要改進等等，而且又冇咩漏單，最後每人二百幾埋單，以依個價錢又食魚生又食燒肉黎講算唔錯啦

我同男朋友都係食肉獸，見到有食評介紹，就比啲牛肉吸引住😍 而且見到新開張不久，所以覺得個水準會不錯（好多店都係開耐咗，個質素就變差）我哋係星期二嘅夜晚6點鐘去食，一早卜咗位。我哋係去食燒肉放題的，每位$240。一開始會送啲刺身比你食，不過無得你揀咩款同數量，佢決定嘅 哈哈。嘢飲款式較少，但任飲～ 要自己行去門口拎之後就好似平時放題咁，有啲紙比你點要幾多肉、菜、料理、海鮮。嘢食十分新鮮、惹味，牛肉好正，特別係香草牛肉😍我哋兩個點咗好多嘢，食到好飽（如圖）見到先前有負評（instagram），喪鬧環境差。我去過之後，覺得環境的確唔係話好好，但起碼好過茶餐廳先。因為係燒嘢食，多油煙，地板會油，會滑，要小心啲行。燒嘢預咗身上會留味，唔想有味、唔想自己煮嘅，大可以選擇其他人哋煮好哂比你食嘅餐廳～廁所都算乾淨！可能因為新開無幾耐餐廳整體環境一般，中下水準～ 但都唔影響食慾的。服務員好友善、會同你傾偈，有服務業應有嘅態度，食都食得開心、順氣！呢間燒肉店值得一試嘅，不過比我食，我唔會去多次😆 會想試下新嘢！同埋食好多肉好濟（我本身已經超大食）不錯！滿足！

朋友介紹下去左呢間食燒肉放題！主要係想狂食牛牛牛牛牛!!!!首先會有一盤刺身先既好生鮮👍👍之後我地都加左$50 upgarde食安格斯有幾種牛揀既！首輪咩都叫晒！有隻好重牛味👍👍👍睇張相都知好味啦😋😋😋不過如果可以的話唔好切甘厚就更更更好啦!食牛食到「仔仔地」都可以點下海鮮燒蝦好大隻!肉好結實！好味😋是次消費$240位！呢個價錢真係好抵食

我們一行二人本想吃另一間食肆，但無奈吃飯時間四處也要等位動輒１５分鐘，我們二人都很肚餓剛巧看見這家新開的火鍋放題，便決定一試。可能因為新開張的關係，光顧的客人不多，服務員安排我們坐下便幫忙點湯底，笑容滿面，服務態度很好，上菜速度也很快，不夠５分鐘湯底已經送到眼前。後來我看見有一個海鮮拼盤的優惠便向服務員查詢，但服務員好像不太清楚公司優惠，後來才有另外一位職員代為解答。我們揀選了$178牛肉放題，質素都不錯，而且匯豐卡有９折很划算。外面有自助的丸類,菜類,醬油,沙律等供應,但其他食材配料選擇很少比較乏味，但總括來說環境也挺舒服，會再來光顧的！