番茄師兄 (Closed)

小編並非好鍾情食番茄但平時都聽講番茄高纖維，有助減肥呢間番茄師兄久仰大名食完更加明白點解甘出名‼️由牛骨熬製而成既湯底唔單止有番茄既鮮甜牛骨湯底既味道都相當突出上海麵麵條好掛湯，湯底仲食到少少番茄渣甘牛肉肉質嫩滑，份量又多瑞士汁雞翼帶有麻油香味，又肥大又滷得入味半生熟既炒滑蛋口感一流紫菜墨魚丸既配搭好有趣，好match !沙嗲豬頸肉幾大塊，個醬較重洋蔥味，冇沙嗲味道甘濃烈

今日俾公司調左去元朗返工，返工咁攰，收工當然要周圍搵嘢食啦！偶然下發現蕃茄師兄原來係元朗都有分店，即刻心思思好想試。唔係第一次食，但真係好好食。蕃茄湯底蕃茄味好濃郁，會有半舊蕃茄；炒滑蛋好大份好足料，口感好嫩滑；個騸牯牛味道好出，同平時食到嘅牛肉好唔一樣；烏冬就略嫌普普通通，正正常常咁。食完成碗，再飲埋個湯，都唔會好油膩或者好口乾。當年係深水埗一食就已經愛上，好明白點解呢間小店有咁多人排隊，非常推薦

個番茄湯比一般出面食嘅淺色以為會好淡味原來都幾香幾濃味而且食落唔會覺得頸渴個人覺得個湯做得唔錯👍🏻雞翼有四大隻算係多肉但麻香味唔夠兩隻有麻香味另外兩隻又冇同埋佢浸咗落個湯點都會有啲影響建議佢可以考慮雞翼分上至於個烏冬真係唔得😡喺出面等位嘅時候見到佢貼咗幾張唔同雜誌嘅訪問見啲訪問讚佢個烏冬係用稻庭烏冬仲要好好食咁我當然跟機啦然後送嚟嗰陣見到唔係扁身已經知道唔對路佢用嘅係讚歧烏冬而且仲要係唔好食嘅係出面茶餐廳食嗰啲炒烏冬嘅質素真係好撚失望😕唯一係個湯救翻成碗麵但個份量係偏少連食量細嘅我都唔飽講真呢個價錢我覺得唔太值不過見係黃圈就算啦至於佢個環境佢俾咗個冇冷氣吹到嘅位我冇冷氣不特止仲要入面廚房吹啲熱風出嚟熱到出晒汗真係唔係一個好嘅經驗

終於可以黎試番茄師兄啦！！番茄師兄開左第二間分店，開左係元朗，實在太方便今次同朋友黎試一試，夜晚7點幾黎到等一陣好快就已經有位！今次食師兄推介既「滑一滑」日式拉麵，配料有滑牛同滑蛋，自己再加錢配芝士正呀！

12：00開門，12：30去到已經要排隊，排左15mins 左右就有位，入到坐位就有一張過膠左既餐牌，之後用水筆落單，可以循環再用，非常環保朋友order左蕃茄湯海鮮烏冬，我就叫左牛脷帶子蕃茄上海麵則+滑蛋。一黎到見到湯底顏色，以為會好淡味，點知一試驚為天人估佢唔到咁濃蕃茄味，蕃茄海洋烏冬有5-6隻中size蜆、3粒中size帶子，非常鮮味；另外既牛脷帶子上海麵，竟然有5片厚切牛脷，3粒帶子，另加的$5炒滑蛋都好出色整體非常好，非常值得推介，一定會再幫襯

滑一滑蕃茄濃湯通心粉(騸牯牛+滑蛋)$49 滑蛋煮得岩岩好，面頭仲有少少，夠哂滑;牛味唔太濃，口感嫩滑。一貝子蕃茄濃湯烏冬(大花蜆+帶子)$69 花蜆大大粒，一粒沙都冇。麻香瑞士雞翼$15兩隻花椒味重，咸度適中

終於唔駛去深水埗可以喺元朗食到蕃茄師兄喇。餐廳主打蕃茄湯底，除咗預設嘅配搭之外亦都有其他唔同口味嘅湯底而且餸菜選擇多元化。豚豚圓圓入面有豬腩肉同埋豬頸肉，肉質新鮮。一貝子有兩粒帶子同埋大花甲，帶子鮮甜，花甲無沙，最正當然係個湯底，食到香濃嘅蕃茄薯仔味道又帶點鮮味，感覺有營養又足料，食完唔會口乾，好味😋

今日經過元朗廣場，見到新開既番茄師兄🍅，門口都好多學生排隊，要自己寫年數拎飛仔等位首先講講「滑一滑」，係牛肉同炒滑蛋。有好多牛肉，滑蛋係好滑，湯底就唔會好咸，唔會落好多茄膏。第二碗係「豚豚圓圓」，係豬頸肉同肉片，但就麻麻地，好雪藏味，個人就不推介

一向都係蕃茄既擁躉Fans, 次次都想黎食呢間蕃茄師兄，因為見個menu 有好多唔同既配搭好吸引，可惜次次都好多人排，今次平日八點幾，終於唔洗等就入到去。😝一睇menu 就俾芝see 菇呢個名吸引住，叫左一碗黎試。一黎到梗係要飲下個湯底la, 完全唔係果罐頭蕃茄，口感每啖都有d 蕃茄容係入面。😍至於個芝士菇配蕃茄烏冬勁match, 難奇成日賣哂！！！🥰🥰下次會再黎食其他既配搭。☺️☺️

久仰大名了🤤🤤開到嚟元朗國我呢啲大西北牛牛一定要去試下❤️本身諗住要佢個蕃茄師兄嘅水樽點知只係得凍飲有 😿😿😿整體來講超級推介 我平時食麵唔飲湯嘅但係今次都飲咗成半碗🍅🍅💥

想食呢間好耐，可惜大部分分店都大排長龍，要食到真係唔容易。撞正今日落雨天，人少好多，終於下定決心要來一試朋友都大力推薦既餐廳。老板係各方面都落足心思，湯麵既款式、套餐名稱都相當有創意，難怪經常大排長龍。除左牛既款式多之外，仲有海鮮、丸、雞翼、豬扒之類既配搭。而且仲可以揀埋追加炒蛋、芝士之類做配菜。麵既款式亦可以自由配搭，除左大路野，仲可以揀比較特別既日式拉麵或以生菜代替麵。今日我地揀左以牛為主既湯麵，兩款既湯底都好重蕃茄同牛味，令胃口大增，而且份量超足，食完真係超級飽。

蕃茄濃湯喺元朗本身好似，應該，印象中，或者，好似無，或者唔係多選擇嘅🤔，所以蕃茄師兄喺元朗開分店，住元朗的人又多個選擇，人應該可以揀自己鍾意食啲乜。而家有主打蕃茄濃湯，多個食得健康的選擇。下午2點幾，都仲係午餐時段，等大約5分鐘就入到去坐。餐廳有啲熱，冷氣唔夠，或者呢兩日真係太熱喇。坐低點左滑一滑蕃茄濃湯麵 ($49)，犇犇有禮蕃茄濃湯麵($79)，午餐飲品桂圓紅棗桑寄生茶 (凍) (+$6)， 信陽毛尖蜂蜜冷泡茶 (凍) (+$6)。滑一滑蕃茄濃湯牛肉麵好快就到，先喝喝一口蕃茄湯，湯底好人似茄蓉咁，酸甜度適中，成個湯都由蕃茄蓉煮成。 而滑蛋真係炒得好滑，份量亦唔少，牛肉係滑牛嗰種牛肉，好淋無渣，味道亦唔錯。另外一個犇犇的湯面有牛坑腩，崩沙腩，同牛面珠肉，大家都知坑腩同崩沙腩係食牛腩的最推薦部位，呢一碗有齊2款，而且仲有極少見有面珠肉，坑腩淋而牛味濃，崩沙腩入口煙韌彈牙，面珠爽口。但係價錢真係有啲少貴。飲品方面，桂圓紅棗桑寄生茶幾清甜，樽底有桂圓同紅棗肉。但是信陽毛尖蜂蜜冷泡茶有啲苦澀，飲到樽底啲茶葉反而令最尾嗰幾啖飲唔到，一般般。

👧🏻😋👅🍽✨.🍅🍜🥩🐂🍢🥚🍵🥛💛.🍅🥩🐂🍜犇犇有禮烏冬 $79加芝士 +$5✨有牛既三個部位一次過滿足✨番茄湯係fresh唔係好濃果隻✨枱面有隻麻辣醬好正 勁襯番茄湯☁️芝士就係一塊片裝芝士放入湯冇咩特別.🍅🍢🥚🍜腐皮墨魚蝦條拉麵 $46加炒滑蛋 +$5✨腐皮卷足料又冇芫荽蔥芹果啲臭野🤣👍🏻✨拉麵冇鹼水味夠硬身又索湯✨滑蛋滑.🍵信陽毛尖蜂蜜冷泡茶 跟餐$16✨清香少少甜好fresh.🥛樽仔奶茶 跟餐$18✨濃香.

之前幾次去深水埗想試呢間，奈何每次都太多人排隊，今次特登嚟元朗懲罰呢間新開既分店每人都送濕紙巾，個外形擺明玩野🤣疫情期餐廳每張枱都set隔板，保持Social Distance淨係蕃茄湯既粉麵麵有二十幾款，而且亦可以按自己喜好揀自己鍾意嘅粉面底同埋加配菜身為蕃茄控同牛魔王既我當然揀「犇犇有禮」，有哂牛面頰、牛坑腩同崩沙腩，每一舊都好重新鮮牛味，炆得好腍肉質啱啱好，蕃茄湯配埋通粉簡直係絕配張收據成日update得好密！明既朋友自然支持👍🏻

答案就是枱上那兩樽醬料：麻辣汁及百里香。餐飲市場上，這幾年間出現了多間以蕃茄入饌的主題食肆，如雨後春筍，或許是因顧客要追求健康，認為喝上一口濃濃蕃茄精華便足以抵消一周蔬菜攝取量吧！說一下歷史，十年前香港其實只得兩間成名專做蕃茄濃湯食肆：一間是位於尖沙咀唐樓地牢後巷星座、另一間是中環樓梯旁之勝香園。他們是為始祖派。蕃茄湯底容易制作，現在各家店舖只在小節上不同，大體做法都以洋蔥牛油炒香爐底，蕃茄打蓉加糖加色加水煮成。既然湯水一樣，味道又是濃郁，作為饗客你又能否正確分辨甲食肆的那碗蕃茄湯用上新鮮牛骨燉成？乙食肆那間則只用化學茄膏做呢？既然產品差異性低，作為蕃茄經營者又如何在紅血市場殺出一條血路呢？這店蕃茄師兄可給大家些啟示。一. 創作特色增味劑來了一碗蕃茄濃湯，賣相伴以四分一塊原個蕃茄，喝了幾口，帶點甜味，顏色有點虛偽，不像正宗蕃茄味道。味蕾漸感沉悶，便玩弄旁邊兩支調味料：麻辣汁及百里香。原個蕃茄會帶點清新酸甜味道，打碎制作濃湯後味道霸道，正常是難以添加口感相悖之調味料。但這兒老闆深入研究，思前想後，如果客人要吃辣怎樣辦？如果客人要追求更清爽之草木香味又怎樣做呢？多番試味後，便找到得出獨家調