十二味 (香港仔中心4期)

Open Now

Now Closed

大家好又係我銅鑼灣食神，微服出巡嘅時間今日去到香港仔，呢間十二味。睇開我食評嘅都知道我要講泊車先，南寧街泊街，好方便如果門口有位就Very Good喇。擔心的話泊停車場都可以。每日例抄一兩次姐，撞到都係自己唔好彩。擔心就P停車場。睇開嗰個食評都知道，我唔會講好多食物嘅，但係酸菜魚真係好好食，邊個睇完我食評去食話唔好食，打俾我出嚟一齊評論下！嘢飲都唔錯，飲品超大杯好好飲，解難一流，但如果多啲花款，好似涼茶咁「凍飲」。咁就完美！真係唔錯值得一試。都算係呢個月比較精彩的「魚肉」！服務都好！值得讚賞！食得過！食辣然後飲杯凍飲解辣，感覺個人「過引」！

香港仔越黎越多新餐廳，岩見到係香港仔中心開左一間新的餐廳，十二味。雖係平日，但都唔少人排隊，香港人真好鐘意排隊，排左一陣就有得食。餐廳簡約的裝潢，雖地方不大，但整體都坐得舒服。人見人愛酸菜魚: 黎得食新派川菜，點能夠唔叫酸菜魚食。一大碗酸菜魚，份量十足。酸菜魚湯頭味道好平衡，酸度同鹹味都恰到好處，然後食到魚嘅鮮甜，魚肉份量都好足，加上起骨的功夫做得唔錯，食落啖啖肉，而且花椒、八角、萵筍等配料十足，調味亦都做得不錯。2-3人食都肯定足夠。熱情果蘇打:  食麻辣野一定要叫杯喝點酸甜解渴野飲，味道唔錯呀，大大杯，28蚊炸，抵到呢！！涼拌土豆絲: 土豆絲口感清脆，搭配涼拌汁非常爽口，開胃小菜，如份量可以多一些則更好。

服務一般水準嘅差明顯成班嬸嬸同𡃁仔完全唔熟手啲客零星嚟都處理唔到㩒飛又無得自己㩒客都唔知要㩒仲有個阿嬋勁串佢問我分枱我話等四人枱佢冷冷話「咁你等吓添啦」嘢食就正常同十三少差唔多但食個中式午飯搞乜嘢ufo碟以為謝霆鋒喺廚房而且我個fd 唔太食得辣入到嚟又原來無宮保雞丁總之成個感覺好差吖諗起一開頭有個傻佬一個人扮兩個人死都唔俾人搭四人枱我一邊行詛咒儀式 另一邊廂我又發覺有個印度人嚟食佢好得意 一個人飲兩包檸檬茶以上嗰段我係撐字數 你地唔需要知嘅資訊總之好彩無加一，鍾意食嬷辣就去食啦

今日lunch去咗香港仔食十二味香港仔中心新開嘅十二味，好多人食午市套餐餐廳以中式古典風裝修為主，雖然座位唔算太闊落，但都坐得幾舒服😌十二味主要都係食四川菜，大部份食物都係辣為主🌶但我唔係好食得辣，呢度好貼心，有得唔辣啊！午市套餐配白飯同飲品牛肉麻辣香鍋 $71牛肉麻辣香鍋除咗有牛肉之外，仲有薯仔片、蓮藕、木耳、芽菜絲等等各款配菜同牛肉拌勻，孜然味非常濃郁，好惹味啊牛肉肉質淋身，唔鞋口，送白飯就一流啦酸菜魚 $78走辣後，酸菜魚嘅湯底，酸味更加突出！魚塊大大塊，口感滑身而且冇骨，值得一讚仲有大量酸菜，份量十足！除咗送檸檬茶之外，仲有可樂、王老吉等等特色飲品有椰青水、荔枝玉露選擇最啱晒解辣啊🌶🌶🌶十二味香港仔南寧街11號香港仔中心四期地下7號舖

香港仔新開左間川菜，門面設計得幾特別，新開張晚上人流都唔少，亦有唔少人係門口等外賣，都幾熱鬧。人見人愛酸菜魚可以揀辣同唔辣，亦有不同辣度選擇。今次試左唔辣，湯底酸酸地相當開胃，更能突顯魚既鮮味。魚肉肉質嫩滑，亦無乜魚骨，份量都唔少，食極都仲有。乾煸肥腸帶麻辣濃香既炸豬腸，豬腸清得好乾淨，咬落外面香脆，入面煙韌。全碟充滿辣椒花椒等配料，食完有股麻辣既後勁，辣得幾過癮，係正宗既辣味。川香回鍋肉肉片肥疫瘦部分各佔一半，色澤鮮亮，送飯真係一流。

🌶十二味 - 香港仔店🌶今日落雨突然間又有d 凍左得19度，就睇中左呢間辣野，我本身唔係好食得辣嘅。但見到辣野都想食又凍凍地就入左去啦。。。人，有時就係甘犯賤。有時經過見到好多人等位嘅如果大家係星期五黎，就要預鬆d 時間，早上少少到今日就唔算多人，可能因為落雨啦🌨❄️🌨❄️🌨❄️🌨❄️🌨❄️呢度真係有d 驚喜，因為好低食我地三個人都唔使$200就可以落樓所以真係好抵食我地好似叫送食飯甘啦一人叫一個餐個餐有包一個飯同埋一盒維他檸檬茶(飯可以選擇多飯)❄️🌨❄️🌨❄️🌨❄️🌨❄️🌨🌶川式口水雞 🌶口水雞好正， 呢個係嫩雞 唔鞋同埋呢次好好彩 有雞腗 同 雞胸呢個口水雞好正川式口水雞下面配有青瓜，對於我黎講好正， 因為我超中意食青瓜 同埋 係2種口感 🌨❄️🌨❄️🌨❄️🌨❄️🌨🌶乾煸四季豆🌶唔知宜家係咪四季豆逢時呢？今次D 四季豆好甜 好嫰唔錯唔錯🌨❄️🌨❄️🌨❄️🌨❄️🌨❄️🌨🌶 武隆尖椒雞🌶因為我唔係好食辣嘅緣故啦 我叫左小辣上菜嘅時候俾我嘅感覺好似好辣但原來唔係好辣 辣度係可接受 最好ge係 食呢d 唔使戀骨 哈哈~~同埋係 入面有蓮藕粒 好爽口 好夾，有機會大家都要試下。今次 我見到隔離台碟**腸都好吸引，我下次都要同老

我對十二味呢一個品牌一直追隨，鍾意佢哋嘅香辣做得相當到位，食過佢好幾間分店，都未試過佢香港仔嘅呢一間，趁啱啱搬咗過嚟西營盤，近近地就過嚟試下。武隆川椒雞，川椒雞雞肉嫩滑，特別鍾意佢除咗青椒同青胡椒粒之外仲有蓮藕粒同炒，一口嫩滑，一口爽脆，相當過癮；青胡椒粒我都係第一次試，個味道非常特別，胡椒味無咁強但係帶有少少甜味同埋一種獨有嘅香味，感覺清新。經典香辣鍋中辣加麻，材料揀咗美國肥牛、台灣魚腐、午餐肉、花菜同寬粉，以青椒、乾辣椒、花椒、蒜頭、芫茜、芝麻、蔥頭同脆豆同炒，味道辣中帶麻，麻中帶香，經典嘅十二味香辣鍋味道令人欲罷不能：美國肥牛滑不漏口，寬粉索盡香鍋嘅精華，非常好食。

要吃正宗川菜的話，十二味從不令我失望。分店愈開愈多，幾乎每一區也有它的蹤影。每間分店的裝修也充滿中國傳統的特色，午市套餐的價錢很划算，找一次也要來試試。店內收銀處也有自家製的辣椒油和湯包賣。熱情果梳打好少餐廳的飲品能夠那麼大杯，充滿碳酸氣泡的梳打水好清新，加上酸酸甜甜的熱情果好有陽日氣息，還有半片青檸，入口好解辣清爽。人見人愛酸菜魚專程為了吃它而來，湯底好鮮甜好濃味，經由豬骨、鰂魚和鱸魚骨長時間熬成，數十片肉厚嫩滑的鱸魚幾乎不帶魚刺，每一片也是啖啖肉；川菜必備的指天椒、花椒等麻辣得很過癮，建議中辣或以上，雖然可以選擇不辣，但不太好辣的話，也要建議小辣，辣得十分正宗；而且用上三種酸菜酸得好有層次。米飯除了晶瑩剔透的寬粉外，總要有些米飯餸一下酸酸辣辣的酸菜魚才過癮，胃口大開，米飯也吃多幾碗。

對於鍾意食辣嘅朋友嚟講， 十二味系列真係會令人食過返尋味。 見到分店越開越多， 就知道大家對辣嘅愛好程度有幾熱烈。入開香港仔探朋友，見到香港仔中心竟然開咗一間新嘅分店， 已經急不及待係晚市開餐。餐廳座無虛席， 好不熱鬧。十二味最招牌嘅菜式莫過於《香鍋系列》。 呢個經典香辣鍋，集齊麻、辣、香於一身。 除咗有各款香料之外， 仲加入咗蒜頭同唔同嘅辣椒乾爆炒， 非常之香口惹味。我最鍾意就係加入咗脆卜卜嘅炸黃豆， 食落香脆。另外亦都可以隨住個人的喜好選擇各款配料。 今次就選擇咗 邪惡得嚟， 同辣味相當之夾嘅午餐肉。 甜甜地， 可以中和一下辣味嘅台灣魚腐。肥美嘅， 同麻辣味相當匹配嘅美國肥牛。仲有口感q彈， 而且亦都非常入味嘅寬粉。除咗香鍋之外， 呢度嘅川色小炒亦都非常之出色。呢一度道武隆尖椒雞，香氣十足。 粒粒嘅尖椒加上青胡椒嘅香氣， 令人食慾大增。 尖椒嘅味道香但唔chok喉， 青胡椒 比起黑椒更惹味。雞粒非常之滑， 如果雞粒可以去骨嘅話，相信必定會更加好。整體嚟講， 呢一間十二味嘅水準非常之高。 獨一無二嘅辣味， 又唔會太死鹹， 食到川味嘅特色之外， 亦迎合返香港人嘅口味，讚。

本身住南區，呢間新開後其實食過3次味道係ok的，但服務每次去都覺得愈來愈差忍唔住評價下地方唔大啲桌都迫得幾埋。水，牙籤，口罩套唔叫唔會有人俾你，就算叫人服務你都記得要一次過叫呀，唔係個呀姐會話你：「一次過講呀麻！」食食下塊隔板跌左落地係唔會有人幫你架，就算我地係5:30pm去，基本上完全唔係繁忙時間，啲呀姐會望住你自己執返塊板同佢痴返好。另外衛生問題，有個男人用塊好污糟嘅布係咁抺啲枱，抹完又用隻手去拎啲乾淨碗碟，其實啲呀姐都有抺。應該分開一個人抺桌，一個人放碗碟會衛生啲。老實講啲野食唔算平，仲要收加一但俾啲咁嘅服務，食物好食都補救唔到，何況又唔係真係好食到要受啲咁嘅氣，澳牛都無你咁大牌。奉勸大家如果唔想俾錢收氣就叫外賣啦。

人嘅味覺有5種，甜、酸、苦、辣、鮮。咁十二味又指咩呢？係額外香料嘅味道！今日去左香港仔嘅十二味一嚐十二味帶黎嘅刺激！ 👉🏻麻辣牛肉香鍋 (午市 – 套餐) 一聽到麻辣香鍋，好多人都會好怕，怕太油又怕太辣，十二味呢度可以按自己嘅程度選擇揀辣度同麻度，真係份外貼心！ 呢碟麻辣香鍋都幾足料！有牛肉、薯仔片、蓮藕片、雲耳、芽菜，最令人驚喜既係有炸黃豆！薯仔片同蓮藕片厚薄適中，唔會因為太薄斷開或淋晒，太厚而過硬，而家吸哂成個香鍋嘅味道，用黎撈飯食真係一流！牛肉又夠大塊，而且份量唔少，真係令人好滿足！最驚喜嘅炸黃豆追一步提升成個香鍋嘅口感，每粒都卜卜脆，而且好香，連埋其他料食真係不得了！ 👉🏻酸菜魚 (午市 – 套餐) 一道出色嘅酸菜魚，最重要嘅係酸得黎唔會令人口乾或者酸到蓋過哂所有食材嘅味道！十二味嘅酸菜魚就做得到呢一點，一啖湯入口先黎就酸味，約1-2秒後，微微嘅辣味同香料嘅香氣就係喉嚨回湧出黎，真係整得好好！魚肉份量都唔少，又夠滑身同無骨，仲有萵苣片，強烈建議唔係太食得辣嘅人食！ 如果著重健康嘅，仲可以揀少油！不過本身個湯都真係唔算好油，最後飲左成半碟湯！好味！ 👉🏻熱情果梳打 (跟餐+$8)

今日想食下濃味野，去左十二味叫左個經典香辣鍋小辣，仲叫左5個配菜🤗有午餐肉、鹵水肥腸、牛舌手、五花腩&萵筍，超豐富🤟🏻🤟🏻份量都唔少，同埋都幾有鑊氣，一打開勁香噴噴，味道食落都幾有四川麻辣Feel😋😋另外再叫多個人見人愛酸菜魚，魚肉很滑，沒有骨頭，入面有勁多酸菜同乾秀珍菇，超級好味道，今次我仲叫左中辣試一試，估唔到都幾辣下🤪不過份量真係幾多，有成兩大碗咁多！如果下次我仲想試下水煮牛肉，因為果日都見到好多人叫黎食😎

住香港仔的街坊都知道香港仔人最愛嚐新。凡是新開餐廳必定大排長龍。幸好今天一個人食飯才容易有位，但都等了10分鐘。餐廳都幾開揚，我叫了個午市套餐和甜品。午市套餐由$78-$55，有免費跟餐飲品維他檸檬茶。午市套餐差不多涵蓋了整間餐廳的招牌菜和各式小菜。例如她的招牌香鍋、酸菜魚、口水雞等都有得揀。我選了酸菜魚（$78）跟白飯。以一人餐來說份量足夠，魚肉厚而滑，完全無骨。配料就不算好多，除了酸菜就只有幾片菇。不過湯底清甜夠濃好送飯，不錯。甜品只有紅糖糍粑（$48）或幺妹兒冰粉（$26）二選一。糍粑我一定食唔晒，就叫了冰粉。冰粉即是白色涼粉，糖水中有桂花和提子乾，非常好味。

香港仔新開川菜餐廳，新開例必多人。今天避開高峰時間，和先生去食了個午餐。一個自選香鍋，有肉有菜有寬粉，加個白飯和甜品，夠兩個人食了。經典香辣鍋（$38）加自選配菜。配菜有不少選擇：22種葷菜，13種素菜。我們選了：嫩牛肉（$55）、五花腩（$48）、台灣魚腐（$48）、萵筍（$28）、油麥菜（$28）和寬粉（$28）香辣鍋上桌，熱嫩嫩好大鍋。自己用木鑊鏟拌勻，香味撲鼻，夠晒鑊氣。所選配菜基本上都好滿意，牛肉真的嫩滑，台灣魚腐甜甜地幾好味，寬粉口感非常好。蔬菜若能多返少少會更好，例如油麥菜炒完縮水，好似得一兩條，感覺不是太好。本身我們是要小辣的，雖然可從鍋中取出一整碗的辣椒乾，但食的時候又不覺得特別辣。香鍋本身有炸黃豆，食到最後，黃豆浸在醬汁中，原來更好味。我食寬粉先生食飯，這個招牌自選香鍋很不錯。餐牌上的幺妹兒冰粉（$26）個名好得意。就叫了一份。冰粉的外形和口感都和涼粉相似，只是透明色罷了。冰粉冰涼香甜，嫩滑爽口，糖水中有桂花和提子乾。食完香鍋再食冰粉，非常好味。食完差不多一點，等位等外賣的人已塞滿門口，我們也不敢再坐了。

十二味真係人頭湧湧, 座無虛席, 佢嘅上菜都幾快, 用咗自助點餐, 用手機點餐, 都幾方便晏晝套餐, 個選擇都幾多, 仲可以揀有辣有唔辣一個主菜, 一個白飯, 配一個飲品, 再加個涼菜, 個白飯都幾香, 飯味香濃, 我好耐冇食過田雞, 就點個田雞乾鍋,配菜埋蓮藕, 再加埋薯粉, 再加埋牙菜, 口感非常之複雜最緊要佢炒得呢非常之有鑊氣, 田雞個肉質非常鮮嫩多汁, 配搭住惹味嘅醬汁, YUMMY!蓮藕非常的爽脆再加埋牙菜薯粉入口即溶我感覺真係百感交集另外餐飲就一個酸梅湯, 非常之大杯, 份量好驚人, 酸酸味味, 十分滋味我見隔離枱酸菜魚個size都非常之大碟, 等我下次嚟食個酸菜魚先,