千府·居食屋 (Closed)

今次去何文田外賣壽司，價格都好抵！店員好友善。#迷你三色丼 💰128 佢既份量一啲都唔迷你啊！而且係好靚既便當🍱呢個有吞拿魚、深海池魚、甜蝦，每款迷你飯餐都有刺身各2件（三文魚&帶子）、沙律、生果、漬物同紙包飲品。仲有！佢仲配埋5件壽司拼盤/火炙壽司🍣！勁多野食。火炙壽司有三文魚、熟蝦、玉子、鰻魚同埋左口魚。#迷你火炙三文魚 💰95 身為三文魚控當然要揀呢款！加多好多既沙律醬撈飯一流！仲有個底有勁多既蟹籽😋好豐富。壽司拼盤有三文魚、赤身、深海池魚墨魚同埋赤蝦。

之前去過何文田勝利道千府居食屋食過日本菜，食物質素唔錯，知道佢哋推出咗迷你飯餐，今日剛好經過，買嚟試吓先！打開外賣盒令人眼睛一亮，色彩繽紛的食材分放在盒內，十分美麗！套餐都好豐富，有刺身、沙律、果物、漬物、迷你丼飯，壽司拼盤和飲品。刺身：三文魚有魚油香味，帆立貝新鮮美味。沙律菜新鮮爽脆。迷你三色丼飯（赤身、深海池魚、甜蝦）：赤身係指紅肉，含脂量少，肉質較實，有咬口。深海池魚肉質肥嫩,口感順滑鮮甜。甜蝦帶有濃厚的甜味。壽司飯係採用日本種珍珠米，米質彈牙煙韌、晶瑩爽口。 迷你角切魚生：角切魚生色彩繽紛又新鮮，除咗魚生還有玉子和青瓜，增加多一些口感！壽司拼盤有二款：A款有三文魚、赤身、深海池魚、墨魚和赤蝦。B款係火炙壽司，有三文魚、熟蝦、玉子、鰻魚和左口魚，兩款各有特色，刺身壽司鮮美，另外一火炙壽司，食材經過火炙後脂香中帶甜美。套餐還有飲品奉送！

係網上👀呢間係何文田嘅「千府•居食屋」，有款午市“迷你飯餐”，覺得價錢實惠、款式多多、性價比高，於是與 honey 一齊嚟品嚐下味道！😉每款套餐都有一碟：三文魚、帶子片刺身、沙律、果物、漬物及一碗麵豉湯或一盒飲品。同時可從10款主菜內揀選喜愛食物，並可揀選A、B 壽司拼盤。# 迷你三色丼 $128 # 迷你蒲燒鰻魚飯 $118👇🏻沙律菜新鮮清甜，配合鮮茄、蟹籽、粟米，令人胃口大開👇🏻三文魚夠厚肥美、帶子爽口鮮甜 👇🏻各款刺身非常新鮮、份量十足 ～ 甜蝦爽甜彈牙，吞拿魚、深海池魚片片肥厚鮮甜，加埋青瓜絲、蟹籽，只可用一個形容詞 👇🏻鰻魚燒得夠香、魚肉又厚，配合燒汁、蔥花、粒粒白飯一齊食，非常 yummy 👇🏻A、B兩款壽司，各具特色，款式多樣化、味道豐富，真係食到停唔到口 此外，餐廳環境優美憩靜，服務員態度殷勤有禮，令人食得舒適 🥰

知道有啲朋友仲未放心出街食飯今次分享吓好正嘅外賣日本菜啦！勝利道千府🇯🇵由旺角黑布街行過去都只係5分鐘~ 超近！佢哋推出咗一系列定食外賣（ *menu在尾圖）有主食、刺物、壽司、沙律、生果、漬物仲有飲品！ 食完真心滿足！而且店員仲勁nice！🔸三色丼定食（$128）主食壽司飯有甜蝦、深海池魚、赤身，味道鮮甜，赤身用醬油漬過，帶有醋同醬油味。刺身係三文魚、帶子，好新鮮！哩份嘅生果係西瓜🍉成個set食哂都好飽呀！🔸角切魚生飯定食（$108）有三文魚、玉子、青瓜、吞拿魚等材料。壽司有赤蝦、三文魚、深海池魚、赤身、墨魚刺身都係新鮮三文魚、帶子全部都好味😋哩份嘅生果係酸酸甜甜嘅菠蘿🍍另外沙律同漬物都好開胃清新，飲品有幾款茶可供選擇，整體真心唔錯，性價比好高！值得試吓！❤️

前幾日同朋友係何文田見到有一間日式料理餐廳門口店內最新推出嘅日式套餐幾豐富同吸引我😍於是就坐低食個午餐，店內環境唔算大，但都幾有日式特色，廚師現場製作，大概十五分鐘就可以品嚐最新鮮美味嘅日式料理😋 迷你三色丼（吞拿魚 深海池魚 甜蝦）$128刺身（三文魚🍣2件 帶子2片）➕是日沙律🥗➕果物➕漬物➕紙包飲品🧃（烏龍茶）壽司拼盤🍣 可2選一A:壽司拼盤🍣5件(三文魚，赤身，深海池魚，墨魚，赤蝦)迷你蟹肉丼 $108B 火炙壽司拼盤🍣5件(三文魚，熟蝦，玉子，鰻魚，左口魚)真系好豐富既壽司SET，所有食材都好新鮮，北海道帆立貝幾大隻，A壽司拼盤的每一種食材令你可以感受到唔同海鮮既鮮味，B壽司拼盤而讓你感受惹味又香口既火灸香料理口味😋當你煩惱😣食乜果時又唔想諗，咁呢個日式套餐真系就可以幫你解決呢個問題，食材新鮮又豐富，性價比仲好高，食完真係好飽😝同埋餐廳都有外賣架✌️

最近香港的疫情十分之反覆，但是新一年一定要有一個新的開始，於是經朋友介紹之下，來到了這條在旺角十分出名的食街，勝利道，嘗試一下日本美味的味道. 這個前菜十分之清新，加上自家製的醬汁十分之好味道.飲品也十分之有特色有日本製的提子汁.這個刺身拼盤也十分之吸引，三文魚十分之細滑，入口即溶，海膽也是十分之推介的海水味充足，大拖羅入口即溶感受到幸福的感覺.串燒方面廚師的火候控制得十分之好，為大家推介最美味的豆腐.最美這個魷魚為這一餐畫上一個完美的句號.

最近我同friend子到左呢間新開嘅【千府居食屋】 食日本菜，食物超高質，全部都好吸引呀！呢度嘅食物好多元化，有前菜、沙律及小食、刺身、壽司、和食、特色雞尾酒及甜品等，樣樣都想試呀~餐前小食有甘筍、青瓜伴西班牙醬汁，好開胃~沙律食得多，【和風火炙左口魚邊沙律】真係好特別，左口魚邊好滑、好清甜，值得一試~【五點刺身】非常新鮮, 最開心當然係有我大愛嘅海膽啦！非常鮮甜香滑，拖羅和三文魚也很肥美~【千府火炙盛盒】有八件壽司，火炙帶子和左口魚特別出色~【千府將大阪燒】賣相吸引，是薄薄的方形燒，很足料美味~【日本青椒仔】、【燒鮮淮山】和【日本金時蕃薯】是健康之選，第一次食燒鮮淮山，口感爽脆~【手作免治雞肉軟骨餅】口感豐富~【大蔥雞肉串】蔥香四溢，啖啖肉, 外脆內juicy~ 【日本黑豚肉炒麵飯】一碟有齊飯和麵，黑豚肉香嫩，面頭淋上和風醬汁，很惹味啊！【白雲富士山飲品】很吸晴，蜜桃味和提子味各有特色~飯後甜品點了【沖繩黑糖蕨餅】很香的黑糖味，甜度適中，入口香軟~呢餐真係好豐富，能夠同friend子一邊談天，一邊食到超水準嘅日本菜，十分開心~ 呢間餐廳已刊入我嘅回訪名單呢~千府居食屋 九龍勝利道2

聖誕已接近尾聲，今天捉緊假期的尾巴，和朋友去了旺角勝利道這條內街覓食。餐廳主打日式料理，雖然不是很大，但是食物種類都幾多，而且除了餐牌，亦有期間限定。前菜是蔬菜條配座熱的鯷魚醬。壽司🍣盛合有九件，每件都用了不同的醬和點綴，滿滿的海膽、大大隻的帶子、厚切的拖羅，味道令人回味。茶碗蒸用了蟹的容器，有蟹膏和蟹肉，滑溜溜，好熱好正。炸豆腐用的是玉子豆腐，冬菇串亦香口多汁，青椒仔配木魚，好清新。燒蠔🦪有滿滿的芝士和配料，好正。橙汁和蘋果汁cocktail 易入口，用個發光火山🌋杯，好靚。.

何文田以及旺角交界嘅有間居酒屋 🏮 佳肴美味😋，大家可以過嚟試吓。蘿蔔蔬菜配西班牙提魚醬做前菜金紋世界鷹$238去到居酒屋，當然要叫一支清酒共享啦！今次試吓凍飲！居酒屋原來仲比較特別，會攞咗成個冰盤出嚟俾我哋浸住🤩冰凍嘅清酒，放入嘴入邊，而家嘅狀態就係對酒當歌，人生幾何嗰啲feel嘅朋友😚唐揚磯邊魷魚鬚$55另外一個下洒嘅前菜，炸魷魚鬚蟹肉餅、牛油果芝士沙律前菜九件壽司拼盤$298最鍾意嘅當然係肥美吞拿魚拖羅以及新鮮甜美海膽壽司😛。帶子壽司都非常之新鮮好食，上面加咗一啲黑色魚子醬做襯托提味。嘻嘻，仲有金箔和牛壽司，有靚女做背景食啲薑，😵‍💫中和一下味道準備下一道菜雞泡魚魚干適合放到最後Order，因為晚餐到尾聲，餘下一些清酒，就好可以把杯談心暢飲，一邊配合有醬汁略甜的雞泡魚乾伴飲。

$198A4和牛炒飯餓底嘅朋友，唔好講笑，好似我哋咁樣叫個和牛炒飯😛。日本珍珠白米飯抄到每一粒分明，雞蛋均勻。來自和牛油香恰到好處，加上明太子上面增加色彩，仲有其他嘅配料，好快一碗又一碗就會食晒。原條燒花魚 $168啖啖肉，食都唔停口🐟，燒到香噴噴嘅青花魚燒魚鮫必定要叫嘅一道菜色，燒出嚟嘅形狀係一個大嘅C型。鍾意食魚嘅朋友，會感覺到佢同青花魚嘅唔同。比起燒鯖魚，入邊嘅魚肉更加嫩滑可口多汁滋味，魚香更加重，而且有少量嘅脂肪，燒起來更加香溢。又喺一道食唔停口嘅菜式🙀宇治抹茶紅豆布丁🍮$48香濃嘅宇治綠茶味，另外有紅豆加重甜味，上面仲有忌廉以及好醒目嘅餐廳舖頭名做標誌，作為甜品係一個唔錯嘅選擇😻

今天陪一個認識多年，喜愛寵物到發瘋的朋友，放工後到何文田揀選寵物用品。到晚上吃飯時間，我們打算隨便找一間餐廳坐下，但由於不太熟悉這裏的環境，發現這裏有太多餐廳不知道如何選擇，遠處看到一間很多人排隊，及裝修很別緻的日式餐廳，便決定坐下了。這裏給我的第一感覺是環境非常之日式，服務員十分親切有禮貌，照顧周到，包括會介紹他們的招牌菜式，及餐牌上的各種美食，及會詢問我們有什麼特別要求，令我們感到很舒服。先來一碟很清新的前菜，日式青瓜和蘿蔔，沾上他們秘製的日式醬汁，很開胃飲料特別安排他們非常特別的果汁， 檸檬和蘋果幻彩富士，十分有趣，用來打卡一流看到隔離枱點了很多壽司組合，眼見十分新鮮，所以特地叫了他們的‘特上壽司盛盒’，可以品嚐很多口味另外我們還點了多款小食，雞軟骨，日式蕃茄豆腐沙律，明太子二重芝士玉子燒，厚切牛舌，燒秋葵，燒糖心菠蘿，日本番薯，每樣食物也做得十分出色，尤其是燒物燒得剛剛好，沒有燒得過燶。最後看見我的朋友好像還沒有吃飽，我們特意點了一道看名字已經感到飽肚的菜式，日本黑豚肉炒麵飯，既美味又飽肚。沖繩黑糖餅，這個亦是侍應推介必食的，令我想起在沖繩吃過的感覺。意料之外的日式美食。

今晚同女朋友慶祝拍拖週年紀念日，一早搵定間餐廳同佢慶祝！做定功課女朋友最愛食日本菜，早早之前上網睇到旺角區新開左一間日式居酒屋，位置近旺角東火車站，聽聞質素高！今晚黎到枱枱都滿座，好彩一早攞定位前菜：鯷魚醬雜菜，魚味好濃香，配埋清清地既雜菜，味道剛剛好！我地叫左一枝清酒，酒味甘醇，容易入口！前菜叫左左口魚沙律菜，燒香左口魚入口即溶，魚油濃厚！鰻魚干配清酒最夾，咸香獨特又唔乾！另外叫左燒牛舌、燒白鱔、燒菠蘿、燒豆腐，串燒即叫即燒！最愛爽口厚切既牛舌，黑椒味濃入口咸香爽口，好juicy！白鱔皮脆肉嫩，魚油豐富！最後叫左九件壽司拼盤，最愛和牛壽司，入口即溶，大拖羅非常肥美，黑松露帶子爽甜新鮮黑豚肉炒麵炒飯，大板燒煮法，加上沙律醬，好惹味口感好特別！甜品當然唔少得女朋友最愛黃豆粉蕨餅

因疫情去唔到日本已經年多，朋友們都按耐不住，喺香港搵啲有日本風味嘅居酒屋食嘢傾計，希望有恍似身在日本的感覺，今日又去咗勝利道千府·居食屋，餐廳真係好有日本居酒情調。入座後送上餐前小食，爽口嘅青瓜、紅蘿蔔、沙葛配鹹香嘅鯷魚醬，令人食不停口。松葉蟹肉波波，用松葉蟹肉做成波波，配沙律菜和蟹子，加入柚子酸汁啫喱，蟹肉鮮甜帶少許酸味！日本黑豚角煮，日本的紅燒肉通稱為角煮，用肥瘦適中的五花肉，以日本滷汁燉煮，調味恰到好處，肉質軟嫩入味！燒日本雞腎爽口。加少許鹽調味，提升味道。燒日本青椒仔，少少辣，加埋木魚絲味道更佳。燒秋葵，秋葵吃起來不會太軟爛還帶有些脆脆的口感。鰻魚炒飯，色香味俱全又足料的鰻魚炒飯，用珍珠米炒香噴噴，炒得粒粒分明，飯內有切碎鰻魚肉，飯面亦有兩大塊鰻魚肉，相當豐富，而且味道甚好！山頂可樂，山頂可樂採用了來自富士山的天然水製造，口感十分清爽又不過甜。

今日出開何文田，到咗這間居酒屋食晚餐。前菜鯷魚醬，一直溫熱，味道濃郁，搭住蔬菜條慢慢食。五點刺身。三文魚肥厚，入口嫩滑。另有脆口紫菜供你包住海膽食，正。九件壽司盛盒，賣相唔錯。拖羅肥美，入口甘香。帶子大大件。海膽加碼🤣香煎蟹餅牛油果沙律，香煎蝦餅熱熱的，下面是健康的牛油果沙律，是一個偏向於飽肚的沙律燒鰻魚乾，和平常吃的雞泡魚乾很不同，這款很乾身很薄很香脆，幾特別！燒鮮冬菇好香。燒蕃薯仔好甜，熱食最好味！燒日本青椒仔，上面鋪滿木魚，一起吃又幾好味。日本雞腎串，彈牙，有嚼勁。明太子手羽，吃起來很香脆，一口咬下都是明太子，哈哈。花膠鰹魚湯手打烏冬，花膠份量不少，鰹魚湯味道濃郁，加上彈牙的手打烏冬，不錯啊。宇治抹茶紅豆布丁，一啖抹茶一啖紅豆蓉，這個配搭一直都好夾。荔枝味及柚子味幻彩富士，下面有一燈仔一直亮着，賣相吸引。

好少過去何文田食嘢，今日朋友約咗我過去食日本菜，千府·居食屋係新開昭和風日式居酒屋，裝修擺設都充滿日式風情。晚市餐前小食：用火熱住西班牙提魚醬，將青瓜、紅蘿蔔、沙葛條點嚟食，味道鹹香。櫻花可樂：日本原裝進口，蘊含迷人的櫻花香氣，順口爽快的口感.海盜芝士：酒盜是魚內臟醃漬，配芝士和餅乾食我都係第一次，味道好特別又有口感！千府火炙盛盒：有中拖羅、北海道帆立貝、左口魚裙邊、三文魚各兩件，火炙過啲食材有外熟內生的口感。尤其是油脂豐腴的魚件，魚油滲入醋飯之中，增添風味及層次。手作免治雞肉軟骨餅：加入照燒汁煎熟, 再點一點日本雞蛋，香脆的外層加上軟骨的爽脆咬口，再添蛋香，美味可口！日本黑豚腩肉：豬腩部位肉質纖維較細，肌肉間脂肪較多，帶有濃郁油香風味！宇治抹茶十勝紅豆布丁：宇治抹茶特有的濃郁香氣，與北海道產十勝紅豆的柔和甜味好夾，美味的甜品！