冬蔭公公 (Closed)

， 今日沙田逛街之後見到冬陰公公 ，突然想身邊朋友一直推薦冬蔭公公的香菜肉碎飯， 所以最後去試呢間嘅泰國菜，當時七點去到時還有空位所以很快就入座，不過二人要搭枱，位置空間有點細。而我們叫泰式香葉肉碎配白飯 +手抓餅+咖哩汁+龍眼冰+冬陰功湯麵。 食物上菜速度快。主打的香葉肉碎白飯有不錯的水準但個人認為太乾身進食時需要飲啖水才容易d吞，但其他食物有普普通通。整體而言食物質素普通，略帶味精味，不過勝在價錢不貴，在新城市廣場中算是cp較高的一間餐廳。只要不帶期望其實都ok的。

同朋友約左係沙田食飯，但揀唔到食咩好，最後見到東陰公公，就入去試下。看到最推薦的菜式好似係東陰公湯麵。於是一人叫左一碗。東陰公湯麵可以自己揀辣道，有bb辣，中辣同大辣。而送可以自由配搭，例如：全蜜雞全脾、魚皮餃、炸魚皮、豬頸肉等等。 最後揀左豬頸肉。仲可以自己揀麵，有薯粉、麵等等。他的湯底真係超超超超超正，

第一次黎冬蔭公公，平時唔太食辣既我竟然有衝動叫左個冬陰公湯底既米線，配雞扒🤣 好彩BB辣唔太辣，湯底幾香濃。但雞扒成塊上，切都唔切下🙈 食起上黎有點唔方便😂 而且煎得好硬🤢朋友叫咗個海南雞飯，情況一樣，雞肉都唔太好食🙈 只可以說，雞胸比較健康😂😂我地留意到侍應好多時都只顧傾計，舉左手好耐都無人理會😔 服務有待改善！

海南雞飯 $68雞湯一黎都預左係咸味水但雞唔錯 係幾嫩既 雞皮都算爽滑不過個油飯睇相都見到一啲都唔油⋯係食到少少咸味既⋯但完全無雞油香😞 連少少色都無😫 好失望😵個Menu仲要寫係馳名😹-每逢晚飯時段都好多人侍應為左翻台 由坐低到食 唔夠半個鐘 就已經企係附近大大聲同出面啲客講就快食完😰 搞到我都唔敢唔食快啲😥一食完嘴都未抹 就請我地出去埋單😣成個用餐環境好急好趕 好唔舒適😣-📍。冬蔭公公。沙田沙田車站圍1號Citylink 1樓106號舖。#kkisgettingfatinHONGKONG-

以身試伏-小有餐廳 得到大量負皮.好耐冇出以身試伏啦今日呢間餐廳 係我用黎評其他冬陰公湯麵既準則但今日竟然伏到喊.呢日下午茶時間叫左個😇泰國冬陰公湯幼薯粉配炸豬扒$42首先上菜速度正常😱一上台碟炸豬扒放係碗麵上面👎🏻豬扒碟底比碗湯麵浸住（觀感真係好差）👎🏻一拎起碟豬 搞到成台都係油👎🏻店員望住我成台油🤔5個人圍埋出餐位繼續吹水 冇人理我可以話樂也融融 搞到我都想傾埋一份心諗 唔好咁懶好冇？扣分.👌🏻個湯味道冇問題既👎🏻但煮到勁鹹 加埋麵食都勁想飲水（上次食就淡左d 但濃味既湯 淡反而接受到）好彩杯檸水正常 夠大杯.👎🏻豬扒 先係極品 👎🏻勁硬 👎🏻仲要凍冰冰👎🏻仲要賣相差 👎🏻個皮軟哂👎🏻黐立立 👎🏻甩皮 👎🏻出油.呢間食過好多次水準真係愈黎愈差 湯一時鹹一時淡今次仲要勁難食送你負皮一個（😅最諷刺嘅係收銀櫃有大量獎狀）.大家試過咩伏都可以dm我分享下咖.#冬蔭公公 (沙田)地址：沙田沙田車站圍1號Citylink 1樓106號舖.⭐️評分：味道：1/5環境：3/5 位正常 唔算大服務：1/5 豬扒碟底浸湯 成台油冇店員想幫手抵食：3/5 價錢還好 但冇下次

泰國冬蔭功湯、米粉、炸魚腐湯底幾好飲，唔食得辣嘅人都食到。炸魚腐並唔係手工自製，都係買現成煮熱就算。米粉個量好多，超多先啱。泰國冬蔭功湯、米粉、豆卜、雞絲同上面一樣米粉好多。不過如果叫3餸，配料係會有炒花生同埋香菜、芫茜、牙菜，上面叫2餸嘅😅😅😅除咗牙菜之外，想搵粒綠色嘅蔥都無。今次用餐經歷非常之差。我地大概夜晚9點幾鐘去食，原本見無咩人，就以為佢準備閂鋪，都打算轉身走食其他，點知佢又問係咪食野，仲叫我地入去坐。結果等咗15分鐘食物餸上枱，食嘅中途店員開始執野搞清潔。咁我地都無咩所謂，你有你做，我有我食，我唔洗追求環境氣氛。過多5分鐘店員就開始熄燈，又開返燈，重重覆覆又開燈又熄燈幾次，擺到明係想提我地夠鐘閂鋪。碗粉食咗一半都無，咬咗幾啖，咁我唯有埋單走人，當中伏跌錢算。我食咗5分鐘你就環趕客走，其實你都準備收鋪，又何必仲要拉客入嚟食野。可能我能力低啦，唔可以5分鐘食完碗粉，平時食開光速餐嘅朋友可以去試下食。抵唔抵食，好唔好食？😂😂😂你地自己諗啦

經過係到食下午茶🤤 佢嘅配搭好多叫咗個冬陰公湯底米粉 好好味 種加咗個牛柏葉 西蘭花做餸好少食冬陰公湯底會加米粉，但係又幾好味，湯底睇落好油，但係配埋米粉，比起金邊粉就冇咁有罪惡咁，佢仲有好多配料，例如：粟米粒，花生，香草。米粉嘅質地唔係好易斷個種，仲好有米嘅香味個湯底唔會話好辣 不過就唔係好夾夠西蘭花了成個餐包埋一杯熱飲，係$42，對於學生來講， $42一個下午茶，其實都唔係好抵不過係貪佢方便，好多地方都有

連城廣場好多食肆，冬蔭公公款式多，價錢實惠，另外有印花優惠，聰明地綁住食客，東南亞美食，有泰式同馬來西亞式。午餐叫左個冬蔭功湯底，自選兩款加熱飲都只係54蚊，份量超大，完全食唔哂。冬蔭功湯底有三款辣度可選，我選BB辣，味道濃帶酸味但唔會太辣 ，魚腐好厚身吸哂啲湯好好味，另外魚皮餃都非常彈牙同新鮮。泰國鮮魚湯湯底，蘿蔔超諗又好味，金菇份量多，另外魚片頭都好彈牙。油鬆餅好鬆軟又熱辣辣 ，新鮮即做好好味，值得推介。

叫左兩個下午茶. 雖然唔係正餐 但個量都好多絕對夠飽.我個雞扒冬陰公 米線唔會太碎 叫左中辣岩好 湯底好夠味 好似之前係泰國食既味 但塊雞扒就扣分 太乾啲肉 完全唔嫰.朋友叫左豬扒湯檬粉 比較碎量都係好多 我冇試.野飲要加錢唔包$5都算合理 都大杯. 但加加埋埋一個下午茶要$50一個就覺得貴左啲

這間於沙田連城的一間泰茶館是第一次吃，畢竟中午難得找到位子就得當機立斷，果然沒多久這店都滿座，實在太多人了。位置其實尚算寬闊，坐得挺舒適，點餐幾乎是一人一張點餐紙，是省了些少功夫。有湯麵也有咖哩飯，不過大家都是湯麵為主。價錢不貴，基本是$54起跳，飲料是加$4或$5左右都挺地道。畢竟位置方便。我叫了冬蔭公湯底魚角龍蝦丸中辣，挺酸辣濃味又不會吃完很渴。比想像中好，湯底好麵自然有味。同事叫了魚湯底，評價也不錯。

冬蔭公公 比佢名字吸引了。平時食米線或粉麵，除了到泰國餐館 湯底一般都是很大路。遇到他 當然要試試吧。東南亞特色湯底分別有：泰國牛骨清湯🐮`泰國鮮魚湯🐟`泰式冬蔭功湯🌶。而黎到冬蔭公公 當然要試試冬蔭功湯底🍜。酸辣中帶點椰香，真係好有泰國風味。再配以泰國雞絲雖然絲得很細緻 但略嫌有點鞋；白蘿蔔黑黑的 大概是用上冬蔭公湯底去煮的，清湯既蘿蔔好味點。不過呢個湯底真係挺新鮮組合呢。而另一款鮮魚湯🐟，清得黎帶魚味。淡口之選也不錯喔。

呢間野，開張已經食到而家，最近呢幾年越黎越唔好食，今日再嚟食，但係忍唔住要寫返篇野黎提醒大家，真係非常難食。今日係叫左個海南雞飯，豬扒撈檬，同埋泰式蝦餅。首先豬扒撈檬嚟到，一睇話個樣就已經唔想食，塊豬扒嘅外皮見到好厚好厚，乾爭爭，又鞋颯颯，啲檬粉係好大碟，但係硬骨骨黐埋一舊舊。跟住泰式蝦餅嚟到，呢個就真係恐怖啦，望落去應該返炸咗超過10次，佢求其將中間切開變兩塊出黎，一夾上黎就見到啲油由內到外咁滴出嚟。之後嚟海南雞飯，呢碟就勉強叫做可以接受，雖然佢啲雞肉都係鞋颯颯，飯又乾爭爭，但係都叫做有啲味，總括來講，其實都係唔好味，我哋3個人冇辦法食得晒。影左相俾大家睇睇，等大家自己判斷。

年初一好多食肆都冇開，於是就求其揀左一間入去食lunch。估唔到冬陰公公貴左咁多，一人食咗$60一碗麵😂我叫咗個牛骨清湯米線🍜，加咗$16食豬頸肉。啲豬頸肉得勁少，食完之後都覺得有少少肚餓😂但佢嘅湯底同埋蘿蔔唔錯嘅😝另外就叫咗碗牛骨清湯檬粉，加咗生菜（ $5 ）、雞絲（ $12 ），其實啲配料都有少少貴😝整體來講，我覺得呢一間餐廳嘅麵同配料份量較少，而且略嫌有少少貴，唔係幾抵食，但味道係唔錯嘅！附上menu:

今日一收工覺得好肚餓，正諗緊食咩好嘅時候，就諗起之前去冬蔭公公飲嗰杯龍眼冰。為咗杯足料龍眼冰，我就喺沙田站落一落車去咗冬蔭公公度回味一番。四點左右去到，咁啱係下午茶時段，人唔算多可以即時入座。今次我就揀咗冬蔭公湯底嘅湯河，而呢度有個好處就係冬蔭公湯底可以隨你個人喜好選擇唔同嘅辣道。$42佢會包你一款嘅配料，但如果你要另加配料就每款$8。我今次嗌咗幼薯粉，雖然係下午茶，但份量唔少。幼薯粉嘅粗度比普通薯粉又幼大概三份二左右。個人覺得幼薯粉比正常粗度薯粉易夾，而且唔會容易因為難夾穩而將啲湯汁彈到自己。雖然比較幼身，但係都同樣彈牙。冬蔭公湯底酸酸甜甜再配合彈牙嘅薯粉，👍🏻。豬扒我就覺得稍為失色，唔熱同較乾身。下午茶餐本身唔包飲品，但係可以以優惠價去加配。我就加咗$9要咗個龍眼冰。呢杯龍眼冰嘅size有平時啲珍珠奶茶咁大杯，雖然啲龍眼肉並無我第一次飲嘅咁多，但係都比平時我喺其他地方飲嘅龍眼冰多果肉，而且杯嘢飲唔太甜，👍🏻👍🏻。用$51可以新城市附近食到個水準唔錯又飽肚嘅泰式湯粉，值得有下次。

行行下街見肚餓 就搵間下午茶食 舖頭既位置比較隱蔽 但勝在唔洗點等位 同埋食品好吸引 於是就走左入去 個麵一黎到 好正！好香既冬陰公味 麵既軟硬亦適中 如果再去開沙田 一定會再食！