蕃滿門

Open Now

Now Closed

🐾 蕃滿門 (大埔) 🐾-特色蕃茄滑蛋濃湯拼雙拼餃子$53✔️特色蕃茄滑蛋濃湯拼吉列豬扒$53✔️-番茄滑蛋濃湯：濃湯係配通粉嘅，滑蛋放埋落湯入邊有啲變得太熟，不過湯底都濃，我幾鍾意👍🏻-雙拼餃子:雞軟骨餃子幾特別，入邊有少少脆脆地，泡菜餃子又辣辣地咁幾好食十足十韓國餃子咁-吉列豬扒：吉列豬扒就麻麻哋有啲太乾同埋炸皮都有啲硬—————————————(非專業,完全跟據個人口味☺)食物:8/10環境:4/10服務:6/10人均消費:$200———————————————▪店舖名稱: 蕃滿門 (大埔)▪店舖地址:🔸 大埔安慈路1號海寶花園地下8號舖-----------------------

今日天氣好好，所以專登入左大埔踩單車，踩踩下踩到入大埔市中心，咁有啲肚餓就想食返好耐冇食嘅味道- 番滿門。我好鐘意呢間嘅番茄湯，因為佢個湯係有新鮮嘅番茄肉，所以個番茄湯好濃，仲可以揀辣度，如果你係第一次食，建議你揀微辣就好喇，因為我覺得都真係幾辣😛呢間個招牌係佢嘅香炸雞扒，個雞肉炸完好脆好juicy，好多人都有叫呢個👍🏻 另外佢仲可以自己揀唔同嘅粉，例如：意粉、螺絲粉、米線、公仔麵、湯飯...等等 咁我今次就要左螺絲粉同米線🍜 兩個都好好食😋 野飲就要左凍檸茶，不過就有啲細杯啦～

朋友喺大埔地膽就帶咗我哋嚟食呢個佢好鍾意嘅番茄通粉，選擇都好多，食素都可以，而且最特別係佢個番茄湯有得揀辣度。呢度最出名嘅就係佢嘅特色番茄滑蛋濃湯，因為今日想食健康啲所以就揀咗個素食主義（鮮雜菜拼玉子豆腐）螺絲粉。仲可以加$6間加配菜，配料好似車仔麵餸咁有好多選擇，我就加咗牛腩。辣度就揀咗微辣，但係因為食嘅時候會飲湯，所以其實食落都有少少辣，如果你真係平時唔係好食得辣嘅話，建議揀返原味。好多蔬菜同埋有炒滑蛋所以食落都好豐富，又大碗，超飽😋

H香煎豬扒公仔麵$53（微辣）🍅🍜-一上黎見到有勁大舊滑蛋🥚，非常濃郁同滑🤤湯底都夠哂茄味，🍅都會見到蕃茄既蹤跡，湯勁鮮甜香濃，食公仔麵掛哂蕃茄湯，🌶辣醬就建議要撈均勻先好食，佢既辣醬係紅色一pat的，唔少心好易睇錯辣親😂辣醬同番茄湯底出其地夾！-配料方面。🐷豬扒都好大份，有兩塊半，比較薄身但味道一流，肉質夠哂軟稔，非常出色，再加上有泰式辣醬🌶比你沾黎食。多到食哂碗麵仲有一大舊剩呀🤤🤤🤤🤤

晚飯來這裏食飯，自己與女朋友一起，兩個人一齊，都總會想有少少私人的空間，但這裏的設計是長方形枱的設計，也即是10幾人都最在同一個位置吃飯。晚飯的時候，店員刻意地安排我們坐在兩對情侶的中間，私隱度完全係零分，而同時間餐廳其實有其他空位，但店員也刻意不安排，令我非常生氣。

蕃滿門第一間店就係係大埔, 睇住佢慢慢進駐埋food court都好開心.佢夠茄既茄湯, 配埋螺絲粉, 吸味又好味.仲可以揀辣定唔辣, 湯面仲會配上炒滑蛋tim.配菜我通常揀炸雞扒, 貪佢抵食夾大件, 炸得夠脆又juicy.

今日下晝冇食飯， 到四點鐘嘅時候就去咗大埔海寶花園嘅呢間蕃滿門， 呢間嘢其實一直都開咗喺大埔㗎喇我好耐之前都有一直食開， 以前就鍾意食佢嘅早餐， 不過自從唔係住喺嗰度附近之後都小食咗。 今日路過即刻想食番個下午茶， 個蕃茄湯底嘅味道依然係咁龍澳， 唔好睇小蕃茄湯 意粉， 有啲茶記打住蕃茄湯嘅口號去做， 但都可以做得好難食。 呢間就唔同啦， 酸味同甜味調教得啱啱好， 唔會覺得好似食緊茄膏， 再加埋啲炒蛋撈咗落去， 少少辣味， 食完個粉會唔小心所有湯都飲曬

Sell蕃茄濃湯，好耐之前喺舊舖食過一次，當時係排大隊，以為有乜咁好食，點知都係一般。見佢搬咗新鋪，都仲係咁好生意，就俾多次機會自己，食多次。👌🏻 蕃茄濃湯黑椒牛扒螺絲粉（小辣），確實係蕃茄濃湯，但冇蕃茄肉，螺絲粉幾彈牙唔會好淋，黑椒牛扒另上，味道同好味啲嘅快餐店冇乜分別。犀利嘅嘢嚟啦，萬眾期待嘅蕃茄豬扒焗薑飯，離晒譜！最重要嘅豬扒得幾舊，份量似乎半塊都冇，又唔係好好食，上面一大pat醬，加多啲配料會唔會好啲呀？連呢啲都唔落心機整。最最離譜係個飯，隔夜飯做焗飯都算啦，咬隔夜飯飯焦咬到我牙到軟，想點？大哥，普通餐廳食個湯粉$53 ，豬扒焗飯$63 ，我去快餐店食，加埋嘢飲都唔使呢個價錢，仲要多料好食過佢，完全唔明點解仲有人幫襯。我？唔會再黎啦！

蕃茄控必食既餐廳👍🏻👍🏻 濃郁既蕃茄湯配螺絲粉係我每次都會點的！仲可以揀配一個餸 而香酥雞扒、豬手絕對係最受歡迎的！ 份量都算多～非常滿足👍🏻👍🏻 平時我仲會+$20 有泡沫檸檬茶+南瓜薯餅🍴不過今次就試左佢杯黑牛（朱古力雪糕配可樂）不過我都係喜歡泡沫檸檬茶多d 酸酸甜甜仲有少少檸檬皮碎比普通檸檬茶特別🍋

每次黎呢度多數都係食通粉，今次就試下叫雙雞扒蕃茄湯飯黎食下。好欣賞，佢將個雞扒同湯飯分開上！噤樣唔會令到個雞扒浸住向蕃茄湯，而且仲可以食到雙雞扒嘅味道！一路以為蕃茄湯飯無乜特別，估唔到又幾好食噃，而且都多飯，我仲可以分埋比仔仔食而又夠飽嘅！湯底勁濃蕃茄味，個飯索哂啲蕃茄湯原來係幾好食！到雞扒，無唸過真係可以食得出係2隻味！1隻係落左黑椒去煎嘅，而另一隻係炸嘅！我自己鐘意香口嘢，所以炸我覺得好好食！整體唔錯！

呢度既蕃茄湯好好味!!!!重點係竟然有辣度揀!!!!仲有可以揀唔同既麵或者係飯!!通常食呢啲好少有得食飯!!!蕃茄泡飯!!秋冬食一定好正野飲我叫左蘋果蘆薈冰茶，另一杯係黑牛!!有雪糕嫁

又係揾食時間，無計啦，剛搬黎唔熟路.今晚又比我揾到正嘢！我同仔仔本身都鐘意飲蕃茄湯，見到呢間啱哂我地！哈哈，完全估唔到有兒童餐，小朋友一食就話好好食啊！媽媽！一聽到呢句，噤我以後多啲黎啦！哈哈。我同老公老係叫蕃茄湯底雞肉粉，估唔到係非常出色啊！個蕃茄湯係勁濃，完全唔係用茄漿做的！配料都好多，唔係淨比個湯你喎！套餐仲可以揀小食！正啊喂！我地揀了沙律雞翼，賣相普通，不過食落係好食㗎！總括我覺得鐘意茄湯嘅朋友，一定要試下！

每次黎大埔我一定食蕃滿門 只因佢分店較少令蕃茄控好難特登去食今次嗌炸雞扒拼蕃茄麵雞扒炸得好鬆脆 唔會太乾身最出色一定係佢個滑蛋蕃茄麵茄肉好多 仲可以揀辣度 而且唔係啲假味精味出色

呢間野係大埔其實都幾出名，我試過幾次係到食lunch，但晚餐就真係第一次。呢到係有晚餐既set menu，可以揀一個小食、一個主菜同埋送杯熱飲，我就叫左花枝丸配日式油揚雞肉蕃茄濃湯螺絲粉。花枝丸我覺得就正常發揮，都冇得難食得去邊架啦。不過得兩粒，切左一半扮四粒就好似少得滯。要值得讚下既係個蕃茄螺絲粉，個湯真係好鮮甜，完全唔係茄膏溝水既味。佢仲有d蕃茄蓉係個湯到，就算我呢d唔係太鍾意食蕃茄既人都覺得好好味。至於d螺絲粉就正常，佢唔會煮到太淋，幾有咬口。上面個炒蛋都好正，一d都唔乾，配埋個蕃茄湯一齊食仲正。

辣味和蕃茄味好match，但又唔會互相搶咗大家的味，麵中的滑蛋真係好好味，d 湯都飲得Good. 價錢適中，份量又多，推！！餐廳環境乾淨，不過冷氣唔係好足，但ok 可接受