好好運快餐店 (Closed)

.📍好好運快餐店📍 #饅頭去荔枝角呢間食沙嗲牛嘅知名鋪頭一個月前重開，入口位置非常神秘😌，平日晏就去都有人排隊，因為小編係一個人，所以去到就有位。------------------------------沙嗲牛肉麵 加煎蛋 ($33+$6)又真係幾好食，佢哋嘅沙嗲醬比坊間甜，落得好重手🙈，幾乎成個湯底都係醬， 質地濃稠唔會好嚡，蒜頭、洋蔥同其他辛香料味道非常霸道😍，花生香係後續而嚟，整體有啲似有少少鹹嘅印尼沙嗲醬，食完陣味係可以留喺個口成日； 而面頭嘅蔥花亦係呢間店嘅另一個特點，增加香味之餘😋，可以令碗麵帶點清新。至於牛肉唔會切到好碎，幾大塊，份量都算多，肉質正常冇話好嫩滑，有幾片都有啲筋位增加嚼口；麵煮到啱啱好💯，爽彈掛汁，每啖都非常香口惹味；至於嗰個煎蛋主要用嚟影相🤓，味道一般，小編自己煎得仲靚啲，可以唔加。整體嚟講確實唔錯，但未算好surprise，食到最後真係好_鹹，強烈建議大家帶返枝大樽水飲💧。------------------------------整體評分：7.7/10小編回頭率：7/10佢哋晏晝都好多人排隊，小編見到啲夥記都望到手唔停，依然保持到禮貌。但係， 理解還

成日睇foodie都有講呢間嘢，又咩沙嗲牛肉麵關注組最top, 終於搵咗個星期六朝早去潮下聖。星期六約咗老豆老母一齊去試呢間沙嗲牛肉麵，9:10去到，門口條人龍兜咗三個彎😨最尾9:45先有位，我都估到星期六會多人去，但估唔到真係多人到咁，一入到去就知點解，原來佢舖面好細，好在流量快，大家食完就閃，如果唔係真係熱死門口排隊啲人(未食已經成身汗)入到去睇完餐牌，我哋三個一致叫「沙嗲牛肉、紅腸、煎蛋🍳麵」、另外叫咗一份奶油多同一份奶醬多。沙嗲牛肉濃到一個極致，有蒜味，牛肉算嫩，唔柴皮。紅腸係厚切，有炸過，非常香口，仲有兩大塊(真係好厚切)。煎蛋係燶邊蛋但蛋黃流心，非常有心嘅出品👍🏼三餸聽落好似正正常常，但食落個份量都幾勁。奶醬多有烘底，係薄多士，奶同醬都好香，如果唔係勁餓可以唔洗加，因為個三餸麵都好夠飽。餐茶我哋叫咗凍檸茶、凍奶茶同凍啡，我杯凍檸茶正常無乜特別驚喜，老豆杯凍啡就唔夠啡味，老母杯凍奶茶就太過奶最結：我本人都幾鍾意好好運嘅沙嗲牛肉，食得出佢好有心機調配過個汁，而其他餸都唔係一般茶記hae畀你嘅水準。一個三餸餐連熱飲只係$37，凍飲仲要只係加$1！我同我軘母都覺得呢件事好匪疑所思！

今日星期六 終於有時間去朝聖下早上10點20分去到已經有好多人排隊但好彩新鋪位置等既過程有地方比你遮蔭唔洗曬住 同埋速度比以前快 等到10點45分就入得 地方比以前寬敞同舒服黎到朝聖當然要叫名物 沙嗲牛麵啦沙嗲牛肉煎蛋紅腸麵 再配凍奶茶一黎到已經嗅到陣陣香沙嗲味沙嗲濃郁 有小小辣味 紅腸好厚身 煎蛋唔會煎得過熟 岩岩好 雖然進落去個碗較細 但其實份量都幾多食落夠飽 加埋凍奶茶一定夠飽 凍奶茶可能叫左少冰少甜 以致茶味唔算好濃下次可以叫番正常睇會唔會好些

相信有99%嘅人都係為咗沙嗲面而黎呢度嘅入口都幾隱蔽，半島大門入到去reception 既右手邊有個門推入去再轉右食個茶餐廳早餐都要等位⋯⋯冇錯👍其實佢咁多人都唔係冇理由嘅價錢來講佢係出邊民間嘅早餐價$37 有三個餸...一次過滿足晒你三個慾望沙嗲牛肉係真係比出邊嘅濃味食到有粒粒嘅花生餐飲茶走都係正常茶餐廳嘅水準咁lol如果係咁啱喺附近返工或者係去開呢頭行街黎食覺得係冇問題嘅但係如果住山旮旯地方嘅人我覺得唔需要攀山涉水入黎食

沙牛麵早餐 沙牛汁香味濃 肉量頗多 麵質挺身 燶邊太陽蛋 賣相一流 火喉剛好厚切紅腸兩大片 特別有咬口加杯香甜凍奶茶 係一個高質既早餐舊鋪好細 新鋪 大左 光猛左 乾淨左 好多 星期六日仍要排隊 閒日已經可以直入路過值得一試 不容錯過

“沙嗲牛肉公仔麵+紅腸+煎蛋”($33+$6+$6)超人氣食沙牛麵嘅好好運最近終於重開🥳新舖同樣喺荔枝角,仲多咗唔少位😆Lunch time去食都唔駛等好耐😎因為男朋友未食過所以同佢嚟食返次😝好好彩地我地落完單冇耐就聽到沙牛賣哂😳同早餐唔同,午餐嚟食沙牛麵係會配埋蔥😆配料今次終於叫返上次冇食嘅紅腸😙再加煎蛋🍳沙嗲牛同樣係咁出色☺沙嗲好夠香牛肉又腍🐮不過紅腸食落比較乾硬😂同埋上次隻煎蛋係太陽蛋咁,今次就冇咁靚仔🤣我已經決定好下次再食會叫淨沙牛麵😛另外跟麵凍熱飲品一律+$8上次冬天飲熱奶茶,今次就飲凍😍茶底都係咁香濃😍仲大大杯幾抵飲😛

誓要試盡全香港嘅沙嗲牛，呢間聽聞有料嚟，一直想試原來喺我公司附近好近，當然要嚟試下，一上枱好濃嘅汁底，麵嘅質感非常適中(因為我係唔食街邊嘅麵，但有時又會好想試，但好多都係淋bad bad口感差)介紹返個湯底最鬼馬加左少許洋蔥有少少甜味帶住又幾特別，幾開胃，同佢有蔥粒好香，唔食蔥嘅朋友仔記得叫佢走青，仲有叫左個西多士同涷檸檬茶，凍檸茶茶底夠濃！成個lunch我地都覺得非常滿足，仲要發現雖然無喺檸檬地圖，但係黃嘅一間餐廳

今天10點10分到好好運新店排隊食神級沙嗲牛麵,10點25分順利坐低,店內座位比以往舊店十張枱,店內環境舒適冷氣充足即叫了沙嗲牛肉、雪菜肉絲、太陽蛋三餸麵連凍飲$38.沙爹牛肉依然出色加上濃湯和配上雪菜肉絲更好味,凍奶茶持水準新店如以過往一樣都只是星期一至六上午七點至下午五點,星期日假期休息,要食沙爹牛就要早餐時段去食呀！中午時段去通常如以往一樣售完即止

知道呢間餐廳重開, 特意同朋友去幫襯一下.  落order 後碗麵好快上檯, 望落個樣都正正常常. 抵讚! 但一放入口就出事, 撫心自問33蚊碗麵, 唔通會俾牛頸脊你食咩! 所以我從來唔會奢望牛肉有幾咁好食. 情況就好似去茶餐廳食干炒牛河咁, 但求有鑊氣, 食到河粉有焦香, 唔好太咸太油都收貨.  那怕牛肉片多數麻麻地, 除非你去食正斗, 何洪記之類過佰蚊碟喇.所以今次餐廳重開只係希望好好運個沙嗲汁有返咁上下水準. 因為我都係睇網上沙嗲牛肉麵關注組介紹, 所以先帶朋友去試.可惜個沙嗲醬汁完全係死咸, 毫無花生香味, 估計就咁落幾pat 汕頭韓江牌沙茶醬加水就算, 實在非常失望.  連搭檯嘅陌生人都會好鬼咸!最後,我哋要一人加一杯熱水落碗麵先可以食晒, 因為做人要有衣食!今日我寫呢篇食評只希望好好運可以聽取客人嘅心聲, 沙嗲牛肉麵係一種 comfort food, 唔好令慕名而黎嘅食容失望,祝生意興隆.p.s. 食完碗麵,飲完一杯凍檸茶都仲好口渴,再飲多兩枝水都唔掂, 最後食幾件西瓜先解到渴!!! 

📍好好運快餐店 (荔枝角)荔枝角青山道538號半島大廈地下3號舖百搭早餐$37，早餐，7-11am。尋晚打機打到三點，但今朝八點就起咗身🤣一上社交平台睇，見到今日重開嘅好好運竟然冇人排隊😱我即刻出門，就走咗過去試吓😆去到都差唔多十點🥸又真係唔駛排隊☺️一入即有位，但都坐滿九成😏我今次係第一次食😀所以都期待咗好耐😂老實講，好食嘅，但又未係驚喜到非食不可🙃我個人比較鍾意嗰湯底，重沙嗲味👍