十二味 (如心廣場二期)

Open Now

Now Closed

外表脆口，內裡煙韌，本身已經有甜味，再配上黑糖增加甜度， 視乎個人喜好食過咁多間既十二味，尼間最好食（師父好野）同樣叫小辣，酸辣之間取得平衡，亦唔會搶走魚既味道非常惹味既雞翼尖（有D 係雞肉）味道偏辣， 避開蒜片青椒紅椒都可以接受既辣得好過癮重量級土豆絲，非常爽口，輕微帶辣，份量咁多真係可以當飯食，好采我地4個人share,唔係都再叫唔到其他野食桂花冰釀～微甜薰香，瓶身雅致，一杯既份量唔多，我自己一個飲都要飲左兩瓶超級推薦

揀左尼間食辣野嘅餐廳🌶十二味🌶中午唔算好多人，等位等左10分鐘就有。午餐有多款選擇，包前茶、飲品、白飯、自選菜式。我哋叫左兩個午餐。🥢酸菜魚🐠 幾好味，啲肉質幾軟滑。酸酸辣辣好開胃。係油啲姐。🥢麻辣炸雞🧆唔鐘意個煮法，雞翼炸得滯。太多配菜，食完好乾。唔岩我個人口味，好多芽菜、瓜、我都唔鐘意食。雞翼又太少、太細、無乜肉。總體而言係ok🙂, 地方環境，張枱同個地下都好油淋淋，好似好污糟。有潔癖者慎選。.

一行五人等位有啲耐 但因為限聚令都冇辦法 我哋三人一台+2人一台嘅組合 中間有圍板 黐埋坐都唔得 啲嘢食唯有遞黎遞去啦 同埋佢有限時 但明明仲有半個鐘 就已經催我哋走 開晒聲叫我哋走 話出邊好多人等 但其實我哋未食完 啲員工都幾冇禮貌囉我哋叫咗酸菜魚 紅糖糍粑 涼拌土豆絲 干扁四季豆 水煮牛肉最值得講吓嘅係酸菜魚 好香好多魚好多酸菜但係唔知點解唔夠酸 但份量好多 上枱時望到好開心紅糖糍粑基本上都冇乜味 煙煙韌韌 口感唔錯涼拌土豆絲食到停唔到口 但其實佢都幾辣 同埋好多油 每夾一下都係成堆油放入口 但係涼浸浸都幾好食四季豆炒得好香好好味 另外個水煮牛都係好辣但係個牛嘅質地好滑 又係停唔到口今餐飯都幾抵食 價錢同食物質素性價比算高 只係服務態度差

7月21日/星期三，一行二人試菜，有埋OpenRice訂枱嘅半價，喺無得頂嘅。川式口水雞$68叫咗中辣，不過都好辣，食到出晒汗，雞味十足。葱油拌麵$38我真喺好鐘意食葱油拌麵，總之邊度有得食都會叫，呢度嘅葱油拌麵用上海麵，不過比較煙韌嗰種，唔喺好淋，好食，葱油唔夠，未能帶出個面嘅賣點。燒椒皮蛋$48皮蛋晶瑩剔透，用料喺黃芯皮蛋，唔喺平時食嗰種，不過辣油就多咗少少，啲汁料唔喺好黐得住啲皮蛋。田雞麻辣香鍋/午餐$56，跟白飯，送檸檬茶，其他飲品加錢。午餐食個乾鍋喺不得了嘅，不過做到好似小菜咁，無鍋上，所以唔可以叫做乾鍋，配菜有蓮藕，芽菜，木耳同埋土豆片，$56呢個價錢唔適合期望太高嘅人士享用。紅糖糍粑$24呢個甜品我相信女士們一定好鐘意，對男士嚟講可能太甜。結論: 下次要食酸菜魚，毛血旺。

1. 川式口水雞 - 小辣 ($48)份量正正常常，麻香味做得唔錯，雞肉都正常發揮。2. 乾煸四季豆 - 小辣 ($42)四季豆炒得好香，好多肉碎，所以就算一個人叫呢個餐都唔怕變咗好似無肉食咁，不過食到最尾會偏油同偏咸。3. 酸菜魚 - 小辣 ($68)魚塊嘅數量同肉質都對得住個價錢，花椒味好濃郁，酸同辣個比例都控制得岩岩好。4. 麻婆豆腐 - 小辣 ($48)份量足，送飯一流，好夠麻，不過嫌佢無肉碎，如果只食呢個就真係似食齋以上全部lunch set都係包一份前菜(有時係雲耳，有時係土豆絲)，一碗白飯(都唔細碗)，同一盒飲品(最近係維他奶/維他檸檬茶)。因為覺得cp值幾高，而且lunch set無加一(晚市唔知，無食過)，所以都成日嚟食。我地都唔太食得辣，但川菜又要小小辣先過癮，而呢間有得揀小辣，每次辣度都控制到差唔多，所以係食川菜嘅入門好選擇呀！

之前已很想去試 ”十二味” 的酸菜魚，去過兩次都說沒有供應(午市)，今天真幸運，店員說有酸菜魚供應，也難得肥先生也過嚟陪我吃午餐。我們點了川式口水雞配白飯($48)、酸菜魚配白飯($68)、凍柚子茶(+$8)及可樂(+$5)，午餐包紙包飲品，亦可加錢配其他飲品，餐前小食有土豆絲及青瓜，土豆絲及青瓜調味味道正常，口感爽脆。川式口水雞，紅卜卜的外表很吸引，份量正常，因為點了小辣，這個辣度很合我口味，雞本身已經有醃料醃過，再配上鋪滿紅油的辣汁，這個辣汁很有鹹鹹香辣味道，兩者味道很夾很濃郁惹味。可惜這些雞有太多細小的碎骨，吃起來要特別小心。酸菜魚賣相很吸引，湯的表面鋪滿很多花椒、芝麻、辣椒、香料及有少許菊花點綴，以一份午餐來說，酸菜魚的份量都不少，先喝一口湯，有鹹酸菜的酸味，再加上微辣，幾開胃。魚肉有點似鱸魚，很新鮮的，不是雪藏魚，魚肉很滑，亦不會一夾即散。吃多幾口，那些花椒的麻開始湧出來了，滿口麻麻辣辣真的很過癮，因為我叫了小辣，我覺得這個辣度調得很好， 很合我意，有些時候在其他餐廳叫少辣，他們都會調得很辣。在其他餐廳吃酸菜魚的價錢也不平，在這裏吃這個午餐酸菜魚，CP值很高，而且味道亦很好，

我成日都係12味食野，好多間分店都去過，呢次趁住openrice有個50% off大優惠就book左荃灣分店啦，嗌主餐牌上面既食物有5折，(飲品同加1除外啦)，好抵荃灣分店係如心廣場二期，即係全城匯個基座，非常之新既一個商場，呢間分店面積都幾大同乾淨。叫左個正常size 酸菜魚跟寬粉同埋叫左碟皮蛋，個魚一黎到我望一望就覺得：咦，魚肉比起其他鋪細塊咁多既試一試佢，味道正常，但魚肉比較細塊同埋易散而且仲比較多骨，因為係其他鋪食過，都係無乜骨既個皮蛋就正路好多，用既係黃心皮蛋，味道都好好希望荃灣店個酸菜魚可以改善下啦

今日太座話要食川菜，就上網查找香港有咩川菜好食，在網上Blogger話呢間十二味好食，本著試試心態希望有驚喜，結果驚喜太大了！叫了小龍蝦，結果是不新鮮的，估計就係冰鮮店那種一盒幾十蚊嗰D加熱後上碟，香鍋就係用調味料堆出黎嗰種味道，最主要材料不新鮮，仲要超鹹。真心唔會有下次！

被這家餐廳2/30-5:00五折優惠吸引，我提前預定了下午茶時段用餐。朋友4點前到，我則4:05到達。到達時看見朋友在點餐，和兩個侍應生交談著。朋友說「告訴了餐廳訂桌姓名和電話，但說不出是通過open rice預定，不能享受5折優惠，所以胡亂點了三個午餐套餐。」我馬上把套餐取消，並重新點菜。手機餐單看不見單點菜「乾鍋」，問侍應生，對方說「有」，然後幫我翻到「午餐套餐」頁。我當然知道套餐有乾鍋（以前午飯吃過），但套餐是一人份量。點了三個菜，全是中辣：酸菜魚（不夠熱，太鹹，不辣）、回鍋肉（不夠熱，太鹹）、乾煸四季豆（算是夠熱，太鹹）；米飯兩碗（質素不錯，夠熱）。米飯要催促才上。整體而言，菜式太鹹、不夠熱（不知道是否預先做好，再加熱），不正宗。想吃正宗湖南菜、川菜的朋友會很失望。反而堅尼地城的十二味（應該是加盟店［即特許經營權］）無論是味道、裝修、服務專業度都比荃灣店好。

已經第三次食呢間十二味～終於決定要寫出黎，因為好東西就是要分享！酸菜魚份量好夠，配白飯一流！酸菜開胃，可選辣度，又麻又酸好好味😋另外今次點左乾炒辣鍋，係自己揀配菜，然後佢用香料炒成一大鍋，類似乾嘅打邊爐😆好好味，腐皮枝竹類配麻辣口味，簡直係一絕👍🏻

認真覺得非常難食，員工服務態度惡劣差到極點，仲要收人服務費，好想知道服務什麼，一杯水都冇，笑死人明明下午好少人，先来拿飛，飛嗰部機都唔叫Number，唔知啲員工點樣安排，等20分鐘先有位，進去點餐冇人服务，自己扫码點，咁你仲好意思收服務費，啲嘢等半個小時才出一碟菜，後面一來就全部都來，啲嘢食出嚟都凍哂啦，點嘢明明叫小辣，但是覺得非常辣，又好鬼鹹。員工服務態度惡劣，叫半日都沒有人反應過嚟！！！真的唔會下次再去光顧

🥘秘製醬香鍋($38)鍋底得兩款揀，配菜就一定要最少揀五款，價錢由$28至$48，選擇都唔算少嘅。最後揀咗滷水肥腸、牛柏葉、萵筍、蓮藕片同寬粉，份量都夠，但味道一般，冇乜香味，唔太抵食。肥腸好似炸過嚟有啲硬又冇乜味，反而素菜整體都幾好。🐓川式口水雞($68)不過不失，起碼好食過佢個招牌自選香鍋。😂🍯紅糖糍粑($48)成餐飯最好食係個甜品，外脆內軟，黃豆粉包住糍粑再dip紅糖漿，唔會太甜好好食。

疫情關係，相信好多人都返唔到大陸，亦都令到好多人好掛住大陸既食物，酸菜魚相信係其中之一。今次試呢間十二味，係香港都已經有好多分店，荃灣呢間開左係個新商場，唔知水準同其他分店有無分別呢？假日晚飯時間去，等位都等左接近一個鐘，最後都順利入到去。佢地店舖裝潢同其他分店都差唔多，燈光較暗，都係要人用電話落單。我地兩人叫左招牌酸菜魚，再加多個辣子雞。酸菜魚一上菜已經佔左成張枱咁濟，再加埋個辣子雞，無乜位咁濟。個酸菜魚份量都足夠兩人食，如果有3-4人，可以再叫另一個大份啲既。佢地今次個魚好滑，配埋其他配菜，而且夠哂酸，色香味都係水準之上，即使遲啲開返關，相信令好多人都可以唔洗急住返去食喇。辣子雞都一樣係色香味都十分足夠，好出色，鍾意辣子雞既朋友真係可以試試。佢地仲有個辣鍋好正，不過今次食唔到咁多，所以下次一定要食。佢地既菜式唔多，但每款都做得好，整體都係好食既，而且價錢唔算太貴，所以都推薦呢間既。

之前見網上啲人都大推酸菜魚，所以心思思就嚟咗試酸菜魚有骨🙁🙁，感覺魚肉處理得唔好，好重腥味，湯底都唔夠辣同唔夠酸，有啲淡味，好失望，因為啲人講到好好食所以先走來試，點知又啲差😫😫😫😫干鍋揀咗花菜萵筍大腸同埋雞軟骨，整體來講真係唔係好香，冇乜嘢辣椒嘅香味，食落去所有嘢都唔特別，而且送嘅配菜都淋晒，失望，因為見係招牌菜所以先試，點知都係唔得🥵🥵🥵🥵最出色就係糍粑，外皮好脆入邊好軟，一盤一個人食真係唔夠，我哋兩個女仔食完一碟，唔夠之後再嗌多啲，真係好正，糍粑係必食🤩🤩🤩🤩🤩

剛剛看完感人的電影《Stand by Me 2》，飢腸轆轆，當然希望祭祭五臟廟，誰料相當有正評的十二味，真真正正令我們嘗到不一樣的味道...1. 應該有酸菜魚的餐廳，入座後才知道酸菜魚已經售罄。2. 隨便叫了田雞麻辣香鍋（實情香港比較少有），可能真的是少有，我與太太總共吃了田雞五小塊，骨頭勉強可以拼合成小田雞一隻，配菜佔據一九吋碟九成，令人哭笑不得。3. 我們禮貌上問一問樓面姐姐這份量正常嗎，姐姐說不正常，但又大聲用普通話呼叫另一位本地店員處理，她大聲說：「客人食不到田雞，你快來處理。」4. 可是，當本地店員到來時，她又說，份量是廚師師傅負責，幫客人反映一下，便走了。事實，如果他們認真回應我地份量是「正常」的，我們下次心裏有數，事情便完了。但這樣的態度處理，相信不會再光顧了。