Towngas Avenue Cafe (Closed)

食個din都要成百幾2百蚊, d野又普通, 唔值!

復活節三個人食左三個餐A. 青豆湯+ 牛柳個湯幾好，因為青豆湯都幾難整得好味，但個牛柳就麻麻地，燒得有D過火，有少少的苦味。B. 瑤柱茨蓉湯+ 燒魚扒配紫菜薯蓉卷個湯相對比較淡，但都幾好。個魚扒好嫩滑兼且有鮮味，個薯蓉卷出面脆，裏面軟，幾得意。C. 青豆湯+ 帶子伊麵個湯都係一樣，唔講。個麵賣相好好，用兩個蜆殼裝住麵同兩粒幾大的帶子，芝士味幾好，可以再濃少少。甜品方面試左薰衣草梳乎厘同朱古力餅，兩樣賣相同味道都好好。三個人合共食左六百幾(已經用煤氣信用咭有九折)，我就覺得呢個價係出面可以食到更好囉…淨係個湯都四十幾，甜品又係四十幾，主菜要成百幾，真係幾貴。

high tea $148, 包兩杯飲品~ 雖然選擇唔夠半島同洲際多, 但味道唔錯, e.g. blueberry muffin, NY cheesecake (雖然芝士味唔夠濃, 但好滑), 好過G.O.D間Home Cooking好多~ 咁o既價錢算係咁~ 不過咖啡有待改善~Photos:http://community.webshots.com/album/134242784OOVTkl

見佢decoration得咁靚, 個view又正,雖然有d貴,都豪一次比佢啦!!其實入得去都預左佢係細細碟,$168有一客法汁吞拿魚salad(幾好味, 汁係酸酸地,三件生的吞拿魚,賣相一流)加一客燒羊鞍(有三件中size羊鞍+薯蓉一堆,味道不錯, 羊鞍唔會"so", 有肉汁,幾肥美,薯蓉只係一般,如果唔係有d羊肉汁,基本上薯蓉係無味)另外諗住order一客新鮮龍蝦雜菜pasta(佢話係廚師推介)sorry,售完! 芝士帶子焗伊麵, sorry售完!!有無搞錯!!其實佢全份menu的食物不超過三十種,星期日八點多少少就咩都無得食, 係咪做架??最後order一個大蝦併牛柳,大蝦都幾大隻,但係煮得過時,太乾肉又"鞋", 牛柳就ok, 無特別,又有薯蓉一堆其實呢度完全係食環境,view好,食物一般但賣相好, 價格中上, 但service一般,唔係佢地態度問題, 係唔得醒目,成日係d唔適當時候伸隻手來收野.由於情調不錯,都係一個同女友食飯的好選擇(不過女仔會夠食,男仔會食唔飽咁話啦!)

我幾個月前去過食dinner，覺得ｄ野幾貴又細細份（男仔會唔夠食囉），唔係咁抵食！以o既味道同份量，我會覺得收貴左20%左右，唔太推介。仲有睇食評話環境好，我唔係太同意，或者銅鑼灣舖太細啦，所以幾窄．．．又係太細之過！<br />不過有個甜品好似叫ｘｘ拿破侖之類，幾好味～

自己一個人2:30pm去依度食lunch~ 依度環境幾舒服, 自己一個食飯都唔覺悶~叫o左個略煎三文魚件沙律配唔記得咩汁($62), d三文魚同個汁都好好味~ 3pm有tea set, 又想食dessert, 所以等到tea time, order o左拿破崙餅配士多啤梨+咖啡($58)~ Outlook好靚, 餅好鬆脆, strawberry mousse唔太甜, 唔錯~ 咖啡一般啦~我仲好鍾意佢個"Chill Out"咖啡杯, 字係反轉寫o係個碟度, 個杯身就變成塊鏡咁睇番個"Chill Out"字! ?依度賣o既廚房用品都好正~

第一次留言卻不是因為美好的回憶。昨晚跟朋友兩人先點了蟹肉湯（$38杯），海鮮味，不夠濃稠，僅有幾絲蟹柳碎，有點失望。前菜點海鮮拼盤($88)，豈料偌大的精美方型玻璃淺盤只放著四顆小巧的海鮮：如橡皮大小的去殼蟹鉗下墊水果粒、車厘茄上點了一片幾乎流質的橙黃色海膽、如成人尾指長度鋪了的沙律醬的蟶子、味淡不鮮的生蠔一隻。主菜點了龍蝦汁海鮮意大利麵和香煎鴨胸拌黃梅汁（抱歉忘了正確名稱，D中文菜名幾乎從英文直譯，過目即忘！），意大利麵份量少，配菜只有一個熟蟹鉗和一隻熟蝦，汁淡偏油膩，但麵煮得有彈性；鴨胸肉老了一點，醬汁不鹹也不酸，除了讓胸肉入口不乾外，實在想不到還有什麼「作用」！胸肉下面放了薯蓉很膩，好像混了奶油一樣。我跟朋友沒吃甜品就結賬，因為這頓飯的驚喜實在太多！其他方面，環境清潔、服務及格、餐具挺雅緻，但始終「瑜不掩瑕」，辦餐館最重要的是搞好食物。

呢度環境其實唔算太正：檯與檯之間都幾迫，繁忙時段多人果陣都幾嘈吵。如果單講環境，尖沙咀會舒服D，起碼嫌室內嘈都可以坐出室外。Menu方面，除o左散叫之外仲有Chef set，可以揀2、3或4道菜(價錢當然有別)，包咖啡/茶一杯。我地揀o左個2道菜o既set，承為$168，另外散叫一客煎鵝肝($72)。個set揀o左lentil bean soup同T-bone牛扒，其實唔算好好味，不過不失咁啦。客煎鵝肝只得一小塊，裏面都冇乜筋；雖然唔算話好正，但整得都幾香，及格啦。甜品反而唔錯；我地散叫o左一客molten chocolate cake($52)，外面係朱古力蛋糕，包住裏面D熱而溶身o既朱古力，整得好香，唔錯。我地仲叫o左客$52燕窩creme brulee(幾fusion~~)，裏面D燕碎都唔少，整得好滑又唔太甜；面頭塊焦糖都幾脆，雖然細份一D，但總算抵食。<呢度最特別o既地方，絕對係個open kitchen；唔單止可以一面食o野一面睇住廚房D人做o野，佢仲o係餐廳o既週圍放o左D電視，不斷直播open kitchen其中一角o既情況，好攪o野。喜歡煮食o既朋友，仲可以問侍