好好運快餐店 (Closed)

年廿九嘅早上食個早餐先講嘢啦～沙嗲少牛肉、煎蛋、餐肉麵$39拿～我食過幾次好好運，今次食似乎有啲唔同左啦！個沙嗲汁比之前鹹左！啲餸嘅賣相都好似唔同左樣🤔不過我今日主要係想食多士，所以多士個度拎返唔少分數！果占多 跟餐$8好多果占，多士同之前一樣夠薄脆！檸茶味道依舊，好飲的！個人覺得呢度嘅多士比沙嗲牛更值得食！經過今次，感覺有啲失望！係出咗名所以差左？定係師傅想早啲收爐冇心機煮？

好好運快餐店價錢💲: $39好味程度😋: 4.2/5服務🍴: 3.5/5環境🗾: 3.5/5性價比🥢: 4.6/5回頭率😚: 3.7/5-如果有入沙嗲牛肉關注組既一定知道呢間！一向都大排長龍又係附近返工人的食堂的好好運😚 搬左鋪之後去左大廈入面雖然隱蔽，但早餐時段都好多人幫親！食過之後就發覺係真係好好食🥰-✅✅百搭早餐(3餸麵): 我揀左沙嗲牛肉、炒蛋、餐肉。湯底有小小沙嗲味，沙嗲牛肉的醬汁係極之濃，偏鹹，帶花生醬的甜味同香味😋但並冇花生粒的感覺。牛肉多片，感覺新鮮冇用鬆肉粉醃，但肉質依然夠腍同滑😍 沙嗲醬好深色，撈下個湯就啱啱好。-麵底用大光麵，啱啱爽口，唔會太軟😜 餐肉正常有煎過，炒蛋滑溜，係未熟晒滑嘟嘟，有落奶炒的炒蛋🤩 -係幾好食，因為真係好濃，睇顏色都知😎 如果有花生粒/ 更花生醬我會更愛。元朗的永順就係花生醬重d的感覺！如果經開可以一試，突登過來/排長龍的就唔值得啦🙈

成50蚊食一個面餐，又唔係好好食，個男侍應態度勁差，完全冇禮貌，好似幫襯佢得罪佢一樣，唔想做就執左佢啦，唔會再去幫襯，如果特登過黎食的話，則可免，唔值得去呢d 餐廳，50蚊仲要受氣

聞名已久 甚至有人話佢係係全香港最好食嘅沙嗲牛麵🧐於是有一日就的起心肝 抱住朝聖嘅心態晨早搭車去食早餐🌞揀咗都比較熱門嘅配搭：沙嗲牛肉、煎蛋、紅腸公仔麵🍜 我會用「正常」呢個term形容🤭坦白講佢唔難食 但食落同期望嘅有落差😐沙嗲味唔係我想像中咁濃 味道偏甜 亦無乜花生味/麻油香😩牛肉嘅質感同味道我本身無期望 佢亦都無俾到驚喜我😂我甚至覺得某啲連鎖冰室更加好味🤪佢唔難食 但如果講突登再去就唔會了👋🏻

好好運個大名一定聽過啦，佢搬咗去荔枝角呢邊都係第一次幫襯，門口係有少少隱蔽，但問下人就搵到平日時段大約10:00黎到，全場滿哂人，但好快就安排到坐位一坐底唔使諗，梗係食沙嗲牛肉公仔麵🥩🍜之後再加腸仔同火腿，我朋友都係一樣，只不過將火腿轉午餐肉飲品叫咗好特別既凍檸檬咖啡呢度沙嗲牛肉保持水準，好香，麵質又爽口彈牙，浸得耐都無咩點淋過，讚凍檸檬咖啡一飲酸酸苦苦好特別，開頭飲係少怪，但飲飲下又會想再飲

一向受到「香港沙嗲牛肉麵關注組」力棒的好好運快餐店，自從2月因租約期滿而光榮結業後。事隔3個月於原區半島大廈重開，今日終於可以朝聖一下。簡單的一個沙嗲牛肉麵配煎蛋、餐肉+凍奶茶，$38個早餐看似唔太平民價，但係當你一試過名物沙嗲牛就知道值回票價。濃烈沙爹醬帶沙茶味，見到有少少洋蔥又食到少少甜味，汁杰身。看賣相就知呢碗沙嗲牛麵無得頂！沙嗲汁鹹香，又有花生醬的微甜。加上牛肉咬口及上麵用大光麵十分掛湯！

重開後經常大排長龍，今日食早餐有位直入（當然要搭枱）。早餐$37以同區嚟講算係貴（三餸、冇包/多士，但凍飲只加$1），沙嗲味濃微甜，牛肉唔韌。未至於超級好食，但都係屬於中上之列。唔使排隊的話值得一試。

香港人有幾鐘意食沙嗲牛肉麵相信唔使多講，之前好好運舊店因停業大排長龍，最後我都係食唔到🥲所以重新開業當然要去試吓！午餐時間勁多人，所以最好打定電話叫外賣。🌟沙嗲牛肉麵餐 $48🍜套餐除沙嗲牛肉麵，仲可以選擇2款配料🍜麵有幾款可選，雖然有特級大光麵，但見有米通當然揀呢個！🍜外賣會分開湯同麵，唔怕泡軟啲麵🍜沙嗲湯底唔算稠🍜湯底好香沙嗲，但花生味唔算突出，帶少少甜味🍜比較得意係入面有三色豆😂🍜牛肉好大塊，份量都算多，肉質鬆軟，每塊牛肉都沾滿沙嗲醬，撈埋落粉一齊食幾惹味🍜炒蛋好多人推介，炒得都幾滑，而且有蛋香🍜餐肉嘅肉質偏鬆散，但唔算太咸總結：好抵食！早早少去唔洗排隊，中意沙嗲牛肉麵可以試下！不過個人比較喜歡另一間係長洲嘅沙嗲牛肉麵

下午四點左右經過見到無咩人， 所以就入咗去食下午茶。因為店員表示沙爹牛肉麵和沙爹牛肉包的沙爹牛肉都是一樣， 由於我並不是太餓，所以只點了下午茶餐的沙爹牛肉包餐 - $32包大小跟麵包店的大小差不多打開看， 肉量也不少，也很上色， 應該很入味包也有微微烘過牛肉很老很嚡包也不是外脆內軟， 又濕又淋的口感牛肉很掛汁但至於沙爹味？ 我吃不出。 說好的濃厚花生醬味呢？ 我只吃都鹹到腎虧的鹹， 夾著麵不自然的甜。 吃到懷疑人生， 我是否在吃沙爹牛肉，還是我對沙爹牛肉有所誤解？看著這個包，或者我應該跟隨正統，吃沙爹牛肉麵才是正道，沙爹牛肉跟包並不相襯另外， 餐跟了一杯飲品， 凍熱同價，覺得餐飲杯很懷舊。

聽說這間小店的沙爹牛在“香港沙爹牛關注群組”內排名甚高，午飯時間，大概排了廿分鐘隊，排隊時已安排你先睇餐牌，很有效率，一坐下已可落order,叫了沙爹牛米，連兩個餸：煎蛋和煙肉，冷熱飲品同價，相當大方，還跟朋友分享一份炸豬扒。煎蛋：太陽蛋燶邊，高技巧 ，有誠意煙肉：廋多肥少，有煙燻香味，成本不輕主角沙爹牛：味香濃，不過咸，牛肉雖薄切，但有咬口，每一片都差不多大小，有牛肉香味，湯底很熱，米粉爽口其實沙爹口每間茶記都做，但如此用心做的少見。凍檸茶：不過不失，茶味不太濃，但檸檬新鮮。炸豬扒：有骨豬扒肉質特別鬆脆，不油膩，很乾身。埋單每人63個大洋，茘枝角午餐，不算平，但值得，下次還是要去

今次特登黎到沙嗲牛麵最人氣鋪頭，自己平時早餐都好鍾意食。我平日晏就黎都要排左大約十分鐘先入到去。鋪頭唔算大，所以坐得都有少少逼，工廠區快餐店都可以接受。我就叫左個沙嗲牛肉麵餐加雙蒜蛋，盛惠$48蚊，午餐黎講都算正常價。食落的而且確好香又好濃既沙嗲味，加上有少少甜甜地，成碗野都唔會太咸，值得一讚。如果鍾意沙嗲牛既朋友都可以黎試下，但如果排太耐既話，對於我就唔值得等咁耐LU。總括而言，成間餐廳價錢食物質素都幾好，係環境坐得唔算太舒服，有d逼住快d走既感覺，但都可以一試。

被沙嗲牛肉麵關注組熱捧嘅好好運快餐店，的確唔錯。食得出成個麵都好用心。沙嗲汁食落有驚喜，唔會死鹹，沙嗲味好香，還加入了洋蔥，成為一個頗獨特的沙嗲汁。牛肉分量多大塊，肉質鬆軟冇渣冇根。麵底係用特級大光麵，麵身偏硬且掛汁，就算食到最尾都唔會話浸到好林。比出前一丁更有咬口。每一口都好有沙嗲味。煎蛋煎腸仔全部煎得好靚！加分！如果唔洗排隊，絕對值得一試。會對沙嗲牛肉麵有新睇法✨❗️注意 ❗️1️⃣ 新店個入口好隱蔽，搵到半島大廈之後，喺呢道門推門入去就係🤨真係好神秘。果然係隱世美食😂2️⃣當日是星期六下午2:00去食，不用排隊就食到。想不用排隊可以考慮星期六去。星期日休息🚫不要摸門釘😉

知道之前被沙爹牛麵關注組捧到上天嘅「好好運」重開～所以我呢日就特登約同事食個靚早餐先返工🤪其實佢舊舖超級近我公司🤭🤭差唔多日日都經過但一開始我地淨係覺得佢係一間唔起眼嘅茶餐廳後尾出名左先知原來佢咁巴閉，本身搬舖前諗住去食😗點知個陣已經排隊排到癲，朝早8:30已經排到街尾聽講有人甚至半夜已經去排隊cls🤯~~~🔍位置&排隊新舖嘅位置其實係大廈停車場入面🅿️第一次去應該都幾難搵，因為個位好隱蔽好彩咁啱睇左條片有影過點行但係！正正因為佢近停車場🤡所以夏天排隊嗰陣就好似桑拿緊又焗又熱🥵好攞命☠️呢日我地9am去到🌞前面都有差唔多10個人大部分都係一位，所以每次入幾個都快嘅🤔最後等咗20分鐘左右就入得反而我哋食完野就大概10:00嗰陣得1-2個人排隊…如果唔使趕住返工，建議可以唔使咁早去😀.🍜紅腸太陽蛋沙爹牛麵 ($37)🪄7.3/10呢個係招牌必試嘅組合🌟我地就分別揀左太陽蛋&炒蛋🥚太陽蛋煎得啱啱好，而炒蛋食落去就唔算超級滑，炒得比較熟紅腸煎得香口而且好厚身，但係食落幾硬，味道冇特別🌝牛肉份量多，肉質唔韌，牛肉味唔重沙爹醬當然係成個麵嘅重點🤩食落超級濃郁，唔會死鹹，牛肉又鎖到汁👍🏻但味道又未去到想

《被譽為全港最好食嘅沙嗲牛肉麵🍜》-依間喺沙嗲牛肉麵關注組經常出現嘅餐廳喺未裝修搬新舖之前都已經想試好耐，依家搬咗新舖聽聞排隊情況冇咁誇張~所以的起心肝去試吓！當日去到嘅時間係三點左右入座率都有七成左右，可想而知依間店舖受歡迎嘅程度真係幾高~-呢間舖頭嘅入口唔算起眼因為唔似一般餐廳咁樣有大門口，係類似後門嘅形式入去嘅所以搵路嘅時候要留意番！-🌟沙嗲牛肉麵餐($48)呢個餐係沙嗲牛肉麵加多兩個配菜再送多一杯嘢飲～我就揀咗紅腸同埋炒滑蛋~終於知道點解呢間餐廳點解受到吹捧！沙嗲牛肉好重口味好濃郁~但係唔係死鹹嗰一隻亦都會食到花生嘅顆粒感但係就唔算係好香好香花生味嗰隻！炒滑蛋做到好綿滑算係有誠意嘅一個炒滑蛋，而紅腸就係厚切口感幾好～-🌟酸辣豬扒米線($45)本身以為喺呢間餐廳食酸辣米線會麻麻哋但係出奇地有驚喜！酸辣米線比坊間所謂專做酸辣米線嘅專門店更加酸更加辣好開胃，豬扒亦都係厚切同好大塊！但係有個奇怪嘅地方就係唔知點解會贈送雞腳一隻！-👅味道：4/5🪵環境：4/5💰CP值：4/5👍🏻Overall：4/5💵人均消費：$40-60

如果你係「沙爹牛肉關注組」嘅成員，應該對”好好運”好熟悉，我就不在此長敘。.大約2:45到係直入唔洗排隊。一場去到，當然係要沙爹牛麵做膽配紅腸煎蛋好好運嘅麵煮得剛好，唔會生骨，剛上枱時彈牙，食到尾都唔會過淋。牛肉係完整嘅一片片，同無鬆肉粉乸過嗰種虛無感。牛味就唔好多諗，無梳打粉味已加分。於我而言，牛肉有88分至於沙爹汁呢，係好食，但唔係我鍾意嘅口味。好好運嘅沙爹汁係偏甜，之後辣味慢慢滲出泥。我相信個甜味係主要來自炒洋蔥。呢個沙爹汁唔係我鍾意嘅味道，因為我鍾意有花生嘅沙爹。但我相信一定有捧場客。.總括和客觀而言，好好運係好食，但無需要千里迢迢去食，排隊多過5分鐘都可以唔洗食，但係最主要係我接受唔到要排隊食嘅餐廳。.但係，凍檸茶係好飲的