Twinkle Baker Decor (Closed)

早兩日中秋節，公司有得早放 =]近近地，就去附近好時中心既 Twinkle Baker Decor 買 d cupcakes 比屋企人食！原來最近 Twinkle Baker Decor 推出「茶餐廳」 cupcake 系列！這系列共有 8 款口味，都是大家常在港式茶餐廳見到的飲品和食品，如奶醬多、凍檸茶、菠蘿油、奶茶、凍檸賓、紅豆冰、咸檸七及港式奶茶等，款款設計獨特，而且賣相與味道都玩味十足！價錢我冇記錯既話，應該全部都係$28一件。帶左12件裝返屋企同屋企人及親戚一齊食 =] 我自己就食左其中２個，菠蘿油：上層個皮真係好菠蘿包個皮一樣，中間夾住塊厚切牛油，超正！下層由麵包變成蛋糕，味道好夾之餘又唔會太膩 =]好立克：蛋糕上有好立克造成既 cream、麥餅同好立克麥精糖，食落口，啖啖食出濃郁的麥芽味，中意好立克既人唔好錯過！

港式茶餐廳味道的cupcake你食過未？🤔檸茶，檸賓，咸檸七，紅豆冰，好立克，奶醬多，菠蘿油，奶茶😍你想要咩口味😋特別香港風味，店內的設計都好茶餐廳風味除了cupcake還有冬甩同飲料的🍰🍩🍹一邊食住cupcake😋一邊selfie一下📷

中秋節除了收到一堆月餅，今年仲意外地有cupcake。前陣子在同事的散水餅中吃過一次Twinkle的cupcake，覺得蠻好吃的，賣相又靚，沒想到親戚買的是茶餐廳系列，感覺更搞怪了。一盒六件，左邊係奶醬多，好立克，凍檸茶，右邊係紅豆冰，凍檸賓，同咸檸七。仲要插住枝飲管真係好搞笑。自己吃了紅豆冰款，上面一舊紅豆cream，cream微甜帶紅豆味，下層蛋糕質感厚實，中間仲有紅豆容餡，甜而不膩，屬飽肚型。咸檸七同凍檸茶，無試到，阿媽話咸檸七舊cream咸咸酸酸，蛋糕中間仲有粒酸梅好特別喎。好立克同凍檸賓，試左半件凍檸賓，cream部份不太吃出利賓納味……檸檬片甜甜的，仲有一粒利賓納糖係面，都幾好味，呢個蛋糕無餡的。最後係奶醬多，真係有煉奶同花生醬味喎，型！

近排食左呢個新鮮出爐嘅超像真嘅茶餐廳cupcake仔細細杯的的色色咁 扮成唔同茶記飲品同食物 真係幾得意 靚到唔係幾捨得食呀總共就有八款：奶醬多、凍奶茶、好立克、凍檸茶、凍檸賓、紅豆冰同咸檸七睇d造型都好易分得出邊杯打邊杯 重點係菠蘿油真係有牛油 凍檸茶又真係有檸檬我自己就鐘意菠蘿油、紅豆冰同凍檸賓呢三款啦菠蘿油中間夾住左一大片牛油好震撼呀！咬落去外脆內軟 食到底層就係蛋糕蛋糕有小小乾 不過有牛油mix埋一齊食就岩岩好啦另一個幾鐘意嘅口味就係凍檸賓 紫色嘅cream就係利賓納味 加埋上面塊檸檬酸酸地咁 又唔會太甜成個look都好有心思仲有埋吸管同下面個個茶記紙杯 連相機都餵飽埋啦haha最後仲有紅豆冰都好正 食到蛋糕入面都仲有紅豆 真係唔係得個樣 味道同用料都食得出用心之作雖然我自己平時就好少食cupcake 不過久唔久買黎俾同事/家人成班人一齊share或者買黎tum下女朋友開心不係唔錯嘅選擇黎架！都算係睇得又食得～打破左我對cupcake睇得唔食得嘅印象

早兩日同事派散水餅派左好得意既cupcakes， 原來佢喺尖沙咀買， 所以Si都特登去搜尋呢間cupcake店出黎， 地點都算方便， 喺好時中心入面， 好易搵。  間cupcake店裝修都幾fancy， 不過就無位坐既。 同事就係買左呢款cupcakes啦！個樣真係好得意呀全部都係茶餐廳造型，連個紙杯都扮埋呀有幾款仲有飲管同匙羮，真係好似呀哈哈 原來間店除左cupcakes仲有donuts，個樣好似都幾吸引  仲有套餐。。。 cupcake咁甜， 加杯咖啡應該好正～ donut都有套餐店員話咖啡係即磨既，不過Si買果時已經就到晚飯時間，所以就無買咖啡喇 呢度既cupcakes比平時見到既細個D，但個造型就真係好有心思本來想買晒八款，點知有兩款已經賣晒lu donut個樣都好吸引，仲有咸有甜添 佢既份量都係比平時見到既細個少少 除左現成既蛋糕，原來佢仲有蛋糕粉賣，俾人自製cupcakes Si初初以為呢個係就咁食既糖，原來係用黎裝飾自製cupcake，個樽都好得意呀 最後買左六款cupcakes加兩款donuts番屋企，cupcakes有奶醬多、菠蘿油、奶茶、好立克、咸檸七、紅豆冰

平時好靚好colorful又粉又藍個款公主feel cupcake就見得多啦今次試呢個茶記系列好吸引！！單睇外表都好QQ，造型全部都係好熟悉嘅飲品～一共有八款 我就一次過帶曬番去俾屋企人試下好立克呢款味道唔算太甜 而且我本身都鐘意飲好立克 所以都幾鐘意呢個味！菠蘿油真係有塊油係上面係買嘅時候望住店員切開佢放入去架～外表脆脆地 真係好似食緊菠蘿油咁架我最愛港式奶茶 本身都好鐘意飲奶茶 食呢個cake係大大加分 yumyum!!之後就有凍檸賓 加左塊好迫真嘅檸檬 加埋d紫色cream好靚 影相一流！味道就有d酸酸地 鐘意食酸野都應該幾鐘意～講到茶記點可以冇凍OT！呢個就冇凍檸賓咁酸啦 甜番d我幾鐘意紅豆冰除左上面有紅豆之外 就連個cake入面都有紅豆架 成個都食到粒粒紅豆 非常足料咸檸七 唔係講笑真係有咸檸七嘅味道 有dd咸中帶甜 係味道最特別嘅一款最後就係奶醫多啦 帶點練奶的甜味 上面d麵包粒粒都好脆卜卜除左外味道型特別連味道都好特別 一食落去就知道自己食緊邊隻味 唔會隻隻味都一樣 而且下面個層cake都好鬆軟！配番啖茶就perfect啦～

好時沙嗲大家都知o係好時中心但話說最近多咗個新地標行入商場2樓全場我覺得最光猛裝修最正嘅就係呢間裝修有一點英倫風格的 Twinkle baker好能夠營造到悠閑及隨性氣氛其實我係陪朋友去買散水餅好時中心其實係好方便嘅地方而家是相機食先的時代 港式甜品要出奇制勝除咗本身要好食好味之外賣相就一定要有 gimmicks 究竟冰室裏面的 (扮清糕)幾有創意呢我就一次過掃晒八款今次見到茶餐廳 cupcakes感覺好有香港特色蛋糕美食送禮自用都 nice買完放上Facebook呃like吃貨最like奶茶 最港色有原味奶茶仲有啲紅茶葉碎添凍檸茶 奶醬多 有煉奶之外仲有多士粒夠晒口感紅豆冰 都好搞笑因為有原粒紅豆又有椰奶香味咸檸七 凍檸賓 熟悉嘅味道真係有檸檬架焦糖檸檬片酸酸甜甜好好食菠蘿油 裏面的菠蘿皮同埋牛油切塊質地好實在好立克 中西合璧視覺上覺得有趣更加可以刺激味蕾好味道之餘仲好有 fun女仔就最鍾意食甜品 而男人的浪漫好可能系茶記

美美的cupcake是無人能抗拒，至少我是零 抵抗力， 見到那美輪美奐的外形，扭紋的忌廉完全令人想咬的衝動！ 做完facial見到有張好得意的海報，令我忍不住駐足觀看了一番！就是這一眼，出事，一見鍾情就是這樣發生的吧？！ 這一套【扮清糕】系列，以茶餐廳飲料和食物為題材，設計出一系列的cupcake系列出來，無論外型和概念都非常盞鬼，令我有想食之而後快的感覺！ 美美的cupcake,令人捨不得吃喔！還要是以港式茶餐廳為主，以平常很愛喝的紅豆冰、奶茶、咸檸七、再配埋菠蘿油，創意十足加外型滿分！ 左起咸檸七杯子蛋糕和中間是好立克杯子蛋糕，連飲管都玩埋，簡直cute爆！我請左小朋友食，他們一見到就勁開心囉！一直嚷：甚麼來的？！還又跳又叫！紅豆冰杯子蛋糕味道方面和真的紅豆冰也很相似，有真的紅豆蓉，而紅豆忌廉質感較挺身，味道很到位，甜度夠而不會太過！也蠻喜歡的。唯杯子蛋糕有點實，如果鬆軟一點會更合。 右邊好明顯就是菠蘿油杯子蛋糕啦！看那獨特而招牌的菠蘿皮就知了~不過食落同菠蘿包太相似，所以好像其他款攪鬼啲囉～左起港式奶茶杯子蛋糕，味道較像伯爵紅茶，茶香迴甘，茶味濃郁，有種香醇的感覺。中間的是奶醬

Cupcake 專門店 Twinklebaker 以茶餐廳的招牌美食和特色飲品為主題，推出創意十足的港式茶餐系列「扮清糕」。 香港地道的茶餐系列「扮清糕」，包括：菠蘿油、好立克、紅豆冰、凍檸賓 （上排左至右）奶醬多、港式奶茶、咸檸七、凍檸茶（下排左至右）梗有一款岩香港人口味！！全系列共八種口味的杯子蛋糕造型可愛得意，其中菠蘿油和紅豆冰最深得我心。店子的面積不算大，而且沒有坐的空間，所以大部分都是行街，即是 take away 外帶的～但其實也可以即場同朋友share食都可以。個人十分喜歡這裡的杯子蛋糕，入口鬆軟香口，蛋糕又不會太過結實。重點是蛋糕頂上的奶油忌廉色彩繽紛，而且吃落有獨特又別出心裁的「茶餐」口味！八個口味  各$28件，$140半打在Poster 留意到原來店子會另外給 紙杯仔/茶杯 裝飾凍檸賓插住支飲管扮飲品，士多啤梨色的奶油忌廉配上提子軟糖美感十足！焦糖檸檬片配上蛋糕都好特別，酸酸甜甜好醒胃！以為 cupcake 只有甜膩？店子也推出了奶醬多咸香的口味，品嚐到似甜非甜又新穎的港式滋味，但唯覺得蛋糕頂上的脆粒不夠脆喔～好立克口味的cupcake插住鬆化的餅乾和麥芽糖，賣相

餅呢家野有好多唔同既用途，就好似結婚，唔少得派餅，打工既朋友會有離職既時候，例牌 (應該都係例牌) 都要派下散水餅，又或者朋友生日，點都要買個蛋糕慶祝下，今次係尖東又搵到新野，就係我最愛既Twinkle Cupcake，今次Cupcake 賣相真係好鬼得意，係叫「扮清糕 By Twinkle」，而幫佢起個咁盞鬼既名就係本土文化專家Ben Sir。今次「扮清糕」Cupcake 系列一共8款，以本港特式茶餐廳文化為創作主題。「扮清糕 By Twinkle」 每件承惠$28款款賣相都好精緻，全部跟足本港獨有茶記文化以創作，夠哂地道特式，相信外國朋友見到一定會好鐘意。1. 凍檸賓 我最心儀的一定是凍檸賓，單是賣相已經好吸引，淡紫色的牛油忌廉是酸酸甜甜的利賓納味，忌廉上是一片沾滿了焦糖的檸檬片，檸檬片先酸後甜，中和了牛油忌廉的油膩感，以蛋糕底軟熟，內層有一點點的檸檬果皮，充滿層次感。2. 咸檸七不過我最鐘意都係茶記咸檸七，咸咸酸酸的味道最開胃，忌廉就是充滿咸檸七的咸味，加上一塊新鮮青檸，但內有乾坤，蛋糕入面係有話梅肉，口感咸得來，帶一點酸甜，愛吃酸甜的小喵絕對是die heart 粉絲。3. 紅

從不抗拒去茶餐廳, 因為識食的, 會發現茶餐廳其實是卧虎藏龍, 最美味的港式奶茶往往就出現於秘巷的茶餐廳. 要你數出在茶餐廳喝過的飲品, 不難, 隨便說也能道出一二, 檸賓、咸檸七、紅豆冰, 今次可以說是介紹茶餐廳食物, 亦可說是介紹cupcake, 因為Twinkle Cupcake已將兩者混合!看到門外的餐牌就覺很創新! 不只是飲品, 就連茶餐廳必食的菠蘿油、奶醬多也有, 真的令人很期待. 上星期就把它們帶回家, 與喜歡到茶餐廳的朋友分享.  由於拿回家途中盒子有點偏移, 所以原來美美的cupcake都給弄花了, 很可惜, 唯有先把這件凍檸茶吃掉, 才重新把cupcake放好. 檸茶味都幾像真, 以外賣杯的卡紙盛著, 很有趣! 經過我悉心重組後, 一打開盒子, cupcake完好無缺, 立即就替它們來個全家福 (雖然檸茶已經在我們的肚子裏).  賣相跟圖片的沒兩樣, 有飲管的特別矚目. 我最喜歡菠蘿油, 真實地有一塊厚切牛油夾在包內, 這件迷你版兼放在cupcake上的好有趣, 謹記菠蘿包很易碎, 加上有牛油, 所以要盡快吃掉. 繼續介紹飲品一類, 所有飲品的cream都加了砂糖,

之前同事辭職找時買嘅散水餅特別可愛趣緻，詢問之下原來係Twinkle Baker Decor既扮清糕By Twinkle茶餐廳系列。咁岩今曰出開尖沙咀，所以就走左去買晒所有款試下。Twinkle Baker Decor位於尖沙咀麼地道63號好時中心2樓282號舖，於港鐵尖東港鐵站P2出口步行約3～5分鐘。除左扮清糕By Twinkle茶餐廳系列，另外仲有冬甩，糖果發售，全部都好得意，好有特色！全扮清糕By Twinkle茶餐廳系列暫時總共有8款，難得一場黎到，梗係買晒返屋企慢慢食啦。好立克杯子蛋糕，有好立克糖同好立克餅係上面，忌廉上亦有好立克粉。不過好立克味較淡，唔太愛吃甜既可以試下。紅豆冰杯子蛋糕，跟住港式既紅豆冰一樣有飲筒同匙羹，蛋糕上面係係紅豆味忌廉，而蛋糕內亦有紅豆夾心。味道似食豆沙餅多d，不過因爲有糖粒係上面，所以會比較甜。港式奶茶杯子蛋糕，忌廉連蛋糕都是奶茶味，除了忌廉部份較甜之外，奶茶味偏淡，連男仕都可以接受。咸檸七杯子蛋糕，蛋糕上的青檸還可以榨出青檸汁，而忌廉上的是鹽粒，蛋糕來亦夾有一塊咸柑桔味的糖果。蛋糕的甜味和酸味亦都品嚐到，可惜尋找不到七喜的存在。凍檸賓杯子蛋糕，

攪鬼茶餐廳水吧CUPCAKE@Twinkle Baker Décor尖沙咀東部麼地道63號好時中心2樓282號茶餐廳水吧沖製的奶茶咖啡, 好多人唔飲唔安落心掛掛, 因風味特別濃厚。同家人食完重開的沙嗲, 就碰上了Twinkle Baker Décor扮清糕cupcake,因為全家都未食飯後甜點, 就帶走回家慢慢品嚐! 店鋪原來換了新裝,  幾有懷舊FEEL扮清糕一共8款茶餐廳造型cupcake, 由一杯杯飲品食物化身成食入口的cupcake拍過照後便把CUPCAKE一分為4, 那我們人都可以把每款口味試到。奶醬多有花生同煉奶,更有烘香過的麵包粒, 真的鬼馬極了, 建議用麵包粒沾上CREAM享用。凍檸荼,紅茶的芳香化解了甜度, 滲著微微的酸刺激住味蕾。紅豆冰味CREAM上面放了煮得軟腍的紅豆,忌廉中已混入了紅豆碎,吃下有淡紅豆香及椰香。咸檸七很過癮, 有片青檸點綴外,酸酸的又有點咸味,互相輝映更出眾。好立克很迫真,放上了好立克糖及好立克味薄片, 三者味道統一卻有著不同的口感層次,港式奶茶是很多人抗拒不了, 富茶香卻不澀, 當中忌廉更是精華所在,爆出濃郁港式奶茶味。CREAM比較甜, 味道

Cha Chan Tang Cupcakes | 茶餐廳系列杯子蛋糕.super creative cha chan tang themed cupcakes w/ cute presentations😍 好可愛的茶餐廳系列cupcake 以茶餐廳常見的食物和飲品融入cupcake 分別是👇🏼Sweet Milk Toast | 奶醬多Pineapple Bun with Butter | 菠蘿油Milk Tea | 港式奶茶Horlicks | 好立克Salty Lemon Soda | 咸檸七Red Bean Ice | 紅茶冰Iced Lemon Tea | 凍檸茶Iced Ribena with Lemon | 凍檸賓造型很可愛有創意😚 飲品cupcake更用了茶餐廳杯盛載 插上飲管😂 菠蘿油上面有層菠蘿油的脆皮 中間夾上一片牛油😈 整體味道都不錯 不過質感濕潤點會更好

好不容易又到happy friday, 一返工已經諗定要黎個三點三喺腦袋放空之際，聽到隔離有人講:唉如果有杯絲襪奶茶飲下就好喇。。。咁就搞到我成腦都係茶餐廳凍檸茶菠蘿油既味轉下轉下叮!一聲醒起之前聽過尖沙咀有間賣好"港式"cupcake既店終於到中午趁停左雨拿拿臨飛出去買公司行過去都唔使10分鐘就到好時中心~聽人講扶手電梯轉上兩層就到好vintage既門面，唔好理咁多，飛撲去蛋糕櫃::一杯杯好迷你既茶仔熱奶茶，咸檸7，菠蘿油。。。變曬cupcake仔而office多人既好處就係。。可以用豪氣掩飾我既選擇困難症::唔該每樣要一粒丫9秒9返到office等唔切3點3~相機食飽就我唔客氣喇?首先黎個醒胃咸檸七:散發住淡淡檸檬味既蛋糕，入面有少少咸檸粒，配埋好似灑左雪咁既海鹽喺檸檬忌廉，一啖入面有曬甜，酸，同咸味一秒入面味覺好大衝擊跟住要食返個菠蘿油喇::佢將菠蘿油應有既脆皮完美咁做到出黎，食落好似鬆餅咁，加埋舊軟林林牛油呢種睇同食唔同既感覺又新奇又矛盾呀~再試試熱奶茶~公認係最軟滑既質感，同埋保持住絲襪奶茶既濃郁茶味喺蛋糕係得意既~本人幾欣賞係好立克味因為係童年回憶，好立克最底係有最濃既好立