方叔叔重慶老火鍋 (如心廣場一期)

Open Now

Now Closed

呢幾日荃灣趺到得返幾度，點少得去邊爐！呢間方叔叔最抵讚係門口部清新噴霧機 ，打完邊爐轉返一圈即刻冇曬味! 一坐低店員就貼心地送上潤肺又養顏的雪耳紅棗糖水，然後用QR Code.今次揀左鴛鴦鍋🥣，分別係季節限定滋補暖身羊肉湯底同養生的山珍菌湯。限定羊肉湯每人加$20就有，仲有7-8大舊羊肉，真心超級抵！ 當然唔少得就係佢地季節限定的鮮拼九宮格拼盤$228，真係打卡又靚內容又豐富!🥣黑松露墨魚滑🥣鮮黃喉🥣豬肉貢菜滑🥣鹵金錢肚🥣珊瑚蚌🥣鹵豬手🥣香菜牛肉滑🥣麻辣牛肉絲🥣鮮竹笙手打蝦滑 另外，必叫一定係皮簿咬落煙靱的特色迷你燕餃 $38！皮簿而且咬落超鮮甜! 仲有煙煙韌韌的$88 紅糖爆漿粑（一份），十分香甜又解辣。 稻庭鳥冬$18條薄而幼身，口感滑身。最後仲叫左仲叫熟鵪鶉蛋、鮮腐竹、大刀筍片、油麥菜、唐生菜、土豆片。咁

方叔叔重慶老火鍋📍荃灣楊屋道8號如心廣場一期3樓305號舖朋友同我嘅生日差幾日，所以一齊去咗方叔叔食麻辣火鍋慶祝吓🤭呢度嘅重慶辣湯底同佢個醬料真係好惹味，但令人食極都唔厭嘅其中一個原因係佢不時會推出唔同嘅時令嘢，冬天佢哋出咗羊肉湯同鮮拼九宮格俾大家補補🤓。羊肉湯（每位+$20）呢度嘅湯底都係用真材實料，所以未開始淥嘢之前可以裝番碗湯飲吓，鮮甜暖胃😋羊肉大大舊無羶味，仲吸收咗湯底嘅藥材香味😋鮮拼九宮格 $228（鮮黃喉、豬肉貢菜滑、鹵金錢肚、珊瑚蚌、鹵豬手、香菜牛肉滑、麻辣牛肉絲、鮮竹笙手打蝦滑、黑松露墨魚滑）9款重慶鮮貨份量大概兩人份，可以食到九款精選食材，啱晒好多嘢想食又選擇困難嘅朋友😎黑豚腩肉（半份）$48肥瘦均勻，食落好有肉味，其實半份唔夠喉，但我哋實在點咗太多嘢食😆油條（一份）$28油條真係我同朋友食方叔叔嘅摰愛😚所以點咗兩份🥴外脆內軟又索湯，再蘸埋醬料食，正🤤-桂花蚌（半份）$88雖然唔平，但爽滑鮮甜好好食-黃金針菇（半份）$28-鮮竹笙（半份）$38手打墨魚滑（半份）$58-萵筍條（半份）$18-冬瓜（半份）$18-油麥菜（半份）$18水仙烏龍檸檬茶（凍）$48

方叔叔重慶老火鍋是中國傳統的火鍋風格之一，以麻辣湯底和豐富的食材種類而聞名。在這裡，你可以品嚐到各種美味的湯底和火鍋食材，特別是羊肉鍋、嫩牛肉、土豆片和娃娃菜。首先，羊肉鍋是重慶老火鍋的招牌之一。重慶人對於羊肉的熱愛可見一斑，他們將羊肉涮煮在湯底中，讓湯汁和羊肉的鮮美完美融合。羊肉質地柔軟，入口即化，帶有濃郁的羊肉香氣，非常適合在湯底中涮煮。其次，嫩牛肉也是重慶老火鍋中的一大亮點。嫩牛肉片切得薄而均勻，肉質鮮嫩多汁，入口後散發出濃郁的牛肉香氣。這種肉片在湯底中涮煮後，口感更加鮮美，讓人回味無窮。土豆片是重慶老火鍋中的經典配菜之一。土豆片切得薄而寬，入鍋後很快就熟透，口感軟糯，搭配麻辣湯底的辣味，帶來一種獨特的美味。土豆片還能夠吸收湯底的風味，讓人一口接一口。最後，娃娃菜葉片嫩綠鮮亮，口感清脆，能夠帶來一絲清新的口感。在湯底中涮煮後，娃娃菜能夠吸收湯汁的風味，變得更加鮮嫩可口。總的來說，重慶老火鍋以其辣味湯底和豐富的食材種類而聞名，其中羊肉鍋、嫩牛肉、土豆片和娃娃菜都是不容錯過的美味。如果你喜歡辣味火鍋和豐富的食材選擇，方叔叔重慶老火鍋絕對是一個值得一試的地方。

放叔叔真係我最愛嘅重慶火鍋店，食物質素keep到，服務好環境又舒適，今次係weekend午餐時段嚟，兩三點都仲幾多人幫襯，可能因為午餐時段有一人餐/二人餐，感覺抵食啲~叫咗午市二人火鍋套餐($398)，都幾多嘢食，包括有鴨血、牛板腱、午餐肉、手打蝦滑、珊瑚蚌、稻田毛肚、萵筍條、田園菜籃同苕粉，全部食物都幾高質，冇乜失手~湯底揀咗鴛鴦鍋，皮蛋香菜同普通辣，一上湯鍋香辣味撲鼻，食得辣嘅朋友可以來體現吓重慶嘅正宗味道~另外加點咗淮山條、鮮竹笙、海帶苗、乾貢菜、小水母、炸酥肉同嫩牛肉，其中小水母幾有趣，熟咗之後更加似水母造型，口感同海蜇相似，炸酥肉同嫩牛肉係私心推介，每次嚟到必點，鍾意呢度可以叫半份，每樣食少少可以試多啲唔同款~而家做緊7週年添飲優惠，惠顧一杯四大天王特飲，即享無限添飲，叫咗生津止渴楊梅汁，酸酸地解膩~最後食埋二人餐包嘅甜品紅糖糍粑，唔止煙靭仲爆漿~

-方叔叔重慶老火鍋 🔥由方叔叔改名前 - 渝味曉宇食到而家 都起碼有十幾次 😎 作為小小舊客 一有推出新活動 / 新食材就會想去試！而今個月就係 << 方叔叔7周年無制限添飲>> 活動！係由即日起至到11月9日 凡於店內惠顧一杯四大天王 / Sapporo 七寶札幌生啤即可享無限添飲優惠😍😍😍✨鴛鴦麻辣鍋 - 重慶辣 × 大骨滋補湯大骨滋補湯 - 有大大舊豬骨+粟米+紅蘿蔔+紅棗 等等非常足料 清甜滋潤 岩晒一年四季 配搭任何食材重慶麻辣湯 - 次次都被香味吸引 勇於挑戰自己既辣度極限配牛肉同毛肚就最適合 雖然好辣 但係辣得過癮 少嗆喉 🥢安格斯牛板翼（$188）油賭分布平均 不過肌肉纖維相對牛小排較多 所以肉味濃 同時含有較多既筋絡 食起上黎軟嫰適中 2款湯底都好夾！🥢美國Prime 牛小排（$268）取自美國牛最精華既部位 - 肉質鮮美滑嫰 牛油香氣濃油脂分布均勻豐富 同時可以食到肉汁香甜口感 必點！🥢嫰牛肉（$48/半份）牛味濃 質感嫰滑 2款湯底都適合煮食 就算煮耐左都好腍🥢稻田毛肚（$78）食毛肚 就一定要配麻辣湯先夠有風味 吸盡麻辣湯汁 薄而

火鍋放題就食得多，近年都漸漸興起以鮮牛肉為主嘅麻辣火鍋店。呢間火鍋店店名方叔叔都好盞鬼，適逢7週年，仲有指定飲品同啤酒住飲，十分抵🤩某指定食材仲會有埋烹煮時間，側邊有埋計時器，唔驚煮過頭😆✨重慶炸酥肉（半份） [$38]酥肉炸得好香脆，咬落口啖啖肉！食落會有陣陣麻辣味浮出黎，都幾辣🤣✨手打墨魚滑（半份） [$58]✨手打魚籽蝦滑（半份） [$58]✨潮汕手打牛筋丸（半份） [$28]✨鮮滑魚麵（半份） [$38]墨魚滑同蝦滑都好彈牙，兩者都好食到佢地本身食材味道😚牛筋丸好有驚喜！重牛味之餘，落開啲肉汁出晒黎而且好彈牙爽口！鮮滑魚麵份量幾多，食落同樣彈牙，輕輕嘅魚味再配埋湯一齊好滿足😌✨嫩牛肉（一份） [$88]✨美國Prime牛小排（半份） [$138]✨十秒牛舌（半份） [$58]嫩牛肉食落口真係好滑，一啲都唔韌。就算煮耐咗都一樣嫩，好有牛味😋牛小排就多少少雪花，薄薄一片同樣有牛味，掛汁再強啲！牛舌真係煮10秒係最佳時間！食落爽口，同火鍋都幾夾👍🏻✨功夫萵筍片（半份） [$28]✨冬菇（半份） [$18]兩樣蔬菜都好索湯底味！萵筍爽口，冬菇煮淋好有菇味🤤🥤洛神花鮮橙特飲（凍） [$4

方叔叔重慶老火鍋， 荃灣如心廣場 分店, 佈置時尚特色，座位舒適寬敞， 手機落單， 快捷又環保，食材新鮮時令，擺盤漂亮精緻， 令人大快朵頤。茶位/醬料 $20 / 每位 雙拼鴛鴦鍋：大骨滋補窩 + 山珍菌湯鍋 $76 (2 人) 選了大骨滋補湯鍋， 奶白色的大骨湯鍋， 清甜又不肥膩， 仲有連肉的大骨， 夠曬真材實料。 另一邊， 浸泡著豐富珍菌的湯鍋， 珍菌香氣撲鼻而來， 用來做火鍋湯底， 令到火鍋食材更加美味，健康又美味。 黑豚腩肉 $48（半份) 肥瘦相間的黑豚腩肉， 色澤嫩紅， 入口滑溜軟稔， 又沒有油膩感。紐西蘭精品羊肉卷 $58（半份） 火鍋怎可少得我的至愛羊肉卷， 薄切的紐西蘭羊肉卷，色澤粉紅，油脂分佈平均， 只需要淥數秒就食得， 口感滑溜軟稔， 羊味香濃。串鮮蝦 $58 (半份） 新鮮大隻的海蝦， 用竹籤串起， 底部還墊上冰塊， 造型吸引 , 只淥一陣，看見顏色慢慢轉紅， 蝦肉鮮味 彈牙， 令人喜歡。鰻魚（白鱔）$5

荃灣 方叔叔重慶老火鍋，陪伴了我多個日與夜，呢日都唔例外，同朋友一齊打邊爐！適逢熱辣7周年，店內的四大天王特飲和Sapporo生啤都可以無限添飲，我哋當然唔會錯過！挑戰激辣重慶火鍋前，一定要先準備好涷飲，方叔叔特飲真心大杯，平時多數飲唔晒，呢日有免費任添優惠，我同朋友竟然都飲左2 杯好解辣！最愛洛神花鮮橙特飲 ，下火之餘，仲有鮮橙食！🎗麻辣挑戰2人套餐 $435🔺九宮格麻辣大紅鍋 （普通辣）重慶老火鍋着重麻和辣，由牛油，辣椒及香料炒製而成嘅紅油湯底色澤鮮紅，香氣濃郁，配合超吸汁嘅火鍋食材，愈煮愈麻辣鮮香。 🔺嫩牛肉（半份）無得輸，牛肉味道香濃，久煮亦同樣香滑！🔺手打魚籽蝦滑（半份）真材實料，滿滿的蝦肉，很彈牙！🔺重慶耗兒魚（半份）魚肉鮮甜無細骨，啖啖肉！🔺鴨血 （半份）重慶火鍋伴侶，每塊都吸滿麻辣湯底！🔺紐西蘭精品羊肉卷（半份）羊肉卷沒有羶味，沾醬油食好味！🔺功夫萵筍片（半份）套餐貼心地配有蔬菜，薄片萵筍好快熟！食至中段，我們撈起所有辣椒，止辣！🤣🔺武隆苕粉 （半份）紅薯粉好大條，吸滿濃濃的麻辣湯汁，非常煙靭！🔺皇帝菜（半份）🔺鮮竹笙（半份）食埋甜品🍮整餐飯真係好飽足！

做緊7周年優惠！**********鴛鴦麻辣鍋重慶辣+養生花膠雞鍋（+$20/位）花膠雞鍋煲滾之後可以先飲湯，濃濃雞味重慶辣湯底，辣度可接受，麻比辣多🌶️，後勁強**********美國Prime牛小排（$138）半份牛味重，肥瘦均勻，涮一涮好快食得，最啱擺落麻辣鍋度涮-美國桶蠔（$98）半份有2隻，大大隻，非常肥美飽滿-手打魚籽蝦滑（$58）半份自己分割大小，整到細細粒，蝦滑彈牙，仲有粒粒魚籽卜卜吓-十秒牛舌（$58）半份薄切，真係10秒就熟㗎啦！幾有咬口-嫩牛肉（$48）半份滑不留口，而且好夠味-黑豚腩肉（$48）比較邪惡😈，偏肥-白鱔（$58）半份鱔肉白雪雪，彈牙，非常新鮮-蔬菜淮山條（$28）平時好少點嘅菜，擺盤特別，滾一陣就食得，好爽甜，令我對淮山改觀-萵筍條（$18）油麥菜（$28）皇帝菜（$48）**********飲品食麻辣火鍋點可以唔叫野飲，咁啱撞正7周年添飲優惠！叫一杯四大天王特飲或者Sapporo生啤🍺，就可以無限添飲！同同行友人各試一杯，飲品上枱時真係嚇一跳，原來係勁大杯，飲完一杯仲可以試埋其他味道，真係好抵！-洛神花鮮橙特飲🍊（$48）洛神花補血養顏降血壓，味道

最近方叔叔重慶老火鍋做緊七週年-無限添飲優惠，只要惠顧一杯四大天王或Sapporo生啤，就可以無限添飲，一路打邊爐，一路無限添飲，十分過癮鴛鴦麻辣鍋揀咗重慶辣同蕃茄湯，重慶辣食落又麻又辣，十分香口，蕃茄湯味道較清甜黑豚腩肉(半份)$48藤椒牛舌(一份)$108腩肉肥瘦適中，藤椒牛舌食落辣辣地，而且有嚼口手打魚籽蝦滑(半份)$58珊瑚蚌(半份)$68蝦滑同珊瑚蚌質感爽脆鮮甜，蝦滑食落彈牙千絲柏葉(半份)$38香鹵豬大腸(半份)$38千絲柏葉同豬大腸食落質感柔軟，豬大腸唔會有腥味包漿豆腐(半份)$28鮮竹笙(半份)$38油條(半份)$18鮮腐竹(半份)$28平菇$(半份)18武隆苕粉(半份)$28呢幾款火鍋配料都係索湯一流，包漿豆腐口感 綿滑，唔會鬆散，油條食落外皮鬆脆，內裏軟淋，武隆苕粉口感晶瑩Q彈油麥菜(半份)$18娃娃菜(半份)$18蔬菜新鮮爽甜，可以解油膩感水仙烏龍檸檬茶(無限添飲)$48茶底香濃，加了檸檬，味道更加清新

我來到方叔叔重慶老火鍋吃飯，食物包括牛腩、嫩牛肉、蝦滑和薯仔，真是令人垂涎欲滴！原來餐廳正在做7週年推廣優惠，只要點特定飲品即可添飲。讓我來談談牛腩。這個火鍋食材是我最喜歡的之一。牛腩肉質鮮嫩多汁，入口即化。它的纖維緊實，當你咬下一口時，肉汁會在口中爆發，帶來濃郁的牛肉風味。接下來是嫩牛肉。這種火鍋食材通常切得很薄。嫩牛肉色澤鮮紅，質地極為嫩滑，入口即化。每一片牛肉都充滿了肉汁，讓你吃到的每一口都帶來滿滿的牛肉香氣。它可以搭配各種蘸料，增加口感和風味層次。蝦滑是另一個不可錯過的火鍋食材。這種食材由新鮮蝦肉製成，質地細膩柔滑。它的口感彷彿絲絲綿綿，輕輕一咬就能感受到它的鮮甜。蝦滑在火鍋中煮熟後，更能保持其獨特的彈性和鮮美的口感。最後是薯仔。薯仔是火鍋中的一個經典食材，它能夠吸收湯底的風味，讓它們的口感更加豐富。薯仔的質地軟綿，經過燉煮後更是入口即化。它們還能平衡辣味，為整個火鍋增添一份清爽的口感。總的來說，這道火鍋的食材選擇非常出色。牛腩和嫩牛肉都帶來豐富的牛肉風味，蝦滑則提供了鮮美的海鮮口感，而薯仔則平衡了整體的味道。如果你喜歡火鍋，這道火鍋絕對值得一試！

我同男朋友都好鍾意打邊爐其實我以前唔係太食得辣，但係俾佢訓練到而家已經可以食重慶麻辣火鍋正宗麻辣鍋麻香俱備愈辣愈過癮揀咗雙拼鴛鴦鍋一邊當然係男友最愛嘅麻辣而另一邊我揀咗可以下火嘅芫荽皮蛋室內環境舒適，空間感足夠以麻辣火鍋為主既餐廳我個人認為空氣都舒爽就算食完出嚟都冇好大陣味一開始會俾咗碗糖水，可以先下火一下食物其實種類都好多，最好嘅係有分一份或者半份就算兩個人叫嘢食都可以多款款式嫩牛肉係男朋友嘅推介，肉質軟淋又滑口，絕對冇筋油條，對於麻辣湯呢啲咁吸引嘅味道，嗜辣既當然要配返油條一起吃水仙烏龍檸檬茶做緊優惠可以無限添飲，而且有四款口味可以揀特飲非常之大杯，而且很解渴，大大啖咁飲都唔怕，一解油膩及辣感紅糖糍粑半份有四條，其實就算兩個人都好適合叫，配埋黃豆粉一齊食，我覺得好夾

呢間出名就係佢地的麻辣鍋由於朋友唔食得辣，就揀咗鴛鴦鍋麻辣，一半麻辣, 一半大骨滋補湯！ 口感開胃又滋補~餐廳光猛整潔又闊落，店員會先送上雪耳紅棗糖水和圍裙然後用QR Code點餐~ 最推薦以下呢幾樣喔: 👅沙白(半份) $48跟指示滾3分鐘就岩岩好肉質鮮味，細嫩爽口清潔得好乾淨又冇沙，我下次一定要order一份份量👅西班牙黑豚梅肉 (半份) $88肉味濃郁，油脂均勻，半份得5片唔係好夠喉。 👅特色迷你燕餃 $68呢個一定要叫！迷你又別緻的一口燕餃，皮簿咬落煙靱,食到好鮮甜的肉味!👅胡瓜絲 (1份) $38好考刀工的胡瓜絲，擺落去滾好快就食得又爽又鮮甜!👅牛蛙- $38/隻牛蛙鮮嫩多汁，入口滑嫩😜 👅鴨血 $88鴨血索曬湯汁，口感夠曬滑溜， 好美味。🍮 甜品 $88紅糖爆漿粑（一份）咬下去煙煙韌韌得黎仲有份香脆食到中間紅糖溢出，香甜又滿足。仲有叫左腐足、大刀筍片、唐生菜、油條、炸酥肉同油條等等。可選擇半份同一份份量，可以試多款食物又唔怕食滯左。

🚩荃灣如心廣場🚩一直以來都好想食方叔叔，因為見到佢有九宮格咁款既火鍋，好似辣得好過癮咁🤣不過因為今次朋友唔太食得辣，所以都係叫左鴛鴦鍋算🤣不過方叔叔主打呢個重慶鍋底，我都叫左一邊係重慶辣，另一邊就叫左蕃茄湯🥰幾好咁，唔會太酸，同有好濃郁既蕃茄味🤭🤭🤭最大特式餐廳可以半份半份咁叫，我覺得好岩2-3人去食，因為可以每樣都嘗試過，食到唔同款類，好開心☺️☺️☺️西班牙黑豚梅肉$88大大塊既豬肉片🙃每塊都好厚切，食落都嫩滑，唔會有雪味☺️☺️沙白 $48細心提醒大家需要煮佢3分鐘就可以食，太耐會靭左唔好食的🥹青瓜花 $38看似一朵朵花咁，但食落原來綠色部份真係好似一條青瓜嘅質地🤣爽爽地咁大刀豬腰片 $49平時唔多食內臟，比佢既豬腰吸引左，只需10秒就食得☺️☺️紐西蘭精品羊肉卷 $58都算重羊味，不過鐘意食羊既我，絕對覺得佢係寶🤣🤣手打墨魚滑 $58面頭有少少黑松露，雖然湯底濃味，但食落依然每一舊都會有淡淡既松露味😉無被覆蓋住武隆苕粉 $28原來即是寬薯粉，煮熟後煙煙韌韌，仲索哂打完邊爐濃湯既精華🥹😍鮮魚滑麵 $38魚麵質地特別，口感相當彈牙，好似食緊d鯪魚條咁🤣🤣🤣紅糖爆漿粑 $38飯後唔少得甜品，即叫即

幾年前食過未改名前嘅方叔叔，當時個記憶已經好震撼，因為從來未試過食到咁辣嘅火鍋😂直頭辣到有想升仙嘅感覺。今次再黎，都唔敢挑戰九宮格，普普通通麻辣鍋都夠晒一黎到店員就會俾一碗紅棗雪耳糖水，暖胃，對食辣有舒緩腸胃嘅作用▪️醬料🍶$20/位▪️湯底🍲$38/位本來見到推廣做緊九宮格免費，有啲心郁郁，但係諗起幾年前食過辣到飛起都係縮沙😂最後叫咗鴛鴦麻辣鍋🌶️同山珍菌湯🍄，對於一般食得辣嘅人嚟講，係一個幾友善嘅選擇。麻辣鍋充滿椒香，而菌湯清甜，適合放蔬菜落去▪️安格斯牛板翼🐂 $188估唔到呢份牛都幾大份，而且肉紋細緻，淥起質感嫩滑🤤配麻辣湯最適合▪️青瓜花🌼$38完全未食過呢樣嘢，所以點都要試吓。見佢建議淥100秒，枱上面已經有埋計時器，勁貼心，食落口感清甜爽脆▪️沙白（半份）$48勁鮮甜而且大隻，仲有冰鎮住，乾淨無沙👍🏻▪️大刀牛肝（半份）$48先將牛肝同鵪鶉蛋撈勻，食落口感更滑溜。建議蘸上佢提供嘅調味料。調味料入面有辣椒粉、花生碎等等，一齊食更加惹味▪️韭菜豬肉水餃🥟$68一份8隻，味道正正常常，不過不失▪️潮汕手打牛筋丸🧆$48口感彈牙，牛肉味濃郁▪️武隆苕粉（半份）$28又滑又嫩，放入麻辣湯最適合，食到四