十二味 (如心廣場二期)

Open Now

Now Closed

之前喺西環嘅時候已經食過幾次十二味嘅lunch，今次行開荃灣呢邊經過如心廣場見到即刻要再encore呢度主打係酸菜魚同埋香鍋，本身諗住兩樣都食嘅，不過由於要等成個幾鐘所以我哋過咗Donki行咗一個圈食咗啲嘢所以今晚淨係食得落人見人愛酸菜魚😍酸菜魚一嚟到已經好香，上面除咗辣椒同花椒之外仲加咗芝麻，佢用嘅魚係好滑嘅，一啲腥臭味同呢味都冇，呢款係少辣，啱晒唔係好食得辣但係想有少少刺激嘅朋友我哋仲叫左個甜品 紅糖糍粑，係新鮮炸嘅所以雖然好邪惡但係都一定要食😈不過留意番如果嚟呢度嘅話就真係要預多少少時間等位，因為都真係好多人同埋等上菜都需要啲時間！不過都值得嘅

十二味既午餐由$5x-6x起跳. 同佢晚市散叫相比. 相當抵食.  最出色既我覺得係佢個口水雞. 其次水煮菜式同干鍋亦唔錯.  只係佢個酸菜魚水準一時時. 有時D魚好似係用清水煮完先放落去咁, 一D都唔入味, 有時又OK喎. 好唔好食真係睇你彩數餐廳以手機落單, 好有國內既感覺.  好似好先進好方便咩. 但佢個APPS有D問題. 你落完單係睇唔返你落咗咩. 試過有幾次. 以為落好咗單. 等咗好耐都未嚟. 叫佢CHECK, 佢話無落到. 所以而家每次同同事食, 手機落完單都會問下職員係咪真係落到. 其實比真人落單好似重煩咗. 希望佢地可以快D改善下個APPS. 跟餐前菜水煮牛酸菜魚口水雞糍粑: 麻麻地, 好細條, 好幼. 又淋. 無乜咬口. 唔似大陸既煙韌好食

我同女朋友第二次幫襯，之前食過一次都幾好，於是乎就今日再幫襯多一次啦，入咗已經唔舒服，服務員安排咗個好逼夾嘅位置，咁就叫服務員安排大小小嘅位，點知都係咁細，佢嗰間版好細塊，我同隔離嗰個個距離非常之近，咁都算啦，咁坐低點左兩個餸，第一個酸菜魚，上到嚟賣相都唔錯，點知味道極之鹹，根本就唔係人食，我淨係食咗啲魚，嗰啲酸菜鹹都食唔落，啲魚少到離晒譜，個碗就好大碟，第二個菜就係霸王辣子雞，哇嗰啲辣椒好多啊，但係啲雞粒冇一舊係完整，而且又係喊到甩轆，真係唔係人食，以後唔會再幫襯，食到一肚火

Food was good. My friend and I both liked Stir-fried Chicken Cubes with Red Chili. The food here go very well with white rice as they are spicy. I have been to this restaurant in other locations and find this one the far best. Other recommended dishes are dried hot pot and Sichuan Style Chicken in Chili Sauce. As for dried hot pot, their lunch deal is good and worth a try. It'd be a good idea to go for ice cream or some milky dessert afterwards if you're not used to spicy food.

酸菜魚非常惹味 ， 魚肉 很新鮮配上乾辣椒， 再加上夠味嘅酸菜， 重要一點是十分抵食便宜. 麻辣乾鍋 裏面有薯仔片， 田雞 配上 大 豆芽， 蓮藕。 上 香脆 嘅芝麻， 麻辣香口

這間酸菜魚是我食過幾間酸菜魚中暫時最好食的一間!今日中午去食，午飯時間有午餐選擇，連星期6,日都有真係太好啦!而且價錢唔貴，仲有包一杯酸梅湯。酸菜魚：是用鱸魚做的，午餐既魚肉雖然少d, 但一個人絕對夠食，而且魚肉好滑，無骨，可以一解不能北上食酸菜魚之苦。牛肉麻辣香鍋：呢個就唔算好正宗啦，太濕唔名乾身，但味道都可以既，送飯一流。牛肉都大塊，唔會碎濕濕甘。口水雞：份量幾多，有4分一隻雞，雞都滑，汁料都ok, 唔算好辣。如果鐘意食口水雞既，絕對要午飯時間來，有口水雞套餐，份量同平時單點既差唔多，而家仲平d吖😁

閒日放下午，最喜歡就係去嘆個平靚正嘅午餐/下午茶可能兩點幾過咗繁忙時間，所以唔太多人，坐得舒服而且服務都算Ok！午餐包飯，前菜（一小碟）及酸梅湯！餸嘅份量都算多，反而碗飯就少咗啲

荃灣如心二期開左好多餐廳，特登同女朋友去行一行，搵咗好多唔同嘅餐廳，女朋友鍾意食水煮魚，所以最後揀咗呢間餐廳。喺餐牌度見到香鍋，女朋友上次喺北京路食話好好食，所以一開始就決定要雞翼香鍋（$56）同水煮魚（$68），午餐來講都幾抵食。我哋諗左好耐，要唔要麻辣小龍蝦（小份）（$188），最後決定放假食好啲就叫埋。雞翼香鍋套餐- 主菜外，仲有一碗飯、小食、飲品，我哋叫咗酸梅湯，全set加埋都幾豐富。香鍋都幾惹味，蓮藕、木耳、芽菜炒得好香，好好食，個雞翼可以再入味少少，因為我哋叫埋小辣，所以唔係好辣，下次可以挑戰中辣。水煮魚套餐- 同上面一樣都有飯、小食、飲品，魚都幾滑同入味，酸菜同菇都唔錯，叫左小辣，酸辣味ok，因為有辣椒，愈浸愈有辣味。麻辣小龍蝦- 大約有15、16隻，夠辣味，但係小龍蝦都細隻，所以無咩肉食，肉質亦普通，望落好多，食落好少，同埋幾油，辣就夠但唔太麻，所以感覺偏貴，試一次就夠。

之前食十二味是食晚餐，今日試下佢一人午市套餐，嚟得呢度當然叫酸菜魚餐，佢個餐好抵，68未計加一，加五元有可樂，連飯。酸菜魚叫左中辣，對於我食辣力麻麻既人，已剛剛好。雖然係一人餐，魚塊都多，肉質彈牙鮮味。酸菜又多又鮮味，d湯用嚟撈飯真係一流。老實講，幾十元一個午餐真係比食一般茶記略貴小小，但感覺食到呢d又精美好多。我真心推薦。

好耐冇食過呢啲大陸風味嘅食物，有少少掛住麻辣香鍋，上網搵到呢一間見到評價唔錯就嚟試吓。叫咗個秘製醬香鍋$38，配料揀咗五餐肉$48、五花肉$48、蓮藕$28、萵筍$28、寬粉$28，其實夾埋夾埋都幾貴，不過又真係幾好食喎！幾入味，個鍋底炒得好香，所以無論係乜嘢配料撈埋一齊都係好食。另外叫咗川式口水雞$48，唔會太辣，雞肉又唔鞋，唔錯唔錯！酸辣土豆絲$68，略貴，呢個味道就爭啲，唔係好夠酸，做唔到酸辣嘅效果，普普通通吧。四個人食唔夠飽，後來再加左蔥油拌麵$38，呢個都值得推薦，撈埋啲蔥油好鬼香。整體來講雖然略貴，但係真係幾好食！下次我會想試吓午餐嚟試吓酸菜魚，見到佢午市平好多。

川菜館越開越有，其中十二味係香港都開左幾間分店，今次黎到荃灣呢間店，設計走現代中國風，當中燈籠、屏風、熊貓公仔都充滿中國元素，座位設置沙發座，坐得舒適👍🏻－－－－－－1. 秘製醬香鍋醬香鍋規定最少要點五款食材，加入秘製醬炒香，我點了年糕、嫩牛肉、滷水肥腸、雞翼和娃娃菜，點的時候可選擇走芫荽、少鹽等要求，幾貼心🤤味道幾濃，炒得入味，但年糕會痴埋一齊，雞翼分開單邊，方便食用，肥腸好似有輕輕炸過，所以比較硬身同埋有嚼勁，整體味道都幾好，可以二人分享

近年興食酸菜魚，除左翻內地，香港其實選擇都多，最近同幾個老表試左十二味。荃灣分店環境唔錯，空間夠大，枱與枱之間距離夠，同家人朋友傾計幾舒服。呢度既酸菜魚，湯酸辣度平均，唔會死辣死酸，湯送飯同就咁飲都好味。魚身夠簿但又無煮到過火爛哂，保持彈性口感，而且好嫩滑，有魚香，上等。另外再叫左個紅糖糍粑，煙韌有咬口，但外面有d脆，食完魚用佢做甜品就非常好。呢度埋單又唔貴，中意酸菜魚既朋友，要試下。呢啲附近交通方便，我會嚟多d。

包括烤魚在內，係香港我食過5間川菜，而呢間十二味係最令我覺得失望嘅一間。由一開始嘅服務態度已經同之前食嘅麻辣風雲相差甚遠。今日我7點幾到間餐廳，由於疫情，本身d檯都唔逼，但個侍應卻叫我坐咗係一張細檯，細檯都唔緊要，當我地嗌咗5碟嘢食之後張檯已經冇位俾我地食飯，所以我要求換大檯，個侍應竟然同我講張檯夠大俾我地食飯啦⋯⋯我真係唔知㗎咩好，明明隔離張大檯冇人坐，又唔多人食飯，點解唔俾我地換檯？最尾係我嘅強烈要求之下先俾我地換。好啦，到d食物黎啦，我地嗌咗水煮牛肉，酸辣土豆絲，回鍋肉，蔥油拌麵，紅糖糍粑。呢幾樣嘢入面得紅糖糍粑可以過關。水煮牛肉完全係冇靈魂嘅辣，用嘅食材又唔新鮮，回鍋肉根本冇回鍋肉嘅香脆味，根本唔係正宗嘅回鍋肉，d肉又有一陣異味！一上到黎就已經凍曬！而個酸辣土豆絲得個酸字，辣椒係入面只是擺設，我嘗試食咗個辣椒，係冇辣味㗎，連香味都冇啊！總之呢間嘢性價比極差，成餐飯食到心情好差，越食越難食，以後唔會再幫襯！

中午時段又到啦做完啲嘢就落嚟食午餐，佢嘅午餐都幾抵食，加埋嘢飲都唔使$70！我嗌左個水煮牛肉，份量非常之多！而且肉好好食！牛肉香味都幾重，我就鍾意佢嗰個麻辣，唔會太辣，唔會唔辣！啱晒我唔食得辣，但係又要食辣嘅人！同事唔食得牛肉，所以叫咗個口水雞，睇落去紅紅咁，好似好辣！佢就話唔係好辣呀！而且啲雞肉好滑！仲有埋凍可樂飲啱晒而家天時暑熱解暑！食到飽飽又要上去做嘢啦呢間餐廳可以成日嚟食，地理位置又方便而且坐得都幾舒服

叫左午餐雞翼干鍋同全素干鍋，全素我諗住會有好多菜原來全部土豆片同蓮藕片一條菜都冇勁失望，雞翼干鍋張一隻雞翼一開二都係得五舊啫你得兩隻半雞翼，啲味都好普通，同類型嘅食肆黎講佢都算差。