番茄18

Open Now

Now Closed

荃灣開左間新既冰室，一直都未去試，今日難得唔洗返工，而且地方又近我屋企，一於去食個下午茶，chill一chill先！呢間冰室有好多唔同既款式，而米線都有唔少選擇，唔淨係得蕃茄，今次一於試下其他蕃茄菜式，養生既我就選左花膠雞湯米線，花膠有成兩大塊，而且仲有雞脾肉，湯底係好濃郁既雞湯，有d稠，令米線都可以吸到湯汁！另外朋友仲叫左胡椒豬肚雞湯米線，米線份量十足，胡椒湯味好濃郁，有帶點微辣，豬肚都有好多塊，食完之後咩寒意都無哂！另外仲叫左多西多士，西多士係剛炸起好脆，配上牛油同糖漿，簡直係邪惡之選！仲叫左個馳名既瑞士雞脾，瑞士汁好濃，而且雞脾仲醃得好入味，大大隻份量十足！服務態度唔錯，而且裝修都有特色，值得一試

荃灣的地道小店，令人迷上蕃茄風味，價錢親民，🔥招牌瑞士雞髀滋味大份，俘虜味蕾。下午茶餐：招牌瑞士雞髀配粟米雜果沙律$43肥美的瑞士雞髀，表面油光亮麗，🐣大口咬下滑溜的雞皮，雞肉香嫰柔滑，濃郁的滷水汁，令人回味。加上雜果沙律，感覺清新又開胃。新鮮菠蘿冰（特飲加$12）菠蘿冰入口香甜，滿滿的菠蘿肉，吃一口是鮮甜多汁，🍧拌勻後酸微有致，十分解渴。菠蘿油$26表面微脆，對半切開，中心填滿細膩的牛油塊，口感油潤，一鹹一甜的風味配搭，十分誘人。西多士$30金黃酥化，入口熱呼呼，牛油被熱力慢慢溶化，外酥內軟綿，倒上糖漿滋潤，令人甜絲絲。招牌常餐：吉列魚柳配 蕃茄湯及牛乳炒蛋通粉 $55炸至香脆的吉列魚柳，口感鬆化、脆卜卜，配上酸甜他他醬，開胃減膩。蕃茄湯通粉份量巨型，呷一口濃湯，濃稠酸香，啖啖軟滑牛乳炒蛋，非常滿足。花膠雞湯米線$69湯底奶黃濃郁，豐富配料鋪滿碗面，花膠肥厚，口感軟綿即化。加上肥厚的雞腿，雞肉嫩滑，米線吸收了雞湯精華，💜暖意窩心，令人回味。

難得呢日係附近買完野，連午餐都未食見下午茶時段就入去食未食午餐，又樣樣都想食先叫左份瑞士雞翼配沙律 飲品叫左阿華田脆脆一份兩隻瑞士雞翼，好入味鹹甜適中沙律份量都唔少，口感幾好阿華田脆脆，上面有唔少脆脆更加口感成杯都好濃味朋友叫左杯紅豆咖啡，望落都幾唔錯大大碗蠔仔泡飯蠔仔飽滿又大粒，仲有唔少墨魚粒好滿足咖哩豬扒撈面咖哩汁都幾惹味，豬扒又大大塊，公仔麵又掛汁，好快成碗食哂最近菜貴，見到上湯娃娃菜即時叫左又嫩又甜，成件事健康哂

同朋友係荃灣買完野就過黎搵食餐廳裝修幾有特式，好多特式招牌幾多打咭位。食物都幾多選擇，有飯，米線，仲有唔少小食可以揀呢日天氣凍凍地，同朋友都叫左碗米線大大碗招牌胡椒豬肚米線配料都好多，湯底好濃味，胡椒味都幾突出豬肚好淋，食完全身暖笠笠藥膳雞湯米線湯底都有唔少藥材，有大大件雞件好濃味，個人好鐘意有唔少菜係裡面，勁吸湯招牌木碎花生多士熱辣辣， 而且烘得好脆身加埋海量花生碎同煉奶，邪惡又好食餐茶都唔錯，奶茶夠香滑

完完全全係俾佢個餐牌裝修吸引入嚟。好有香港風，好正吖！呢間係茶餐廳，但係好似有比較另類啲嘅，因為除咗飲品之外，我見到有嘅係台灣肉燥飯、蠔仔湯飯、花膠雞湯、胡椒豬肚雞飯。仲有勁多人食嘅瑞士雞髀。另外仲有主打蕃茄、四川麻辣、藥膳、水煮湯底麵食。我一坐低好快就決定咗我要食蕃茄湯底，我揀咗個鮮牛肉配牛乳炒蛋，想飲杯靚嘅凍奶茶，唔係加$3咁少，係要比足半價，即係$11先至可以飲杯嘢。雖然我冇食過蕃茄師兄，但係我有喺食過幾間蕃茄湯底，一係就係甜得滯，一係就好似水咁，完全唔掂。但係呢間我好滿意，佢個湯底好多蕃茄粒，而且湯底絕對唔水，而且味道幾酸酸甜甜。我覺得鍾意食蕃茄湯底嘅人，如果經過荃灣都可以試下嘅！

呢間新開港式茶記店舖以懷舊香港為主題🇭🇰，提供平民嘅常餐、粉麵等🤑，當中瑞士雞髀🍗同蕃茄湯底係佢地嘅招牌，btw咖啡奶茶幾好飲‼️-1️⃣「招牌瑞士雞翼撈公仔麵🍗🍜($60)」(signature👑)(+$3)轉瑞士雞髀🍗🤪，好正，瑞士汁鹹甜適中，雞髀好入味，雞皮有彈性，公仔麵可以吸收晒醬汁嘅精華，btw跟餐仲有牛乳炒滑蛋🥚、丹麥吐司🍞同飲品~Signature Swiss chicken wings w/ instant noodles: with fried eggs with milk and Denmark toast, coffee, +$3 change to drumstick 👍🏻-🐰💬小結：茶記來講環境幾好，性價比幾高，btw佢仲有叉蛋飯🍚🐷、厚切豬扒太陽蛋飯🌞、花生西多士🥜都幾吸引🤪~

對厚切是否有點誤會？呢啲都叫厚切既話，其他餐廳係咪叫究極厚切？炒蛋有好大塊蛋殼，呢啲小事個餐得兩樣野，正常唔會飽既，都4-50蚊，好食係好食，但唔係咁抵囉要改善下

呢個位出哂名多餐廳，要吸引客人食都要有啲特別之處。今次黎左試番茄18，就係因為比佢地既「招牌木碎花生多士」吸引左😍裝修勁有舊時香港既味道口水雞湯米線🐔$58米線係清湯，加左少許用蒜炒過既雜菜，如果覺得清湯太淡，可以加埋口水雞啲汁落碗湯到，即刻變到好惹味雞肉份量多，嫩滑無雪藏味，個口水汁睇落好紅好辣咁，但其實一啲都唔辣，底下有青瓜絲，解膩招牌胡椒豬肚雞湯米線 🐷🐔$58 胡椒味好濃，當湯飲都得，多豬肚同雞肉，而枝竹就吸哂啲湯既精華，正招牌木碎花生多士 $30一上到枱見到個多士勁多花生碎同花生醬，成個勁邪惡😆😆，多士好脆，就算加左好多花生醬同凍左都依然保持到脆身，不過就偏甜瑞士雞髀配薯角 🐔$43瑞士汁好甜，雞髀入哂味，薯角即炸，熱辣辣，下午茶黎講夠飽紅豆冰 $12紅豆蓉同奶既比例係一比一，勁誇張，好抵飲華田脆脆 $12濃味版既阿華田，再加左脆脆係面，增加口感

早收約咗朋友食飯，見西站附近開咗間番茄18就忍唔到住食試下。之前都食過佢地其他分店的番茄出品，今次決定試試其他。個裝修都好懷舊風主要都係大路既米線、飯類。叉燒滑蛋飯：個飯走咗蔥花，個蛋係呈炒蛋、唔會水汪汪的。食落有蛋香同滑身，配上叉燒同甜醬油忍唔住一口按一口，重點飯都偏硬身有質感。個蛋very good口水雞米線：米線有彈性唔會煮過火，口水雞幾惹味係偏甜。如果可以多d肉就好，但個汁撈野幾正。花生碎多士：呢個真心幾邪惡，上面有滿滿的花生碎，多士塊上面沾著花生醬、煉乳，香脆可口。菠蘿冰正常發揮。想讚一讚杯熱奶茶，茶味好出帶一絲絲茶自然的苦澀味，但唔多，同奶滑的奶撞埋好平衡，比坊間好多的冰室出色。

一直都好鍾意食番茄湯，熱辣辣一碗番茄濃湯加炒蛋一定是絕配。無論早餐、午餐、晚餐都想食。今日有同事話食過番茄18嘅番茄湯麵要推薦俾我哋，我哋就試吓啦！番茄濃湯粉麵$58（配一款主菜及牛乳炒蛋、牛油厚多士）主菜我選了牛肉，粉麵選了米線，跟一杯熱飲，我選了菜蜜。點知外賣送到嚟，冇跟到牛乳炒蛋同牛油厚多士😭😭😭心情低落到一個點😭😭😭😭唔緊要啦，都冇辦法，就試吓佢哋個番茄湯啦。番茄湯真的很濃厚，但帶有淡淡的小小的辣，這種辣感覺很暖胃。米線方面因為本身是分開的，所以沒有浸得太耐，而每條米線倒入番茄湯後就索滿番茄湯汁，每一啖都充滿番茄湯。主菜我選了牛肉，應該有4-5塊，牛肉是鮮牛肉，不會太軟也不會太韌，灼熟的時間剛剛好。成個番茄湯米線都唔錯，唯一就係沒有跟炒蛋同多士😭😭😭喜歡番茄湯的朋友不要錯過☺️

荃灣廣場 大壩街 享和街 沙咀一帶都多食店大把選擇 就係因為多所以更加要揀好啲😛冇選擇就話焗住食 咁多好野唔怕冇嘢食😌今日朝早出咗荃灣拎啲嘢比個朋友喺大壩街一帶見到間蕃茄18 🌠裝修幾有心思 有香港特色 🇭🇰有啲五光十色霓虹燈嘅feel🎆叫咗個香煎雞扒上海麵 牛扒煎蛋早餐 飲華田脆脆先講個雞扒 🐔🐥好厚好大塊👀蛋白質爆燈😆😹順帶一提鍾意食辣嘅朋友可以問佢拎個辣椒油好香好麻 可以一試！唔食得辣嘅都可以落少少食個油香味都正牛扒煎蛋早餐 牛扒大大塊 🐂🐂🐂🐂🐂🐂🐂🐂🐂當然唔係据扒果隻厚度但一定唔係小牛牛😂華田脆脆香濃 想更加飲到華田嘅原味建議走奶原味道是最好的🤓員工服務都ok 燈線充足 最後想講 好飽😹

荃灣咁多美食要做到突圍而出真係好難 咁今日介紹番茄18都算黑馬 店名既18意思解釋應該係18般廚藝樣樣精 👍 點解我咁講？ 首先講下佢地裝修好有80年代舊香港特色價錢方面都屬於普遍價錢今日我試左佢地既麻辣雙色餃子睇個店名係出名番茄湯點知佢麻辣都整好好味 有四川風味又唔算太辣 好岩過過口引既人招牌木碎花生多士 一間鋪個餐牌寫得招牌一定對佢產品好有信心 平時去茶記食既多士都冇花生碎 依到加入左花生碎提升左好多口感同香口感覺 真係好食另一個招牌瑞士雞脾同隻碟差唔多size 你地睇賣相 都知道個汁好濃隻脾仲咁有光澤就知d 肉有幾滑嫩藥膳雞湯米線 藥膳依兩個字不如睇圖有幾多桂圓肉.紅棗.杞子去將個湯底去調味 加上d 雞都係咁滑 真係值得一試 叉燒抄蛋飯依個茶餐廳既靈魂就知到廚師既功力 抄蛋香而不老。叉燒選擇少少肥。因為叉燒既油脂抄出黎令到蛋更加香都係誠意推介特飲綠椰冰同華田脆脆依兩杯特飲簡直係一杯泰國風情另一杯係馬來西亞風情

個位窄到唔可以伸直腰坐，明明冇人等都唔可以換位，坐咗3分鐘巳經想走。叫左個胡椒豬肚雞湯米線d雞係碎上，同張圖完全唔一樣，個湯都冇乜特別，極差體驗，唔會再有下次。

今日同屋企人去咗荃灣廣場行街，行到肚餓諗住喺荃灣廣場搵間餐廳食飯，但又無一間想入去食。一向都知道大壩街有好多唔同類型嘅餐廳，發現一間餐廳「蕃茄18」內部嘅裝修很懷舊，再睇睇餐牌又幾吸引，於是就入咗去食啦。下午茶餐真係好抵食，分量又多。瑞士汁雞髀（另加＄3)配沙律 $43朋友仔覺得瑞士雞髀紋得很入味很濃，唔會紋得好老，剛剛好。但係小編就覺得稍為咸了少少。蕃茄通粉配炸豬扒 $55很濃味既蕃茄湯，蛋煮得很嫩滑又香。炸豬扒夠大件抵食，炸得很脆口，雞件肉質嫩滑，多汁。朋友推介食招牌木碎花生多士 $30真係冇介紹錯，相信喜歡食花生醬既你一定中意食。花生碎、煉奶和花生醬都超級多，真係好邪惡好好食。焗肉醬熱狗 $38本來以為焗熱狗會令到麵包很硬，完全相反。麵包焗得很鬆化很脆口，大大件，好抵食。+$12紅豆奶茶/ 新鮮菠蘿冰

呢間餐廳主打蕃茄湯底同埋滷水雞脾雞翼，但係今次就無試到呢兩個招牌菜。我哋兩個人要咗口水雞半隻，一個胡椒豬肚雞米線，一份鹹牛肉蔥花炒蛋三文治，同埋一份上湯浸娃娃菜。首先想講吓佢個口水雞，非常之嫩滑，啲骨仲有少少紅色，浸雞嘅時間啱啱好，就連雞胸肉都好滑，口水雞嘅醬汁都唔錯，唔會好辣，上邊除咗花生配料，仲加咗少少粟米脆筒嘅零食，好搞笑。胡椒豬肚雞米線嘅胡椒豬肚湯都唔錯，胡椒味幾濃，冬天食就最啱，食完暖笠笠。鹹牛肉蔥花炒蛋三文治個炒蛋唔算細份，有一定嘅厚度，生熟度都拿捏得都唔錯，如果個麵包可以焗得脆少少就更加好啦。