十二味 (如心廣場二期)

Open Now

Now Closed

經常聽講十二味酸菜魚好正宗好好食，甘岩呢日放假又見到訂坐可以有主餐牌半價優惠甘就事不宜遲即刻拉埋朋友去試一試佢！當日去到大概2點半 場內客人半滿，但係職員都好快安排到入座，因為訂枱所以安排左張大枱卡位 ，兩人坐得好服務。原來佢地係有午市套餐，價錢相宜，$60-70一個主食夜飯送前菜送野飲，我地就叫左個主餐牌內嘰人見人愛酸菜魚配粉條同一個午餐。等左陣就上左熱辣辣嘰酸菜魚，果然好大盤剩係睇賣相都流晒口水！叫左中辣但都覺唔算好辣可能因為酸味中和左。魚肉分量十足而且滑溜溜冇骨，唯一係覺得有少許油膩。甜品叫左個紅糖糍粑，應該即叫即整，外脆內軟熱辣辣！點上紅糖好正！必食

呢排終於有得堂食，今次就試吓我一向好鍾意食嘅一味家鄉菜，酸菜魚。見呢間都坐滿客又好耐冇食酸菜魚所以就試吓。點餐之後等食物都等咗一段時間，比較耐，出到嚟食物都夠熱咁就覺得等得來都可以接受。酸菜魚嘅湯底味道係偏鹹，但就唔算話好酸，佢嘅辣到可以自己選擇，我就選擇左中辣，覺得都唔算話太過辣，但個湯底就比較鹹，不過我另外配白飯咁樣食都OK。另外覺得佢個小菜炒雞丁都幾好食，不過就雞肉份量得好少，而且價錢都唔平加埋一都百幾蚊，但份量就偏少，配料就比較多，所以覺得唔係好抵食，等我下次發掘到更好食有更抵食嘅酸菜魚湯再介紹吓先。

好耐冇得返大陸，好掛住上面的酸菜魚。應該有一段時間都上唔到去，唯有今日去荃灣如心廣場十二味叫個酸菜魚頂下癮。可能今日星期日，疫情又有啲反彈，所以唔係好多人，唔使點排隊就入到去。 喺呢度當然叫了必食的酸菜魚，再加一個麻辣雞，兩個白飯，一罐加多寶及一支藍妹啤酒。佢個辣到次次都有得揀，我咁食得辣嘅今日就揀咗個中辣。酸菜魚上到枱仲係熱辣辣，個湯底酸辣啱啱好，不過就油咗少少。個麻辣雞辣到適中啲蓮藕粒同埋辣椒仔非常嘢味。再加埋一支啤酒10分Perfect。

想食辣嘢，上網找了一下彈出這間店就去試試。店外有隻高大的人型熊公仔。在店外取票等入座時，查看一下app內見都是食酸菜魚，去到有其他款式的午餐就試吓。款式比之前多了，入坐後是網上落單的。沒有餐牌再提供。先嚟飲品及小食。那款小食很開胃，不過沒有介紹，似薯仔絲拌微酸的生蒜汁叫了2款都是拌飯很好的餸-乾煸四季豆及酸豆炒肉末。辣度可選:唔辣，少辣，中辣....2款都是少辣的，但是辣椒乾沒有少。如果下次再食可以試試麻辣香鍋及回鍋肉。堂食沒有額外的服務費（10%）收取。

惹味川菜，鑊氣十足，辣得過癮！在店外看到照片已經垂涎三尺，食指大動。店員殷勤的招待，令我有賓至如歸的感覺。馳名招牌酸菜魚，無須多言，無得頂！只是點了少辣，但辣椒絕無偷工減料，十分香口。魚的火侯拿捏得剛剛好，令魚質又滑又嫩，更把所有魚的鮮味逼出，發揮得淋漓盡致。小弟本非魚的忠粉，但十二味的酸菜魚卻令我不能自已，情不自禁！第二道佳餚為一鍋寬粉、金菇、田雞等大雜燴，吃得一點不剩，捧著肚子。用料新鮮，烹調用心，而且份量絕不欺場，大快朵頤！整體而言，地方寬敞，價錢合理，大件夾抵食！喜歡川菜或吃辣的你不能不試，且保證一試難忘，食髓知味，是小弟在香港吃過最地道、最出色的川菜！

我鍾意食辣，酸菜魚都算係川菜代表，荃灣如心這間 十二味 午市酸菜魚套餐$68，超值分量多，魚肉嫩，有不少配菜，湯底都正！送前菜，不過好多時前菜都不是太喜歡，如果前菜可以選擇就好啦！當然有埋咖啡奶茶檸茶擰水就更加Perfect啦🤣

佢嘅lunch set比起單叫抵食好多！仲要免+1同送野飲！如果鍾意食四川菜，呢間既辣的確幾抵食👆🏻紅糖糍粑😼普普通通外皮揸得都叫脆，但我覺得入邊嘅糍粑可以再軟身同煙韌👆🏻酸菜魚😻我揀咗小辣，魚片係滑既，魚片份量都算正常，加埋酸菜魚嘅湯底又酸又辣，同少少芝麻香，湯底撈飯食，真係少少辣多多趣👆🏻川式口水雞都係揀咗小辣，雞嘅份量算多，雞肉都算滑，面頭加埋花生同芝麻同葱，真係遠遠都聞到好香，麻辣既感覺喺咀痹痹地既感覺，的確係幾爽，略嫌真係太油，食完覺得自己飲咗啲油即刻肥兩磅.⚠️非進食時記得帶口罩⚠️除左口罩再消毒雙手

每次到深圳我一定到訪酸菜魚，要排隊也願意，好耐冇出門，好掛住酸菜魚。今日和朋友到新派川菜「十二味」吃午餐，我當然叫酸菜魚套餐，服務員說可以辣可以不辣，來吃川菜無辣不歡，叫了少辣也是我的極限。酸菜魚一送上 便聞到那個酸菜和麻辣的香味，看似沒有煙的酸菜魚其實溫度非常高，嚐一口湯很香，接下來食下酸菜非常惹味，小心溫度因為好熱的。鱸魚片片得很薄，很滑又爽口彈牙，配上白米飯，真係食得好開心。另一個是川香回鍋肉，大大的一碟有韭菜、蓮藕片和豬肉片，肉片很入味，是送飯的好材料。之前套餐係跟酸梅湯，現在改為跟維他奶，覺得有點怪怪的，其實維他奶是可以解辣的，ok喎。

正宗四川菜館「十二味」用料和手法都好正宗。餐廳有多款小菜及小食，其中有招牌酸菜魚、辣子雞、牛肉香鍋、毛血旺、辣椒黃金皮蛋、口水雞等，款款都辣得惹味，嚐辣愛好者不妨試試啦！而家覓食好多時都係下午時間，經過發現呢度嘅午餐都幾抵食，幾十蚊就食到水煮牛肉、酸菜魚呢啲川菜套餐有前菜小食+主菜+飲品水煮牛肉不過不失，貓生嫌牛肉太少酸菜魚有幾種不同嘅酸菜，酸得來帶甜。廚師會先爆香酸菜，再混入湯中，而湯底是用魚骨熬成，味道鮮甜，辣味十足！桂花冰釀個人覺得太甜，不過解辣唔錯。甜品有紅糖糍粑有驚喜，口感外脆內韌，味道香甜

荃灣荃灣，我終於黎到啦，放假的日子想出去抖下氣，除左要做好防疫措施，我地仲要快快食完就返屋企😌十二味有好多分店，但都未有機會試，因為一個人叫太多食唔晒，兩個人就可以叫多d今次lunch hour 時間去，人就唔算多座位闊落唔迫，同埋d 野飲大大杯，超級抵食人見人愛酸菜魚，個樣就好靚仔，色香都做到，味道我個人鍾意食酸d，但如果食唔到酸的朋友卡岩晒啦，又開胃又送到飯另外叫左麻辣香鍋田雞，拿...我對田雞係接受的，除左田雞之外仲有好多配料，有薯仔，蓮藕片，雲耳...份量超級多，超級抵食乾煸肥腸，😋😋😋必叫必食，我個人鍾意食香口野，肥腸炸到脆口，唔會有肥膩感謝，一口肥腸一啖熱情果梳打，very good

行街見到有間寫住有酸菜魚午餐，價錢又唔係好貴，抱住試新嘢心態入去，睇下有無中伏，間鋪入面燈光比較暗，唔知係燈光效果定係響應環保節約用電，侍應帶我入去坐窗邊位，與檯之間係非狹窄，我帶住個背囊幾驚整到隔離檯啲餸，落單要自己掃QR code,我本人就比較唔鍾意用呢種方式落單，二話不說就叫個酸菜魚午餐，等左大約5分鐘，一碗怖滿油光酸菜魚就送到我面前，魚容易散，無咩味，一食落口會覺得好油，酸菜就比其他食到好酸，辣味麻味無咩特別，可能為配合白飯所以味道比較重口味

見到午市好似幾抵食，平均42至68就有一個餐，唔洗加一。午市套餐係包主菜，酸梅湯，白飯以及一小碟前菜涼拌土豆絲。酸菜魚賣相好一般，食落係夠酸，唔會辣但係真係好油，D油浮晒喺面魚肉唔算新鮮，但分量夠多口水鷄酸酸辣辣，好適合配飯好鍾意呢個汁，應該係秘製鷄肉都好嫩，價錢$48，好值得一試水煮牛肉牛肉完全唔得，好嚡，似豬肉多D個味係ok，有小小芽菜墊底冰粉完全係伏，唔好食得嚟仲要貴面頭嗰幾粒提子乾，又硬又有怪味冰粉個味都有小小怪，唔甜唔酸，奇奇怪怪

上次行山友人老婆說喜歡吃酸菜魚，星期五1 0月16日相约一起去吃，在谷歌搜尋見到這間酸菜魚連鎖店，似乎有不少好評，於是相約一起去試試看，點知中伏。訂了6:30分4位，坐了卡位，說不上舒適，但還可以。點了招牌菜，酸菜魚，口水雞，葱油撈麵，炒花菜，回鍋肉，整體來說除了酸菜魚湯頭超級咸外，其他的都可以。其實我在國內想找一家正宗又好吃的酸菜魚也不容易，不是每次都滿意，以為香港這家以連鎖經營的集團應該可以吧。誰知也不是很滿意。只能說ok la, better than nothing 試過就算了，不是很出色可以再回來吃的那種，不知什麼時候，香港人吃東西可能條脷已麻木了，往往要極重口味才能有感覺，雖然吃東西非常個人口味，但超級咸，咸到入吾到口都話好味，真的有些不明白?酸菜魚除了魚片以外，就是那魚湯湯頭了，在咸酸鮮裡取得平衡當然不是簡單的厨藝，在這家所謂專門吃酸菜魚的連銷店做這招牌菜的味道，明顯是令人非常失望。只好再继續再去東找西找，希望可以找到一間出色的酸菜魚食館

之前喺西環嘅時候已經食過幾次十二味嘅lunch，今次行開荃灣呢邊經過如心廣場見到即刻要再encore呢度主打係酸菜魚同埋香鍋，本身諗住兩樣都食嘅，不過由於要等成個幾鐘所以我哋過咗Donki行咗一個圈食咗啲嘢所以今晚淨係食得落人見人愛酸菜魚😍酸菜魚一嚟到已經好香，上面除咗辣椒同花椒之外仲加咗芝麻，佢用嘅魚係好滑嘅，一啲腥臭味同呢味都冇，呢款係少辣，啱晒唔係好食得辣但係想有少少刺激嘅朋友我哋仲叫左個甜品 紅糖糍粑，係新鮮炸嘅所以雖然好邪惡但係都一定要食😈不過留意番如果嚟呢度嘅話就真係要預多少少時間等位，因為都真係好多人同埋等上菜都需要啲時間！不過都值得嘅

十二味既午餐由$5x-6x起跳. 同佢晚市散叫相比. 相當抵食.  最出色既我覺得係佢個口水雞. 其次水煮菜式同干鍋亦唔錯.  只係佢個酸菜魚水準一時時. 有時D魚好似係用清水煮完先放落去咁, 一D都唔入味, 有時又OK喎. 好唔好食真係睇你彩數餐廳以手機落單, 好有國內既感覺.  好似好先進好方便咩. 但佢個APPS有D問題. 你落完單係睇唔返你落咗咩. 試過有幾次. 以為落好咗單. 等咗好耐都未嚟. 叫佢CHECK, 佢話無落到. 所以而家每次同同事食, 手機落完單都會問下職員係咪真係落到. 其實比真人落單好似重煩咗. 希望佢地可以快D改善下個APPS. 跟餐前菜水煮牛酸菜魚口水雞糍粑: 麻麻地, 好細條, 好幼. 又淋. 無乜咬口. 唔似大陸既煙韌好食