好好運快餐店 (Closed)

終於來到傳說中的好好運，今日好好運唔使排隊！新鋪環境舒適，乾淨企理，侍應態度亦很好叫咗3餸麵$37: 沙嗲牛肉/紅腸/太陽蛋公仔麵，賣相已經好靚仔好吸引沙嗲牛肉份量夠多，花生醬味濃，肉質林，公仔麵仲要係大光麵！要求爽麵，個麵黎到時真係好爽，唔錯！好味！紅腸亦都好厚切，又煎得好香，整體都好味飲品就叫咗凍/熱奶茶，味道就普普通通，不過不失，茶味不濃，但可以接受。性價比高，熱飲$37, 凍飲只需加一蚊！值得回頭！

去開荔枝角就專登黎朝聖一下傳說中最好味既沙嗲牛肉麵!牛肉份量多好入味(´∇｀) 湯底未算極濃郁但好岩我口味 因為過分濃郁反而會愈食愈滯! 哩個岩岩好😚意粉同麵都好好食 不過麵就會比較掛湯 可以睇大家既喜好去叫‪ꔛ‬

由之前舊舖末駛排隊食過，到新舊舖排晒隊，到現在新舖唔需要日日排隊。講返好好運主打係沙嗲牛肉，呢隻沙嗲牛肉係我細細個喺茶餐廳食嗰隻味，花生味、辣味甜味配合一流，非常過癮，回味無窮！紅腸亦都唔係太一般嘅貨色。因為我嗰日去食早餐，又係一個人食唔到太多個麵，餐廳另一個酸辣豬扒麵應該都係好多人讚賞嘅，如果我下一次再去附近冇早餐嘅話我會啊一定會試酸辣豬扒米線。新舖完全係新式裝修，位置可以而且我相信好多人買外賣！

今日放假諗住可以行下街 點知遇著大雨🤡第一站已經成對鞋濕晒啦😂好笑嘅係 去緊呢間餐廳係叫好好運🤣呢間號稱最強沙嗲牛肉麵😳👍因為之前舊鋪租約期滿而要結業好彩佢依家重開可以去朝聖一下🤤百搭早餐☀️ ($37)有得揀3款餸 都幾抵食😳👍正常都係雙拼 咁我就梗係鐵膽沙嗲牛肉另外再加腸仔炒蛋🍳 竟然仲可以揀米線😍 湯底夠濃沙嗲味🤤 唔會一掉落個湯就稀哂牛肉份量夠多 仲要舊舊都一大塊 唔會好似一般茶記俾牛肉碎你🥲仲有洋蔥🧅 有冇咁用心呀☺️炒蛋出色 夠滑👍 米線搭配芽菜同樣好味索哂D沙嗲汁 好夾呀😍奶醬多🍞 (+$8)奶醬多夠脆 加8蚊絕對唔會失望👍醬夠多 唔會揸流攤 配埋杯凍齋啡走甜呢個早餐簡直係雨天後出現彩虹🌈 😂😂

見到好好運開返一直都想試，加埋成日聽人講lunch開始就會冇晒，終於等到試嘅一日。然後我覺得好似同平時嘅沙爹牛麵屋大分別，同埋份量唔係好夠，特別for男仔，整體感覺就麻麻地啦～唔會特別好想再食。

之前呢間係沙嗲牛肉關注組必食推介嘅餐廳，之前聽聞佢要執笠都幾可惜自己未食過🥲 好彩佢係荔枝角又開返啦🥳 終於可以一試究竟😝 湯汁濃味有啲啲花生味，係正宗嘅沙嗲湯底汁！另外揀咗2個餸，分別係紅腸同炒蛋。紅腸切得幾厚，食得出佢有略略煎香過。不過就覺得佢有啲乾身唔算特別好食🥲 另外炒蛋原來同沙嗲牛肉麵都幾夾，炒蛋夠哂滑身有蛋味正🥰最值得一讚當然係牛肉本人啦，每塊肉都厚薄均勻，腌得好有沙嗲味，而且容易入口 juicy😋牛肉麵重點除咗牛肉之外其實仲有個公仔麵底都好欣賞🍜 平時食嘅茶記通常個麵都有啲淋身，但好好運係做到有口感硬身嘅公仔麵，而且麵質掛湯，夠哂彈牙好食😋。記得趁熱食呀，如果唔係麵浸淋左就會冇咁好食咖😆

讚1.比起以前排到抽筋果間，新呢間店環境舒服好多2.酸辣豬扒米通份量足，酸辣既味道唔會過火，係剛開胃而唔會食到成身汗果種，米通煙韌，豬扒都鬆化；奶茶夠味、有茶香3.服務係幾好，咁忙既店都好有禮貌彈1.沙嗲牛反而麻麻啫，好鹹

搬咗之後嘅好好運入口非常隱蔽，好彩之前有谷友教路，唔使我行冤枉路。一場嚟到，當然要叫沙爹牛肉麵，再另加一份紅腸。沙嗲汁勁濃，有花生同洋蔥香味，少辣偏鹹，雖然唔係我最鍾意嘅口味，但係仍然非常高質👍；牛肉軟腍入味，份量亦唔少；紅腸非常厚切，煎得微脆，又 juicy 又香口，同沙牛麵係絕配。至於麵底選用咗頂好特級大光麵，麵質爽滑彈牙之餘，掛汁能力亦強，真係超正😍。如果時間許可，最好早餐時段嚟，因為平十蚊之餘仲可以揀多個餸😂。

呢間位於荔枝角青山道538號半島大廈地下3號舖，店名好好運快餐店，呢間店聞名已久，終於揾到店舖位置，點解甘講呢，因為店舖都幾隱閉下，原來在半島大廈停車場內，餐廳不算大，我覺得主打沙爹牛肉麵或飯，價錢都是一搬茶餐廳價錢，今日就試左佢著名嘅沙爹牛肉麵及沙爹牛肉飯，沙爹牛肉麵重可以揀多兩個餸，我揀左紅腸、午餐肉，沙爹牛肉飯會跟多兩隻太陽蛋，包凍或熱飲品，算幾抵，見到隔離枱食咖喱吉列豬扒飯，好似都好好味，下次一定要試下。

喺荔枝角打躉咗十幾年都未去過呢間傳說中最好味嘅「沙嗲牛麵」🤣 早兩日朝早有緣經過，就決定入去拜會一下🙏🏼早餐三款餸連熱飲$37 ，凍飲加一蚊。我叫咗碗「沙嗲牛餐肉太陽蛋意份」🥩🥓🍳🍜+ 凍奶茶🧋 味道同一般茶記真係有啲唔同，個沙嗲汁好濃又好杰！鍾意重口味嘅人一定非常喜歡😂 我朝早七點幾去到人唔多，但聽聞中午時間去就要排吓隊……

朋友話呢間野嘅沙嗲牛勁出名，曾經要排成個鐘先食到佢個沙嗲牛麵，今日咁岩係附近搵呢位朋友午餐，佢就即刻帶我去試下呢間傳說中嘅沙嗲牛午餐時間等左一等，就可以食啦，點了個沙嗲牛飯另加雞扒，沙嗲牛汁真係好濃，味道好重，雞扒煎得幾香，成個配答一流最正嘅就係凍飲唔洗加錢，係咁熱嘅天氣下簡直係一大福音而朋友都分左少少豬扒比我試，話都好好味好正，一試，又真係幾香，醃得好入味，同雞扒不相伯仲，下次再食嘅話睇黎要食個雜扒餐

舊店已經食過一次，再開返當然要再試啦，之前要排2個鐘，但新店9點半去食即有坐，新店闊落，坐得舒服，比以前多左位所以好快就有位~沙嗲牛紅腸炒蛋麵紅腸外脆內軟，沙嗲牛好多及好淋，同埋d 洋蔥一齊整，所以有d 甜甜地，炒蛋好滑，d 麵擺得耐d 都唔會發大同淋，依然非常有咬口，沙嗲汁係懷舊嘅味道，非常濃郁嘅牛味，全部料全部都好有沙嗲味~沙嗲牛紅腸雪菜麵雪菜唔會好似出面食嘅味道，好新鮮，有濃郁嘅蒜頭味，肉絲都唔少同唔會好乾，夾埋d 沙嗲牛，湯汁變左蒜香沙嗲牛味，非常濃郁~牛油多士外脆內軟，好有牛油味，平凡嘅麵包都變得不一樣~凍檸茶少冰少甜食完麵黎返杯凍檸茶就最正，茶底唔會好苦，炎炎夏日同埋食完d 濃味嘅麵黎返杯凍檸茶，成餐變得更清新，感覺無咁邪惡

沙嗲牛肉麵關注組!!!!果然冇介紹錯。之前舊店倒閉前既人山人海，令到大家都非常注意呢間沙嗲牛肉人氣店。今次突然間經過，雖然都要搵咗一陣間....唔知係咪仲係試業嘅關係，大門口係冇招牌嘅所以都諗咗一陣係咪呢一間特登影張相俾大家睇，見到就入去食啦講返個主菜先，個沙嗲汁係超級濃味嘅我覺得真係好唔錯，如果唔使排隊，真係值得黎試一試㗎。今次我就係平日嘅下午茶時間黎試，所以完全唔多人，希望你哋有機會食到啦👍🏻👍🏻👍🏻

今日拉埋朋友二訪最強沙牛好好運，但係就留肚轉戰吓佢另一個比較不為人知嘅名物-酸辣豬扒米通。.馳名酸辣豬扒•米通 💲45⭐️3.8/5識食嘅朋友仔成日同我推呢碗酸辣豬扒米通。孤陋寡聞，之前未食過米通所以覺得口感幾新鮮。豬扒略嫌唔夠厚身多汁，湯底清爽型唔係好多油但比想像中辣，入面配料好多。酸菜份量幾多，湯底食到蕃茄、蒜頭、冬菇、薑絲等，應該係落足料去煮。一試無妨，其實我有胃口食哂兩碗名物🤪，但如果只有一個quota嘅話都係選擇返佢哋嘅沙嗲牛肉麵啦更加開心。.同場加映朋友重吃既沙牛麵，依舊好味🤤.不專業食評 nei.foodie

由佢未搬舖前話想試到今時今日終於的起心肝試佢一下（就一下，因為1: 唔太方便，要轉車 2:個汁的而且確過份濃 不是我期望的味道3: 我希望響傳統嘅地方 ，早餐會係有多士有炒旦火腿果種，呢度新潮過龍）沙嗲牛肉個汁⋯對我黎講真真係太濃，我重見到有洋蔥而我係唔expect 會有。紅腸夠厚嘅。其實我冇問佢可唔可以轉出前一丁😛總結都係太鹹，已經飲凍檸茶，之後要狂飲水😮‍💨😮‍💨😮‍💨點解舊陣時啲好味野唔見晒架😞😞