三一餃子 (利源西街)

Open Now

Now Closed

對抗疫情，政府又唔做嘢，而家先準備派口罩。其實直到而家夜晚都好少出街食，終於嚟到呢一間612已經罷工嘅小黃店—係中環鼎鼎大名嘅三一餃子啊🥟💛·佢有得揀水餃跟主食，再搭多個小食又得，唔同套餐幾有彈性💕·蝦皮韭菜豬肉餃叫咗煎餃，麵粉漿薄薄地唔會太乾身，亦唔會太油🥳。其實唔知蝦皮係咩🤣，但食得出冇咩味精，調味幾好，仲要啲韭菜偏多，可以咬🤤·粟米豬肉餃就叫咗炸餃，令我諗翻起新年食嗰啲金元寶啊🤣平心而論，油炸會吸乾左入面啲水份，豬肉同粟米會變乾，整體上就冇煎餃咁好食啦🤧建議大家可以叫煎餃或湯餃，會出色少少🤭·鰹魚昆布湯米線周豆漿蝦皮湯米線用咗好得意嘅貓碗去裝住～前者偏重口味，後者就帶返啲豆漿嘅味，我鍾意食後者多啲🤤，飲咗成碗湯，零頸渴😎·而家市道艱難，小黃人記住繼續支持黃色經濟圈啊💛-餃子米線套餐｜$58-三一餃子 (中環)中環利源西街7號地舖

位於利源西街嘅三一餃子係一條巷仔入邊嘅一間係細嘅良心餃子店佢主打着唔同嘅餃子有煎餃水餃同炸餃因為係午餐時間所以有lunch set今次就叫咗黑松露豬肉餃子配昆布烏冬同埋炸魚片頭另外就叫咗粟米豬肉餃配豆漿烏冬同埋炸花枝丸總數兩個餐加兩個野飲總共係$168喺中環來講算係一個價錢合理嘅餃子店由於店內位置唔多所以都等左位一陣先有得入座但係嘢食黎得好快而且質素唔錯所以都不停有客人入座佢除咗餃子配烏冬再配小食胃口細嘅朋友仲可以叫一啲餐係餃子配餃子或者餃子配小食選擇都算足夠而且外賣仲有折所以都不失為一個好好嘅選擇

中環返工返左幾年就會發現其實食lunch有好多選擇由精緻既西菜中餐到平民香港地道茶記大排檔都有三一餃子有一段時間好多人排隊起碼要排半個鐘想支持下都好難始終放飯時間有限但係最近因為自己公司無得work from home都要留係中環食飯就發現中環平日少左好多人咁就有機會唔使等位既情況下黎食．6隻餃子+主食+小碟（$68）中環區黎講好抵食起碼唔使$100就食得又飽又好味餃子用貓貓湯碗上好可愛餃子小巧而且皮薄飽滿湯底亦夠熱味道唔錯主食我就揀左豆漿蝦皮湯米線（加辣）米線幾滑身湯底有蝦香味同時亦保持都淡淡豆味食得出係用心製作小食花枝丸夠彈牙大粒亦夠惹味

----------💛黃店💛2019年: 12/6, 16/6, 5/8, 10/11, 11/11, 13/11, 24/11💛4/10/2019 飲品免費予遊行人士----------🥟餃子(6隻)+主食(米線/烏冬) $58🥟餃子(6隻)+主食+小碟 $68🥟餃子(12隻) $74-🥟大阪燒餃子 (另加$9)第一定食大板燒餃子，餃子邊有薄脆，面頭加左燒汁、蛋黃醬、紫菜碎、木魚絲，好似真係食緊大阪燒咁🤣 餃子皮夠薄，餡料夠多汁，餡料可以揀薑蔥/粟米。-🍜鰹魚昆布湯米線湯底可以揀鰹魚昆布/豆漿蝦皮湯，米線軟硬適中，可以自由揀辣度。----------🔎三一餃子🚩中環利源西街7號地舖

二零二零年四月七日晚7 點因為今晚要OT 所以就行左去中環利園西街黃色小店"三一餃子"入座請探熱同消毒雙手舖頭細細隔住位坐下都坐左三枱今晚揀左近門口高枱坐一位外場員工手腳好快 中途人仲有好多外賣單 揀左ABC 餐$68有生菜 +$9份量足同夠熱度生菜都幾新鮮炸魚片頭熱辣辣 又多口感外脆內軟啊 鰹魚昆布湯烏冬 人辣 即係中辣好彈牙份量ok中辣都唔算太辣 食極唔都唔夠喉連湯都飲埋啊煎芫茜豬肉餃 6 件上菜時非常熱 又夠脆芫茜味好出 岩哂作為芫茜控嘅我一半唔點醋 一半就加d 醋食時代抗疫中環人要OT 或者放工夜左要黎支持下"三一餃子"

是日休息，中午去了探朋友敘舊兼食飯😆👍🏻到了她的工作地方，介紹了不少靚仔靚女給我認識，果然金融地方多俊男美女🧑🏻‍💼👩🏻‍💼-今次朋友推介了一間餃子店，售賣餃子、主食和小碟的組合套餐，共有3種配搭，價錢為$58、$68、$74，餐飲需另外加錢。與其他店相比，這裏的餃子款式多，而且也有湯、炸、煎三種方式，煮法很多元化👍🏻我和朋友各點了（餃子+主食$58）及（餃子+主食+小碟$68）套餐😋-煎餃1️⃣蝦皮韭菜豬肉餃（另加$4）2️⃣大阪餃子燒（粟米）（另外$9）兩種餃子的皮很薄，餡料新鮮，很飽滿，加上麵漿來煎，不會很易黏底，金黃色的一排，賣相討好又好吃😋大阪燒的口味有木魚絲、紫菜和沙律醬，是另外一種味道，同樣不錯👍🏻-主食3️⃣溫泉蛋紫菜拌飯溫泉蛋有流心，和紫菜絲及飯攪拌，很香口😋4️⃣鰹魚昆布湯米線這個鰹魚昆布湯味道很甜和鮮美，配上任何麵來吃，我想我可以把整碗湯都喝完😋-小碟5️⃣炸花枝丸花枝丸炸成金黃色，熱辣辣，入口很彈牙😋

今次介紹大家中環貼地野食 🥟當日咁岩係中環 於是就去試bookmark左好耐嘅三一餃子做下午茶～呢間餃子店又黃又好食 必定會再黎！.🔸蒜芯豬肉煎餃 x 鰹魚昆布湯米線 $62今次揀左A+B套餐 餃子+主食食餃子最怕啲皮超厚 成口都係麵粉味但呢間餃子皮薄 煎到脆卜卜餃子餡料適中 咬落去仲有少少湯汁 正呀😍蒜芯配上新鮮豬肉 食落好滋味👍🏻得六隻真係完全唔夠喉😂而米線方面就不過不失 同平時食嘅昆布湯差不多 比起餃子無咁surprise

星期日呢到附近好多餐廳都冇開 咁岩經過見到呢間餃子 就入去試試 加上佢又係黃店 唔講太多 食左個莞茜豬肉餃 簡單講個煎餃真係唔錯 會比8分 意料之外既好味 好耐冇係香港食到啲好食既餃

一入到見到佢既中英文menu的確抵讚，裝修簡約舒適👍🏻1️⃣黑白松露豬肉餃+ 豆漿蝦皮湯米線($62):餃子有得選煎/炸/湯，今次選咗煎。餃子加咗黑松露醬，食落都有黑松露醬味，味噌夠濃，豬肉都唔韌，咸味濃度岩岩好，可惜煎得比較燶。米線真心伏，完全淡而無味，莫講有豆漿蝦皮味。湯底有得選辣度，我係選咗最辣既，結果米線就得辣味。具體d形容，米線味道就好似平時自己湯米線，然後你咩鹽都唔加，只係加咗辣味既感覺。2️⃣炸粟米豬肉餃+ 鯉魚昆布湯米線 ($58):餃子雖然炸咗，但食落唔覺油膩，冇負擔感。餃子內陷鎖住肉汁，唔乾身👍🏻 味道普通，勝在感覺冇咩味噌。麵同上面一樣。總括來說，如果唔係抱住支持黃店既心態，真係唔會試。性價比不高，餃子普通冇咩特別，但同樣價錢我可以食更好。米線完全接受唔到，唔會再食，但欣賞佢裝修。

中環返工嘅朋友，如果有時想輕食啲，但又怕食沙律🥗凍冰冰，想食啲暖胃嘢，阿叔今次就分享呢間日式手工餃子專門店🥟畀大家參考吓！😙.呢間手工餃子專門店🥟位處於Top Shop 隔離條巷仔入邊，下晝會有午市套餐提供，基本套餐以餃子作主打，煎餃、湯餃，甚至炸餃都有，再配埋米線或烏冬，怕唔夠飽，亦可加錢加雞翼🐔、炸魚片頭、炸花枝丸等小食。😏.#蝦皮韮菜豬肉煎餃，好鍾意呢款冰花煎餃，金黃酥脆，好味道，配埋辣醬更添惹味😋，可惜一碟得6隻，稍嫌唔夠喉😅！ #鰹魚昆布湯米線，米線正常無乜特別，不過出奇地湯底非常香濃，有驚喜👍🏼！一個套餐$58，喺中環食，價錢差唔多啦，呢個份量對一眾中環OL👩🏻嚟講，應該剛剛好，對阿叔嚟講就.........陣間整多杯咖啡☕️先！🤪🤪🤪

店舖收夜晚9:00 以為大約8:00pm去到就唔使等位啦 點知仲見到有人喺店外排隊等位 同店員登記後就會比張紙我點餐 「三一組合套餐」應該係最多人叫嘅 每份套餐有唔同組合俾你揀⠀⠀我嘅「三一組合套餐」就揀咗：粟米豬肉餃 (6隻) + 鏗魚昆布湯烏冬 + 豆漿 (HKD74) 煎過嘅餃子(煎餃子要加$4)零舍香口 尤其係煎餃子之間相連嘅薄薄網紋 真係要趁熱食先夠酥脆 餃子內餡真材實料 絕無唔會因為價錢平而減少材料 反而鏗魚昆布湯就OK啦 可能我個湯要咗小辣 因而蓋咗堅魚湯味⠀⠀等候上菜時間比較耐 不過都預咗啦 落單時候店員都一早講明係要等耐啲想食嘅就唯有預多啲時間等啦😅

噚晚同5位朋友去中環，大概8pm搵餐廳食晚飯，喺openrice搵到呢間「三一餃子」喺附近。經過燈光好暗嘅利源西街，搵到呢間餐廳，坐滿人，好彩店員話有張六人枱正埋單，好快我哋就被安排入座。我哋太肚餓，除咗每人叫咗一款煎餃子+米線/烏冬外，仲叫咗好多小食。我覺得關東煮、醉炸雞翼、花枝丸、炸米卷都好好食，關東煮嘅白蘿蔔好入味好甜，醉炸雞翼都有一點酒香，好脆，好正。六款煎餃子之中，我覺得黑松露餃、粟米豬肉餃、大阪餃子燒、冰花抄手都好出色。粟米餃嘅粟米好甜，冰花抄手有點生蒜加辣油，惹味。大家好耐無出街食飯，食得好開心，叫到成枱食物，最後埋單只係每人$90，好抵食。食物質素好好，鰹魚湯米線都好好味下次再去中環，必定會再嚟。Ps 見到餐廳門外，有連儂牆「時代流轉這刻在這地 若果選中我 如何殘缺結果尚未到期 說不出放棄」

藤原君每逢週末都會嚟港島試下好西。之前嚟呢間餃子店就剛好休息😭，今次終於試到！我建議大家可以order套餐(餃子🥟+麵+飲品），會抵D！呢度餃子🥟全部都係非常有特色！我試左「冰花抄手」，姐係紅油抄手（煎餃版）。餃子皮薄餡舒中，入面有豬肉同豆角碎，食落都有D口感！上面放左蒜粒、蔥花同辣油，非常似紅油抄手😂！辣油帶點麻，加埋蒜香，真食到停唔到口！店舖用左日本煎餃既煮法，加左豆粉水上蒸下煎，所以個面又薄又脆。我平時唔太食得辣，但我都OK！當然食開🌶既朋友可以再加辣油！食果陣大家仲可以落醋，會更加惹味😋！ 麵食就主要有鰹魚昆布湯/豆漿蝦皮湯配米線/烏冬。鰹魚昆布湯飲落幾溫和，唔錯！雖然價錢係比一般煎餃貴，但勝在有特色又好味😋，高質小店點都要去試下！

之前黎過，覺得好唔錯，所以介紹左朋友過黎一齊食喺中環都有平靚正嘅餃子舖我最鍾意佢地嘅湯餃，因為本身就唔太好煎炸野，而食湯餃可以原汁原味咁食到啲餃子皮🤪呢度啲餃偏細隻，唔會太多肉好油膩，可以一口食哂，好正🤣啲餃子皮夠薄同淋，涵雖唔多但好足料，例如韭菜餃，肉同菜嘅比例啱啱好，亦都實淨，所以好好食餃子都可以配返麵線食，正～我地叫左米線同烏冬，有湯底揀～米線我地叫左豆漿蝦皮湯底，好夾🤣烏冬就叫左鰹魚昆布湯，夠真同入味，烏冬彈牙都得黎唔會太硬～同行朋友都鍾意食炸野，所以叫左幾兜黎食🤪左邊炸韮菜餃都係一口大細左右，足料，好食！右邊網絲春卷好香脆，都推介～炸韮菜餃入面好多韮菜，好新鮮😄其他炸物仲有炸魚片頭，炸花枝丸同炸雞，鍾意食炸野嘅朋友都可以叫～小編另外好鍾意呢度嘅關東煮，啲餸菜好入味，尤其係蘿蔔，極推介 個湯都好濃味，好食

中環難得找到一間良心小食店，當然要大大力支持！不過今日大排長龍，唯有買外賣慢慢食。餃子款式都唔少,本身有九款餃子而家少咗三款，不過依家每一款都非常特別，尤其是係大阪餃子燒。今日我哋叫咗一份，餃子上面有好香嘅木魚同埋日式燒汁。第2份就叫咗一份蒜香豬肉餃，餃子皮脆內軟！呢一款都非常好味。跟住再叫多咗一款小食就係餃子雞翼，呢一款小食雖然普通但係整得好食都唔係咁容易。主食就揀咗鰹魚昆布米線，湯底好味!清清地嘅米線配上面嘅餃子同埋餃子雞翼,配搭得唔錯