信得過 (Closed)

根據不同的節氣、體質、身體狀況，中國人設計出相應的湯水，固本培元；即使沒有科學根據，又或是心理作用，有時候不得不信湯水的威力。媽媽的湯水固然是最好，但畢竟有些湯水，這一家之煮都弄不到，例如豬肚湯、豬肺湯、燉品等，媽媽說「那麼多工序，又嘥火！」，所以在外邊點湯品仍是有價值的。Economies of scale，就是正正counter 了媽媽的煩惱。約了友人到灣仔午膳，我提議吃清淡的粉麵，找了一輪後，決定來試信得過。跟這友人相識至相熟，是源於搜羅美食，幾年前已開始蒲 openrice，已是卓越食家。她說信得過信得過，應該信得過。 在杜老誌道下車，走一分鐘就到了。附近沒什麼食肆，而信得過的紅色招牌很搶眼，不難找。平日的12.50pm，門外沒有人在等，不過有人駐足看menu。門外大大隻「保證回味無窮」，「火朣老雞濃湯」…我有興趣的是後者，因為有隻字我唔識 - 膧。原來火朣是我們常說的金華火腿，火朣是火腿最好的部份，用來煲湯會很鮮甜和帶出肉香。茶餐廳的格局，靠牆有卡位座，而出名的是各款和豬有關和菜式和湯水，有趣有趣。座位尚算闊落，環境亦沒有茶餐廳般喧鬧。Menu 不難明白，主要是sell 湯

去開灣仔做野，順便黎呢度搵食，一搵就搵到呢度有間賣湯嘅鋪頭，一入門口，侍應已經好熱情咁招呼你坐低，介紹午餐，再幫你點餐。等野食過程中見到佢地好有禮貌咁周圍打點，又同客打招待。我叫左杏汁豬肺湯$40 +$6 (米線), 個湯食得出冇味噌，大約有5~6舊豬肺，可惜的是啲湯點都會有啲油。米線味道正常。lunch set $78有豬肺湯，飯同一舊勁大嘅蒸鯇魚，好抵，可惜我唔太餓，食唔落咁大舊魚啦

同事話請我食飯,我就簡左一間想試左幾年既餐廳,叫做信得過.賣點只有一個,就係主力食豬內臟!既然我想去好耐點解我又唔去?因為唔近地鐵站囉.呢度既湯頭寫住用火朣老雞濃湯底,我就是但叫個$58既豬什米線.一試湯頭,真材實料,就係濃濃雞湯,十分鮮甜!豬什煮得唔過火,該爽既就爽,該軟既就軟.再叫個$75 黃沙豬潤,煮得真係十分粉嫩無渣,潤味無極限,完全係同深水埗豬潤麵個o的豬潤唔同級數(雖然價錢反映左).完成左多年來既心願,有機會再來過.(不過場內不少烏蠅飛來飛去,環境衛生既分數大幅下調)

首先係個黃沙乳豬膶正！🐷豬膶好嫩滑！因為我本身好怕d over cook嘅豬膶。個花膠湯最啱d少湯水嘅女人仔😁，雖然唔係用頂級花膠，但都好過成日飲凍檸茶吖！佢地d 湯類，仲可以配新竹米粉or 米線，出前一丁！我自已一個去食，叫個豬膶米粉，個湯底係老火雞湯，寫明唔落味精，埋單＄50有找！超抵！👍

鐘意飲白肺湯的我，成日想再飲..有日男人講灣仔有間飲白肺湯吾錯，仲要係豬的專門店。當然即日去飲湯！～大約9點半到，得我地一桌人係度。待應招待得好好，有茶又傾計想食咩飲咩...當然鐘意飲白肺湯的我，不二之選就白肺湯，但原來加＄6仲有粉（堅抵喎）而男人話太耐冇食豬腰想食下好吾好味，再加左個辣的雙拼小食如下：杏汁白肺湯加米線（$46） ：湯水真係冇味精，杏汁吾太覺有，但白肺味勁出。白肺咬落去軟又滑，好好味。而米線吾太淋，適中，湯底都係冇味精。都飲左一半而冇口乾。豬腰新竹米粉（$49） ：豬腰爽又脆，冇豬什味。米粉分量勁多。都有5舊豬腰，價錢合理。蝴蝶腩加豬膶加辣（$80）：豬膶厚又大塊，但最重要吾硬。蝴蝶腩有少少爽口，但加辣太多麻味，辣味比較少，但都好味道同份量適中。大約10點已經關廚房，準時10點半收工，所以時間要甲返先得絕對係想飲肺湯的好好選擇！～

經過此店好幾次，都看到門口招牌上的標誌 : 一瓶被打了一個大交叉的味精。不加味精，相信湯底一定用了很多豬骨煲成，很想試試，今回友人買了外賣，終於有機會了。先試其名物杏汁白肺湯。濃濃的豬骨湯透著淡淡的杏香，還是喝出湯的甜味來，喝後感覺舒服，來一客這個湯一定錯不了。此店另一招牌菜是黃沙豬膶。所謂黃沙，和一般的豬膶不同，較為軟身，也不鞋口，是沒有筋的，也不差。反而最有驚喜的是這道炒豬雜。豬粉腸，豬大腸，豬膶，豬肚，豬橫利等以咸菜炒之，鑊氣十足，炒功了得，全不油膩，咸度剛剛好，越食越滋味!外賣總計$228，至少是真材實料，沒有味精，物有所值的。I would like to recap in English: take-away$228, at least the food has mo mei ching, worth the price ge.

星期五又係公主出街食lunch扮富貴人家嘅日子喇今次同事推介信得過，話佢啲蝴蝶腩好正，咁就去食喇，點知真係，嘿！入到去已覺得賴賴地嘢，舖內吉位超過一大半！由於公主我唔係太肚餓，所以叫咗個鮮元貝雲吞湯無跟米線（加麵食要加＄5囉唔該）個雲吞無特別，皮係滑，但啲肉好梅完全無豬肉味，基本上唔洗咬就咁吞都得 鮮元貝真係好迷你，不過都叫有啲鮮味嘅～個湯都幾好幾有鮮味，飲得出真係無味精！郊外油菜好有住家feel，可能佢呢度無梘水麵賣，所以淥唔出翠緑亮身嘅油菜所以都係無特別，自己屋企都煮到～正宗口水雞，求其響啲雪到死實又無味嘅雞件上淋啲辣油同XO醬就叫口水雞呀？有無咁兒戲呀？公主我好少筆鋒咁辣，但呢碟嘢完全無口水雞應有嘅薑、蔥、蒜、醋、花椒、麻油等等，根本係百無！好心佢唔好寫咩正宗啦，呢碟真係失禮晒口水雞呀！好彩公主我無叫佢個蝴蝶腩，我係試咗同事啲一舊仔咋，啲肉完全硬到咬唔到，咬到牙都軟都係格硬吞咗佢咋如果公主我真係叫一碗食，食完包你胃痛！！間嘢由我地入去到走，都未爆過，吉位多得很，唔知係貴定同公主我一樣，覺得超難食p.s. 可能佢見午市都無咩人，員工走埋出廳面包雲吞（食得果啲）真係無咩衛生常識！

時日到灣仔，去openrice見到呢度咁多好評，就黎試下.叫左： 4碗豬肺湯，鹹菜炒豬雜，黃沙豬潤，湯米線.先講湯品.湯有少少淡口，唔夠香. 岩D淡口味人仕.如愛豬肺湯人仕，順德聯誼會係首選. 鹹菜炒豬雜食就好食，如果鹹菜多D就更好.米線冇咩特別，可能我食開深水步米線名店啦，黃沙潤真係好食，呢度係我食過，最有水準既豬潤！Overall呢間野不過不失，不過價錢都唔平，4個人，叫野唔多，食左500多.如果平D既，都會再去.

惠顧過靠得住數次, 信得過卻屬首次, 來到才發覺無論環境和食物也完全不同。給彈牙豬脆脆的名字吸引到, 店員說是豬的上顎和喉嚨位置, 以質感來說真的爽脆, 跟吃豬軟骨的感覺相若, 卻多了一份彈牙感, 不過, 味道卻很淡, 感覺像在吃湯渣。湯底是特濃雞湯, 單點價為 $19, 可是卻跟「濃」字掛不到勾, 味道清淡。喝後沒有口渴的感覺, 足以証明是店方所標榜的「無味精」。不過, 於餐牌內說明「不設茶水」, 是首次於香港食店內看見的, 有點不近人情, 而事實這裡的服務亦認真一般, 店內衛生環境更甚, 有不少小蚊蟲飛來飛去。下次, 還是到靠得住好了。

經團購買左碗杏汁豬肺湯, 盛惠HK$38!前幾日路過換咗碗返公司嘆, 路程10分鐘, 返到去打開蓋都仲好熱! 順帶一提個外賣蓋有d難開, 好容易濺出d湯!所以要小心!每碗有3舊大豬肺, 超林好好食! 個湯夠濃但唔咸, 啱啱好 飲完真係唔會頸渴!值得推介

那時的天 還是陰雨連綿或許一到換季 水土不服的反應就會很大江南 也是時有小雨紛紛不過香港的感覺 是濕潤到家裡好像可以種蘑菇....來一碗豬肺湯潤一潤吧杏汁豬肺湯 很喜愛陸羽的出品 杏汁香濃 會讓人覺得喝下去就可以吼兩嗓子而這裡的特色 更多在於豬肺湯汁是很清的 杏味會淡很多 不過淺一些 吃不慣杏味的也不用擔心喜歡的是豬肺 軟熟到滑溜的質感 對於婆婆牙來說  軟的東西合我心意 但又不可以軟的沒質感 軟在外 又有彈度才不會令人覺得“沒特色” 

看過不少介紹「信得過」的電視及雜誌，久聞其杏汁白肺湯與黃沙豬膶十分出色，今天帶父母來光顧。內部格局與茶餐廳相約，設有卡座，枱之間距離不太多。當天見有一車車的內地旅客到達此店，以為自己返左大陸；爭食爭位的情況不絕，非常嘈雜。侍應都忙到招呼不來，環境氣氛令我們都食得不太舒暢。貴為豬的專門店，這裡豬的選擇真不少，有豬膶、豬心、豬腰、蝴蝶腩、粉腸、大腸、豬橫脷．．．．等。貪心的我除每人一碗豬內臟湯炒外,當然點豬雜併盤，可以一次過試多款豬內臟。杏汁白肺湯　$38這裡的杏汁白肺湯，沒有想像中的雪白，帶點灰灰的，好滑好甜，不過就好似杏香不太濃郁。內有五塊豬肺，豬肺洗得非常乾淨一點異味也沒有，豬肺腍腍的爽滑有彈性，鮮味十足，總體不失為一道滋味的靚湯。咁多功夫的靚湯，$38碗都可以。豬雜併盤　$108有豬膶、豬心、豬腰、蝴蝶腩、粉腸、大腸、豬橫脷、等，旁邊再加點白菜仔。這裡的內臟全用本地八個月大乳豬，沒豬臊，又沒哮喘藥，清理乾淨食得安心!白灼火侯恰當，可是連豉油都沒有，味道好清淡，想要豉油但見Menu要$8醬油錢．．．駛唔駛賺到盡？？？這裡標榜不用味精，湯底用老鷄、豬筒骨、金華火腿熬四五小時。＋$５配粉

此乃在下嘅第一篇食評... 請多多指教~ 聽聞信得過ge杏汁豬肺湯可媲美中環陸羽茶室's，今晚偕老豆+細佬去灣仔試下晚巿時段，一入去就有位，先叫左2客豬澗米線同1個生腸米線伙記態度好+爽手，3分鐘已經有得食！豬膶起沙，正~ 個湯底就平平淡淡...蝴蝶腩！夠腍夠瘦，同個甜鼔油好夾，yet會痴牙我最鐘意水晶豬腳~ 以為係冷盤，原來係一腕熱騰騰嘅豬腳+雞脾菇其貌不揚嘅豬手又香又惹味~ 啱曬寒底嘅我haha 可以用胡椒汁配黃沙膶，一絕也！不過有好多碎骨，小心小心老豆唔夠喉，又叫多個白汋豬膶...比跟米線上嘅豬膶更滑+爽，膽固醇的極致...!!!最後，濃凋到仿如西式濃湯嘅杏汁豬肺湯... 好香杏仁味，早知叫le個湯伴米粉3個人，竟然每人食左百幾蚊 XD其實要一個湯+米粉+share一碟白汋已經夠飽... 今次係叫多左~記住米線無米粉咁掛湯，下次來一客個杏汁豬肺湯米

湯底無味精，是很甜的肉湯，該下了少少火腿去煲，所以帶點鹹鮮，而由於加了新竹米粉，不一回便吸乾了湯（建議改稻庭烏冬效果更佳），老闆加茶時見況，也主動地添湯，近年已很少見到這種老實的生意人了。

身份有點不舒服，不開胃。男友好心帶我去這間店，說是吃粥。原來他看的那篇食評搞錯了，這兒並沒有粥。因為咳了很久，很傷肺，所以打算喝杏汁白肺湯($38)，順順氣。這裡聲稱店內的食品都不用味精，這個湯入口清甜順滑，杏汁味很香。是日最大敗筆，就是叫了白灼黃沙乳豬膶($68)。它明明是白灼，但還未沾豉油，都已經咸到暈。嘗試把它浸在豬肺湯袪咸味，仍然是咸得無法嚥下。我問店員，這個白灼豬膶是這麼咸的嗎？他們竟然答我說是...