好好運快餐店 (Closed)

今朝有事要去開長沙灣 特登去搵呢間好好運👍🏻 就係為咗試吓佢嗰個沙嗲牛🥰🥰🥰$37 三餸粉麵 加一杯嘢飲 老老實實工廠區來講真係唔算平 附近嘅幾間都係買緊$30頭🤣🤣🤣今日試咗沙嗲牛肉炒蛋餐肉米通🤣🤣賣相黎講其實唔算特別吸引 不過勝在夠特別有米通揀 其實有少少似通粉不過就係白色嘅炒蛋都唔算過熟 餐肉都係有煎香到既重點係個沙嗲牛 真係香氣十足 雖然味道有啲偏鹹 不過鍾意食沙嗲牛肉嘅都係貪佢重口味🥰🥰🥰🥰

其實之前未搬舖嗰陣一直已經常幫襯😂食咗咁多年一直都係因為佢嘅酸辣米線好好食所以不斷回歸😂直至到出現咗沙嗲牛肉關注組，先至知道原來佢嘅沙嗲牛都係名物😂不過群組出現咗之後，以前細舖嗰陣已經經常有人排隊，連想食米線嘅機會都冇😂好開心佢今次搬咗舖之後地方大左，舒服好多同埋更加感覺乾淨🙂🙂見到個個都會叫紅腸😂我哋今次都叫埋🥳佢嘅紅腸沙嗲牛肉煎蛋米 同埋鮮油多仲有試埋炸雞脾，同埋我哋最鍾意嘅酸辣米線❤️其實我覺得佢沙嗲牛肉嘅味道係唔錯，但係如果要等20至30個人嘅話我就會諗諗😂反而紅腸係幾驚喜，佢應該係炸過？同埋都彈牙😎紅腸反而有驚喜幾出色🤗如果佢會奶茶可以再好味啲就好啦😂😂

🐮呢個係沙嗲牛肉麵關注組強烈推介嘅沙嗲牛麵 之前舊鋪結業排晒長龍🐮我星期六朝早10:50到 5分鐘就入得 建議大家都可以呢個時間黎 一黎唔駛點排 二來貪小便宜嘅我睇中左11點前早餐 $37有3款餸 仲送埋野飲 都幾抵食🐮過左11點就$33淨沙嗲牛麵🐮百搭早餐 (任選3款餸) $37我揀左炒蛋+腸仔+沙嗲牛，👦🏻揀左煙肉+五香肉丁+沙嗲牛個湯底真係超級濃 就黎變左沾麵咁😂如果你好重口味 好鍾意沙嗲味一定會好鍾意但我地就覺得有少少太濃 👦🏻形容係打邊爐沙嗲湯打到尾嗰個精華 簡單黎講啫係好咸🐮牛肉係大片而且淋 份量都多🐮麵質偏硬 如果鍾意食淋嘅可以叫佢煮淋d 🐮炒蛋一睇就知好滑 吸埋沙嗲汁 更加好食🐮至於五香肉丁 由於沙嗲太濃 其實食唔到咩味 就係變左辣嘅沙嗲牛🐮早餐可以+$8 要多士 我揀左最愛嘅奶醬多睇落好薄 但食落係滿滿嘅奶醬 好似唔駛錢咁多😂超邪惡🐮奶茶 冇咩茶味 茶底麻麻 奶味偏重 🐮整體係值得一試 而且都抵食 特別推介俾重口味人 如果喜歡清淡健康嘅或者會覺得普通🔴星期日唔開

真係路過未必知有尼餐廳因正門唔係响條街渡茶餐～猪扒+薯條+凍啡（$35）猪扒煎得夠香薯條👍🏻熱辣辣夠脆沙嗲牛肉公仔麵（$33）+凍檸茶（$8）沙嗲牛肉公仔麵~個汁好濃！我覺得有點over咗牛肉都OK！不過都值得一試

今日趁平日下午茶時間，去好好運朝聖~之前試過星期六上晝10點去到大排長龍，最後放棄左無食到，今日平日下晝好好多，walkin就得~鋪頭裝修好簡單，大概30個位~廚房位置有好多職員煮野食我地叫左沙嗲牛肉米加炒蛋同埋下午茶餐既沙嗲牛肉包。沙嗲牛肉米加炒蛋沙嗲牛肉醬汁好濃好有花生味，偏甜既~牛肉好淋同瘦~個汁真係好惹味～味道岩岩好，就算放左湯都唔會太淡，炒蛋不過不失，正常發揮；米粉底仲有D芽菜，食落爽脆，口感更豐富~沙嗲牛肉包同一個醬汁加落鬆軟麵包都好好食，麵包烘暖，入面夾住大量沙嗲牛肉，多到滿瀉咁滯~鐘意濃味既朋友仔一定要試下~絕對值得一試既沙嗲牛肉！P.S.其實我地仲叫左份鮮油多，不過就好一般，所以都無專登影lu~

搬新舖前因為超級長龍食唔到搬新舖後又的唔起心肝星期六晨早黎食下雨天的平日，終於黎到潮聖8:25a.m.1個人直入唔洗等位第一次黎都驚難搵，跟住openrice個map教路，最後o係後面停車場入o左去叫o左個沙嗲牛腸仔煎蛋既三餸組合再配米粉隻蛋同條腸都煎得剛剛好，perfect池沙嗲汁味濃但牛肉麻麻 淋得黎係無咩咬口而且花生香味唔夠，係食到有少少花生粒為咗體會沙嗲牛關注組谷友講走湯既滋味第一啖特登無撈勻夾起一件牛肉黎食，真心勁咸要洗腎欣賞佢個米粉有芽菜同埋員工服務態度好好既可能大熱天時我仲叫熱奶茶既關係，落單個叔叔聽到之後「下」咗一聲，好搞笑奶茶就中規中矩啦，無咩特別同驚喜無比較就無傷害九龍人表示都係永x既沙嗲汁同牛肉更勝一籌，好好運雖然成唔到心目中既第一位，但絕對值得去試既

2月舊鋪關門前潮聖失敗，今次重開，終於成功面聖！早上11點抵達荔枝角半島大廈，等了30分鐘才能入座～叫了沙牛米🐮果然名不虛傳！沙嗲味濃，加了洋蔥、花生碎，調味不太偏甜，味濃回甘！我冒着洗腎之風險，飲了半磅沙嗲湯🤪牛肉份量足、厚薄適中、極之入味，冇筋又鬆化！整體感覺十分良好，絕對稱得上全港最強沙嗲牛之名，勢必回頭💯💯 不過下次要叫走芽菜！

見到香港沙嗲牛群組鋪天蓋地嘅宣傳5月22日重開，本身諗住下個禮拜平日去試一次。咁啱有朋友話要出荔枝角，幫我望話冇人排隊，就改變行程直接去。.下晝點幾到前面排一個，點知企定都冇60秒後面開始出現滿滿嘅人龍。真係多謝朋友提點我行快啲再行快啲。.沙嗲牛肉麵 💲33⭐️ 4.5/5佢個沙嗲汁底好濃好香，但係花生味唔算重，唔食花生嘅我覺得還好。牛肉滑但係牛味唔算重，但加埋已經夠晒分，好食過我平日食開。.公仔麵就正常水準，我太耐冇食過公仔麵所以食到見底。湯係濃濃嘅沙嗲汁湯加咗唔少分。.加料：叫咗煎蛋（一隻好細隻）、紅腸、午餐肉全部係正常水準。網友大推紅腸我覺得係正常下次唔會再叫。.熱奶茶💲+8 (跟餐）⭐️ 3/5奶太重茶唔夠香唔算係我杯茶，正常水準.🔴餐廳喺工廠大廈好似仲未裝修完咁，只係開一至六嘅日間時間。如果排隊時間少於15分鐘可以再戰🙉🙉🙈 .不專業食評 nei.foodie

終於等到重開之日，於是我今日馬上食返個三餸麵，當然少不了主角沙嗲牛肉，我是打電話去落order,  落外賣的姐姐十分好，由於我未能5分鐘內拿外賣，更特意問我什麼時候來拿早餐。非常細心，值得俾個Like。當我到達時，我有一點茫然，因為找不到門口和招牌，只見到白色圍板，而中間有隻門。於是我左望右望，就直衝一推門看看，一推開就見到裡見燈火光明，好有一種大穩於市的感覺，於是我就急不及待去俾錢拿早餐返公司嘆一嘆外賣細心，配上一個發泡膠底盤，避免傾瀉湯汁出來，而且湯和面也分開，不會浸到面發泡而變得難食。返到公司打開後盒早餐發現非常有精神，今日早餐主角有沙嗲牛肉+紅腸+炒滑蛋。滑蛋滿有水準，不令我失望紅腸是厚切，不會炸得太乾身，當然紅腸本身味道大家都知道，就唔會是什麼特別貨最後出場是沙嗲牛肉，牛肉頗多，沙嗲味濃郁，味道香和重，食前最好和公仔麵先攪拌，之後再加埋湯。 一碗精美早餐大完成，當你夾起每一口麵和牛肉，再夾雜著那份沙嗲汁，真的令你欲罷不能，口裡不停咀嚼，因為好食，而另外將滑蛋添上附有沙嗲汁的公仔面，既滑又多汁，又是另一返回味，順帶一提，廚師都好細心，煮面時不用over cook, 面身帶硬有口

沙嗲牛肉公仔麵 + 午餐肉 + 炒蛋Price：$33 + $6 + $6📌近排好多人討論既沙嗲牛麵🤪大約排左15分鐘先入到🤔早餐黎講沙嗲牛麵世界第一🥇加返隻炒蛋同午餐肉好有香港茶記既味道🥳平時既沙嗲牛麵都係沙嗲牛+清湯，但佢地係沙嗲牛+沙嗲湯底，所以味道非常之濃郁🤤湯底仲有辣椒既香味👍🏻佢地牛肉做到沙茶既質地，但又唔會嚡熠熠，牛肉仲係好嫩滑😋而且數量都幾多下😂食完都幾飽幾滿足架☺️P.S. 鋪面用圍板封住，而且要行段大廈走廊仔先入到後門，好唔起眼🥺隔黎鋪都係食肆，想去食既朋友睇清楚鋪名唔好入錯啦～

我一直對沙嗲牛肉都唔講究，自從新聞報道話呢間野要執笠，啲人排成六個鐘頭去食，我先開始關注社交平台個沙嗲牛肉關注組，早前亦都因為咁樣去咗觀塘一間冰室，但係食到個好一般嘅沙嗲牛。知道呢一間喺荔枝角重開之後都冇好大衝動去即刻試。咁啱今日晏晝冇嘢做又喺荔枝角，咁我就去咗呢度試，入口有啲難搵，可能佢未正式開張，要經過大廈大堂同貨車停車場先入到黎。遲吓正式開張可能可以由正門進入。本來以為要等好耐點知晏晝三點其實係唔使等，即刻有位，我朋友遲咗15分鐘先到，阿叔亦都冇催我，齊人之後當然係叫沙嗲牛肉公仔麵，仲叫咗佢整濃啲啲沙嗲食落去發覺牛肉非常之林，沙嗲有豐富嘅花生醬味道，仲要好多牛肉，一啲都唔吝嗇，麵質稍為硬咗少少，不過食多2分鐘浸林左就啱啱好。仲要只係$33，CP值非常高。

放假一早出去荔枝角，老公話要帶我去試沙嗲牛肉米通，佢話好多人食，要早d出去😴坐巴士都要40分鐘出到去，去到11:00am左右，竟然前面得2個人排，我地等咗5分鐘好快就有位，去到有位時，店員數人頭，數到排係我後面推人，店員就話沙嗲牛最後4碗😆話要12:00後再供應，结果後面排唔到既人，有d都唔食走人，有d唯有食其它啦！我地好彩有得食🦬，坐低當然睇吓仲乜野叫。我地叫咗好多野😆連店員都話食唔食得哂🤣我點了沙嗲牛肉米通+紅腸+豬扒🧋凍奶茶老公點了沙爹牛肉公仔麵+紅腸+豬扒+加炒蛋 🧋凍奶茶最好食係沙嗲牛肉米通👍牛肉味重，沙嗲汁都濃红腸🐷豬扒好一般😑🧋奶茶好淡口👎茶記黎講個茶底係唔格總括來講沙嗲牛肉最好食

終於終於可以嚟試下呢間馳名港九嘅沙嗲牛麵啦！.地理位置：真係要穿過幾個門口先入到去，星期六嘅上午11點半，排咗10分鐘左右入咗去。.內裡座位：位置唔算太少，大概目測都有十張鬆啲嘅4人枱。.建議時間：可以星期六非䌓忙時間嚟食，最好11點前，早餐set跟埋飲品更抵。公眾假期休息。如果平日想食，建議打電話order外賣然後自取，最近牛餐時候仍order到沙嗲牛。.味道：叫咗沙嗲米粉，沙嗲汁真係幾正，味道好夠。聽到隔離枱叫多汁，我就唔打算試，估計會好咸。不過見人哋加碎炒蛋，應該撈埋汁都好正，大家不妨試下！☝🏻$33+8(熱咖啡，飲品單叫）

超有誠意及用心的快餐店最近得知傳說中好食到大排長龍的招牌沙牛重開，地點竟然在公司附近…太幸福了，為了朝聖…一睹皇者風彩，小妹今早特別提早1.5金粒鐘去試試…位置在工厦地下，沒有門牌，所以第一次搵較困難發現…剛到店門口已經人頭湧湧，感恩星期六不是太多人，不用排隊，座低叫野叫，不用5分鐘就嚟啦～配上紅布腸+太陽蛋！沙牛米超出小妹一般茶記的份量，超爆多沙牛，滿滿一碗，配有少量芽菜及洋蔥，沙爹口味不算特濃，但已完勝一般的茶記，牛肉入口也嫩滑好味，辣味就不足夠…偏向甜味，如加上小辣相信更惹味…下次試埋公仔麵，37蚊配熱飲…凍飲都係加1蚊，cp值超抵，下次要試下公仔麵，再同大家分享，美味沙爹牛肉感覺好幸福…

作為沙爹牛肉麵關注組嘅成員，自然對呢間俾大家捧到上太空嘅牛麵唔陌生。近日聽講佢就嚟執，（原來係搬啫，大家冷靜😅）一於同 @pigfoodiexhk 去試下佢有幾咁正。八點搭八去到，條龍長到呢........好彩大家都食得快，等到就嚟十點聽副老闆同外賣啲人講沙嗲牛賣曬，嚇食我😓，原來外賣同堂食嘅沙嗲牛係分開計嘅。排到十點終於到我地^^，好好運咁食到沙嗲牛，又好好運咁坐到入面。排個半鐘，食就半粒鐘，我會話未好食到要早起排隊個半鐘嚟食，不過越簡單嘅嘢就越難整得好食係真嘅，食到佢全日都覺得巧巧運呀。；太陽蛋紅腸沙嗲牛米通 + 熱檸茶 $35第一次食米通，口感彈牙而且索湯；太陽蛋生熟啱啱好，燶邊㗎！🍳平時唔太likey紅腸，今次有驚喜，唔太鹹得嚟富嚼勁😋！牛肉份量極多，完全無梳打粉味，質素超班；沙嗲湯底極濃，有啲辣，對我嚟講鹹咗啲，重口味嘅朋友一定鐘意！ps. 據聞佢用新奇士檸檬，所以佢杯檸檬茶我覺得好好味，完全唔苦/澀！🍋🍋🍋🍋