十二味 (LADDER Dundas) (Closed)

十二味是把內地的川式口味正宗地帶到來香港川式口水雞，辣得很有風味，賣相很高檔雞的份量很多，而且有醋木耳前菜，也送飲品-酸梅湯午市套餐豐富，是$60免加一旺角抵食之選環境舒服

有朋友生日話要黎食香鍋😋～又真係無介紹錯喎😎一黎到個環境己經覺得好特色～呢個我比滿分😍😎重點推介香鍋～鍋底有香辣同秘製醬香味～我揀左香辣鍋要小辣～怕唔夠麻味仲剔左加麻😋鍋底都係$38好抵食～配菜都好多選擇我地叫左七八個餸～香鍋一黎到己經聞到好勁香味😋食落又唔覺得辣喎～我地八個人黎食有六個都唔食得太辣～所以呢個鍋好岩我地食～麻味十足～食到個嘴都好麻😋～啲餸抄得好入味正呀～推介推介🙋🏻‍♀️大家黎到都一定要試😋雲耳～酸酸味道又唔錯～雲耳好爽口😋酸菜魚～睇網上評語話一定要黎食酸菜魚～酸菜魚都大碟～魚勁滑口～重點係魚係無咩骨🤩唔洗要拆骨咁麻煩😋毛血旺～唔好睇佢外表好似好辣甘～叫咗小辣唔係好辣咋～😍毛血旺煮得好有味道😋裡面仲有好多配菜架

好一陣子冇上大陸覓食啦，十分懷念酸菜魚嘅味道，所以朋友介紹我黎呢間出名食酸菜魚嘅地方-十二味功夫。一入到去一眼睇哂，雖然環境唔大，但差唔多坐滿哂人，而張張枱都有一大盤一大盤食物。原來除咗酸菜魚，仲有其他川菜好似口水雞，香辣鍋等等，佢地仲有幾款小菜揀。呢度叫餐都係喺一張大大嘅紙上圈好想食嘅野。我地當然一黎就叫咗酸菜魚先，仲加埋闊粉，另外再叫咗一碟紅糖糍粑。等咗大約10分鐘終於上菜啦。一大盤魚送上就即刻霸佔咗成張枱，酸菜魚香味四溢，我地草草影咗相就立即起動。魚片好滑又冇骨，配埋酸菜嘅爽口，真係十分美味。令我想起深圳嘅太二酸菜魚。個人覺得呢間比太二好食，因為呢間酸菜唔會太酸，味道剛好配合，或者我個人唔太喜歡太酸口味，所以比較喜歡呢間。而佢嘅闊粉軟硬適中，十分好𡁻兩個人食完呢盤野已經十分飽，仲忘記咗影紅糖糍粑嘅相。但值得一提嘅係，紅糖糍粑係十級，十級好食呀！！！！！喜歡甜點嘅朋友必定要一試，真係好軟糯得黎外面又脆，點上紅糖再放入口，甜到人都溶化埋，食到停唔到口

一行六人慶祝生日飯，見到網上評價唔錯試吓，點知咁差，要轉場去切蛋糕。1. 一出電梯就係後樓梯又污糟觀感唔好，入到去環境簡陋地方不大，大幾有六枱度。2. 來落單同埋問吓野都冇員工回應，三四個員工圍埋傾計背全哂全場顧客，個個都要叫到大大聲佢地先有反應，顧客已經唔多仲要冇招呼。3. 落單時有個年紀大少少又肥d既員工過黎，我地問佢有冇啤酒佢話冇，咁問佢有咩酒有佢話隻隻都冇，咁問佢點解係唔係未有酒牌，佢話有咁我地問點解餐牌上有酒但又唔賣，佢話總知冇但有酒牌，咁由佢我地話一係我地落去買啤酒上黎可以嗎？因為你冇得賣，佢話要每支收$50開瓶費，咁你公司冇提供唔係我地唔想幫襯你買，佢話點都要收$50一支開瓶費，其實一點都唔合理不如貴公司改左張餐牌佢啦，唔好誤導消費者，因為我地一心打算食辣野慶祝生日就啤啤佢，真係好掃興，你話我開大酒紅白酒就算啦，啤酒都話$50一支呢間咩公司，真係識做生意。4.個咕嚕肉有條毛係肉同炸粉中間，好嘔心，衛生情況可想而知幾差。5.水煮魚賣想唔錯但完全唔辣，冇咩調味，魚帶腥，入面的配菜青瓜苦，瓜囊冇清哂，寬粉又碎。🤮6.個乾鍋要中辣都係唔辣，淡而無味，同行朋友唔食得辣都話冇咩辣味，

個酸菜魚其實係幾好食，同太二好似，個薯粉都好好食，必加🤤👍🏾另外嗌左干鍋同啲小食都幾好食。整體黎講，可以一試，尤其係鍾意食太二既🤤不過坐就有啲辛苦，好迫，同隔離個檯坐埋一齊，傾計唔太方便，同埋如果多人就有限時，食既話記得要訂檯。

自從反送中運動開始之後，我同啲朋友都無再去過深圳食太二！直至搵到食評推介呢間嘅酸菜魚，食過之後真係覺得唔洗過深圳都食到太二嘅味度！雖然價錢比深圳太二貴啲，但係慳咗好多交通時間同車費。得閒黎過下酸菜魚癮都係唔錯嘅選擇！之前嚟食過一次，今次就介紹埋班朋友嚟試吓。嚟到目標好清晰，就係食酸菜魚😆😆所以我哋四個人叫咗兩盆酸菜魚，一個小辣，一個中辣，我地仲加咗寬粉。食過多間嘅酸菜魚，通常都只係食到鹹味同少少酸味！但係呢間嘅酸菜魚味道就豐富好多，有更多層次嘅感覺，有齊麻辣、酸、鹹、蒜甜味，出嚟感覺好balance，又唔會覺得好鹹。魚嘅份量唔算少，同埋大塊得黎又滑好好味😍😍真係好值得推介！

人見人愛酸菜魚 酸菜魚的重點顯然在於酸菜和魚。酸菜味道淡淡的感覺普通。雖然湯汁夠酸味，但湯汁的酸味應不是全來自酸菜。魚肉大大片感覺略厚，吃下去十分有滿足感，整體尚算可以。黯然銷魂炒飯 炒飯用了欖菜、蝦仁、紅蘿蔔、菜粒、蛋等炒成，材料簡單但味道不錯。店家把飯炒得粒粒分明，但略油膩。清炒萵筍絲 看似簡單的菜式，其實很考功夫。萵筍絲需用刀平均地切，才能令口感一致，可惜這裡的萵筍絲略粗。調味各方面略為單調。

.🔻十二味功夫今日出旺角買野，一落車就就有姐姐派傳單，見到有午餐口水雞😂😂又走阻上去食，入lift已經聞到好勁麻辣味😯.🔻酸菜魚($68)午餐已經包阻飯，飲品，前菜，所以$68食到酸菜魚真係好抵食😂份量都好大碗，魚片都唔少，都有10舊到，酸味夠，辣辣地超開胃，做湯飯一流😍d魚片都好滑，但有小小骨，要小心d食~~整體好滿意，唔使比百幾二百幾蚊捱貴魚😂$68已經止到酸菜魚心隱😂😂唔使返上大陸食la!! .🔻口水雞($60)一樣包晒飯，飲品，前菜，呢間d口水雞冇乜特別，仲比較油，唔建議係到食，d雞都唔係嫩滑，唔算好辣，個汁普通啦，都ok既，下次黎會試其他😝.總結：呢間首推酸菜魚，一來唔係好多地方有，二來 $68蚊有酸菜魚食真係好少有，大家搵到再平d記得話我知😂😂

突然間想吃辣東西，便上OP揾一揾，就試試呢一間十二味功夫。環境都整潔，等左5分鐘，侍應姐姐就安排我地坐在係面牆壁的位置。我地兩個人，唔想好似自修室咁食飯，就叫佢安排我地坐返二人枱。我地就叫左一份中辣的酸菜魚，另加粉皮。賣相幾好，魚肉同酸菜份量都幾多，兩個人食都夠。魚肉幾滑，酸菜都新鮮，但味道不夠酸辣，比較淡。粉皮都麻麻地，比較林身，不彈牙，整體一般。另外我地叫左一份炒菜花，配上少量的五花腩。份量比較少，油較多，但味道香濃，適合送飯。我地仲叫左一杯飲熱情果梳打，好大一杯，兩個人share都夠。入面有一粒粒的熱情果籽，酸酸甜甜幾開胃。整體黎講，它主打的酸菜魚味道一般，上菜的時候不夠熱，味道都仲有改善的空間。但環境服務都唔錯，可以一試。

難得今日星期六，梗係搵返啲時間陪下屋企人啦今日就帶左屋企人黎油麻地既十二味功夫食酸菜魚🤤🤤🤤酸菜魚最近開始興起，愈開愈多，所以就同屋企人黎試下首先，酸菜魚做得幾出色，魚肉大大片，只有好少好少既骨，食落都好爽口。酸菜湯底好夠味，唔會太搶。另外叫左個經典香辣鍋，配菜揀左薯仔，牛柏葉，寬粉，鮮魷，鮮蝦。叫左少辣，辣度啱啱好。薯仔細細片好入味，牛柏葉索左啲辣湯，食落都好惹味。鮮蝦都爽口，算係新鮮。最後忍唔住叫返個可樂享受下唔使去大陸都食到好食酸菜魚🤤

今日放工唔想煮飯，所以又捉左我男朋友食辣野😆因為佢食親辣野都會出好多汗，所以佢唔太好辣野。我求左佢好內先肯俾我叫個香辣鍋同埋口水雞😏🥰今日係我第三次黎呢間餐廳食飯，證明佢都有番咁上下水準，可以吸引人地回顧。喜歡食辣野嘅朋友仔可以不防一試經典香辣鍋 有十幾二十種配菜任你揀，最少要揀五款配料，並提供三種辣度俾你選擇。完全照顧到唔同人嘅需要我配菜揀左油麥菜、金錢肚、田雞、鮮蝦同埋午餐肉😈香鍋加入孜然一齊炒，好惹味，十分有層次感•午餐肉•田雞略嫌偏瘦•金錢肚好有咬口，同埋份量好多•鮮蝦嘅殼十分軟，我都唔洗特登剝皮，可以食埋落肚•油麥菜索晒啲辣汁，好香口亦都十分爽脆香鍋入面有炸黄豆，脆卟卟，好好味😋魚香茄子 $78份量比我想像中大，啲汁送飯真係一流呀！茄子走油後十分嫩滑，每一啖都好juice（我男朋友都食左兩碗飯）川式口水雞 $68雞肉唔算好滑，但都唔鞋口嘅，不過不失。辣汁調得唔錯，麻而帶香，唔會太辣，易入口。熱情果梳打 $28酸酸甜甜，解辣一流！ 目測呢杯野都有成700ml ，性價比十分高。餐廳冷氣足夠，食完辣野流汗都唔覺得好焗好辛苦。

是日同老公二人出去旺角買野，最近真係好鐘意食串菜，行過見到疑似串菜既十二味功夫，興緻勃勃上去一試。環境，成幢大廈應該都仲有好多地方裝修緊，餐廳內地方不大，坐得尚算寛敞。食物略嫌有點中伏feel午餐有前菜送大盆花菜，炒得唔夠乾唔夠惹味，似係用水烚過再炒，但唔係難食，只不過唔係川菜果種風味泡椒嫰牛肉牛肉係幾嫰口既，唔辣好一般既一餐，感覺好似好普通既小菜咁，食完唔肯定呢間係咪川菜餐廳，埋單兩人$113，又包左飲品又大碗飯，都扺食。

環境： 間野好細，但張櫈ok 舒服， 星期日晚幫襯唔算多人，都算ok 乾淨服務： 一如好多香港食肆一樣， 對住同事開心笑，對住d 客黑L 晒面食物： 夠熱，但比較油（咁我明川菜係咁）叫左少辣，真係做到。 抵讚*乾煸四季豆： 無廣東酒樓整得咁惹味，相反，點解d 肉碎係甜嘅？ 我唔識食*泡椒嫩牛肉：可想像下麻婆豆腐醬炒牛肉。 咁我覺得好食過四季豆嘅。 *紅糖糍粑：係我最期待的，因為好多人讚。外脆內軟：係。 夠熱： 係。 至於味道。。。正常價錢：我覺得貴。。。 見人見智會再去，因為想多 d 人先去食酸菜魚。見隔離枱碟尖椒皮蛋好正，想試

上次食完佢個酸菜魚之後一直念念不忘所以今日放工約左男朋友陪我再食今次都點左酸菜魚人見人愛酸菜魚🐟🐟 $208可能因為今次係我第二次黎食同埋冇咁肚餓🤔🤔🤔🤔啲魚冇係大陸太二、撒椒食嘅咁滑同埋會有少少泥味但個湯底就拍得住太二水準嘅，而且有好多酸菜、萵筍、蘑菇等配菜。再加埋個白飯就perfect 晒（順帶一提，呢間嘅酸菜魚係有齊酸辣麻呢三種味道。男朋友唔中意麻辣嘅感覺，所以食到叫晒救命🆘）今次除左酸菜魚我仲想試下佢嘅小炒所以就叫左個咕嚕肉黎食秘制咕嚕肉 $88 如果你唔中意食肥肉嘅感覺就岩喇。呢個咕嚕肉炸得啲邊好脆而且啲肉一啲都唔肥膩。唔肥之餘啲肉亦都唔會好乾。推薦❗️❗️❗️❗️❗️除左主食之外我地亦都點左啲涼拌前菜涼拌土豆絲 $32麻辣木耳 $32 兩個涼拌都非常出色，岩晒我口味。不過食開辣野嘅可能會覺得唔夠辣。食辣野又點會唔叫野飲我見餐牌中嘅哈密瓜牛奶有得推薦嘅圖樣，所以就叫黎試下。$28點知勁細杯囉。仲要難飲過飲開嘅維他哈密加牛奶😑😑😑😑😑😑呢個真係好失望Overall 黎講我都會推薦俾朋友試食，同埋自己都會再番兜。因為涼拌都埋個小炒都好有水準，酸菜魚係啲魚爭啲姐，所以都會想試

五一紅假，沒有到內地，但突然想食麻辣野，就相約朋友一起試。旺角這間新開不久，上到去也沒有太多人，而估唔到紅日都有午市套餐，十分抵食！我叫了麻辣香鍋，朋友叫了酸菜魚，都十分不錯！總括以地區、價錢、食物質素等，這一定值得推介！