豊洲水産海鮮丼専門店 (Closed)

好懶啊！我現在才寫兩個月前的美味日記。睇到廣告知道呢間嘢新開張有半價， 中午嚟度原來派晒籌， 下午五時半再派， 有250個籌，只好行完街再來。 5點來到， 已經好多人排隊， 到派籌時, 我哋攞到228 & 229 . 我哋沒有走開繼續排，差不多8點有位。排咗咁耐當然叫最貴嗰兩款黑鮪丼$109 & 黑鮪霜降腹身丼 $104。 叫完先知原來每人可以叫多過一個飯， 即時想再加但唔俾😢😢😢。個餐好快就到 ，麵豉湯有用心煮 ， 個賣相好正， 以為半價魚會俾少咗但竟然俾足。 魚當然新鮮又有油香但我等咗咁耐先有得食， 我食完第一啖嘅反應只是覺得都幾好， 而唔係個種驚為天人的感覺。下次等佢半價再食過。我這個客人好乖，  等咗3個鐘， 入到去坐咗35分鐘就埋單走人！

哈哈！呢間野開嗰陣時有留意架啦！但係長期都keep住門口好多人排隊！所以一直都冇去到！果晚好早過咗海，見門口冇人排隊，就即排，我叫左個牛肉飯好好味呀！牛肉好嫰好有牛味！D飯又軟硬適中，有飯味！👍🏻好正！好有喺日本食嘅感覺！

夜晚行街碰巧經過呢間同事介紹過的餐廳，見得五六個人排隊，就擇日不如撞日咁試試啦！好彩最終只係等左15分鐘到就入得，可能單人位比較易攝！點左黑鮪霜降腹身丼，刺身入口即溶，魚蓉又係別有一番風味！味噌湯比其他日本餐廳的大同多料！性價都高！不過食飯記住帶備足夠現金，因為係唔收信用卡！

失望，完全唔掂，啲刺身同壽司都只係街邊貨式。唯一就係平。無下次。食咗兩份 SET DINNER，啲海膽同吞拿魚只係平價嘢，無魚味。嗰湯都OK，坐位好迫，傾唔到計，基本上只係間日本快餐店。                                                                                                                                                                    .

先係門口排隊，排大概15分鐘唔算奈，最後排到門口，店經理講，你係度點餐先。我話，我想入去點喎。經理，呢度點一樣姐。我........其實我想入去望下人地食咩，是但啦點啦。（唔係日本餐應有嘅服務）等左10分鐘，我個黑鮪腹丼到左，有前無後，小料，一路食一路覺得唔對路，點解食到有啲想嘔，先發現啲魚生尾部發黑，終於食唔晒走人，呢間店由外衰到內，勁

好日之人一定聽過豊洲水產呢間海鮮丼專門店 難得假日就黎試下 但要有排隊既心理準備！最終係眾多既吸引下揀左以下做晚餐：自家製明太子蛋卷第一次見厚厚既明太子中間夾住刺身 一條都有8舊 刺身味道好新鮮 蛋卷整得唔老 好滑海膽三文魚籽香蔥鮪魚腩井 賣相很吸引吧！海膽份量都幾多 其實基本上呢到既海鮮刺身都好新鮮同肥美 鮪魚腩下都係珍珠飯 個人怕食到腥既魚籽 但呢間無 推介！

•My first review!!•Fair quality of food•Really bad service•The staff love asking you to pay and leave right after you finish the meal•Not worthy at all

Good~好似去左日本築地甘~~日本直送新鮮海產!!一試返唔到轉頭 日本人最愛既呑拿同三文魚籽都可以係呢度食到 簡直好似去左日本甘去過灣仔呢度依野真係返唔到轉頭丼飯好厚料同埋食得出用料都係高級野!

因為無得訂枱聽講超多人排，有人神早去左拎定位可能平日又剛剛7:00pm 所以未見人龍，基本上佢等埋我齊人就入得啦。張枱都幾大，食都食得舒服d👍一坐底menu都未打開，隔離枱個鹽燒魚鮫陣味不停攻過尼，痴線 香到暈就係我地研究緊叫咩既時候，有個好talkative ge侍應告訴我地d鰒身無好肥，所以會比多兩舊我地😂😂（但最後發現全世界都係六塊😂）我覺得個中拖羅係最好食，佢軟熟且有油份但唔不至於溶到成口油，又夠魚味👍平時好小一次過食咁多吞拿魚，依家先發現自己中意中拖羅多d😂至於個魚蓉加埋d紫菜加飯加清新既柚子味加蔥 依個配搭簡直一流正正正正正正正正！同時不禁想起上次係果間「西村」個唔係太得既蔥吞腩丼lunch都要成$3xx 🌚真係嬲嬲地（呃錢記得唔好去！）講真豊洲依個水準依個價錢係超值大拖羅 稍為有小小根未完全夠入口即溶 但都好好味依個丼先係我嫁 甜蝦/帆立貝/油甘魚丼好一個平鋪直敘既名😂丫！佢漏左三文魚子佢個三文魚子比平時見果d細粒小小，好得意都幾好味，其實三文魚子唔腥我就覺得幾好食嫁啦另外果d 魚生 好新鮮 好甜 都係一個字！正！$98咁新鮮咁足料真係好鬼抵食！好掛住係銅鑼灣番工既日子！

嘩！丼丼丼丼丼❗️呢期最紅緊係刺身丼啦！😏肥美鮮甜的刺身BB訓係丼飯上😍令人垂涎三尺啦啦啦！🤑黑鮪霜降腹身丼 🍣 ($188) 「豊洲」的名物緊係鮪魚啦🇯🇵超過十片黑鮪魚完全遮住哂丼飯😳仲要片片都係厚切架🙊足料到不行了！😛黑鮪魚貴為吞拿魚的極品🏆嚴選黎自三崎港的水揚黑鮪魚🇯🇵粉紅油潤。坑紋清晰☺️仲有三種唔同的深淺程度😚睇見已經口水直流喇！👅黑鮪丼隨魚腹的色澤呈現不同層次感🍣最淺色的黑鮪魚最油膩肥美😚豐富的蛋白脂肪口感嫩滑👄一入口即溶的感覺～令人一試難忘！🙈深色的黑鮪魚鮮甜爽口👏🏻香味即刻四散於口中！正呀！🤑

Another one of the most hype restaurants last month is definitely the 豐州水產 locates in Wan Chai. It is one of the famous fish store in Tsukiji oversea branch. First of all, it opens at 12pm so basically you needs to be there around 1130am, so you can get in for the first round of lunch. It offers various type of fresh japanese seafood bowl 丼. The restaurant inside is comfortable as you wont feel super crowded.We have been to quite a few japanese 丼 restaurant but few can matches the freshness

因為中午便有事幹。剛在銅鑼灣泊左車見到豐州被吹到咁勁，又無人排隊，便沖沖入去當食個快餐。試嘢，當然要從基本試，我叫左個三文魚甜蝦吞拿魚蓉丼見下高低。首先，由order到食物到要等成五個字。呢d嘢又唔使煮，見到d人service又混亂，隔離遲嚟又先食。上星期在東京，一間basement的食堂，平、快、正。所以，佢真真正正落筆打三更。終於等到，首先個飯，有d飯酸、有d飯又唔酸，唉，失望！甜蝦50分，緊緊合格，有甜無鮮。三文魚食左無感覺，唉，再失望。最慘個吞拿魚蓉，唔新鮮、蓉唔晒、有筋、有粒，一路食一路呢個樣😞。唉，好失望，好彩唔係排隊食，唔係就叫蠢。陳小姐食埋佢個海膽同三文魚子個丼，都係搖搖頭😩。大家食完岀嚟，都知無下次啦。要食，都係在日本食啦。

是日好友補祝筆者生日, 來到近期的人氣店豐洲水產. Happy Friday六時多到達, 等候一小時才可入座, 真的要很有耐性. 店內地方不算很大, 有bar枱和普通對座椅. 和式的裝修, 又帶點時尚, 坐得很舒適. 看看menu, 丼飯的種類也不少. 最後點選了特選松葉蟹香蔥鮪魚腩丼(HK$198), 築地直送海膽三文魚籽丼(HK$268), 自家製明太子蛋卷(HK$48). 丼飯附送的麵鼓湯, 是加上一節魚骨連肉而製的, 但味道一般, 附上的湯匙也太淺口了, 跟得有點狼狽. 特選松葉蟹香蔥鮪魚腩丼, 丼飯賣相挺吸引. 試一口松葉蟹, 口感很淋軟, 鮮甜味只是一般. 鮪魚腩蓉的味道也是普通. 也許是不習慣, 丼飯配上柚子碎, 感覺太酸太清新了, 跟丼飯應有的鹹味不太匹配, 不是筆者那杯茶. 好友的築地直送海膽三文魚籽丼, 海膽和三文魚籽各佔一半. 試一口, 海膽不算是非常鮮甜, 但較很多的日式店好了. 三文魚籽正常水準. 自家製明太子蛋卷, 這個玉子燒不夠蛋香, 有進步空間. 好友請客, 筆者在此謝過. Happy birthday Yeah!

同事介紹新店，但是open rice上標示的地鐵出口不對。說好的灣仔出口，但是我們一路走到快銅鑼灣😂。不過，食材好新鮮，好美味。值得再來。就是服務員收碗太快⋯⋯

最近比較火熱都係築地開過黎既餐廳今次同朋友經過見到條隊唔係太長所以就決定試下 好幸運只係排左五分鐘就可以了!兩個人我地點左兩個丼第一個係海膽三文魚籽香蔥鮪魚腩丼 ($198)見到既時候超開心好多魚生啊 (友人表示海鮮丼梗係多魚生啦)可能見到好多朋友食過 自己終於可以親身嘗試是感動的三文魚籽入口好滑 味道好新鮮鮪魚魚腩也頗為肥美 但味道唔係好重 海膽略為失望 係新鮮的 但可能係一般既海膽丼另外附上麵豉湯第二個就係松葉蟹香蔥鮪魚腩丼 ($198)賣相相當唔錯魚生其實都頗新鮮份量都算幾多松葉蟹腳肉絲絲緊扣 只是略嫌唔夠凍當然亦不能同其他專做日本蟹既貨色來比較而同樣地海鮮丼都係跟一碗麵豉湯最後我地再加點左個自家製明太子蛋卷 ($48)價錢十分公道照片已經看到明太子唔多所以食入口都係只有蛋味唔講唔知道有明太子我覺得可以加番少少價 但放多些明太子會好一些...