蕃滿門

Open Now

Now Closed

由舊鋪到新舖，加埋都已經食咗好多年近年不停咁加價，每項食品外賣盒兩蚊加到而家三蚊，職員話因為成本好貴🤷🏻‍♀️ 老實講，佢啲外賣盒都只係普通到唔再普通嘅膠兜同錫紙盒，我未試過有一間舖可以每件收三蚊🤦🏻‍♀️食開蕃茄經典原味螺絲粉配豬手，已經加價加到$89冇嘢飲，味道冇以前咁好食鯖魚同粒粒包，就仍然係唔錯嘅不過嗌個外賣淨係外賣費用都要加$9 ，我覺得就唔係好合理，所以唔會再有下次。

由蕃滿門開第一間鋪頭，以前仲係榮暉個邊，我就開始食。鍾意佢夠酸🤩🤩出面好多蕃茄底都加糖，甜到入唔到口🤢weekday 11-12:45pm埋單有85折，通常我都會叫4餸加涷檸茶，埋單都係60蚊🤩🤩不過佢地既辣好似無以前咁勁。從前我只叫小辣，而家要叫大辣先得🤔🤔🤔呢期都少左佢地既招牌豬手，有3,4件好抵食。另外佢既豬扒質素都幾好，唔會好勁瘦食到sip牙縫個種🙄🙄以前見到佢有好多分店都好開心，但而家執哂咁濟。而家都好少見佢地滿座，希望大埔店唔好執啦🥺

呢間大約去過3次，在我公司附近，每次去都係前一晚飲得太多酒，唔係我，係我D朋友🤣第二日午餐～無胃口食野😅蕃茄湯底夠濃～夠熱～暖一暖胃～蕃茄開胃，边個無胃口我都會叫佢飲晒D湯啦！每個老友都話正😋

嚟到大埔就試下蕃滿門，之前聽朋友推薦係好食嘅蕃茄餐廳。佢係一個唔鐘意食蕃茄嘅人，但就話食完之後就愛上咗，咁就一於試下啦。一試就不得了。嗌咗豬手蕃茄湯螺絲粉加芝士，本身仲擔心夾唔夾，點知真係好夾。蕃茄湯底好濃郁，食落好滋味，配埋芝士真係食到停唔到口。佢嘅豬手都焗得剛剛好，有好香嘅咸香味，完全係高質嘅焗豬手。喺外面食多數都係炸，但佢可以焗都咁好食，真係好推薦。仲有佢杯凍檸茶，又係心機之作，唔洗自己吉檸檬，係已經Shake好俾你。

大埔好食嘅野同選擇都多，蕃滿門可以講係其中之一間😋我記得係中學嘅時候第一次去蕃滿門食下午茶，食一次已經愛上咗佢哋嘅湯底，🍅🥫🍜以滿滿紅茄素的蕃茄為主要材料，主要以蕃茄湯底為主打，再加上蕃茄炒滑蛋🍳，然後配上不同類型嘅配菜😋😋😋而我每一次食都會選擇佢哋嘅黑椒牛扒😚因為我係牛肉控🥩🥩，只要有係牛肉嘅餸菜我都會第一時間選擇，其實蕃滿門嘅德國豬手及炸雞扒都好好食🤪而我今次又係叫咗一個秘製黑椒牛扒配螺絲粉湯面，由我第一次食到而家，佢哋嘅湯底冇以前咁濃郁嘅蕃茄味，但係相比出面其他蕃茄湯底嘅麵食黎講，蕃滿門佢做得比較出色🍅🍅⭐️秘製黑椒牛扒，原味，螺絲粉 💰$65

一天午餐試食左呢間特番茄湯底，我係一個番茄愛好者，非常喜歡食番茄，叫左一個雙重芝士番茄豬柳烏冬，黎到既時候都聞到濃濃的番茄味，仲有一層芝士係面，味道非常之濃郁，如果喜歡食芝士千萬不要放過😋

Being a tomato lover , definitely need to try the classic tomato soup set There are three combo (Classic, double cheese , spicy ) In case the soup was too spicy , we choose originally favour udon this time !Beef with mushroom seems attractive ‘ .It wasn’t long waiting , the udon is fully cover by scrambled egg Tbh , The mushroom beef was more than enough for lunch ~ Will come back for sure ! Lots of students were having meal here too!

大埔中心近海寶花園地下一排都係食肆當中最有名係飲茶既老馮 但行前啲都有間㗎依間幫襯左好耐 佢地既蕃茄湯頭如一好味價錢仲要親民 但質素係離地咁高星期一至五 1245前離座仲有折蕃茄雙重芝士微辣雜菌蟹柳鏍絲粉 ～$49午市套餐仲會包一杯凍或熱飲大大碗不特止 上面既芝士絲落得一啲都無手軟呷左啖湯 濃濃既蕃茄鮮味 就好似食緊成個蕃茄咁 仲有小小辣 用匙羹畢起時 啲湯仲係熱所以啲芝士絲變左有少少拉絲 成件事好開胃 飲飲下已經無左一半豬勁肉$53豬扒配雞翼$53題外話 依間舖既蕃茄雙重芝士湯係出色之處 如果你係食得辣既話 就可以試辣啲 應該會更上癮

特別相信呢度嘅蕃茄湯係因為真材實料之有粒粒蕃茄粒 味道唔假👍無食一排 估唔到湯底唔洗加錢都可以揀呢3款: 經典原味、雙重芝士、惹味麻辣 最普通嘅自選配料系列如多加一個餸$8 仲送多杯餐飲🥴唔加對唔住自己啦 識飲一定係叫佢招牌凍檸茶 好正宗的chok到面頭有微泡 啖啖檸香味 唔係紙包嗰種死甜 。。。🦔👉香辣湯底跟螺絲粉 x 吉烈魚柳拼薯蝦開頭心諗本身任何湯底都可以自選辣度 咁叫香辣湯底再extra選辣有咩唔同呢?原來香辣湯底就係會有四川麻辣湯嗰種又甜又辣又香嘅感覺🤣感覺冬天食一流呢個湯特別在會有幾條響鈴卷🤤開心呀咁多料炸魚柳質感唔錯的 再厚肉啲會開心啲薯蝦就嫌外皮腍咗啲 不過唔太炸口又無咁熱氣kekee薯蝦呢個配搭幾特別 幾值得試嘅。。。🦔👉雙重芝士湯底跟飯 × 雞軟骨餃子 × 炸油揚 (雙餸)唔洗特登加錢就有大大pat芝士真爽!!! Cheeseee極黏稠 芝味算濃 拉絲拉到食到下巴都係 包你食每啖都夠芝士送飯 但我叫嘅湯飯唔知吸湯定點🤡整體質感有啲過度濃稠 至於餃子嘅餡算幾足 唔係得層皮 多啲雞軟骨會開心啲 炸油揚都幾多塊🤪撈埋芝士食幾過癮 無加錯餸哈哈

我係一個不折不扣嘅蕃茄狂迷，一直想試吓呢間餐廳！😍🔺牛扒龍蝦丸嚟嘅濃湯螺絲粉 (小辣)湯底：濃郁，重蕃茄味。係用番茄熬製而成，茄膏唔多。足料，有好多蕃茄蓉、洋蔥。酸甜適中，好味！😋螺絲粉、滑蛋、墨魚丸就正正常常。不過牛扒值得一讚，唔韌，好淋，幾有牛味，呢個價位嚟講有驚喜。另外，份量好足，特別啲湯好多，食到我同朋友好飽！

但上次喺呢間餐廳食嘢已經係幾年前當時第一次食已經俾佢濃郁嘅番茄湯同埋嫩滑炒蛋吸引❤️覺得呢兩樣野真係配搭得天衣無縫不過因為好少去大埔嘅關係好耐都冇食過啦.今日終於去光臨呢間久違嘅餐廳估唔到門口依然係咁多人排隊😵‍💫都等咗一陣間先有得入座.個人認為Menu嘅指示唔太清晰見到有得揀蕃茄濃湯 芝士蕃茄濃湯 香辣蕃茄濃湯同埋有唔同嘅餸揀但係就完全唔知到底個價錢係幾多問一問職員先知😣😣😣.芝士蕃茄濃湯 配椒鹽雞扒雞扒炸得好脆 份量亦都好足夠男仔食都夠飽而芝士濃湯既芝士味啱啱好 唔會話搶晒蕃茄味.蕃茄濃湯濃郁嘅蕃茄味 配搭炒滑蛋真係好好食

晚餐叫外賣，食個忌廉汁龍利飯（$61）。返到屋企食啦，成個飯得2舊魚柳仔，加埋得2隻手指咁大🙄啲所謂黃薑飯，以前就黃到金，薑味滿載；而家啲飯就白雪雪，一舊舊仲係冷飯狀態。我知係用冷飯嘅，但係都唔係一舊舊咁嘛，焗熱左個飯就算，完全感受到無誠意整。叫其他野又甩甩漏漏。係咪新換左廚房啲員工？無心機就唔好撈啦，希望你睇到呢篇文。不過份工求求其其做的話又點會睇呢啲食評丫🤷🏽‍♂️至多比多一次機會，下次都係咁就以後都唔食喇

黎蕃滿門梗係要試佢嘅特色蕃茄湯啦，今次試左🌟餃子雙拼同🌟脆皮鹹豬手。因為我係米線控，所以揀米線底，朋友就食螺絲粉。餃子包括左泡菜搞同埋雞軟骨餃子，餃子煎得都幾香口泡菜味濃，但雞軟骨餃子比較普通，唔係好食得出雞軟骨。鹹豬手其實整得唔係好脆，同埋d皮比較韌所以有少少🤏難咬，不過個調味係幾好食既。講番個湯底，蕃茄湯非常濃稠，但又唔會太過杰，酸酸甜甜幾開胃，超級濃勁好味，加左好多碎蛋喺上面，撈埋一齊嚟食好夾。蕃滿門 Tomato Club📍大埔安慈路1號海寶花園地下8號舖

好耐無食過蕃滿門，今次來到大埔店食下午茶下午茶的選擇不多，我點左雞軟骨餃子長通粉，加個小食德國豬手，再配泡沫凍檸茶。首先個長通粉湯底依然無令我失望，小辣再配蕃茄湯底再溝埋滑蛋，十分夾。可惜雞軟骨餃子食落感覺無乜味道。之後再試德國豬手，食落皮夠脆，再配芥末醬，味道非常可口。最後再飲埋泡沫凍檸茶，解一解油膩，普普通通都食到個十分滿足的下午茶。

一向很喜歡蕃茄湯麵這間專門店最有名的就是蕃茄了蕃茄湯一向最襯就係蛋同芝士今日貪心少少兩樣都要曬😍🍴脆皮鹹豬手拼雙重芝士公仔麵加滑蛋脆皮豬手有兩大塊豬皮Q彈 豬手鹹香肉爽嫩蕃茄湯底酸酸甜甜 十分濃郁加上兩種芝士 熱食時有拉絲效果加配的滑蛋份量頗多而蛋味香濃公仔麵軟硬適中蕃茄湯底、芝士、滑蛋和公仔麵四者的組合令人忍不住一口接一口加配了滑蛋後免費送了飲品 意外之喜朋友的鴛鴦雞排普通 肉質較乾也沒甚麼調味已來過數次 挺喜歡這家店 喜歡蕃茄的可以來吃一下喔