百好名宴 (Closed)

16/6父親節，一家人初到太子百好名宴酒樓飲茶，以為一定要等位，竟然去到即時有位😅！點心不過不失，相比食物質素價錢略貴。點了十多款點心，點心呀姐放下蒸點時我問呀姐「請問有辣椒油嗎？」冇回應！於是老公再問有辣椒油嗎？呀姐竟然大聲説「冇呀！你聽唔聽到！」我們登時呆了！向部長要求取辣椒油時，順便反映呀姐的悪劣態度時，他竟然完全不理會！好啦！算，不想破壞氣氛，繼續吃點心時見一位女侍應經過，要求她沖水，反應竟是「你等一下先啦！我唔得閒呀！」😖咩事呀？點解飲茶要受氣嘅？做乜咁燥嘅？當然這次不快經歷真係好掃興！不要求好服務也不應該如此惡劣態度，今時今日的服務態度也不應該如此啊！激死！😤😤😤

家人生日，家人聚會，若不想頭痛萬分的話，去找家中式酒樓叫一圍來食是最好不過。不過，要找一家抵食，地方又好，地點又能方便大家的酒樓，的確要花點心思。這一次是小女兒的一歲生日，準備約齊一班姨媽姑姐一齊聚聚，要老人家食得開心，眾人放工方便就腳，當然仲要夠經濟實惠啦，最終，我們選中了位於旺角始創中心的《百好名宴》。 一行連老少，剛好是12人，所以叫一圍全包宴是最佳的選擇。而且，晚市時段，人齊上酒樓食這些全包宴，比起幾個人散叫，更加之經濟實惠。起席就同一般的婚宴沒什麼分別，一來就來一個鴻運乳豬全體。乳豬夠脆皮，帶點厚度的肉入口亦夠嫩，感覺不差。 上湯焗波士頓龍蝦是這一道全包宴的主角，似乎用上了兩隻龍蝦煮出來的伊麵，味道鮮甜，重點的味道當然在伊麵同個汁之內啦。在此龍蝦好唔好肉唔緊要，伊麵好味道得架啦。 紅燒豆腐，是茹素太太加點的一味，豆腐香口，再加了點點的豉味，再加上為數不少的雜菇，素食人士送飯，屬不錯的選擇。 蜜桃海皇沙律卷，香香甜甜的，入口亦夠 creamy。不過，感覺上他們炸得未夠預期的香口，雖脆，但未是最 perfect 的那一隻金黃。 食席宴，一家有魚，清蒸大海台青是最受老人家歡迎的一道

今天的第二餐。有點事件進行，所以辦完之後到酒樓食圍菜。其實我沒有看清楚這間酒樓的外貌，因為行錯門口，應該在油站那個門口進來才正確，所以比較急趕。大伙兒都像我匆忙的走錯路！燒腩仔 皮脆帶輕微的肥，腍加脆，正！粟米魚肚江瑤柱羹罐頭粟米一向都有甜味，魚肚無魚腥味又切得細粒，易入口，加了絲絲的江瑤柱，味道不錯。大蝦鮮魷炒甜粒蝦與鮮魷爽脆，甜粒熟透不會有臭青味，但比較油膩。紅燒豆腐 - 豆腐切成少粒炸成，內裡軟熟，外皮不會煮到爛開，惟獻汁過杰，油份過重，還影響了雲耳與菜心的味道。羅漢齋 -  像是用了罐頭磨菇，其中一些食物帶了點酸味，同樣是獻汁過杰，我只食了兩啖而矣。生炒骨開胃，排骨炸得脆，獻汁濃淡適合，用菠蘿，蔬果點綴，味道更出位！蒸青斑蒸得不錯，不會過硬或不熟，只有少許肉不離骨，整條都給大家食了。白切雞雞味不重，食不完，親友打包取走。楊洲炒飯飯尚算炒到一粒粒，如米飯少一點點水更好，配料表面看似多，其實 …，因大家都飽，又給打包拿走了！

今日和家人飲茶，周圍都排隊，所以今次選擇這間，之前食過味道一般，俾多一次機會給它早茶優惠11點前，快些叫先自選孖寶：有飯有麵大大碗鳳爪排骨飯，有兩隻之愛的鳳爪，好入味，超好食，排骨新鮮，味道適中麵條彈牙，好香好好吃好滑溜的腸粉，一粒粒叉燒作為主角溶入腸粉內，好香叉燒味煎成金黃色的馬蹄糕，明顯見到一粒粒馬蹄肉最佳美食

新春佳節，大家出外喜慶，也覺得吃這類型的圍宴，可能覺得差別不大，但是往往， 2000多元或3000多元，包酒水不是全包，已差一千數百。包飲料，不包飲料，全包宴，再加茶芥醬料，其實可能已經多了數百元。這個套餐，雖然是比較便宜，亦是全包宴，但是的確，飲料只是百事可樂，其餘的食品質素的確普普通通。第一個就是這個魚翅湯，非常之淡口，而且稀，用料甚少，沒有吃到什麼材料。乳豬味道不錯，不會太鹹太濃，外皮夠趣，而下面豬肉夠嫩，但是份量略少。以往外出飲宴，很多時乳豬都吃不完，要侍應夾起幾件問有沒有人要添吃，才能完成。但是現今外出吃，乳豬好像每人夾兩件已經吃完。林晒天婦羅蝦伊麵🍤，雖然看起來上來，好像有很多蝦在伊麵面頭，但是那些蝦看似大隻，實質沾了不少粉，實體不算非常大。以下面的伊麵亦都不太出色，本來已經煮得林，上面再加點透明汁，難言美味。發財好市之類？豬脷，不算太大塊，但是也有幾片，還有蠔豉以及髮菜，至少份量夠， 每人可以分到幾件，下面還有些生菜，中規中矩，份量多。最好吃的應該是燒雞，本來的味道比較淡，點少少豉油就會有點兒甜鹹味。炒糯米飯也相當窩河，完全沒有鑊氣，不知究竟是用蒸籠蒸出來，定還是電飯煲煮

呢間酒樓係第一次來的，本來諗住去另外一間嘅，但係太多人，發現咗呢間。冇人等位既。我們就入來！！點心價錢高左d。。12點未夠，也有幾多人特價蒸飯，炸菜牛肉飯，牛肉好薄，飯也是粒粒分明，好味，牛肉ok啦。有d葱幾香。煎尖椒，都唔算好多油，夠熱，金責，蝦米幾香，淋了d，尖椒唔會辣。菜苗餃好大粒，十分飽滿，餃皮夠薄，蝦好大又爽，菜甜，好味呀！！這個百花釀魚肚，好大個蒸籠，三件魚肚，好精緻的賣相，三角形的魚肚，好厚身，好爽口，唔腥，上面有蝦膠，不過比較薄，有些蝦子，好鮮甜。好味。

今日食個套餐1888 。首先带位同經理溝通出現問題，带位比左張12人枱我但经理見我坐係度就叫我出番門口攞枱，帶位女仕好有禮但反而西裝部長或經理欠禮貌。至於食物，第一道菜龍蝦麵都ok,但隻猪好似頭大身细，吾知点解肉身份量較细，而最後個蝦抄飯勁细碟得4碗左右，試問12人套餐得4人份量，好似食溗的餸-改用细裝，於是向經理查詢是否攞錯枱，回應一句份量係甘規定。我地亦明白1888餐並無咩要求，但服務態度未如理想而其它食物味道一般。

在太子泊車不易，始創中心是少數選擇之一。今天又將車泊在始創，下雨天，就上樓上飲茶啦。第一次光顧，是因為始創只有這間酒樓不必等位。我們到這間酒樓幾次，點心幾好味，價錢也實惠。乾炒鷄肉河，只是$58，大大碟，炒得有鑊氣，而且不油膩。點心呢？我們點了蝦餃、牛肉、叉燒腸粉、奶黃包和牛百頁，每款都不俗。蝦餃大粒蝦仁，又爽口。腸粉則厚了點點。牛百頁夠稔又入味。整體而言，食物好味，價錢實惠，又不用等位……挺好！

同朋友經過始創中心，想搵個地方坐低傾下計。心諗飲茶可以坐耐啲，一致決定飲個下午餐。喺始創中心地下有幾個酒樓廣告牌，幾間都飲慣飲熟嘅集團酒樓，只有呢間未聽過佢名。而OPENRICE只有五個食評，但同朋友都冒險一試。到達五樓，長長嘅大走廊，只得一人，就係前台嘅服務員。咁局勢，真係想掉頭走，朋友話姑且一試，好，就試吓啦!幸好入到去大堂，都有一半食客，不覺冷清。等左十分鐘先有人黎問飲咩茶。 睇下點心紙，選擇好多:價錢都算合理:排骨蒸陳村粉$17.8，都幾大碟，夠晒味。陳村粉同排骨夠份量，味道好。百好燒賣皇$19.8，熱辣辣，好多蝦肉同蟹籽，但賣相一般。正宗燒鵝湯瀨$23.8，份量唔細，只係個碗太大。黎到時個碗邊污糟左，有手指印。但味道唔錯，燒鵝燒得皮脆，鵝亦厚肉。呢間酒樓都唔錯丫，靜靜地，方便傾下計。

100日前, 朋友經歷了人生最勇敢的一整天, 100日後的今天特地慶祝bb健康長大了. 在場四張枱坐滿了親朋摯友. Bb今晚當了小model, 應該集了幾十個姨姨叔叔郵票. 紅雞蛋起菜前先吃紅雞蛋, 顏色染得均勻, 同枱大bb至愛.乳豬全體這對眼有閃的！乳豬皮很脆, 肥瘦適中, 肉頗厚, 燒得很香.芝士焗龍蝦燴伊麵龍蝦擠滿了大盤, 面頭是淋滿芝士獻汁, 件件龍蝦都很厚肉, 大量伊麵極速掃清光.帶子...蟶子到首先帶子和蟶子都很大隻, 伴碟的西闌花, 彩椒, 海鮮味很出眾!清蒸斑大條, 蒸得剛好, 肉勁滑.鮮蝦豆苗豆苗嫩得很, 蝦肉大大粒.荷葉飯很香的荷葉飯, 飯粒也滲透著荷葉的幽香.陳皮紅豆沙雖然很飽, 但吃過這紅豆沙後竟想再來多碗, 超足料, 起沙的, 又有陳皮香, 正.壽包拳頭般大的壽包fill滿蓮蓉, 熱得出煙. 為今晚百日宴劃了完美的句號. 最欣賞的是: 今晚全晚所有菜式都是新鮮製作的.

是日跟dad飲茶, 來到新開的百好. 平日十二時多到達, 店內差不多full house, 有點意想不到. 一貫茶樓格局, 帶點嘈吵. 點選了真超值自選套餐---海蜇手斯雞+五味脆豆腐件+柱哥炒飯+桂林牛肉腸+蟹籽燒賣皇(HK$148), 茶芥每位(HK$10).海蜇手斯雞, 賣相是有點嚇人, 顏色過分暗淡. 試一口, 海蜇夠冰凍也有咬口, 雞絲雖然不滑, 但跟配上的麻油味很匹配, 作為餐前小吃也很開胃. 五味脆豆腐件, 外層的口感有點像油炸鬼, 內裏的豆腐有豆香也算嫩滑, 但整體實在太油膩太鹹了, 有點吃不消. 柱哥炒飯, 炒飯很有火喉, 飯粒粒粒分明, 也夠乾身, 不太油膩, 讚! 加上蛋白的香滑, 很不錯! 桂林牛肉腸, 試一口, 牛肉分量也不少, 腸粉皮帶點厚和粉, 不夠滑溜. 蟹籽燒賣皇, 豬肉不夠香, 肉質也不夠juicy, 很一般.

放假日子，梗係要陪長輩去飲下早茶，呢日一行四人黎「百好名宴」。呢日叫左個「三五知己自選套餐」，再叫再幾個點心。「龍躉頭腩蒸飯」：籠仔上，米飯企身，水份已收乾，米粒分明。飯帶有魚香、蔥蒜香。頭腩肉唔算滑，些微腥。整體還可以。「海蜇手撕雞」：麻醬幾香，海蜇、雞絲，蔬菜絲混合，味道平平穩穩，未見驚喜。「蟹籽燒賣皇」、「豉汁蒸排骨」，「豉蒜蒸排骨」: 相信是來貨蒸熱，味道都是意料之內。「美極多春魚」：炸漿較多，相信改為准鹽會更具風味。埋單三百幾。

百好名宴垃圾,又貴又唔好食作為骨灰級啲食家,始創4間茶樓都食過晒,除左幾年前啲煌府點心唔錯(宜家已經唔得),無間好!海港點心大陸工場製好,黎香港加熱jar.百好前身帝皇庭仲黐線,唔俾$20利是侍應唔開茶,抵佢執笠!另外一邊6樓譽宴個老細朝朝去旺角胡社生行3樓金御飲茶,咁你話佢自己d出品有幾好!抱住一試無妨啲心態試下百好名宴,個大招牌"現己開幕"已經笑死人,"己"同"已"都未分得清!點心除左緑茶煎堆ok之外,全部唔掂!蒸鳳爪成20蚊一碟居然得4隻,仲要乾爭爭,無汁,難食到死!福建炒飯汁大多,同d飯黐住,教味唔好!白灼西生菜成20蚊一碟一滴油都無,最後叫侍應拎碟蠔油夾硬食晒佢!而家太子旺角真係無咩好茶樓!

週末早上，又是打壁球的日子。在界限街公園與友人打了一小時的壁球，友人提議到新開了2天的酒樓試試。始創5/F原址是另一家酒樓，後來聽說老闆沒有經營下去，就停業了一個月左右。在9月8日才重新開張。對百好集團所知不多，聽友人說是黃大仙以前的一家酒樓，又聽到隔鄰的茶客說是新蒲崗的，無從稽考了。走的路線看來是精品路線，大LED銀幕，小巧精緻點心。叫了幾款點心，都算得上不俗。簡略如下：鳳爪排骨飯，排骨爽肉，飯粒分明。不知第時做紅咗會否跌watt，但肯定今天的出品誠意十足。煎薄撐，有面無底的。看上去煎得是不錯的，但其實下面是甚麼都沒有......好似沒有煎過似的。不知是否漏了反轉來煎。蟹籽燒賣王，是很正宗的燒賣做法，有冬菇，蝦，肥肉分層。肥肉真的好肥，少食為宜。但論正宗的燒賣，這看來確是老點心的功架。伙記班底，友人說沒記錯是樓上煌府的......服務都頗勤快，應該能與4/F海港和6/F煌府爭一席之地。價錢，友人請客，沒有太留意，但看早茶點心紙應該有很多潛在抵食的孖寶選擇。