冬蔭公公 (Closed)

今日同媽媽黎食泰菜。冬陰公湯，細薯粉，配雞絲！可自行選擇辣度，我地簡左bb辣冬陰公好香，香料比正宗泰式冬陰公無甘重，適合香港人口味，而且可自由配搭辣度，十分貼心。我好鍾意個味，且十分開胃！推小食拼盤！估五到甘大份，以為每樣小食得兩份！值得一提係鳳爪，雞串同春卷！鳳爪好入味，好開胃！春卷好脆，內裹係菜，中和反個油炸感！雞串d雞好滑多汁黃咖喱軟殼蟹配薄餅！媽媽大贊個咖喱汁好濃椰香味，而且不辣個蟹也不錯，成隻都食得芒果乳酸！好好飲！必點！！

冬蔭公公經常大排長龍，我們刻意選擇較晚的時間來到，雖然不用等位，但座位仍近乎全滿，真的很誇張！先來拼盤的餐飲，罐裝汽水有跟冰底，炎夏必備。鹹檸七喜集甜、鹹、酸於一身，好喝又消暑。泰式什錦拼盤 $148 連飲品兩杯飲品到了不久就上菜了，效率極高。拼盤的燒豬頸肉，燒得啱啱好。拼盤的鳳爪無骨但帶筋，超級爽口，甜甜酸酸的很開胃。蝦餅一開二超級大舊，蝦味突出，配泰式甜辣醬最夾。春卷有四條，炸得很香脆。蝦串和雞肉串燒做得出色，十分惹味。燒魷魚鬚 $76魷魚結實彈牙但唔靭，配酸辣帶蒜香的醬汁，愈食愈好味。馬沙拉咖哩牛腩配油鬆餅 $72馬沙拉咖哩比一般的咖哩更為香辣，惹味程度亦大幅提升。牛腩非常入味，而且腍滑。油鬆餅係咖哩嘅最好朋友，撕開一片片再沾滿咖哩一齊入口，真係好食到停唔到。

經常都到冬陰公公食飯，在高級食肆林立的新城巿廣場來說，此店性價比高，晚飯時間經常可以見到長長的人龍。尤其喜愛海南雞飯和冬蔭公湯粉。點了馬來肉骨茶湯飯，肉骨茶很香濃排骨數量有很多，很足料。藥材味不會過重，整體份量不少，可以當餸伴飯食。泰式軟殼蟹撈檬粉軟殼蟹很大隻，啖啖肉好好味，炸得好酥軟香口，蟹有蟹膏。檬粉好大碗，枱上有汁可以隨意添加，食完已很飽。最後還點了一個拼盤套餐，因為貪佢樣樣有齊。一次過可以滿足多個願望仲包兩杯飲品，好抵食。食物方面有雞串燒、炸蝦、泰式鳯爪、豬頸肉、春卷，仲有蝦餅。最鐘意食蝦餅同串燒，好惹味，下次會單叫。飲品方面點了龍眼冰同馬來拉茶，拉茶有奶香，奶茶味香滑，龍眼冰有龍眼肉，味道清甜，不會過甜。整體一如既往的食得飽飽，價錢合理，味道不俗。

冬蔭公公係沙田都開左好多年，keep住都係勁多人食，水準都保持得唔錯，如果想食香口泰國野時，我都會同朋友食呢間😋 串燒係次次黎我都必叫架！個醬一流，d雞肉燒到好滑。幾分鐘就已經清曬碟。泰式鳳爪辣辣地好惹味，海南雞飯都好好食，仲有埋湯送，食到超飽仲要打包，因為估唔到佢d小食超大碟！叫左個豬頸肉沙津，估唔到肉仲多過菜，勁足料，超多豬頸肉囉，足料到咁😂😂😂係肉食獸的至愛呀！！！我仲叫左杯芒果乳酪特飲，配小食一流，唔係好甜，酸酸地，正！見到隔離位叫左碟小食拼盤超靚超大碟，都有少少後悔無叫，下次多幾個朋友一齊黎食就最正。

今日去沙田行街，沙田食嘢貴；所以我一般都選擇連成食飯，多選擇價錢又平；我以往幫親佢都係食麵，但今次初嘗咖哩，味道不錯！而且仲嗌了串燒及甜品🤩馬沙拉牛腩咖哩配油鬆餅（$72）油鬆餅有小小似naan，但有小小似蔥油餅，新鮮出爐熱辣辣配埋咖哩食好正，會不知覺食多了澱粉質😂仲嗌了月亮蝦餅（$48）同串燒3件（$50）我全部都蘸咖哩食～好味！雖然口味有啲重（笑）同埋好鍾意佢個巨峰葡萄乳酸（$14）可以解一解食物既厚重感馬來脆雪山（$42）佢係薄餅黎，但係有加糖，所以係甜品！最後太大個食唔曬😂

下班後，拖著疲累的身軀到沙田市中心醫肚。這晚選擇>>>冬蔭公公<<<，就是想吃撈檬。 撈檬共有七款，當中最吸引的是泰式軟殼蟹撈檬粉(HKD76)。 小食與飲品的選擇也不錯啊。 所以點了一客馬來串燒海中蝦(HKD60/三支)試一試。 外面彷彿包著薄薄一層蛋黃，口感特別甘香。海中蝦肉質鮮甜，已被剔走蝦腸，感覺更加乾淨。唯一可惜是蝦肉略小，看來要大蝦才夠過癮喲。 泰式軟殼蟹撈檬粉在坊間不常見，這次遇到，定當一嚐。軟殼蟹原隻上碟，花生炸蒜等配菜放在方型碗的四個角落，可按個人口味將之與撈檬拌勻享用。軟殼蟹固然香脆，配合碌冧一同進食，味道更加豐富。撈檬粉份量很多，還未有吃畢，已經飽了。 飲品是鹹青檬梳打(加HKD13)，揀了少冰，緊記拌勻才開始飲喲。

收工之後，想食泰菜，但又唔想專程去九龍城。於是去左冬蔭公公，打算近近地又有泰菜食泰菜入面，最鍾意食蝦餅+串燒，所以第一時間就點左lee 2樣。雖然份量唔係好多，但對於細食嘅我地，就啱啱好，反正我地都只係想過下癮，食到泰菜，而且唔算貴，價錢都幾平民叫左一個木瓜沙律，開胃之餘又有菜，較健康除左泰國野，我地有叫到牛腩咖哩，配油鬆餅～咖哩幾時食都感覺好好味～而且牛腩都好冧，好易入口～而且咖哩份量夠我地拎油鬆餅去浸巨峰葡萄乳酸係沙冰，天氣熱飲落去好爽見到隔離枱叫左一座山，於是我地又叫左一份，原來佢叫馬來脆雪山，外面係脆脆薄餅，入面沾滿糖槳，非常脆口～另外，我地試過拎黎點咖哩食，都係相當唔錯

今日黎開沙田呢邊做野，忙到午餐都冇時間食，搞到要食下午茶。所以我就去左citylink1既冬蔭公公度食。雖然話係下午茶，但係都坐滿左唔少人。睇完餐牌，我地就叫左一個公公拼盤 (HKD 148) 配芒果乳酸 (加HKD 10)，馬來酥炸軟殼蟹 (HKD 54)同油鬆餅 (HKD 24)。而甜品就要左個馬來脆雪山 (HKD 42)。個拼盤有好多食物泰式春卷，豬頸肉，酸辣鳳爪，沙爹串燒蝦(2支)，沙爹串燒雞(2支)。佢有泰式甜酸醬，沙爹醬同燒豬頸肉醬。分量一啲都唔細，個春卷好脆口，個豬頸肉肉質好鮮嫩，而個鳳爪略帶酸甜同好開胃。而個沙爹雞同蝦都味道唔錯。我個人記就比較喜歡佢既沙爹醬同豬頸肉。佢個炸軟殼蟹係一隻黎既，好大隻好好肉，味道好好，仲可以食到蟹膏添。佢係跟甜酸醬既。 至於個油鬆餅，唔油膩，味道好似啲印度薄餅咁。我用左佢包住軟殼蟹同埋啲春卷食，成件事好fusion。至於佢個雪山，係成座山咁高。好脆個皮，內面係啲煉奶加花生醬咁，味道好好。至於佢個乳酸就係芒果加益力多咁，味道唔錯，解渴得黎又健康。

放工去左沙田搵朋友拎嘢順便食個飯咁岩經過見到有位於是就揀左呢間泰國嘢呢間餐廳比較像快餐店但基本上食開嘅泰國嘢都有而且價錢都頗親民。。。。。。。。。。。。。。。泰式什錦拼盆▸有蝦餅，泰式春卷，豬頸肉，酸辣鳳爪，沙嗲串燒蝦，沙嗲串燒雞，份量都唔少，同埋包兩杯飲品，都幾抵食，而我同朋友比較喜歡沙嗲串燒雞，雞肉燒得不過火，點埋帶少少甜嘅沙嗲醬，味道很不錯😊。。。。。。。。。。。。。。。冬蔭公湯 (細)▸因為揀左bb辣嘅關係，所以一點也不辣，酸度亦不算高，成碗湯都幾多菇，岩晒中意食菇嘅朋友😊。。。。。。。。。。。。。。。另外仲嗌左海南雞飯真係食到好飽😊

冬蔭湯雞扒粉不夠辣箅了，，大小辣全無分別，，雞扒得隻雞翼今细，好離譜。。旁邊的人下單寫明要分開上就大碟。大塊好多。。要求換。阿女中話下午茶是這麼小。我真係想吾比錢起身走。嘩。點做生意!!?。我不知是否周六人多關係。之前食過幾次都沒這麼細。。水準明顯下降。。不會再去。原來當你不聲明分開上是水魚。不會再食47元的像(雞翼)檬粉。

同男朋友黎到沙田行ikea, 就揀咗呢間相對地少人等位既冬蔭公公做晚餐。先講男朋友叫嘅豬軟骨米線套餐($68)，豬軟骨既肉都夠腍既，而且好入味，整體ok。跟餐嘅飲品揀咗馬來拉茶，比平時飲開嘅奶茶甜啲，但分別不大。我就叫左一個冬陰公湯底既米線，配料揀左金菇、豬頸肉同雞絲($77)。冬陰公湯底做得幾好酸辣平衡，就咁飲亦唔會過鹹，所以叫金菇吸哂啲湯會好正！雞絲覺得有啲嚡，豬頸肉就正正常常。小食方面叫咗兩個，分別係生菜豬肉包($86)同埋烤薄餅配咖喱汁($24+$12)。生菜豬肉包我覺得一般，唔夠酸唔夠辣，冇左泰式重口味嘅感覺，但係如果平時覺得正宗嘅生菜包太辣嘅人不妨一試。份量方面，三至四個人分都OK，因為我哋兩個人食覺得有啲多。而烤薄餅我同男朋友都好鍾意，個咖喱汁係類似黃咖喱蟹個種，甜甜地，大人細路都啱食

沙田其實有好多好野食，而且仲有好多唔同國家既菜式都有，唔知大家平時有冇留意到連城廣場上面呢？佢其中一層有好多好野食，今次就揀左間比較多人去既餐廳，就係♥冬蔭公公♥啦～泰國野黎講，沙田都真係唔多，呢間就算係出名了。佢既鋪面座位比較開放式，一眼就好易睇到人流，去到既時候都已經坐滿哂，好多都係一家大細出黎食～地方都好闊落，有好多台，咁岩可以坐到張卞位，侍應既服務都好快手，一坐底好快就幫你拎定水。餐牌都有好多選擇，有選擇困難症既人都幾頭痛，因為每樣都好吸引，好想食。。。大大小小既款式應有盡有，海南雞飯，湯粉，撈粉，小食，仲有串燒比你揀。係唔知點樣選擇既情況下，大家可以試下啲"廚師推介"，廚師應該唔會呃我，我相信佢介紹既一定會好食。龍眼冰 + 荔枝冰呢2杯野飲係因為叫左泰式什錦拼盆而送既，食到個口好濃味，飲返杯冰真係解渴左唔少，食泰國野真係唔少得，飲完之後又可以再食過！佢既野飲都唔錯，唔會太甜，適中剛剛好，入面仲有好多果肉，略嫌落左太多冰，飲到最尾會比較淡味，盡可能都叫少冰比較好。泰式什錦拼盆 $148泰式什錦拼盆也算是食泰國菜必點之一，話明拼盆入面係會有好多唔同既小食係到，分別有春卷，酸辣鳳爪

路過連城未食午餐，一樓好多好野食，今日就揀左冬蔭公公， 貪佢夏日炎炎泰國嘢食就最開胃， 兩點開始岩岩好有下午茶餐， 比普通午餐平， 但來到份量都唔細喎， 叫咗個海南雞飯， 飯有淡淡薑味， 好香配黃油雞岩岩好， 醬料配有三款， 一款姜蓉， 一款泰式酸辣 同一款甜醬油， 我最buy佢中間個甜酸醬， 蒜蓉夠香， 又醒胃， 配埋個冬瓜湯消暑一流。個雞唔夠食，另外再叫咗個鳳爪， 超級推介， 鳳爪醃到好入味， 配埋香茅 同各種香料，甜甜酸酸 有少少辣， 又係一道夏日美食， 胃口大開， 唔經唔覺就比平時食多咗。仲有杯拉茶， 同港式奶茶唔同冇咁重茶澀味， 好香奶味 反而有少少似台式奶茶。另外再叫咗個串燒， 牛肉略嫌有啲硬， 雞肉就好嫩， 灑咗啲泰式香草， 好香，但個沙爹醬就偏甜，我比較鍾意就咁食唔點醬。仲有個木瓜沙律， 佢張菜單有兩個辣椒我仲以為好辣 ， 好在來到 都唔算辣， 青木瓜配埋d酸辣汁，拎嚟消食就啱好好。下次再嚟想試埋個冬陰功湯麵， 貌似唔怕太辣。

今日星期日，在假日都唔奢求可以唔駛排隊，幸好今次只係等左5分鐘就可以入座。例牌叫冬陰公薯粉，是好味的！👍今次就試多款未食過 — 燒魷魚鬚，點知出事啦！🤨上枱見到後，好難覺得你係「燒」，似滷水汁多！又好咸，肉地麻麻！😫 仲要$76，差過酒樓出的炸魷魚鬚！😡

又貴又唔好食冬蔭湯底 無酸味 無辣味 無椰汁味 無香茅味 乜味都食唔到 得個死鹹 除左味精咩味都食唔出 食過一定明個湯得陣鮮紅色唔知咩泥完全唔係泰國冬蔭公既顏色同味道幾廿蚊食個晏我又唔係要求食到泰國咁既味但都唔係垃圾味精水啦下話D餸貴得泥又唔新鮮叫左尤魚咬落去又梅又爛好鬼核突車仔面double既價錢但咁既質素都唔好話值唔值充飢都成問題好難食呀真係咁既價錢既快餐會唔會係咁呀Blacklist無下次啦呢間一定！！！！