冬蔭公公 (Closed)

CP值高濃湯晚餐2018/10/22第二次食依間泰式店，店內兩餸嘅湯及套餐飯也約$68-78，平價點嘅湯粉也有$40，加餸再加錢，也有串燒小食，店內也有約9-12款特飲。今次係星期五嘅晚餐時間，就近唔洗等位嘅餐廳唔多，第一次光顧時食過好好味嘅招牌豬軟骨米線，今日姐姐諗起想再食，於是我地再次前來。因為店名叫冬蔭公公，所以令我對佢嘅冬蔭公湯起了興趣。之前在早安越南食過很好吃的冬蔭公湯海鮮黑粉絲，今次試下可唔可以搵番個種鮮甜味。以冬蔭公湯來說味道夠濃，但不是特別鮮甜，沒有令人失望，$40食到這種湯底，我認為係幾抵食。豬頸肉有煎香過，生菜也原好，沒有爛。因上次光顧有手抓餅送的優惠券，但手抓餅冇咩味，夠酥脆。如果點咖哩飯可以考慮加點，但不算特別好食。飲品方面，有好幾款碎冰椰汁飲品，但因為我唔飲得太凍嘅冰品，所以今次冇點，跟餐可以平啲加配，夏天時會很喜歡。總結，如接受到近$6×食冬蔭公湯麵嘅朋友可多多考慮此店，湯底的確不錯，其實可以唔加配肉，因配了菜同肉我會食唔哂啲粉。這裡嘅特飲都唔錯，大家有興趣可以黎試下。

咁岩去開沙田， 食返個下午茶， 唔想諗就去左冬蔭公公，食完發現原來沙田多左好多新餐廳，仲要下午茶超平。冬蔭公公下午茶， 正常價錢， 比午市同晚市只係平少少。雞絲冬蔭公湯檬，味道ok, 雞絲都唔少。好香朋友叫左雞扒冬蔭公，都幾好跟餐加5蚊有餐飲，都好大杯。加多左個酸辣鳳爪， 都幾辣。

個晚同媽咪行完新城市就搵下泰國野食7樓既餐廳太貴啦 糧尾食唔起轉戰係citylink既冬蔭公公個層餐廳有妹多 呢間係新開既佢食物選擇非常多！！就連薄餅皮都有分好幾種 我就要番印度餅皮啦留意番咖哩汁係另外加錢先有既！雖然樣就燶左啲 但熱辣辣 沾上醬汁好惹味～叫左一杯龍眼冰同芒果乳酸超多龍眼肉呀！好鬼抵呀呢杯野 又大杯喎芒果乳酸係學生時代既回憶 味道都達到標準媽咪好鍾意食米線係都要叫一碗車仔或米線 加一樣料就計一樣錢但總括黎講係好多選擇 而且份量足好過食譚仔喎我覺得拿 加魚皮都成碟上你咪話唔飽！我至愛既青木瓜沙律 有少少辣好醒胃當菜咁食㗎我 食完已經飽左7成例牌海南雞呢個失色啲 因為啲雞肉好似唔夠新鮮 我好晏先去食既都⋯但有雞味既 唔似冰鮮千年雞既 醬料搭夠啦埋單 食到捧住個肚走 其實夠3個人食haha

又系放Lunch 嘅時間，食黎食去都系果啲，得一個鐘，食唔到啲可以坐好耐嘅野，好啦 見禁耐冇食過冬蔭公公 就食啦 叫左個海南雞飯同雞絲撈曚粉 因為系下午茶所以平好多 啲雞都好滑 下次可以再去

今日去左沙田 行街行到好攰 咁就去咗商場度搵嘢食 見到呢間冬陰公公入面好多人應該都唔錯啦所以就入去食泰式迷你香茅燒雞 一隻份量都唔細 個皮燒到外脆卜卜 肉質夠嫩滑 仲有肉汁 而且香茅味濃沃 有水準什錦小食拼盤 有炸蝦餅 串燒海蝦 酸辣鳳爪 炭燒豬頸肉 炸春捲 沙嗲串燒雞等等 非常豐富 酸辣鳳爪整得夠爽口 係涼拌嘅方法 而且酸辣汁 非常開胃 肉骨茶跟飯 藥材味偏重 加入咗冬菇 支竹 排骨等等炆得超入味 支竹同冬菇索曬湯料嘅味道 送飯一流 排骨炆得夠軟淋 一咬就開 絕對係心機之作 就咁飲都好有補身嘅感覺食泰國嘢又點可以唔食生菜包呢 我哋叫咗呢個生菜包 唔太辣 但係肉味好香濃 好好食 搭配新鮮嘅生菜 簡直係置身泰國一樣呀總括而言 食物非常之正宗而且味道亦都一流 值得推介

今日離開沙田踩單車 完全唔知道有咩好食 於是就走到沙田市廣場隔離嘅呢個商場仔 二樓都幾多餐廳 就搵咗間食東南亞菜嘅冬蔭公公 剩係聽個名都好有泰國風味辣肉碎生菜包 生菜包就見得多 有牛肉嘅生菜包你又見過未 肉碎煮得好香口 香料亦都濃味 夠惹味 配上爽脆嘅生菜正咖哩炆羊膝配油酥餅 羊膝都幾巨型 啖啖肉 而且肥肉唔多 唔太騷 小朋友都啱食 咖哩口味方便偏辣 感覺幾正宗 而且勁香口 配上 酥脆嘅油酥餅 牛油味突出 唔錯泰式奶茶 香滑奶味較濃 而且冰量十足 夠曬透心涼

去沙田睇戲, 肚餓搵野食,記得連城廣場上面有一系列食肆, 全部價位都不算很高,今天揀了一間東南亞美食。首先,我們點了泰式冬陰功湯味檬粉。冬陰功湯雖然冇常見嘅九重塔香茅 但係他的味道依然,而且它的酸味剛好配上檬粉，非常配合。再來的是馬來西亞最出名的肉骨茶配飯。用料非常豐富有冬菇，支竹，豬肉，杞子，豆腐泡。係啊。不會肉骨茶有點過鹹，配飯剛剛好。油松餅,鬆脆和好香牛油味，用來點冬陰功湯或者肉骨茶，都非常配合。為食的我們，看到隔籬點了一個小食拼盤，看看價錢，都是148，非常抵食。有豬頸肉，兩串牛兩串雞,兩串炸蝦,一個蝦餅。酸辣鳳爪沙律，再加埋兩杯飲品。加十蚊，有一杯木瓜乳酸飲品，這個非常好飲，而且可以解解辣。滿分為10分(1分最低，10分最高)食物：8.5環境：8衛生：7.5服務：7.5價錢: 8.5舒適度：8總分：8

經過連城廣場，都好多食肆，所以就隨機入咗一間去試，就揀咗呢間冬陰公公。早餐下午茶時間，就是一個下午茶抵唔抵食。入到去，座位偏小，不過服務員都係熱心，所以服務質素我界定為一流。乾淨衛生，亦都唔會吹你走，以平價餐廳來說，服務達到一流，不像其他高級餐廳，限時限刻，刻意收野趕人走。叫咗個鮮魚湯粉雞排好食，蘿蔔夠大，粉亦都好好食，估唔到$40來可以有咁嘅質素，其實真係誠意推介。下午茶仲有好多選擇，其實如果大家想揀一間輕鬆，質素高，服務環境好的餐廳，經過連城廣場可以揀呢一間。埋單計數$42 ，有個好食嘅下午茶，其實都好抵架，亦都如果嫌唔夠，可以加錢自選配料，食物選擇彈性較大，其實一個好好嘅優勢，適合喜歡選擇的你。

今晚因工作緣故在沙田放工，和同事在沙田站citylink吃個便飯，口痕痕想食泰國菜，晚上七點多到達冬蔭公公，餐廳幾乎客滿。餐廳裝潢簡樸，空間不大，勝在價錢平，位置也方便。泰式什錦拼盆 拼盆已包含兩杯餐飲，拼盆有蝦餅、泰式春卷、豬頸肉、酸辣鳳爪、雞串及蝦串，另外配搭三個不同調味醬料, 包括有泰式甜辣醬、沙嗲汁、辣椒汁。泰式蝦餅像炸蟹箝，不過不失。而豬頸肉燒得剛好，香脆可口，調味亦做得不錯，配上泰式醬汁更加醒胃，酸酸辣辣，很有泰式風味。酸辣鳳爪爽口，也非常開胃。泰國冬蔭公湯米線我選了bb辣，湯底小小一碗放了足量的配料，有芽菜、粟米粒、花生、芫茜。我選了辣牛肉碎、豬頸肉。bb辣不夠惹味，下次可試試中辣。湯聞起來有飽滿的香氣，滋味鮮美香甜，吃起来别有一番韻味。入口湯頭有淡淡酸辣味，很開胃！馬沙拉咖哩牛腩 馬沙拉咖哩氣味不算強勁，香濃而不辣，入口質感濃稠卻幼滑，帶椰香，用來伴飯很不錯。 牛腩鮮香惹味，口感軟腍，嚼起來不費吹灰之力。木瓜乳酸益力多跟木瓜拌勻，酸酸甜甜很開胃！整體來講，這頓飯吃得很快，上菜快，位置方便，質素與價錢相稱，很不錯！

我幾鐘意食d重口味既野所以東南亞湯粉 我都幾鐘意而我最鐘意既冬蔭公湯粉 就一定係冬蔭公公價錢大約50蚊 比其他粉麵貴但我都覺得值湯 ：食過好多次 最近湯都比較淡今次都唔例外 但淡有淡好味淡d食完冇咁想飲野濃既重口味都 爽 但會想飲野一個湯本身好味既 淡同濃都一樣咁正我就食bb辣 唔食得辣既都食到呢個湯香料味夠 加埋薯粉食最正料同野飲就一般 不過不失但料我會推介豬排 因為佢豬排會分碟上甜甜地既蜜糖汁燒既 夠野味食完仲有印仔送 印滿可以再免費食麵同埋有香酥餅卷送 下次下午茶4點前食最抵

平時午餐經常同同事黎食冬蔭公公，今日難得得閒帶埋阿媽黎試下呢度既晚餐由於呢度既粉麵同飯類中午成日食，今日就試下叫啲平時少食既小食燒海中蝦超正！有六隻，配上泰式酸辣醬，好開胃薯仔薄餅有點辣，非常特別另外仲有蝦餅、春卷、蜜汁燒雞翼、中辣的冬蔭公湯。我本人最鐘意佢的蝦餅，份量好足，落足料！媽媽就十分讚好呢到既冬蔭公湯，我地揀左中辣但對我地黎講都係太辣飲左好耐先飲完，不過味道好正宗，值得encore另外值得讚的係呢度啲食物全部都非常熱作為冬蔭公公的常客，下次一定會再黎

在新城市午餐後，逛完街晚餐也直接在沙田解決連城廣場餐廳選擇也不少，不過餐廳地方較小坐位間有點狹窄，且頗嘈吵馬沙拉咖哩牛腩(配油鬆餅)油鬆餅沾上咖哩醬汁同吃，煙韌滿足咖哩汁很濃滑，香味與辣度都不錯牛腩來得軟淋泰國冬蔭海鮮米線 (中辣)雞全翼，蘿白，豆卜冬蔭公鮮味與酸味皆強點選了米線，亦不易折斷，更有大量爽口芽菜作伴最喜歡蘿白夠清甜泰式什錦拼盆 包2杯特飲拼盆有蝦餅，泰式春卷，豬頸肉，酸辣鳳爪，沙嗲串燒雞/串燒蝦兩串先嚐酸辣鳳爪醬汁帶點點酸甜，很易的打開胃口串燒雞，吃時蘸上濃而香甜的沙嗲醬 其他食物也不錯！點了咸檸七跟珍多冰作餐飲，咸檸酸度剛好，溫度夠冰配辛辣食物相當解辣 沙田沙田車站圍1號Citylink 1樓106號舖

今日約咗阿女係沙田行街，等佢既時候個肚餓餓哋，於是走去冬蔭公公諗住食碗魚湯薯粉頂肚，因為之前食過，都覺得ok。坐低叫咗個魚湯底薯粉，加炸魚皮同鱿魚，仲有－杯咸檸七。真係好肚餓，等咗－陣魚湯底薯粉及炸魚皮先到，第一啖飲個湯底好淡，同之前差好遠，咬一啖個炸魚皮，硬多過脆，但因肚餓關係都食哂成碟，碗薯粉就食咗三份之二，但魷魚還未到，我就問個侍應係咪漏咗單，漏咗就唔要啦！但佢話好快補番比我，咁就要埋佢啦！點知呢碟野先係最伏，碗魷魚不論顏色賣相差外，味道奇差，囗感又怪，係我食過最最難食既鱿魚😣真係好難再幫襯！！！仲要76元！！

同老公黎到沙田睇戲，睇戲前過黎醫醫肚先！！我地7點幾黎到店鋪已經坐滿晒客人，非常熱鬧。咁岩有客人食完埋單走，我地先可以入去坐低點餐。冬陰公公之前係第二間分店食過，鬆餅份外香脆可口，令人十分懷念。泰國珍多冰飲落唔太甜，夠晒冰凍，剛好行到個人熱辣辣成身汗，飲番啖即刻成個人感覺透心涼晒巨峰葡萄🍇乳酸呢杯就相對甜d，但就好香提子味！！油蔥餅$24最愛食呢到既鬆餅，有咸味&甜味任均選擇本人偏好食咸味多一點冬蔭公湯粉$73湯粉點左bb辣，再加配了炸魚皮、雞翼尖、牛柏葉等配菜。湯粉軟硬適中，魚皮炸得好香脆，牛柏葉就煮過熟了一點。仲有點左一串龍蝦丸，龍蝦丸燒得剛好，入口彈牙惹味總括黎講本人最欣賞依然係鬆餅，下次有機會再黎試下甜味先同埋呢到全日免收加一，食物價錢平，真係好抵食！！

喜歡冬陰公公的冬陰公湯底了。泰國冬陰海鮮米線(大蝦，蟹柳， 魷魚鬚，龍蝦丸，鮑魚片，青口) $76湯底好味道😋可以再辣少少。海鮮既份量都吾少👍🏼米線既份量算多，不過個人覺得米線淋左些少。.炭燒豬頸肉沙律 $52 半份豬頸肉味道香口、口感又爽口👍🏼夾沙律吾錯，好開胃呢。.泰式彈牙蝦餅 $48蝦餅好厚肉，配泰式酸辣醬一流😋.花生薄餅 $32熱辣辣食呢個薄餅好香口，花生味突出，係甜食既薄餅，呢道菜式有幾款口味，有甜食也有咸食的。夜晚六點後先會供應。.杞子紅棗茶 +$9不錯巨峰葡萄乳酸 +$14估吾到咁好飲！巨峰葡萄味濃，益力多味都突出，叫左少甜之後岩岩好，好飲呀！💕