德家日式燒肉店 (Closed)

朋友想食燒肉，仲建議埋食呢間，見佢真係咁想食，明知熱氣都捨命相陪喇~打去book枱時先知原來佢係火鍋+放題]喺齊哂同一層同一間店，只不過係分咗唔同嘅區域做唔同嘅嘢，睇嚟好有決心迎合哂唔同嘅客路喎！入到去，見到都係一般格局，亮點係佢準備咗一塊豬油糕比客人開鑊！順帶一提，由於都係燒肉，油煙幾大，地下同座位都笠笠地跣跣地咁，小心跣親呀！睇到佢有5張點菜紙，有生肉、海鮮、菇菜類，另外亦都有部份係熟食！仲有得加$50升級，可以食啲級數高啲嘅肉添！食熱氣嘢當然要飲好多嘢喇！呢度飲品種類唔算少！梗有款啱飲嘅~仲有冷盤同甜品位置，選擇都算多！不過甜品都係來貨嘢，唔太吸引囉~牛豬雞海鮮菇菜每樣都點咗啲，菇菜直用兜仔放上去，燒肉最多人鍾意燒牛，我會比較推薦牛舌同黑蒜油牛脊肉雪糕每人有一杯，有兩個品牌選擇，movenpick 同哈根大師，我就梗係要movenpick 喇~

呢間係朋友介紹黎食佢話d牛好正、咁就黎試下任燒價錢係$238（星期三）我地加左任食刺身（另加$50/位）其實食物款式唔多佢地上餐速度略慢坐係度等左一段時間d肉先上刺身就燒完一轉肉先黎刺身方面件件都好大舊，最好味既係赤蝦，夠晒新鮮，幾好食朋友就好中意食蟹腳，嗌左幾轉黎食而燒肉方面，牛係無牛味，唔講唔知食緊咩嗌左一款牛係有醃過既！咸到食唔落羊既話起碼都做有d羊味但肉類真係十分之普通燒物入面算係好味既就係蒜味腸佢分別有蒜味腸同黑椒腸都係台灣腸黎，我就比較中意食蒜味，燒出黎既腸係唔錯既甜品方面出面自助位都有幾款甜品俾你簡但無寫係咩甜品黎，所以都係靠估泡芙原本以為入面係普通牛奶cream，點知係抹茶，麻麻地抹茶埋單時佢仲會俾你簡一款movenpick或者HaagenDazs整體黎講普普通通，試一次就夠

同家人第一次食呢間燒烤放題。自問對食要求真係唔算高，亦都明白放題食物質素未必一定好好，不過都係第一次食放題對住張點心紙咁苦惱。😵😵原因係無野食係你食完一舊想encore 叫多次。大部分肉都雪到無味，好多牛都韌到想拆咗呀婆排牙。👵🏿👵🏿可能我地無叫$50安格斯牛啦，不過都係有俾錢食，仲差唔多$300個。點都應該有一樣野可以令你話「唔錯」掛？呀媽話全場最好食係沙律bar 泡菜😱😱可能比較有味道啦！雖然服務態度真係唔差。不過去食燒烤放題，唔多唔少都係想食物係好食。唔係就搵其他「食環境」或者「食氣氛」地方好啦。今時今日香港放題，應該未淪落到「只求飽肚」地步吧不過最後都好，每人有一個movenpick 或者 haagen daz慰藉吓心靈。臨走前呀爸仲話，「其實樓下大記個鐵板牛都唔錯吖？😅😅」有人話，食放題都好講運氣，唔一定每盤食物都好食，咁睇黎我地一家人，都真係無咩運

曾經係2017年年尾食過一次，當時有刺身，有安格斯，甜品都好出色。食完大力推薦各方好友。因為價錢平，又好味，當時覺得好野，搵到間好餐廳。奈何，今日再一次重溫舊夢，此情不再。甜品轉晒，冇百福豆腐花，冇乳酪，冇西餅，得返杯裝啫喱。好差，豆花值幾多錢。咁都要cut。佢有服務員，但唔代表有服務，呼叫制按完都冇人理，係咪系統壞左。叫人，都冇乜人理。好差。牛既質素已大不如前，我後悔曾力薦他人。更加悔恨德家已唔再係我食過既德家！幸好，依家用HSBC信用咭有九折，我尋回些安慰。

我最討厭自助餐、任飲任食、放題架，不過朋友要請，大家高興聚聚無所謂啦。只需 $260 蚊烤肉放題？平到如此地步，得唔得架？已有心理準備，一試無妨。既然任食當然全部都試下啦 ﹗可怕的牛脊肉、五花腩、帆立貝、魷魚鬚、多春魚，算了吧！最好食係限量三文魚腩刺生、墨魚刺生，而蝦刺生及北寄貝麻麻。比較好一點。其他牛舌、牛胸腹、雞柳、豬頸肉、海蝦、墨魚仔還可以。Order 紙種類繁多，花多眼亂，樣樣都想試啖呢，而且有部份要再加錢，都幾難計。我地主打都係牛牛牛，每人兩碟先啦。Max 韓啤，果味偏甜，酒味薄弱，真係可以當果汁飲。我飲左幾罐啤酒，再兩碟安格斯已經飽頂到上心口，竟然您個肥仔一個人鯨吞 6 碟，您想食到人家執笠咩，哈哈﹗好快  black list 您唔比您幫襯架喇。和風煮牛舌，即係汁煮牛舌，暖都唔暖下，室溫牛舌腍劈劈，豉油味濃無羶味。蘿蔔，無渣爽爽超入味，滷油味特濃。泡菜，勁甜不酸不辣，怪怪的。胡麻豆腐，豆味香濃，但硬硬鞋鞋唔夠滑喎。味附螺肉，發到半透明無味爽爽聲，淨食辣汁過口癮加囉。刺生併盤，全餐最好都係您幾位喇。三文魚腩刺生特級鮮甜，肥美滑溜，加錢都要食啦。墨魚刺生，黏黏嚥韌新鮮的保證，

成層樓分成三個區，放題，韓燒，打邊爐。第一次去試就去打邊爐，但原來打邊爐只得安格斯牛及菜無限食，其他打邊爐食材只一開始一次過上俾你，4個人去食，D丸加埋都無十粒，連蝦都無隻，連雞蛋都一開就問你要吾要 ! 總之打邊爐要食嘅一般食材乜都無，甚為揾笨 ! 你俾成隻牛我食都無意思，總之打邊爐就千奇咪去 ! 食咗2個鐘只知道自己食咗牛，牛，牛，菜，菜，菜，真係第一次咁樣打邊爐，4個人有1個半價，埋單都要$1006 ，超吾抵食，打邊爐無下次，就算請我都吾會去!

今晚成20位公司聚餐，位置安排得好好，唔會迫，直得一讚既係我地晚上10點先入坐，食物都唔會缺貨仲好新鮮，好多款，有德國生啤好香濃，有好多韓國飲品，特別既有韓國版可樂同粒粒橙汁， 覺得好意外嘅就係沙律菜有羽衣甘藍 ，特別係牛肉好好味，仲要價錢好抵食!!服務好好，時常留意客人有冇空碟要收，保持枱面擺放食物位足夠唔會迫，禁鐘後好快有人黎為我地服務，唔洗等禁耐👍👍另外廁所好乾淨，地下冇積水，好光猛!任飲任食，最啱一大班朋友一齊聚會，傾下計!

星期日中午時分嚟到呢間燒肉店，人客極小，員工重小，交點菜紙都要起身去搵店員，兩個人點菜已經小，漏單都可以極嚴重，每次都要等10分鐘先會有食物到，前後點咗3次牛舌，一次都冇嚟到，起身去搵店員問，先知原來冇牛舌，入座時點解又唔講呢？呢間嘢冇下次，不知所謂😡

6可能因為星期一，6：30打去都仲book到8點，去到唔多人，每位228，但係想食安格斯牛肉就要每位加50，不過一定要加，因為唔使加錢個啲好一般，不過呢50亦算加得物有所值，因為真係幾好食，牛舌最正，真係厚切又夠肉汁，所有野無漏單又唔會亂俾份量，叫幾多俾幾多，好多野飲，甜品同小食可以隨便自己攞，仲有部生啤機俾你隨便斟，員工服務一流，個個都好好禮貌，本身加埋$50食安格斯，每人應該278再加一，不過4位就有一位半價，最後埋單除返每人大約250，無趕枱，野食質素幾好，250物有所值~

因在唔同渠道得知德家燒肉評語不錯，所以決定試下，點知中晒伏。牛肉等了半小時先上桌。吸油煙嘅氣管，有等如無，揸夾隻手，成頭，油到爆，食完成身油煙味。送嚟嘅刺身，下等貨識，味道腥腥的，蟹柳正常，其他就一般，普通放題都好過佢。燒肉，除咗雞肉，牛舌，每款都鞋到食擦紙膠咁，無味，而且件件都係咁，咬到牙骹都軟埋。飲品任飲都算多款，可惜食物質素强差人意，牛肉用嚟拍照挺不錯的，很上鏡。不會再有下次，真不知為何如此多好評。

今晚朋友聚會一行3人去左食德家燒肉放題之前係銅鑼灣已食過一次覺得不錯今次選了旺角分店120分鐘兩小時任食一開始每檯會送一個刺身既然任食我們決定每款都點些來試下雞、豚、牛肉都點了數件蔬菜方面都有燒菠蘿、青椒、秋葵同日本蕃薯我個人覺得佢個日本蕃薯加牛油用錫紙放上爐燒太肥太油於是其後我們落單寫明走牛油來到乾燒味道不錯腸仔方面有幾款我們點了台灣黑椒腸、蒜香腸及豚肉腸黑椒腸及蒜香腸燒完好好食海鮮種類都多但因我們不太好只點了數款我個人很喜歡呢間燒肉店既牛類超多種類我們決定全部都點幾件來試牛肉夠新鮮每款口感或味道都各有特色！飲品都係全飲仲要有啤酒任飲而飲品都多韓國款飲品有d特別被都吸引去試惟一美中不足是沒有烏龍茶提供整體上任飲任食燒肉價錢都算便宜而食物質素亦不錯！惟旺角這分店吸煙系沒有銅鑼灣那間好一路食有時都感覺到煙霧情況但性價比高

初四應舅父邀請，我們兩家一起去吃放題作聚會兼拜年，取點旺角方便大家。德興火鍋的放題我有聽過，但原來德家日式的放題也是旗下的，還在同一店內。入店轉左是火鍋，右邊是烤肉。由於抽風系統是固定的，我們六人要分兩枱在旁坐。不過原來抽風系統有跟沒有是無分別的，出來的煙都不會被吸進去。飲品和甜品任取，值得一提是他們有生啤供應，自己斟，夠凍的。另外還有其他罐裝飲品和啤酒選。吃烤肉當然配啤酒，生啤和罐裝都有喝~爽刺身拼盤是送的，八爪魚和生蝦算甜，三文魚掉到了爐上炙也不錯。之後就在點餐紙選其他食物，有前菜，牛雞豬和海鮮等等。先燒海鮮，蝦算大隻也爽口，鯖魚也啖啖肉。不過，多春魚和帆立貝味道都不夠鮮。然後就到重點，牛。加了錢的安格斯牛看起來很可口，但可惜沒甚麼牛味全牛拼盤原味及黑蒜油調味的牛舌，牛肋骨和牛脊肉等等。有調味的會香點，原味的如不點醬汁就是無味的。像肥牛的肉愈底愈多肥膏，不是很多肉吃。牛舌頗爽口的~ 不斷燒呀燒，其實都好多油。一口甜薯用牛油浸著，看到都不是好想吃。豬頸肉倒不錯。烤雞需時，雞翼肉嫩較好吃。這盤有三款食物必須吃，就是玉子燒，菠蘿和台式香腸！玉子和菠蘿都夠甜，台式腸是因為味道濃郁又爆汁最後

中伏！！四位朋友一齊去食，一致通過超難食！已經upgrade咗安格斯牛肉，但唔明點解可以所有牛肉都無牛味，似冰鮮完沖水後攞出嚟，好淡嘅一舊肉，我夠膽講，呢餐燒肉係我食過嘅最難食嘅一間，不停加鹽，都係無味！再講其他食物，亦都好少款揀，總之肯定唔會再幫襯！

三更半夜又搵食，同老公周圍行見到呢間仲未收試啦，11點後188平民價啦~ 食物種類選擇多，呢個價錢無得彈啦～雖然已夜深人，自助吧仍然整齊，盤盤都滿，感覺良好地方寬敞，用料新鮮，店員態度幾好，食得過牛肉質素唔錯，幾juicy，整體好滿意呀，一定會再幫襯~

食物、服務、收價都平衡。啲嘢食唔似出面啲日燒店，剔幾俾嚟得一件，剔8件一家嚟足8件，真喺食到個肚頂唔想食。而且啲食物都幾靚。啲員工好快手，唔洗叫都自動嚟收嘢，BTW叫佢地真喺會跑過嚟。加一喺值得嘅。一個人二百幾真喺差唔多！