方叔叔重慶老火鍋 (如心廣場一期)

Open Now

Now Closed

餐廳環境舒適，食物新鮮，多選擇！價錢亦合理。特別要一提嘅係，服務員們好尊業，令成個用餐體驗很好。我哋個 waiter 叫恆仔，好細心周到嘅年輕人，令我地感到賓至如歸，值得－讃！👍🏻👍🏻

方叔叔重慶老火鍋，讓人垂涎欲滴。嫩牛肉、鰻魚、桶蠔等食材都是不可或缺的精華之一，讓人一試難忘，讚不絕口。首先是嫩牛肉，這道火鍋的代表食材之一。嫩牛肉肉質柔軟，肉汁鮮美，入口即化。配上老火鍋湯底，更能充分釋放出牛肉的鮮甜味道。在重慶的老火鍋店中，嫩牛肉更是被烹製得恰到好處，口感十分滑嫩，讓人一試難忘。其次是鰻魚，這道菜的另一大亮點。重慶的老火鍋店所選用的鰻魚，不僅鮮嫩多汁，而且鮮味十足。在火鍋中煮熟後，鰻魚肉質變得更加滑嫩，口感更加豐富，讓人欲罷不能。最後是桶蠔，這是一種非常特別的食材。桶蠔的味道清甜爽口，非常受重慶老火鍋愛好者的喜愛。在火鍋湯底中煮熟後，桶蠔散發出的清香味道，讓人垂涎欲滴，讓人一試難忘。總的來說，重慶老火鍋的體驗是一個充滿美食驚喜的旅程。嫩牛肉、鰻魚、桶蠔等食材都是重慶老火鍋中的經典之作，讓人回味無窮。

最近有個火鍋控在身邊日日都要搵好食既火鍋餐廳今日竟然去左間食麻辣火鍋我本身只係食到少辣但係一入到餐廳聞到陣陣嘅香味加埋店員同我哋話玩個小遊戲就可以免費送九宮格湯底因為唔使諗，所以我哋嗌咗個套餐包埋個湯底九宮格重慶麻辣鍋果然係香噴噴，色香味俱全佢亦都可以揀中辣🥵大辣其實中辣是帶麻香但不算嗆喉嫩牛肉比起平時火鍋牛肉片係比較厚身，但入口滑嫩，正手打魚籽蝦滑彈牙爽口功夫萵筍片只需要輕輕涮30秒，就已經可以食，很爽口鮮活海蟶見到海鮮半份都是$45覺得個價錢都好抵食本來沒有太大期望但經涮後依然吃到蟶子既鮮甜如果鍾意麻辣湯底建議一定要加竹笙吸盡每口湯底精華，十分滋味去到最後再加一個紅糖糍粑甜滋滋又軟糯，同埋黃豆粉一齊食就更加香。

網上見到方叔叔4月至8月限定賣緊鮮活蟶子，即刻約埋朋友晏晝嚟打邊爐😃方叔叔裝修簡潔又有特式，木系裝橫望落乾淨又舒適。入座送每人一碗紅棗雪耳糖水潤一潤😋。我哋揀咗九宮格麻辣大紅鍋，重慶麻辣味惹味，聽店員介紹九宮格其實主要分三個區域，中間嗰格係用嚟淥快熟嘅食材，例如牛舌、鵝腸；前後左右4格係淥5分鐘以下嘅食材，斜邊4格就可以碌啲5-15分鐘或以上淥好耐嘅食材。九宮格嘅設計原來咁有巧思😃鮮活海蟶係今餐嘅主角，性價比超高😳$90就有12隻，又大隻又新鮮🤤，淥5分鐘就食得，鮮甜又多汁，吸咗辣味又唔會辣到擔晒味😋好奇點咗半份小水母，平時食開嘅海蜇係水母嘅腳，呢度係食水母個主體😳口感同海蜇差唔多。美國牛板腱，好大塊，雪花分佈幾靚，牛味濃郁👍🏻鮮鵝腸同十秒牛舌爽口無腥味。油條淥幾秒外脆內軟最perfect😋洛神花鮮橙特飲啲橙好鮮甜，特飲杯好巨型，味道酸甜好開胃。呢度有位女侍應100分嘅服務態度，講解食品/用具又詳盡，時刻好有禮貌，非常欣賞👍🏻

雖然近排天氣熱咗，但都無阻我打邊爐既食慾！所以今日同好友到荃灣一間重慶火鍋專門店「方叔叔重慶老火鍋」品嚐佳餚❗餐廳鋪面寬敞，裝修富特色，濃厚中華風格❗店員殷勤有禮，上菜及收拾都非常迅速。我們一行2人點了以下餐點：🍲湯底 - 鴛鴦麻辣鍋👉🏻重慶麻辣就算朋友未必食到太辣，選擇普通辣既重慶麻辣香麻辛辣，十分惹味，適合配上肉類或鴨血等！👉🏻大骨滋補湯底以滋養豬頭大骨、新鮮紅蘿蔔及粟米煲煮而成，湯底鮮甜美味，適合配上海鮮及毛肚等。🍽火鍋配料🌸一入座就送黎既餐前糖水 - 潤喉清甜木耳紅棗糖水🌸嫩牛肉 嫩牛肉質感鮮嫩，口感香滑，充滿牛肉香。🌸 稻田毛肚保持原汁原味既灰黑色毛肚，只需淥十零秒就食到佢脆嫩爽口。🌸手打魚籽蝦滑 自製的手打魚籽蝦滑上面滿佈蟹籽除咗彈牙之外，亦非常新鮮爽口。🌸功夫萵筍片一上碟非常吸晴曠萵筍片，以薄片砌成花既模樣上碟，味道清新爽甜。🌸鮮龍躉片 鮮龍躉片味道鮮甜，絲絲魚肉口感香嫩。🌸珊瑚蚌 珊瑚蚌咬落質感爽脆鮮嫩，味道鮮甜。🌸牛蛙新鮮既牛蛙肉質扎實，味道鮮嫩。🌸 現炸豆皮 新鮮即炸豆皮，咬落較腐皮煙韌，豆香味濃。🌸 鮮竹笙 半份新鮮既竹笙，盡吸湯底精華，口感爽脆。🌸 武隆苕粉 半

一直以來都聽講呢間嘢好好食試完之後發覺名過於實餐廳擺碟非常精美但其實質素跟其他火鍋店，根本分別不大食完火鍋仲搞到消化不良 胃頂.最值得一讚係牛肉幾好食但牛柏葉 黃喉真係千祈唔好叫又硬又實 根本咬唔到跟左佢指示時間去淥 但質素真係好差.另外每位客人都會有一個餐前甜品桃膠糖水 係幾滋潤嘅.咁當然呢間餐廳都有值得欣賞嘅地方例如為咗顧客更加清楚每道火鍋配料嘅時間特意在碟上放咗紙牌提示顧客客人只需要更改時間指示再按下餐廳提供的計時器就可以好方便地打邊爐

朋友生日，一行4人嚟打邊爐慶祝。可能期望太高，對食物有少少失望。一坐底就有碗糖水，覺得有少少奇怪，習慣係餐後先食甜品🤨叫咗鴛鴦湯底，個麻辣湯底嘅辣度可接受，但覺得啲香料搞到好羶，放肥牛落去搞到啲牛都好羶，其中一位朋友鍾意食羊肉就覺得ok.整體食物質素一般，同樣價錢有更多更好選擇，性價比一般，試一次都ok .

見到食評先嚟幫襯，食完真係質疑自己嘅理解能力…一坐低有碗糖水叫護胃，滿心期待，可惜中伏感強四個人叫咗一個鴛鴦鍋，入邊除咗辣油之外冇味，一啲都唔香，令一邊秀珍菇煱，都係完全係完全冇味．．冇味就點豉油，點知咸到爆腎．．雖然味覺欠奉，但係直攻你嘅該該嗅覺，一台三個人全程不停咳嗽同埋打乞嗤流鼻水，因為啲辣椒充斥住喺空氣裏面太攻鼻了食物真係普通，唔難食，但係都唔覺得好食，四個人千七買單，真係唔知食咗啲咩，冇下次認真要考慮食評真偽⋯⋯唉

同阿女打邊爐，梗係要選擇一間質素高，用料新鮮嘅火鍋店。我選擇左方叔叔重老火鍋，佢啲火鍋料好新鮮，一入口呃唔到人。而家叫鴛鴦鍋仲唔使加錢。阿女喜歡食辣，我就想清清地，所以今次揀咗鴛鴦麻辣鍋同皮蛋芫茜鍋，呢度用手機落單簡單快捷！阿女話呢度裝修得好靚，坐得好舒服，小朋友嘅感覺係好直接。👍時令鮮春筍春天萬物甦醒，雨後春筍源源不絕，呢個時候係食筍嘅好時間，春筍鮮嫩，令人回味無窮。👍乾貢菜 樣子雖然不討好，但係營養成份超高，能夠係香港食到嘅地方唔多，記得要點嚟食，淥熟左好彈牙，好爽口 。👍霞浦海帶苗第一次食原來係咁鮮嫩，原來唔係好多地方可以食到，我食左一份👍白鱔 肉質肥美，爽口彈牙，必叫👍淮山條 紫色嘅淮山營養價值更高，呢度竟然有，一定要試👍千絲柏葉 我最愛柏葉，爽口，QQ的👍油條我以為係凍嘅，點知係熱辣辣嘅， 蘸上配料一流。👍嫩牛肉 牛肉味好勁，入口又滑唔鞋，阿女都話好食 👍潮汕手打牛筋丸朋友話一定要試，超級彈牙爆汁，正👍洛神花鮮橙特飲 大大杯上已經好吸引，飲落清新酸甜，好特別。👍紅糖冰粉透明嘅冰粉晶瑩通透，加埋黑糖，好好食

最近又想食麻辣火鍋🍲🤤所以約埋朋友一齊去食出名夠辣嘅方叔叔火鍋鴛鴦鍋底係必食嘅🤤有時真係太麻辣都可以用個清淡D嘅湯底緩沖一下😬叫左麻辣+野菌湯底😬必食推介美國prime牛小排🐂：肥瘦均勻，唔會太油膩🤤塊塊薄片，碌30秒就食得現炸豆皮👍🏻：平時鐘意食魚皮/響鈴嘅朋友！呢個岩曬，新鮮又脆口又大塊！食得好過癮👍🏻珊瑚蚌，桂花蚌：2款都好新鮮爽口，個人較喜歡珊瑚蚌，因為爽得黎有少少彈牙👍🏻好味！武隆苕粉：我黎親方叔叔必食呢個苕粉👍🏻因為吸晒D麻辣湯底😋好入味好正，而且質地好煙韌，我好鍾意❤️加上方叔叔火鍋嘅環境又好坐，枱面又夠闊，擺多D食物都唔會逼，約一大班朋友過嚟一齊打邊爐岩曬❤️

今日收工同朋友搵緊有咩食，見到如心原來都開左間方叔叔，入面既位置仲好闊落同舒服添，所以我哋都決定再幫襯！✨鴛鴦麻辣湯底照舊要左個麻辣既湯底，貪佢辣得好過癮。另外要左個山珍菌湯底，有猴頭菇、茶樹菇同各式野菌，味道清甜。✨手打四寶丸有鮮蝦丸、墨魚丸、牛肉丸、豬肉貢菜丸，全部都好彈牙，當中墨魚丸味道最濃郁，我最中意～✨大刀豬腰片豬腰片淥十秒就食得，熟左之後點乾碟黎食，辣椒粉、花椒粉、熟芝麻同花生粉既味道好濃郁，唔錯！✨桂花蚌非常新鮮，一啲腥味都冇，淥30秒左右啱啱好熟，食落好彈牙爽口！✨嫩牛肉味道好濃郁，肉質好嫩滑，唔會柴又唔會硬。而且份量都幾耐，每件都切到大大塊咁！✨炸芋頭芋頭超級粉，外層雖然炸左，但係煮得耐都唔會散哂，用黎襯重口味湯底最夾。✨炸油條第一次打邊爐落油炸鬼，估唔到又咁夾。油炸鬼放左落湯之後外層仍然keep到脆脆地既口感，入面索哂啲汁又煙煙韌韌咁～

再一次嚟方叔叔打邊爐，因為佢環境寬敞坐得舒服啲嘢又幾好食，朋友都鍾意嚟，今次湯底揀咗鴛鴦鍋，一邊係麻辣，另一邊係新推出嘅養生花膠雞湯，雞湯好清甜有雞肉，花膠、杞子同蟲草花等配料，麻辣湯夠麻夠辣配搭肉類最啱!! 第一round叫咗:🔘迷你燕餃 -第一次食，似迷你魚皮餃🔘手打香菜牛肉滑 -芫荽味幾香，似食緊飲茶嘅牛肉球但口感實淨啲🔘手打魚籽蝦滑 -夠彈牙手打係唔同啲🔘嫩牛肉 -肉質夠嫩滑得來留有咬口，唔會醃到啲肉太軟🔘重慶炸酥肉 -每次嚟必點嘅熟食，香脆口感少少辣蔬菜幾新鮮全部都發揮正常: 海帶苗、皇帝菜、萵筍片、鮮腐竹～今次難得朋友食內臟，最後一round叫咗幾個內臟試吓，鮮豬心同大刀豬腰片都幾好食，薄切好容易熟最緊要冇腥味，反而大刀牛肝就麻麻哋，口感上鍾意食豬肝多啲~上次飲過飲品超大杯，所以叫咗一杯楊梅汁，兩個人share飲都冇問題~呢度除咗食物好味，服務都幾貼心：🔘一坐低就有糖水送，食咗糖水先食麻辣鍋冇咁傷胃🔘主動加湯，又有個牌擋住唔會彈啲湯出嚟，發現而家唔係咁多火鍋店會咁做🔘有圍裙提供🔘可以order半份，適合兩個人嚟食🔘好多食物都有標示要淥幾多分鐘，仲有timer俾你計時

自從上年食過方叔叔後，每個月都總會食一次。今日難得放假又一次約埋另一半去食方叔叔，每一次都無令我失望，今次專登加38蚊叫咗份牛小排，好正，另外薯粉都比我想像中有味，真心好味，有質素的火鍋店

普通辣大紅鍋容易入口，麻辣夠香 另外每位只係加$20就可以另一邊選擇養生雞鍋🤤 應該係期間限定有花膠仲有嫩滑雞肉店員窩心咁俾多2個碗叫我哋記得飲左湯先 然後先再打邊爐嫩牛肉肉質鮮嫩滑溜稻田毛肚滾十秒左右大刀牛肝牛肝拌鵪鶉蛋，店員提示食前必點五味粉乾蔥調味會比較惹味✨鮮黃喉 第一次食都幾爽手打魚籽蝦滑蝦滑加上魚籽增加口感功夫萵筍片薄切上碟，烚一陣就食得，好爽脆鮮甜油條打邊爐都幾好，索晒麻辣火鍋湯汁水仙烏龍檸檬茶，酸酸甜甜好開胃仲要勁大杯😆

改名字後今天第一次捧場，為弟弟慶祝生日。荃灣分店於如心廣場3樓，奈何商場沒甚人氣，所以位置不太好找，但亦因此感恩不用排隊。鴛鴦麻辣煲：麻辣選了小辣，另一邊選了大骨滋補湯，骨湯清甜生津，適合喜歡清淡的朋友。嫰牛肉：牛肉十分鮮甜爽嫰，而卻沒甚麼油脂，連注意飲食喜愛健身的弟弟都讚好要安歌！鮮黃喉：色澤鮮亮，每塊都薄薄通透，口感爽脆有嚼勁。牛骨髓：一問才知弟弟未吃過牛骨髓，立刻叫了一客幫他長知識。牛骨髓十分軟稔，滑溜得像花膠。鮮鵝腸：鵝腸煙韌有咬口，腸身爽滑鮮甜不腥。現炸豆皮：即吃很香脆；灼過再吃很是掛汁入味。炸油條：油條放進麻辣湯底浸淋，盡吸湯汁精華，是嫰牛肉外必點的菜式！