貴德宮私房素宴

Open Now

Now Closed

今次再來貴德宮，享用私房菜形式的素食晚餐。三個女人係一個墟！邊食邊傾偈，傾到雞啄唔斷。廚師發板式的私房菜，好處是不需用腦，人齊後，員工自動幫你起菜。每次上菜，都會為你介紹菜式名，可惜我們三個女人，只顧傾偈，沒有細心聆聽。餐前小吃：脆皮花生，我覺得好好味😋。前菜，涼菜拼盤：皮蛋子薑，青瓜絲，杏鮑菇條，素火腿肉，賣相唔錯，但我覺得個汁太過甜。第二碟：炸乜乜脆條，上面有脆脆的珍珠菜葉，其實賣相都唔錯。可是我們沒有研究是炸什麼，只管放心吃，因為一定唔會係奇怪嘢，一定係素食，差點忘記影相。👍🏻第三碟：煎年耦餅，香口野，實好食。第四碟：蒸節瓜脯，清清哋，我最愛。反而覺得可以將素肉碎轉為紅蘿白、蕃茄或杞子紅棗等，因為素肉都是製成品，此終有加工成份。有時，我寧願吃純天然食材的食物。👍🏻第五碟：中湯。火喉十足。雖然唔知係乜嘢中湯，但夠晒味道，我自己平時食得好清淡，覺得有少少鹹。第六碟：焗芝士撻，裏面應該有薯仔蓉，面上有芝士，都係果句，脆口嘢多數好食。第七碟：炒雜菜+ 椰子油黎麥飯。炒雜菜有蜜糖豆、三色椒，百合，素獅子狗卷，炒埋一碟。唔知點解，覺得個汁比較甜，因為加咗子薑落去炒，可能子薑醃製得比較甜。鹹甜

只能夠講，食物不過不失私房菜來講沒有什麼驚喜菜式叫做試過就算而環境方面都叫做ok每張枱都有獨立間隔三五知己食飯傾計都唔錯但可能疫情關係當晚9點半左右其他客人都吃飽走晒令我們都不好意思久坐如果想坐耐d傾計就要呢唸

原本一月飯局決定在【貴德官】訂枱時已經落訂金，因為第五波延期到五月，希望生活回復正常不會再禁堂食。筆者不是素食者，更加是一名食肉獸，如果不是朋友決定餐廳，筆者應該在有生之年都不會到訪。 【貴德官】位於灣仔不顯眼的大厦內，門面充滿中國風。室內用屏風分隔每枱客人，令飯局更加有私隱度。 坐無虚席，原來那麼多人愛吃素。唔知筆者食完這次素宴會否對素食改觀呢？這裡乃私房菜，沒有Menu 供客人選擇。人齊侍應自動送上食物，每枱食物都一樣。侍應呈上菜式時沒多介紹菜式，而且枱上沒有放了是日菜單，筆者唯有之後在FB找一下菜式名稱。首先呈上涼菜【千色併盤】。有皮蛋、蕃茄、粉皮、青瓜絲、西柚粒、木耳及酸薑，非常清新又開胃的頭盤。另外有外形似五花肉的素肉。之後侍應呈上每人一小碗【翠映金元寶】。翠綠色的素湯顏色吸引，配襯外外形似金元寶的素餃，好似西式的意大利雲吞，味道清新。 筆者以為【翠映金元寶】是湯，但之後呈上一大窩老火素湯。用上蘿蔔、粟米、海草材料，沒有肉的素湯，但是味道都可以做到中式老火湯效果。【香芒蝦卷】當然沒有蝦！外面的炸粉夠脆又膩，裡面當然沒有蝦，換上芒果作饀，味道清新。其實香芒蝦卷下的炸紫菜也不要忽

今日同老爺奶奶去咗灣仔一間私房菜食，呢間係經朋友極力推介，所以抱着期待嘅心情去食，入到去燈光比較暗，服務員態度好好招呼我哋坐低，齊人然後上菜。首先頭盤係～小木耳海珊瑚拼盤，加咗柚子青瓜絲，酸甜爽脆，味道唔錯翠映金元寶～農香的湯底加咗一粒雲吞幾有心思！香芒蝦卷～網皮包住香芒、蝦同菇一齊炸再淋上秘製醬汁，外皮炸得酥脆，唔錯！照燒蓮藕餅～，一絲絲的蓮藕餅加上秘製的配方非常好食😋芝士焗果燒撻～食完都唔出係乜一般！冬瓜荷葉湯～飲得出沒有加味精煲得夠香濃，好飲！紫羅花錦繡～酸酸甜甜其實唔錯，但子薑太多，同啡色類似牛肉嘅物體太硬，唔好食。椰香雜菜咖喱配多士～多士鬆脆配上椰香咖喱同食，絕配！油揚蟲草花扒菜苗～菠菜苗吸收醬汁，味道唔錯！洛神玫瑰水晶糕～酸酸甜甜加入玫瑰花，味道清新，煙煙韌韌超好食😋

朋友介紹了一間素食私房菜，每位$308再加一，話味道不錯，所以我哋就決定家人生日一齊去食飯，來到原來沒有菜牌，一共9道菜，大約食咗2小時，這裡生日是沒有特別送的，幸好樓下附近有蛋糕店可買上去不用切餅費用。整體9道菜以精緻度來看就一般，味道整體都可以但講最好那款可能是頭盤前菜。餃子冇咩料，反而覺得個西蘭花湯好味，荷葉冬瓜湯不錯，不過家人有人不喜歡荷葉味太濃。主菜的咖喱似葡汁多點，多士如多點會更好。飯幾健康有椰香但偏濕，菠菜苗就咸了點，甜品2款都可以，不太甜。如果訂座時給一個是日菜單會更好，而這裡只收現金就要留意下。

幫襯了貴德宮十幾年係我好鍾意嘅私房菜其中之一簡單清雅嘅佈置坐得舒服就係悠閒安樂嘅感覺第五波之前去咗一次一行六人食咗好豐富嘅午餐嗰日應該係一月4號？5號？因為當時食唔到我最鍾意嘅焗大蘑菇仲諗住好快趣就可以再食唉！希望疫情快啲過啦頭盤幾乎每次一樣都係壽司沙律拼盤清新開胃 係食極都唔厭嘅鬆脆酥炸春卷裏面都係雜菜同菇一啲都唔油膩福袋 紅燒茄子扮鮑魚我唔食茄子㗎不過真係炮製得好入味令我對茄子改觀脆皮豆腐 簡單但精緻外脆內軟 呢味小炒 啲麵筋好鬆軟好彈牙夠晒鑊氣好味然後係我最鍾意嘅咖喱雜菜明明就係扮牛肉同魚蛋藜麥飯加多士 絕配呢味冇得輸其實食到呢度已經飽到一個點鮮腐竹清菜 正好解膩甜品係10次有9次都食到嘅桂花糕 我唔食嘅朋友就話清甜 煙靭好好味喎

10道菜的私房午餐貴德宮已經嚟過好多次，不過都係夜晚食私房菜，你知啦，唔使講啦，夜晚冇得食，所以今日就試吓午餐，都有十道菜喎，每位$228，每樣都好精緻，依然好好味：1）前菜錦上添花沙律2）黃金元寶餃 （菠菜汁）3）月光寶盒 （芋頭蓉餡料）4）香煎蘿蔔糕 （雖然蘿蔔味道唔算好濃，不過有好多蔬菜粒，又煎得好香，所以幫佢買咗一盒，留返新年食😋）5）芝士焗酥皮 （內藏雜果沙律）6）椰皇合掌瓜湯7）素什錦配藜麥飯8）青咖喱配法包9）芥蘭苗10） 甜品

20年來已無數次到貴德宮，從來沒有失望。9餸1湯，每位食客的精緻食物，都係可口美味的。第6道菜左右，就是飯和麵主食。之後還有較清淡的1道菜，才到2道最後的甜品。完成10道素食，腹感剛剛飽。喜歡每道菜1口1口小巧玲瓏，舒舒服服吃下，款式多樣！試想想，一頓晚餐能嚐到10款菜式，超值！

近年素食大熱，食素唔再係老土，反而係健康環保嘅新潮流～我間中都會去食素，感覺清爽。以前啲素食未必啱年輕人口味，但隨住品質上升，好多素食餐廳都又睇得又食得。今次同同事去咗灣仔一間素食私房菜，我哋只需俾一個價錢，餐廳就會安排食物，幾特別嘅安排。全部食物都有驚喜，可能因為係唔知食物list嘅關係，都係廚師發板～雖然食物唔錯，但覺得可以再做好啲～～～香港素食愈來愈多，希望品質會愈來愈好，會再多啲人留意啦！

美食分享，每人一件，份量夠，味道好好，菜單一早備好，上菜先知道今日食乜，今日湯品係姫松茸雪梨，比較清潤，湯好濃，飲用薰衣草茶，甜品係洛神花杞子糕同合桃糊，唔太甜，蕎麥飯加咗椰漿，人口有淡淡鹹味，平均每人消費288

以前係熟客，因為疫情關係，兩年多也沒有幫襯，今次有機會再去….充滿期待怎知，一上頭盤，一看已經知道主廚換咗！再試味道都不是一樣了！非常失望！想起以前，頭盤-五彩繽紛的拼盤，先聲奪人，很有氣勢的…味道又絕佳頭盤 - 失望😞餃子- 味道尚好南瓜，茶樹菇 - 頗香口，精彩之作其餘的乏善可陳，味道比以前差得太遠了，只有型似！失望呀！

一向無菜單料理都似和高級（貴價）料理劃上等號但貴德宮真的只有名字中有「貴」價格絕對合理一共九道菜，一湯，兩款甜品菜式琳琅滿目，就是總有一款合你意先來一碟涼菜千色拼盤由醬汁味道主導的一道菜不同的醬汁都帶酸，算是開胃有餘，不過子薑的味道真的很一般，可以略過再來是甘粟湯餃餃子皮略厚，但咬一口餃子配上甘香粟米甜甜的濃湯，溫暖直達心中接著兩道香口的菜色黑松露黃金球 和 香煎米紙卷前者炸得酥脆，釀在冬菇上的芋蓉在口中散開，比常見的芋頭魚多了口感層次，少了油膩香煎米紙卷 配有蛋黃醬和泰式甜辣醬其實是尋常不過的香煎腐皮卷的變奏香脆有餘，內餡卻有點平凡金玉滿堂，沒什麼記憶點 大概就是飲宴中會出現的瑤柱扒豆苗的感覺芝士酥皮盒比較西式的一道菜，酥皮盒中的除了菇，還有蜜瓜粒！芝士味不濃、酥皮的牛油味比較突出，算是菜單安排上的一個小驚喜。 養生濃湯（竹蔗茅根蘿蔔姬松茸湯）不經不覺已經吃了6道菜這個濃湯，清走了之前數味以香脆口感為主的點心，而且味道香甜，用料十足令少飲素湯的朋友非常欣賞當然非自助餐的素湯可比終於來到尾聲，飽肚的飯和麵包上場柚子味噌雞伴藜麥飯麵根作雞件，口感卻過硬了，勝瓜，雲耳，冬菇，荔枝令整體味道

相信大家平常很少接觸素食，這間私房素食真的令我改觀了。環境很舒適，每桌基本都有用屏風間隔起來，私隱度高，有足夠空間跟朋友暢談。而且店內會根據你以往的用餐記錄，來轉換你下一次的菜式，非常之貼心。當天與朋友預約了午餐時段，兩人真的吃到很滿足😁 記得要打電話先預約座位，好讓廚師安排好食物份量，不浪費❛‿˂̵✧———————————————由於都是廚師隨機發板，菜名真的不怎麼記起了，一共9道菜+甜品😋，有以下：千色拼盤（青瓜絲、粉皮、柚子等..）泡菜素餅芝士焗彩菌批鮮果百匯配有營藜麥飯椰香雜菜咖喱 配黃油法包圓肉杞子桂花糕⋯⋯⋯每道菜都相當有特色，完全不覺得自己在吃素菜🙈🙈服務態度也很好，真的會想帶長輩們吃一次！😻😻———————————————環境：👅👅👅👅食物：👅👅👅👅性價：👅👅👅服務：👅👅👅👅

這裡基本上每圍枱都有屏風隔開，私隱度高，是朋友聚會談天的好地方。薰衣草茶讓人放鬆，每道菜都很有特色，看得出廚師的用心。服務生招呼周到，不催促，不趕忙！環境優雅舒適，非常好！

二月十五素食天💚 🌹一個特別的約會真開心約埋朋友仔一齊食私房菜💯服務良好環境舒服十一道菜連湯➕甜品👏🏻全部主要由蔬菜做的每樣我都勁鍾意😍勁好味😋😋🥦🌽🍅🥑🍆🍎🍌🌶🍋🥕🍠感恩我們有豐衣足食的每一天