十二味 (LADDER Dundas) (Closed)

辣子雞無雞，D辣椒炸到燶哂，好似返炸重用辣椒，少少雞翼丁炸到好似雞肉乾乾煸肥腸，完全無特別，炸腸撈炸辣椒張枱細到只可以叫快歺，叫三碟餸根本手都冇地方擺用難食嚟形容

突然間好想去食下辣嘢，上網見到旺角樓上鋪有間食酸菜魚幾好食，所以就去試吓啦！➡️ 人見人愛酸菜魚+最佳拍檔寬粉 ($208+$22)一嚟到已經聞到好香嘅酸辣味，魚嘅份量都唔算少，食落個味道好香酸菜味，而且好香花椒味，麻麻辣辣好開胃！本身我哋怕太辣食唔到，但其實唔會好辣，反而佢酸酸地幾頂引。➡️ 蔥油拌麵 ($38)份量唔算大份，食落唔油膩，麵質又好煙靭，推介。➡️ 熱情果蘇打 ($28)好清涼好解渴😃十二味功夫地址📍: 旺角彌敦道575號LADDER Dundas 2樓.............................. 味道😋: ⭐️⭐️⭐️💫環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️

因為朋友既推薦 今日就去咗旺角既LADDERDundas 2樓食酸菜魚！ 上到去既時候 員工有做足防疫措施 幫顧客量度體溫 十分好 我地決定下午就去食 因為多數唔洗排隊 哈哈 而當日我地就點咗個$208既酸菜魚 之後再加咗$22的寬粉條 ，餸菜一上 大大盤的酸菜魚係我面前 好吸引 望落去啲料好足 一試既味道超入味 酸酸既味 再加上一啖寛粉條 一流超match 魚既口感又唔錯 令人可以食過返尋味， 最後覺得唔夠，再加多咗碗飯！ 掂阿！如果鍾意食/想食酸菜魚 呢到就係必去之地 今次剩係試咗食酸菜魚 下次一定要試埋其他野食

最近天氣開始轉熱，個人冇乜胃口，所以想去食下辣野，刺激一下味蕾。聽朋友講過十二味功夫嘅四川菜唔差，所以我同男朋友就決定去試下。我地今個月總共幫襯左兩次。第一次，我地叫左酸菜魚，辣子雞丁同埋紅糖糍粑。首先要讚下個酸菜魚，個魚嘅份量好多，唔會比唔足料，而酸菜都係好味嘅。至於個辣子雞丁，味道唔錯，好麻辣又好香花椒味，我都幾鐘意食e個，但我男朋友話冇肉食，佢麻麻地😂 佢話下次想試下佢地個口水雞多d。最後個紅糖糍粑，我男朋友本身好鐘意食，而佢就話好好味，好 Q彈，而我就一般般啦，我比較鐘意食日本果d麻薯多d..整體黎講我地第一次食得好開心同滿足。至於第二次，我地就叫左麻辣水煮魚，口水雞同拍青瓜。我地一至都認為水煮魚係 fail 嘅，今次魚嘅份量唔太多，同埋我地覺得唔太正宗，我地下次一定只會叫返個酸菜魚...至於個口水雞就好味，下次可以再叫，而個青瓜，調味都係 hea hea地，冇乜 heart，可以唔洗叫。

以前食過十二味既外賣已經覺得止到辣癮，今次見到訂位app有半價優惠，即刻訂左黎同friend食晚餐💨.兩個人點左一個酸菜魚同一個麻辣香鍋😋酸菜魚叫左小辣同加左寬粉，酸度啱啱好，份量都幾大，魚肉好滑，寬粉又好入味👍🏻麻辣香鍋最少要點5個配菜，我地點左午餐肉、雞軟骨、萵筍、花菜同土豆，同樣都係叫左小辣😍萵筍同花菜都好新鮮爽口，土豆片切得夠薄好入味，午餐肉同雞軟骨本身已經好惹味，加埋香鍋嘅香辣醬汁炒埋一齊就更加正😝買單用埋半價優惠，每人先一百幾蚊就响香食到滿意既川菜，又過足辣癮，CP值真係好高，抵呀~~~😎.🍽 十二味功夫 (旺角)📍 旺角彌敦道575號LADDER Dundas 2樓

今日同朋友喺油麻地附近見到一家叫川菜既十二味功夫。一行四人叫咗人見人愛酸菜魚，霸王辣子雞，土豆絲，紅糖糍粑同兩杯野飲。酸菜魚寫住食神推薦梗係要試吓啦，我哋仲加咗個寬份添！食酸菜魚試佢個湯就知好唔好味，夠麻香夠辣度夠酸，開胃惹味，完全係我style呀！再配埋寬粉，就好似食緊酸辣粉咁。魚質軟淋，唔會有腥味。酸菜魚唔單止份量大，而且仲有好多配料，例如萵筍同菇等等，幾個人share都冇問題。另一樣食物都好推介既就係霸王辣子雞，唔好睇佢好似好多辣椒好辣咁，其實會越食越嘢未，因為啲雞炸到好脆，而且好入味，加上腰果，配合嘢飲，簡直係送酒菜🥰🥰至於土豆絲同紅糖糍粑屬於普通，可以點亦可以不點。

4號放假經過旺角想食辣，被樓下派傳單的阿姐塞左張紙，查下OpenRice都幾多好評，就上來一試嘩！水煮魚上到來好大碗，如果以$68的話size好有驚喜，夾起一片魚片好滑嫩又冇骨，味道夠辣又夠麻非常正宗因為以$68來講份量實在好足，我無聊之下夾起來數了一下，至少有8-9片。再往下夾又夾到很多芽菜和薯粉好足料，薯粉索曬汁好入味，午市套餐還包一杯菊花茶可以解辣，前菜蒜泥木耳也很好吃，因為實在太足料 搞到我飯和薯粉都食唔曬😅😅食完意猶未盡，加多個紅糖糍粑 紅糖糍粑稍嫌炸的唔夠燶，如果再多D黃金會更加好，表面鋪的是微甜的黃豆粉，如果喜歡甜可以㸃多些紅糖汁，這餐真是大滿足！我以后一定要來食多幾餐！💪💪💪食過一次 念念不忘，忍唔住9號中午又走去，呢次食酸菜魚 我食過廣州的太二酸菜魚，我真的想講呢間$68都毫不遜色👍👍👍他家菜的份量真係幾大，吃完魚 酸菜還剩幾多下，忍不住打包晚上煮麵食

勁好食，又勁抵食。行過諗緊唔知食咩好，喺街度見到個阿姐拎住個牌，見到有特價午餐又係食川菜，所以上咗去2樓度食。點知一試好有驚喜， $68就有一個勁大碗嘅水煮魚，魚都有好多塊同埋冇骨，而且仲有好多芽菜，同埋仲有酸辣粉，味道超正唔止夠辣又夠麻，估唔到平平哋$68都咁足料，而且仲有一杯菊花茶送，同埋黑木耳嘅前菜非常滿足。雖然係集團式，但味道非常地道，值得一試，同埋見到隔離枱嘅麻辣香鍋好似都好正，希望下次你可以試吓啦。

香港人 一年前 好喜歡返大陸 食酸菜魚 依家因為疫情 無人敢再返了 唔緊要 十二味功夫 幫到我地解決問題 酸菜魚 好滑 唔洗咬都吞到 岩哂怕魚骨既人 而且 酸度加埋少辣 完全唔會覺得魚腥 配埋白飯 可以食2碗 😍😍😍😍

我們一行4人，因有家人生日，而他未食過川菜，而我食以前食過這間都唔錯，所以我們再食。分別叫了：人見人愛酸菜魚-這個係必食，魚夠滑，唔食得辣的朋友辣味可以叫小辣，如果人多嘅話可以加埋寬粉，寬粉口感夠彈牙😋; 另一個必食嘅係秘製咕嚕肉- 如果唔喜歡食肥肉的話就必定要試這款，因這款肥瘦適中😋；清炒蒿筍絲- 這款不是一般餐廳可以食到，同埋因食完d濃味的酸菜魚，要食呢一款去中和辣味，不錯👍🏻；川式口水雞-這款雖然不是啖啖肉但勝在夠野味，不算太辣👍🏻；鮮菌爆牛肉-這款几夠獲氣，牛肉不會太老、不會靭😋最後叫了黯然銷魂炒飯，這款本來諗住係港式茶餐廳那款（即义燒+蛋炒飯）點知一上菜時發現唔同，這款味道偏咸、配料比較少，只有少量蝦粒、雪菜和一些蔬菜粒（但飯炒得還可以，因夠乾身）。整體而言：除了炒飯外，其他都好味，值得一試

近油麻地原來有間樓上四川菜，鋪頭細細，裝修簡單，用一張大膠牌落單，非常環保～人見人愛酸菜魚基本上枱枱都叫，好大碟！我地擇左唔辣，加寬粉，有大量咸酸菜，酸味好夠，魚肉滑溜溜又無骨，啖啖肉！熗炒土豆絲廚師刀功很好，條條一樣粗幼，一點都唔油膩，口感爽脆！水煮牛肉 朋友獨享的水煮牛肉鋪滿辣椒紅噹噹！佩服佩服！魚香茄子味道濃郁，帶微辣有點油膩，如果有白飯真係撈飯一流！熱情果梳打好好好好大杯!!! 唔知係未專登整咁大杯俾人解辣呢？我同朋友都各自飲剩一半，所以兩個女仔的話可以叫一杯share ！

終於嚟到一直我一直好想食嘅十二味一直好掛住酸菜魚已經好耐冇食過酸菜魚香港好少酸菜魚食就算有都冇乜地方係好食而呢間真係好食佢仲有干鍋干鍋都係好吸引我嘅野口水雞就好普通蔥油麵我覺得唔錯大家可以試吓！下次好想試吓佢令一間分店下次一定要食到佢嘅甜品

之前去過尖沙咀分店，今次就黎試下旺角分店。餐廳裝修簡潔，成間餐廳得2個侍應，職員服務態度冷淡。❤️人見人愛酸菜魚 (辣) $208 +寛粉 $22味道好豐富，吾係淨係得酸同辣，魚都幾滑，寛粉有咬口。❤️川式口水雞$68辣味吾會掩蓋雞味，肉質好滑好入味。❤️清炒萵筍絲 $68愈簡單既餸菜愈考功夫，軟硬適中，但味道略厭單調。❤️蔥油拌麵 $38麵質較淋，蔥油幾香。❤️紅糖糍粑 $48依個甜品食幾多次都吾會厭🥰，一碟8塊，外脆內軟。❤️哈密牛奶 $28哈密瓜味吾係好假果啲，解辣一流，值得一試。

<十二味個 lunch其實都抵食>十二味係 hk開左好幾年既辣野 有川菜 麻辣乾鍋既風味野食 呢間 mk分店 地方都幾闊落 食物都幾有鑊氣👍🏻 lunch set價錢都幾抵食大碟 👍🏻 包飯 木耳小食同一般菊花蜜🍴大盆花菜 辣 46 蚊🔥🌿真係幾大盤 花菜好新鮮爽口 炒得剛好 出面有鑊氣入面帶 d juicy 🥦 大葱 洋葱 乾辣椒一齊炒夠哂惹味🌶 最正係有 d咸肉一齊 煙靭香咸 d味浸哂落菜度 好香👍🏻🍴麻辣香鍋58 蚊 田雞 加10 蚊 (lunch ) 🔥麻辣香鍋本身 材料多 辣椒葱花 好軟林既薯仔片 爽口入味既蓮藕 木耳等等 加10 蚊既田雞都好新鮮 整得好彈牙 肉質軟林 盡吸香鍋既醬汁 要黎撈飯正#四川菜 #川菜 #麻辣 #麻辣乾鍋 #田雞 #大盆花菜 #薯仔 Score 平均分 <7.3/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#十二味功夫旺

係香港辣癮發作，又唔想北上，今次就比我係旺角《十二味功夫》搵到抵食嘅川菜止辣癮😛！/午餐價錢超抵食$68就食到酸菜魚、麻辣香鍋，套餐包埋前菜白飯連飲品😳，份量都幾大盤，肥仔我食得勁飽算物超所值！！！/🔸酸菜魚酸菜魚啖啖肉完全冇骨，肉質都幾滑，味道似深圳食開嘅六成似，覺得佢嘅魚湯味比較濃，個湯越飲越好飲😝，唔食得辣嘅朋友都可以食到，完全係BB辣～下次試埋水煮魚先🤭/🔸麻辣香鍋香鍋有得選擇+$10要田雞/雞翼/牛肉，份量好大盆，基本嘅配料有齊木耳、馬鈴薯片、蓮藕吸晒麻辣嘅精華煮得入曬味，配埋白飯食勁正好惹味🤤！