UCC Coffee Shop (Closed)

今日係大年初五，我們下午去咗奧海城嘅「UCC」食下午茶！我們叫咗鮮蝦蜆肉意粉「茄汁」、海鮮意大利燴飯同綠茶紅豆法式多士！鮮蝦蜆肉意粉「茄汁」鮮蝦嘅肉質都幾爽口彈牙，蜆肉嘅份量都幾多，意粉嘅麵質比較腍，唔係好彈牙！海鮮意大利燴飯嘅海鮮份量唔算太多，醬汁嘅味道相當濃郁！綠茶紅豆法式多士嘅賣相都幾精緻吸引，多士嘅外層炸得都幾金黃香脆，而且都幾鬆軟，紅豆蓉嘅甜度恰到好處，唔會太甜！店內嘅裝修都幾靚，座位都幾寬敞，感覺都幾舒服！

好想食沙律，但自己又賴，唔想自己整，可以點？ 就係去UCC 啦 沙律材料依然豐富，有粟米粒/菠蘿/紅腰豆/薯蓉/啫喱粒等等，食幾多，攞幾多, 又新鮮 (當然唔好浪費)!而主菜選了咖哩吉列豬扒飯，咖喱好好味，豬扒大塊又厚身，而且好juicy, 咁多年都可以保持水準！

自從尖沙咀同青衣城既分店執左之後，已經好耐無去過UCC啦！今日再有機會食佢既沙律吧，好滿足！同行友人都join埋dinner set，自己拎返自己果份，唔敢拎咁多怕食唔晒呢！自己覺得砌得都幾靚！只係記得以前好鍾意食既蝴蝶粉，而家好似無左，不過個薯仔沙律仍然係咁好食餐湯也不錯我叫左個茄汁海鮮意大利飯，味道唔錯，海鮮都OK，但可能係風口位，食完沙律再食main就凍凍地啦，相信熱啲會再好食啲！配返杯清清地既檸水，悠悠閒咁同朋友吹下水，環境又唔嘈，的確不錯！

今日下午我們去咗奧海城嘅「UCC」食下午茶！我們叫咗公司三文治、香煎魚柳意粉「小」同Tiramisu多士！公司三文治嘅面層烘得好金黃香脆，蕃茄同生菜相當新鮮，味道好清甜，鷄蛋亦好嫩滑！係本人嘅必食推介！香煎魚柳意粉「小」嘅魚柳比較油膩，肉質唔太嫩滑，白汁太過濃，稀番少少會好啲！Tiramisu多士嘅多士一啲都唔香脆同煙韌，質感過腍，Tiramisu嘅奶油亦唔係好香甜！令本人有啲失望！

今日只想簡簡單單食個Lunch，來到奥海城已經見有一堆人在等位，心知不妙-有排等，我哋一行2人瞓醒就來lunch的肚已經打咗鼓，好彩在我哋前面號的人可能太餓走晒人，so我哋等咗10分鐘已經入座.今個Lunch我哋要咗3款食物，不能少的自助沙律，我哋裝咗好好嘢食，初頭都擔心食唔晒的.因為我哋每人將會要一個主菜，後來望一望在左右的用餐，才發覺主菜份量很少，如果男人一定不够食，女人就剛剛好.意粉味道ok中規中矩，没咩特別， 蝦都算彈牙，意粉份量就少咗D.

由於今天吃的午餐份量實在太少了，去到奧海城，急不及待找地方吃茶餐。本來想和家人吃壽司，怎料去到搬遷了的元氣門口，發現裡面的座位十分擠迫，於是我們去吃座位較舒適的UCC。我們被安排坐卡位，看餐牌後，我點了法式煙肉薄餅多士，飲鮮橙汁。等了十多分鐘，食物終於送來了。多士有三片，烘得很香，一吃入囗，非常熱辣鬆脆！看來食物是即叫即整，不怪得等食物來的時間那麼長。有奇異果、桃和橙片伴碟，很適合夏天吃。另外，如果多士上的煙肉餡料多些就更好了！橙汁很冰涷鮮味。妹妹吃吞拿魚煙肉夾餅，飲UCC招牌咖啡。她請了一塊夾餅給我吃，我在夾餅上搽上少許牛油、吞拿魚和放上一小片煙肉吃，想不到如此熱辣美味！侍應捧著咖啡壺在我們面前斟熱咖啡，咖啡香氣濃郁，妹妹説非常好飲呢！吃完法式多士茶餐後的我仍未飽，於是我再點多一個茶餐吃當晩餐，選了鮮茄煙肉意粉，飲多一杯鮮橙汁。等了一會兒，侍應把食物送來，意粉好香，似剛焗完出爐的薄餅那麼香噴噴！意粉份量不少，很新鮮熱辣，茄汁充足絕不欺場，意粉質地及粗幼適中，甜酸味道很配合，加上一些西蘭花、翠玉瓜、車厘茄和煙肉，十分美味呢！真想不到結果我吃了多個兩個茶餐呢！

今天放工後與好友相約行奧海城，雖然奧海城有不少食肆，我們還是選了之前幫襯過兩次的UCC。猶記得之前在這裡和友人吃過自助沙律吧和意粉，吃得好飽，最後捧著肚子離開的情景。選這裡的另一原因是座位舒適，我和友人好久不見，這裡是一邊吃飯一邊閒聊的好地方。今次我們都有幸坐到卡位，很寬闊舒適。我和友人都點了雜扒餐，不過她的餐配白飯，我的餐配蒜蓉多士。雖然很想再吃沙律，只要加廿幾元便有沙律、餐湯和飲品，但怕吃得過飽或會浪費食物，最後都沒點了。食物等了很久才由侍應奉上，雜扒餐有雞扒、豬扒、煎蛋、炸蝦、薯蓉、西蘭花、紅蘿蔔條和意粉，配上三條蒜蓉多士條，份量很多，十分豐富！蒜蓉多士條很熱很脆；雞扒和豬扒質地算軟熟，味道不錯！煎蛋有點咸；炸蝦非常美味香脆；薯蓉味道較淡；西蘭花和紅蘿蔔條有點硬；意粉份量很多，吃得很飽！唯一美中不足是雜扒餐沒有飲品，想飲就要加錢食埋沙律和飮埋餐湯，對於食量不太大的我來說，有點失望呢！起初本打算吃完扒餐再點甜品雪糕來吃，結果都吃不下，希望下次有機會試到UCC的甜品。

約左朋友去奧海城睇戲,見仲有時間就落下一層食D野hea時間,見UCC無咩人就決定試下一坐低就叫左個香蕉朱古力窩夫,賣相唔差,睇落好似唔錯,窩夫送到黎仲暖,加分加分!不過食落其實同出面D甜品舗無咩分別,而且佢落既朱古力醬都唔係好夠,食落得窩夫味,無咩朱古力味,口感都一般,無外脆內軟個種鬆化口感開頭以為UCC既窩夫應該會同普通甜品舗有D唔同,有少少失望

見假期想跟老公和阿仔出去食晚飯，但阿仔始終讓得一歲，不敢去太細的食肆，於是選了奧海城的Ucc cafe, 一直覺得日本公司在關顧小朋友做得很好，但今天來到ucc cafe, 對他們真係很失望。食物方面：因沙律吧去來既我，但好失望。沙律吧refill很慢，六點開始，6：20已無晒，款式也不太多，主要得薯蓉、粟米、菠蘿、桃、青瓜、車尼茄、啫喱。食物去到無晒才refill,要等十幾分鐘。至於正餐，我叫左個三文魚扒，它本身配左意粉，再有得選飯或蒜蓉飽。由於我不想熱氣和太多油，我選了飯，但變了又有意粉又有飯，五穀份量是1.5人的。但三文魚叫做煎得不錯。老公叫左個咖喱牛肉飯，份量也是較多。但老公點了餐飲凍咖啡也等了15分鐘都沒來，最後要勁催才跟單。

今日又跟大胃王去睇戲，睇完就在附近食點東西才回家～ 在奧海城午飯，真的沒有心水呢～大胃王說，他未食過UCC，好，就順他的意，一嘗它吧～肚子餓了，所以點了一份意粉一份薄餅，當然不少得把餐點轉成set，多一份salad跟餐飲啦～Salad 是自助形式，店員會送上一個碗子，再自行到Salad Bar 盛取～ Salad 的選擇也不少，有生菜粟米紅腰豆吞拿魚菠蘿蜜桃蝴蝶粉等，其實都是罐頭貨色，沒有什麼吸引力～ 最吸引的，是它的薯仔沙律呀！薯仔煮的綿滑的，加上適量的沙律醬，美味呀！焗三文魚菠菜螺絲粉，熱烘烘的上桌～ 滿滿的芝士，三文魚切成丁，焗得外層微脆內裡嫩滑，加上適量的菠菜減低芝士的漏膩感，可惜，螺絲粉煮得過火了，太稔身一點嚼口也沒有，吸引力大減！雜菌薄餅，用了大量的菌類，成品香氣十足！薄餅脆身，雜菌煙韌有嚼勁，加上半溶芝士，不錯呀！餐飲大胃王選了熱咖啡，質素一般，苦澀味十足！老實說，相較幾年前，UCC 的水準的確有下滑的跡象，餐廳是走日式西餐路線，應該是精緻才對，但今次的感覺很大件夾抵食，一點也不精緻，亦不日式... 食物未至於難食，但不復當年之勇呢~~

來UCC食飯 更係要食沙律啦!同朋友點了一個牛扒餐主菜+$2X，有餐湯、沙律及飲品沙律係自助的  沙律吧種類都多...薯仔、呑拿魚、菠蘿、桃 螺絲粉、生菜、提子乾、啫喱等。攞一了大碗 回自己位, 攞既過程, 我都幾enjoy 呀!味道不錯, 特別係 薯仔 好棉, 夾埋D菠蘿和桃 一起食, 感覺好清新 – 正!!牛扒方面: ,有大大塊牛扒 , 煎蛋, 薯角併意粉點左五成熟, 但來到時已接近7至8成了 所以有點鞋同un 切都有難度但牛味尚算濃 如果真正五成熟 ,會幾正而意粉就沒特別吧!! 不過, 節合價錢來講 還算一個不錯的選擇!!

曾經有段時間很喜歡Pokka Cafe，可謂日式西餐廳的代表，第一代的Fusion菜。很喜歡那些充滿和風滋味的意粉，還有蜜糖多士粒。可是，隨著質素慢慢下降，人氣也逐漸褪去。UCC走的也是相似的路線，但總覺得比Pokka Cafe的質素次一級。Pokka風光不再，那UCC又如何？來到奧海城的UCC吃晚飯，為我的問題找答案。店內頗大，座位舒適。餐牌上也是日式西餐必備的沙律，意粉，焗飯等等，當然還有甜品。晚餐加＄40有餐湯，飲品和到沙律吧一次。橙汁和湯都普通。友人出動，在碗中堆了座小山，色彩繽紛。味道一般，賣點是一個發揮無限創意的機會和看著自己的大作時的滿足感。鮮蝦帶子意粉又粗又腍的意粉，跟茶餐廳出品有幾分相似。蕃茄汁不入味，而且沾不上意粉，味道偏淡。肉腸薄餅比預期中少，可能是盤子太大的關係。餡料還可以，芝士夠多，肉腸不太咸，味道不太差，可是薄餅有點脆又有點韌，口感麻麻。芝士雞肉焗飯壓軸出場，整晚最好吃的一道。飯偏濕，黏成一團團的。面頭鋪滿白汁和芝士，焗得幾香。而且芝士可以拉得長長的，不好吃也好玩。雞肉也夠嫩，算是不錯。不似日式，說是西式也說不過去，更莫說把兩者融合，結果淪為港式西餐。可是，

由於鐵路沿線，所以選擇比較近的奧海城，見到食評，發現有沙律吧，我覺得幾吸引，可以食些 蔬菜生果，幾好。可能係星期一至四，無咁多人，晚上8點幾，但人流唔多，所以唔使等，又唔使逼地方有整潔清靜。叫左一個pizza & 墨汁意粉，仲可以加 $40 有 自助沙律，餐飲，餐湯。都算幾抵。沙律吧，雖然選擇唔多，但其實都足夠，有基本的 生菜 ，青瓜 ，粟米，菠蘿， 紅腰豆，吞拿魚，蝴蝶粉，薯蓉，提子乾，茄子仔，啫哩， 蜜桃。其實樣樣都好味，特別喜歡薯蓉 & 蝴蝶粉，涼涼地，好醒胃個粉好爽口。墨汁意粉，比較咸，唔係特別好食，不過不失。腸仔pizza 比較好D, 熱辣辣，芝士雖然多，但唔太膩，而且個低夠薄，唔使咁飽，食沙律都飽左D 。但平均每人都係百2蚊左右，所以都ok。可以間中再食。 腸仔pizza 墨魚汁意粉 是日餐湯

點菜後二十分鐘，姍姍來遲的waffle終於上桌。第一眼望落幾靚，第一口食落心知不妙。waffle唔熱，只中心位置少許微暖，餅身亦不夠鬆軟。整碟唯一可取之處是伴碟的雪糕。。。

成日聽人講ucc 加40蚊就有一個大大沙律自己不架！要幾多就有幾多 我都忍5住去食下☺️同朋友整係叫左一個餐先 都要百幾蚊！由於都係食下lunch 所以應該夠飽嘅！個個沙律 我地不滿哂 有生菜 有好多料其實薯容先飽呀！食完前菜 主菜黎啦！食左烏烏卒嘅麵 食完d牙都污糟哂！但好味 我未食過甘好食嘅墨魚麵👍👍一定要試！！