冬蔭公公 (Closed)

今日同朋友去到沙田市廣場行街 店舖好多非常集中好方便不過就好多人之後就去咗隔離嘅連城廣場食午餐位於二樓嘅呢間冬陰公公係食東南亞野嘅 裝修用上半開放式 座位都幾舒服 夠晒闊落燒豬頸肉 原快切件嘅外型好吸引 肉質肥美 咬落唔韌 不過食落就似炸多過燒 點上泰式辣醬 味道唔錯燒全隻蜜汁雞翼 雞翼原本已經用醃料醃得好冧同入味 外面加上蜜糖再去燒 好香口同埋惹味海南雞飯 雞肉分量都幾多 嫩滑度一般 勝在已起咗骨同埋雞皮夠爽脆 油飯味道好香 肉骨茶湯飯 肉骨茶有馬拉嘅味道 湯底有藥材味 唔油膩 入面嘅肉用上成隻手指咁長嘅原條排骨 已經索曬湯底嘅味道 炆得好冧 入面仲有冬菇腐竹等嘅材料 用嚟送飯一流黑珍珠椰汁冰 黑珍珠咬落爽脆加上濃郁嘅椰汁 係夏天解暑之選

沙田新城市有好多餐廳選擇，但講到平靚正，一定非冬蔭公公莫屬，今日我就同朋友黎食晚餐，點多多款泰式美食！泰國冬蔭海鮮米線 $76 （中辣）七十幾蚊碗米線好似好貴，但份量好多架，配料仲好豐富，有：大蝦，蟹柳，魷魚鬚，龍蝦丸，鮑魚片，青口等等，我地幾個share 食，大家都覺得正！豬頸肉撈檬粉 $68檬粉超大碗，花生好香口，但最正都係豬頸肉，又爽又滑，仲好夠味，冇令人失望。泰式彈牙蝦餅 （2件） $48蝦餅炸得金黃香脆，蝦肉非常彈牙，點泰式酸辣醬零舍開胃，係一款非常唔錯嘅小食。青咖哩軟殼蟹 配 油鬆餅 $86全晚最愛都係呢個青咖喱，夠辣，仲好惹味，點蔥油餅食，口感煙煙韌韌，真係好想再encore！軟殼蟹大大隻，三個人share都冇問題，實在不得了。紅豆椰汁冰 $26馬來拉茶 $26芒果乳酸 $26飲品跟餐有得平，真係抵食！下次再嚟沙田，一定會再食冬蔭公公👍🏻

因為上次食完有免費油酥餅卷，仲可以吸印仔，換免費食物，所以當諗唔到食咩時，就選到這店開餐。同樣叫了冬蔭公米線中辣，阿仔唔食得辣，所以叫清湯麵，另叫了雞全翼及免費的油酥餅。可能係中辣的關係，所以覺得比之前辣，但冬蔭公的酸味就不足，清湯麵較普通；油酥餅較硬，做唔到‘酥’鬆軟的效果。至於雞翼，其實原先睇錯，以為雞中翼，問職員$22有幾多隻，點知佢話一隻，我發現係自己睇錯，不過即管試下，但食落好普通的蜜糖味，但索價$22，兼貴左少少。食完又送油酥餅卷，我儲夠印仔，下次可免費食冬蔭海鮮麵😉

與太太到沙田市中心購物及到眼鏡店調校眼鏡，於是就在附近食午餐。在眾多的食店當中，太太就選擇久違了的泰式餐廳。由於已經是下午一點多鐘，所以就索性等到下午二時開始的下午茶。餐廳是開放式的，沒有牆的阻隔，走廊外人來人往，你在食甚麼經過的人都可以看見，剛巧就遇上一位朋友路過。太太點了牛骨湯幼薯粉及全隻蜜汁雞翼 ($42)，我就想要招牌的冬蔭公，但因為不嗜辣，所以就要BB辣的冬蔭公幼薯粉及豬扒 加一杯鹹青檸梳打($51)，另外再要了一客印度薄餅 ($24)。落單後很快就有得食。太太的牛骨湯幼薯粉及全隻蜜汁雞翼的牛骨湯底濃淡適中，幼薯粉也很多，不會因為是下午茶而份量減少，雞全翼亦燒得剛好。我的BB辣的冬蔭公幼薯粉及豬扒一到來就使我們嚇了一跳，成碗都是橙紅色，好在是酸味較多而辣味真的是比較少，我尚可應付。豬扒都很入味，炸得香口而裡面仍能保持肉汁，不會太乾。鹹青檸梳打雖然只得一片鹹檸檬及一片青檸，但味道還算可以，在商場逛完後飲這杯倒還不錯。印度薄餅就沒有甚麼特別，上來時還很燙手，但很快就可以輕易撕開了。簡簡單單的一餐，平均每人消費只是$59，非常抵食。

沙田市中心位置食lunch要平真係無可能,不過同事話地鐵站上蓋呢度都有好西~仲推介呢間泰國野,正呀~有檬粉!!!湯底有3款選擇,佢可以另外加送,不過大部分都好貴,所以就簡單D 牛骨清湯豆卜~~開頭都諗住可能太清,原來都ok~~因為佢本身都有好多送,而且湯底用上牛骨,清得黎都好又味!重點係檬粉份量都算多,唔會夾2下就斷,幾彈牙架~鐘意冬蔭公的話就直接叫呢個湯底啦~~佢香料味一上台就聞到,整體味道都好正宗,最好當然係配豬頸肉啦~~同事話唔算好辣但個湯依然好飲,佢覺得米線夾d~~為左唔用咁多錢我地無叫飲品.不過佢d特色飲品係有特色同好飲的~大家黎食最好就叫杯,唔係GEI話太口乾啦~~~

連城廣場一帶有好多餐廳，今次黎左冬蔭公公食晚飯，食完諗住去新城市行下。我地叫左幾碟菜，值得一讚係上菜速度非常快，叫完十分鐘到就上左一大半菜。冬蔭功叫左小嘅，估唔到就算係小個份量都幾大，佢唔係太辣，都幾香，配料都係大路嘅菇啊，蕃茄啊，蝦等等。後尾望返張單先知原來我地叫左bb辣，想辣啲嘅話記得唔好揀bb辣。生菜包可以配豬肉碎或者牛肉碎，我地揀左豬肉碎！豬肉炒得都好香的，不過芫茜味勁左啲，唔食芫茜嘅人要留意下！咖哩軟殼蟹因爲即叫即炸，所以需時比較長啲，但係佢附送嘅油鬆餅一早就上左，於是到軟殻蟹上嗰下啲油鬆餅已經凍曬⋯不過職員都好樂意幫我地換返個熱辣辣嘅油鬆餅，如果可以鬆餅同軟殻蟹同時上就好！炸到脆卜卜之餘隻蟹都多肉，同埋有啲膏！十分推介咖哩軟殼蟹！！

沙田一向有有好多野食，要選比較便宜的午餐當然是去連城廣場!行了一圈，選擇了「冬蔭公公」。餐廳是用餐紙落單，方便快捷!我們選了泰式香葉肉碎配白飯及泰國冬蔭功湯檬粉! 泰式香葉肉碎配白飯可以任選牛或豬，因見餐紙上豬有2隻辣椒，都怕太辣，所以選了牛! 一上枱已經俾隻蛋吸引住，再加牛肉碎和白飯，雖然賣相有點碟頭飯感覺，但肉碎同香葉味道好夾，又夠味，所以整體味道算不錯的，但如果肉碎中可以多少少汁就送飯一流!至於泰國冬蔭功湯檬粉，我選左BB辣，加左蘿白、豬頸肉!冬蔭公湯底好特別，酸酸辣辣，而且配料十分豐富，有大量的花生、粟米粒及莞茜，反而個檬粉有點硬，所以食晒配料但淨下大半檬粉，而且豬頸肉要加$16，其實都偏貴!飲品選了凍馬來拉茶及龍眼冰! 馬來拉茶好香滑又不太甜，而龍眼冰有好多龍眼果肉，好清甜，所以，雖然要加錢都好值得！

好失望啊😣😓見到好多人排隊，排左20mins先入得。以為真係唔錯點知就中伏😀天氣好熱，超掛住食酸酸辣辣嘅泰菜。😍我地點左冬蔭公湯檬粉，配料加冬菇 🥦，打算食清d。黎到見到配料竟然有玉米粒🌽加炸花生，真係第一次見呢個配搭。😀食落係罐頭玉米，呢個價錢我都唔期望係新鮮玉米。湯麵表面有一層紅色辣椒油，飲一口湯試味道。超淡！！無魚露味，無青檸嘅清新酸味，又淡香矛味。冬菇只有3隻定4隻，仲要係切左一半。另外叫左海南雞飯，雞肉尚算嫩滑，但雪藏味好重。🤭我地要點好多醬汁，以蓋過雪藏味。😐無下次呢間野。

今日放工去沙田搵朋友睇戲，當然要醫肚先啦！今日就來左呢間冬蔭公公，食惹味的泰國菜～除左招牌冬蔭功之外，生菜包、蝦餅、撈檬之類的投國食品都應有盡有架～泰國冬蔭海鮮米線 $76 （中辣）食泰國野必食冬蔭功是常識吧～今次揀左中辣，果然夠惹味，真係好味到停唔到口一人份量竟然有咁多海鮮食，除左常見的大蝦、蟹柳、魷魚鬚、龍蝦丸，竟然仲有鮑魚片同青口，超級抵食！青咖哩軟殼蟹 配 油鬆餅 $86如果怕食辣的朋友，可以選擇青咖哩，完全不辣，而且甜甜地。通常食日式卷物果陣先食軟殼蟹，原來泰式食法一樣可口～ 油鬆餅有Ｄ似印度薄餅的厚度，但更鬆軟，點青咖哩食好正，唔好浪費美味的咖哩汁呀～豬頸肉撈檬粉 $68豬頸肉幾好咬口，調味亦做得唔錯，撈檬粉配上花生好香口，因為冇湯的關係食完唔會熱辣辣，是夏天的好選擇。辣肉碎生菜包（牛肉）$86香辣牛肉碎配爽口生菜，又是口感與味蕾的享受泰式彈牙蝦餅 （2件） $48不知道係咪因為我地四個人去，蝦餅已經切左４份，幾貼心。果然名副其實，雖然係炸物，但咬落有種軟Ｑ口感，係幾彈牙～紅豆椰汁冰 $26馬來拉茶 $26芒果乳酸 $26呢幾款飲品都好正架，好似食緊甜品，甜到入心～整體來講

我地大約晚上7點半來到冬蔭公公, 有一條長長既人龍在等候, 冬蔭公公真的好受歡迎！我地等左10分鐘左右就可以入座!冬蔭公公主打泰式同東南亞食物, 餐紙上都有好多選擇. 包括有泰國既湯粉, 撈檬, 咖哩, 海南雞飯, 小食, 沙律, 串燒, 特飲等等! 在餐紙填上想ORDER既食物, 之後交比侍應就OK啦, 方便快捷!泰式什錦拼盆 $148 (已包兩杯餐飲)什錦拼盆岩哂我地樣樣都想試既人! 而呢個拼盆仲包兩杯餐飲, 真係好抵!拼盆有蝦餅, 泰式春卷, 豬頸肉, 酸辣鳳爪, 沙嗲串燒雞兩串, 沙嗲串燒蝦兩串!仲配左三個醬料, 包括有沙嗲汁, 辣椒汁, 泰式甜辣醬!拼盆中, 個人最鍾意係豬頸肉, 豬頸肉燒得岩岩好, 好鮮嫩多肉汁, 而且好入味, 配埋辣椒汁真係無得頂!沙嗲串燒雞同蝦都燒得好好, 配埋沙嗲汁真係好味!酸辣鳳爪已起骨, 方便進食! 鳳爪爽口彈牙, 夠酸夠辣, 非常開胃!  黃咖喱軟殻蟹 配油鬆餅 $86原隻軟殼蟹新鮮炸起, 非常香脆可口! 而且軟殼蟹有好多蟹肉, 仲有蟹膏! 超讚! 黃咖哩香濃中帶少少辣, 又帶有椰香味!油鬆餅又係新鮮做起, 熱辣辣, 好鬆軟帶奶油香味, 點黃咖哩

喺附近做完運動同朋友喺呢度嗱嗱臨食飯，貪佢夠快又就腳而且價錢仲好抵添！做完運動唔想食得太heavy! 所以就食湯麵啦！首先睇吓Menu先啦其實都有好多選擇嘅，有湯麵、飯、撈蒙，都係東南亞菜式，可能岩岩做完運動，唔係都想試下呢到既咖哩！我就叫咗個魚湯米線， +一隻燒雞翼，湯底有芽菜、乾蔥、蔥、芫荽，如果唔食嘅話，記得落order嘅時候同店員講聲啊！呢個湯麵清清地，岩哂我！另外叫咗杯荔枝冰，簡直透心涼！朋友就話要叫個小食拼盤試吓，炸嘢好香口，無骨鳳爪就啱晒我哋啲懶人

喺新城市食飯通常都要等位，但今次大約七點嚟到竟然仲有少量座位剩，好快就可以坐低食飯～呢度食物款式都幾多，有飯有湯粉有薄餅，亦有唔少小食。我地就揀咗一個咖喱配薄餅同幾樣小食～叫咗個小冬蔭公，味道好足！酸辣味濃，又唔會辣得攻鼻，而且夠哂足料，有好幾種菇同兩隻大蝦！羊膝超大條！膻味唔勁，大大啖肉又唔韌，用薄餅點咖喱汁食夠哂味～我地嫌薄餅唔夠，之後再加咗個油蔥餅，落咗超多蔥，齋食或點咖喱都可。另有兩樣小食 — 雞串燒同蝦餅，串燒點嘅醬比一般沙茶醬有異，沙茶味濃但又帶點甜；蝦餅真係幾彈牙，大大舊又多蝦膠～芒果乳酸飲落好 fresh，甜甜的但又唔會覺得好溜，配食酸酸辣辣嘅食物就最啱！呢餐雖然只有一份主食，但因為嗌咗唔少小食，所以都食得好飽！

識我嘅人都知道我好鍾意食泰國菜，仲走咗去學泰文。冬陰公公我都是食左無數咁多次，次次都係食佢嘅冬陰公湯可。今次我決定嚟個放題，狂食佢嘅小食，試吓新口味！叫咗燒雞翼、蝦餅、軟殼蟹等等。雖然聽落唔係好多，但其實佢份量都幾大，兩個人食都食到捧住個肚走。最令我覺得深刻嘅係大頭蝦，啲蝦燒得好入味，而且有好多我鍾意食嘅蝦膏。我地仲叫青咖喱同埋烤餅，雖然冇叫飯,但原來烤餅點咖喱都好飽好好食。我同朋友食你都再encore左次。另外原來冬陰公嘅特飲都唔差，啱晒夏天消暑。

其實這間「冬蔭公公」。已開業了一段時間，但一直也好像深得街坊歡迎，經常有不少人門外等侯，不過小妹就仍未抽空來吃。是夜，機會來了...行開沙田，地鐵站樓上個商場都有好多野食，就選擇了位於連城廣場既「冬蔭公公」。門外等待的客人不算多，只需2至3分鐘就能入座。「冬蔭公公」是一間主打泰式食物的餐廳，餐紙上都有好多唔同選擇，有泰國既湯麵，撈檬粉，海南雞飯，仲有啲小食拼盆，串燒等等。今次食既大多數都係公公推介既食物！先到的是泰式馳名海南雞飯 ( 包老火例湯 ) $68個飯黎到賣相好好，海南雞望落都好吸引，除左雞翼同雞尖，其他都係冇骨。超易進食，岩晒咁懶既我呢！海南雞飯仲配左三個醬料，分別有甜豉油，泰式辣汁，薑蔥。我自己就認為甜豉油永遠都係咁好味,配飯是一流的！雞既份量都唔少，食落好滑身，雞既鮮味夠出，沒有馬馬虎虎，欣賞既地方就係佢啲雞肉係一啲血都沒有，而且仲要無碎骨，相信大人細路都會好鍾意呢！呢個飯仲包左一碗湯仔，湯入面最主要係有冬瓜，雖然應該我估計都係味精湯，但係有湯配飯係好好的。馬沙拉咖哩牛腩 $72呢個咖哩牛腩就簡單啲，一碗咖哩就一碟飯，但估唔到佢會配左隻蛋😂佢呢隻咖哩係偏向比較辣，唔食辣既

下班後朋友相約在連城廣場食晚飯，看似小小的地方想不到頗多種類的餐廳。最後選擇香濃惹味的泰國菜。有自選的湯粉、撈檬、飯、小食及燒烤款。馬沙拉咖喱牛腩 - 咖喱色澤深且香噴噴，味道不辣不嗆，牛腩件數不少，炆得入味軟稔。再配上配菜如雞蛋及車厘茄等，酸味味得來又開胃。牛肉豆卜冬菇米線 - 不論麵底及餸菜均多！米線滑溜富有米香，牛肉薄而不韌，豆卜脹卜卜索滿精華份外味美，冬菇厚身咬落挺多汁。泰式蝦餅 - 蝦餅炸得金黃酥脆，熱騰騰得很，預先剪開方便進食。入口彈牙，蝦味尚算濃郁！馬來沙嗲雞串燒 - 串燒燒得挺夠火喉，蘸上醬汁食不會顯得太乾身，肉質亦燒得剛好！