鳥魂 (Closed)

好味，超好味，超級好味。之前朋友係太子食完串燒，話食完十分有驚喜，強烈推薦我一定要試下。由上年10月講到今年，係今日終於有時間過尼試一上佢堅定劉。食完真心覺得好好食，e個價錢食到e個質素，絕對一定要試下～～一定會再尼食～～

同朋友嚟小聚當團年，難得天氣暖返D，食下串燒啤啤佢，叫左兩個SET，同兩支清酒，鳥魂買一送一岩哂我地之後仲散叫左啲串燒同生蠔，佢地嘅豚肉芥末牛油果好特別，好少出面見到燒生藥真心好好食，一啲都無黏黏嘅感覺生蠔係我鍾意食嘅size 唔會好大隻都好夠蠔味，食多幾隻都唔會膩埋單個人覺得唔算好貴，但係就好滿足係一個勁開心嘅團年飯

服務態度勁差嘅餐廳環境非常迫，坐得唔舒服，一d 都唔高級價錢唔算街坊價，但係街坊級嘅服務！由坐低嘅一刻已經被侍應監視，聽住我同朋友講嘅每一句，一聽到位可以入就會插咀（但並非閒聊）朋友去完旅行送左幾粒糖，侍應就即刻插嘴「我地呢度唔准食其他帶黎嘅野食」，只係一粒糖！而我地無話過要開黎食….我地問「係咪叫餐可以半價order 1.8L sake？」黑口黑面嘅侍應答「淨係最貴嘅餐先有」跟住佢一路聽住我地講叫A la carte 定omakase餐、叫幾多支酒，令人非常有壓力….侍應們、廚房大哥都眼超超𥄫到實！我地想要杯茶「我地無架喎」跟住我地見無茶就order 蘋果soda，黎到見到係支裝已經見有d 失望，見到樽底有渣，想搖渾佢，即刻被侍應呼喝叫唔准搖，「梳打嚟㗎，你搖會噴到周圍都係」跟住廚房大哥們一路意識到我哋覺得唔妥，一路凶神惡煞咁樣啤住，嚇到我地唔敢即刻走，最後叫少少野食就走…..仲好驚佢地會加料係我地d 野食度😵‍💫😵‍💫好恐怖嘅體驗！冇啲膽量唔好入嚟呢間餐廳！

另一半生日，見到社交平台有人介紹呢間串燒omakase, 所以book嚟試吓先！套餐包括前菜、廚師沙律、南非鮑魚或海虎蝦、五串定番串燒、香濃雞湯，（串燒包括白鱔、牛舌、豚五花、手羽先、野菜）磯燒鮑魚好入味，其他串燒火候控制得好好，調味得剛剛好，而因為本人唔食牛關係，佢哋轉左串稀有部位俾我，係雞掌心，質地煙煙韌韌，第一次食，好有趣😁食完5串串燒都飽飽地，臨尾嚟一碗雞湯，呢碗唔係味精湯，有誠意地再加兩粒雞肉丸，暖一暖胃，食完呢餐大滿足😋

兩個人唔知食嘜就黎左試新野嗌咗兩個一人套餐$438串燒omakase 雖然就得5串串燒睇落好少加埋前菜呀 海鮮都夠飽D串燒都燒得好好食最有驚喜係燒雞翼真係食過甘多燒雞翼嗰浸皮咬落去係彈㗎仲要裏面好Juice唯一一樣野可以改善既係冇茶免費提供一定要叫野飲呢樣差d食物水準都

日式omakase就聽得到，串燒omakase就未試過，今次黎到太子呢間專食串燒嘅餐廳試下。老闆已經入行廿年，由處理雞肉、調味至燒都相當講究，有品質保證。一入門口已經好有日本居酒屋🏮嘅feel，座位好闊落，裝修格局係日式簡約設計，有長枱之餘，仲有吧枱位置，可以睇到廚師逐串逐串咁燒，又多一個視覺享受。我地叫左2個不同嘅set，分別係：魂Omakase $598/位前菜、廚師沙律、燒鳥十二串串燒燒飯團雞濃湯茶漬及手作雪糕。(十二串當中包括六串燒鳥、兩串稀有部位、四串野菜）定番一人前＄598/位前菜、廚師沙律、南非鮑魚、海虎蝦、十串定番串燒、雞濃湯稱庭鳥冬及手作雪糕。(七串當中包括白鱔、鹽蔥牛舌厚燒、手羽先、鹽蔥西班牙豚五花、月見雞肉軟骨棒、青意瓜、角瓜)因為實在太多串，👱🏼‍♀️就講下最令我深刻的🔸肝醬燒慢煮南非鮑魚，醬汁好香濃，都仍能食到鮑魚嘅鮮甜味道。🔸野菜味噌醬燒海虎蝦🦐虎蝦好大隻，師傅好貼心咁切成3段，味噌醬好濃郁，肉質嫩滑又彈牙。🔸雞心管，其實係取雞心上方嘅動脈血管製成，燒烤過後酥脆香口，而且非常爽彈🤤🔸鹽蔥西班牙豚五花🐗調味啱啱好，加左洋蔥平衡返個肥膩感，無得彈。🔸鹽蔥牛舌厚燒，

當晚好開心, 約好朋友去衣度食晚餐, 可惜我哋掛住傾計, 影得好少相食物質素好好, 好新鮮, 記得有鮑魚, 燒到剛剛好又有鮮味好想快啲再去食因為果晚無叫酒類飲品, 試左其他茶花類, 我下次要試酒類飲品先得.

老友敘舊兼搵食，今次試咗呢間係太子嘅小店。一行四人叫咗以下食物，初頭仲諗夠唔夠飽，最後冇叫飯麵都食到飽飽同好滿足😋。可能年紀大咗食少咗😌前菜 - 正常，但佢個醃蘿蔔好特別，唔同黃色嗰啲咁普通，少許醋酸得嚟好清甜仲好似有陣輕輕嘅山葵味道，總之就好清新同開胃，好食凡立貝刺身六切 - 正常、新鮮燒日本蠔 - 全晚我最喜歡、肥美可口、淡淡嘅白胡椒更加帶出蠔嘅鮮味鹽蔥薄切、厚切牛舌 - 第一次豁出去脷疊脷，好好食，尤其厚切更有Q彈質感燒雞腿肉 - 正常、嫩滑鹽燒白鱔- 好食，仲有燒魚皮時滲出嘅油香半熟雞肝 - 我本身唔食內臟，朋友話好食似鵝肝，試咗一啖還可以，不過唔係我杯茶鹽蔥五花肉 - 好食，少少肥多多脆黃花一夜干- 好食，皮脆肉嫩雞泡魚干 - 正常送酒海盜芝士 - 少少咸多多脆，店長推介送酒手作雪糕- 濃滑 另外，當日清酒八五折，店長介紹第一支叫夏酒，偏甘口易入口。第二支係小店自家品牌 鳥魂，微甘口，米味溫和更順喉，畢竟係山田錦出品有一定保證。整體很滿意，值得推薦，下次會再去

鳥魂，我已經第三次食了，今次收工自己去，一個人食串燒，飲啤酒，正到暈今次試下散叫，唔叫廚師發辦，都係叫左杯黑白啤兩溝先$68，再叫左無骨手羽、半熟雞肝、雞皮、味噌燒虎蝦、雞皮包黑松露墨魚滑、雞頸肉、再加多串雞肝、鮑魚肝醬燒南非鮑飲左兩杯啤，真係好正，睇住師傅慢慢燒，我撳下電話，飲下啤酒，環境又靜，咁先七百幾蚊，咁嘅質素，抵俾啦～～～～～～～～～～～～～～～～～～～～黑白啤兩溝$68，飲完疲勞盡消無骨手羽$45 燒到啱啱好，唔乾，香到吖半熟雞肝$45 入口半化，仲有少少咬口，肝香味正到暈，要追加多串雞皮黑松露墨魚滑$45 外脆內彈牙，睇熱呀味噌燒虎蝦$138 蝦大大隻，燒到啱啱好，味噌個味冇搶到蝦本身嘅鮮味，蝦彈牙，推雞頸肉$38 ，肉係彈嘅，香到不行，最難得係雞味好濃鮑魚肝醬燒南非鮑$138 彈牙、鮑味濃、醬香

真係間唔中就會掛住今日朋友問我去邊度食我又揀咗依間真係我嘅心頭小店今次嚟到都係叫廚師發板啱晒有選擇困難症嘅我第一串你就喺我超級鍾意嘅雞皮真係好正好夠味好送酒😋雞皮蝦又係一樣不能拒絕嘅菜式超級邪惡超級好味食完兩味雞皮師傅好貼心為我哋安排咗燒蘆筍清一清口腔又係一陣清新嘅味道❤️依個雞心管就係我第一次入嚟食完不停再嚟嘅原因真係好好味出面多數會用汁燒但係依度唔係❤️真心真係好食好食好好食師傅真係好犀利記得晒我鍾意食嘅嘢雞皮黑松露墨魚滑又係不能忘了你食到咁上下出一個角瓜外香內爆汁怎能忘記你❤️跟住有超級彈牙嘅雞頸肉依個真係不計成本用蘭王雞蛋雞軟骨肉串真係冇可能唔好食每次嚟一定會叫依個雞肝醬多士佢真係做得好出色最後你個山藥啱啱好差唔多飽嘅時候仲會有雞湯飯團仲有甜品依個價錢真係冇得輸

試過食日本野，食串燒，連杯水一杯茶都冇，你試過未？有杯日本茶/凍水是常識吧！食$2000/2人，都有叫咗杯野飲，草莓冷泡茶，冇味希望解下渴，但$45得100靚ml, 解唔到渴幫唔到手，食完口渴到有缺水的感覺，好差的一次, blacklisted la. 服務態度又差，「我哋冇責任俾杯水你」，都冇責任到你餐廳食嘢。有感食到缺水，屈你買細細支飲極都解唔到渴的飲品，但打錯算盤，咁樣唔有回頭客，唔怪之得星期五晚成晚只得3台客。呻笨🥴

琴晚約左朋友，幫佢買啲野跟住食飯，今次試呢間專門食串燒嘅鳥魂，專食雞嘅串燒店，記得，係專食雞原本book左9點，但早左到都入得，因為都唔多人，訂位時已講會食廚師發辦：前菜、廚師沙律、燒鳥十二串串燒、燒飯團雞濃湯茶漬及手作甜品串燒十二串當中包括最少兩串稀有部位、三串野菜、其餘燒烏去到佢仲推介吞拿魚面頰同南非鮑魚，我地揀左前者，仲點左支白桃酒，因為食串燒冇理由唔飲下酒雞皮天使蝦燒雞皮雞肉三角白露荀無骨手羽鹽燒吞拿魚面頰雞尾雞心角瓜雞腎蔥蔥雞卷肉月見雞肉軟骨棒燒山藥茶漬雞肉/三文魚飯團黑芝麻/抹茶雪糕以上按串燒順序，同下圖對應我唔逐串評了，基本上每串都有水準，應該係全部生燒，朋友唔太食燒雞心同腎，所以我要「接收」晒，唔食擺喺度唔太尊重廚師，我ok嘅，心同腎都唔錯，好有「野」味，一試何妨吞拿魚面頰都好有油香，燒得啱啱好雞尾係Patpat兩邊嘅肉，完全唔騷，食落好油香埋單$1905，值得試下，全雞串燒

個日慶祝朋友最近生意幾好，揾左依間新開串燒店試吓，原來網上都有依間店既訪問，不過都係之後先見到有介紹，以下係我未睇訪問去食既感受。🤓當日坐係bar枱位睇住師傅燒嘢食，已經好吸引，坐bar枱仲有樣好處就係見到想食既，可以即刻問係乜食物，再即刻加單。😝老闆好好客，好好傾，傾開先知，依間係佢既新舖，舊個間都係係附近做左幾年街坊生意，食飯途中會有街坊入黎同佢傾偈打招呼。😂除咗氣氛好，環境好，食物都有質素，值得試吓。

超水準的日式串燒店一行4人第一次到訪,十分驚喜。從串燒,燒飯團,甜品,都感受到師父的心血!今晚試了燒日本蚝,白鱔,各式的雞皮料理,極之滋味!特別喜歡,無骨翼尖&月見雞肉棒,暫時是我食過最優秀的!其次是牛舌&雪糕,都要試吓:!

超級高分串燒店話說說喺社交平台見到依間評價勁高嘅串燒店睇吓OpenRice個個都讚好同埋睇得出係真心嘅食評咁今日就book咗六點去試吓啦滿心期待重早左半個鐘到佢周圍都有好多食肆7-Eleven或者可以買嘢嘅地方咁我週日買下野然後去舖頭食飯啦一入嚟見到佢Menu有兩個我媽卡些又有得散叫裝修超級靚❤️所有員工老細就好有禮貌招呼超級好依個時候想講一句我唔係打手因為我係喺個社交平台度見到今日特登去探險嘅咁我就叫咗Omakase $598咁佢就會有前菜啦廚師嘅沙律12串串燒、飯團加雞湯你可以揀雞或者三文魚仲有自家製雪糕咁開始介紹佢會比一個自家製嘅醃蘿蔔俾你係我今日嘅有陣時可能會唔同同埋有一個芝麻醬豆腐蟹籽沙律一樣係好驚喜㗎因為呢都求其俾個沙律但係佢個豆腐蟹子沙律係好足料同埋好甜好新鮮第一串就食新鮮燒雞皮超級香脆🤭第二串雞皮天使🦐好鮮味好邪惡但係忍唔住食晒第三串係雞尾又係冇得輸我最鍾意嘅嘢第四串燒花菇又係好好味不過因為用秘製辣粉我又唔食辣所以覺得辣咗花菇好吸收味道不過都係好香第五串依個好特別一定要介紹燒雞翼尖但係冇骨嘅超級超級好食師傅仲叫我估我估唔到以為