越泰 (Closed)

與友人相約到這家名叫越泰的餐廳為了一嚐這裡的招牌菜「燒春雞」~「越泰」吃的就是泰國和越南菜~我到的是上環分店, 就是C出口旁邊, 超方便耶!這裡的裝潢簡單清新，綠色的沙發，五色繽紛的木桌整個很摩登年輕感~頭盤點了保寧蜜糖凍蕃茄 $38賣相就是高級料理的樣子耶!一咬之下蕃茄汁一湧而出，整體就是甜甜的，蜜糖減去了蕃茄的草腥味，同時平衡酸度成為口感爽甜，帶點起沙感的美味蕃茄，相比起一般的泰式沙律來得更滋味開胃!小食點了泰式香草魚餅 $48熱辣辣的炸魚餅，外面脆裡面彈牙香草味非常出眾，點上酸甜泰醬整個就好像麥樂雞點醬般搭配!帶著微微辣度，相當惹味！這個為必點推介!!法式牛油雞翼 $48 / 2件 雞全翼的size很大耶！一人一隻也很滋味滿足!薄薄的一層脆漿令雞翼增添香脆口感，面頭舖上香濃惹味的炒蒜片及蒜粒，滑嫩的雞肉滲滿牛油，滿嘴均是牛油香！即叫即燒的河內香茅燒春雞 $148 製作需時，捧出來是又是一輪被手機圍攻的得意菜式~~吃的方法非常簡單，就是「手撕雞」~帶上膠手套與友人將雞對拆兩邊分吃，春雞的size的骰，兩個女生吃的綽綽有餘~肉質嫩滑juicy，而愈近中心的肉更覺香濃惹味原來是雞的中心

尋日約左朋友，諗住食泰國嘢。就去佢公司樓下嘅呢間好似新開嘅泰國兼越南餐廳食飯。我哋唔同嘅嘢食，唯一我覺得好特別嘅嘢食係燒春雞。 平時食燒春雞，個雞肉已經係凍左嘅。但係燒春雞擺咗好耐，仍然都好熱同埋好新鮮。好鍾意燒春雞嘅香料。我諗佢哋應該調味左好耐未到先咁濃郁香茅味。呢個燒春雞真係無得頂 泰式生蝦好好食呀！個汁好正宗我諗起上次去曼谷食嘅生蝦，佢啲辣椒漿喺曼谷食過嘅一樣椰青都好正 不過如果價錢可以再平D ,我就會叫多啲野食

話說上個禮拜突然之間想食泰國嘢。因為已經好耐冇食過太過野啦！跟住就去咗朋友介紹嘅呢間上環細細間嘅一間泰國同埋越南混合嘅餐廳。呢間餐廳細細地，不過估唔到佢啲嘢食都幾好食喎。 我哋叫咗泰式明路魚，條魚係勁新鮮囉！個服務員話條魚都差唔多賣晒，好彩我地黎得快，真係好幸運。我好鍾意泰式明路魚嘅湯底，入面啲香料真係同泰國正宗嘅餐廳好似。我唔知呢間餐廳係咪真係用返當地運過來嘅香料，但真係好正宗！但最衰我唔記得咗同服務員講湯底可以再辣d，因為我覺得越辣就越泰國！！ 之後再叫左個法式雞翼。呢個雞翼先係重點！原本想叫四隻雞翼，但係服務員溫馨提示雞翼一隻已經好大，原來真係好大！ 我勁鍾意雞翼上超濃既蒜味，同埋呢個雞翼炸左之後入邊嘅水份都保存到，而且真係好入味！如果唔係我太飽，我都會叫多幾隻嚟食。鍾意泰國嘢食嘅朋友，不妨可以挑戰下呢間細細地但係好多驚喜嘅泰國餐廳。下次可能會在叫多啲越南嘢食試吓佢哋嘅越南野夠唔夠正宗！ ！ ！

椰青～冰凍得非常清甜 豬扒河粉 生蝦 拼盤 香芧浸大蜆 椰汁糕同好朋友四圍食，今日去到上環搵食，早在附近行街，到7pm食飯時間未有太多人，安排樓上雅坐，食物非常新鮮，生蝦鮮甜，豬扒沒有油膩感覺，還加上薑䓤茸，蠻特別的，最特別介紹的就是香茅浸蜆，在玻璃樽用熱湯浸熟，非常鮮味，湯底易非常出味，濃濃的香茅味原來是可以提升蜆的鮮味！拼盤較大份量，最後亦送上甜品劃上完美句號

-拼盤-拼盤一共有五樣野，分別係越南春卷、檸檬雞(粽狀)、蝦餅、(XXX)同雞腳(中間)，佢仲提供左生菜比我地可以包住春卷尼食，無咁熱氣。特別要講既係春卷，眾所週知越南同泰國既春卷同平時我地食開既唔同，但尼度既越南春卷比出面食既較為硬身，食起上尼就比較難咬。另外，檸檬雞同既檸檬葉同香茅味十分重，香的確係香，但對香港人尼講，太重口味可能比較難接受，但係鐘意嗰浸味又的確唔錯既。椰汁糕 呢個餐廳既椰汁糕隻食落椰子味重 勁有口感，。其餘兩樣就不過不失，同平時出面食既差唔多，整體尼講都吾錯既。

毗連上環地鐵站的越泰，香港地要找吃的地方有幾難，最重要是要吃得好的。店舖有分上下兩層，綠色卡位盡見寛敞，擺放了不少有關泰國及越南的相片及裝飾。越南滴滴李＿咖啡第一次喝這類型的越南滴咖啡，原來送來時已加入煉奶，令咖啡更滑更香濃，亦都不需要擔心味道過甜，因為放下的煉奶與咖啡的比例是恰如其分，夾得幾順口，應該算是幾迎合到香港人的口味吧！生蝦剌身大大隻的海蝦經開邊後冰鎮上碟，厚實富彈性的肉質，配上生蒜、辣椒及醬汁，味道爽脆鮮美，還有些微辣勁作點綴。是我每次吃泰國菜都必定會點的菜式。泰式小食拼盤有酸辣鳳爪、香草魚餅、香葉包雞、蝦餅及春卷。酸辣鳳爪 — 酸辣味道做得不錯，份量不多，但足以夠醒胃。香草魚餅 — 當中加入的香茅，令魚香提升，啖啖醃製魚肉之間，不帶有半點腥味。香葉包雞 — 香葉底下的雞件，又香又滑，厚實雞肉，還滲透陣陣魚露幽香。蝦餅 — 就算不點拼盤，也要點這蝦餅來吃。炸至金黃色的外層， 香脆可口， 蝦肉甜美有蝦味。春卷 — 脆卜卜的外層，包著豐富的餡料，再用生菜捲著同吃 ，又是另一種滋味。 第一次在越南泰國餐廳吃到燒春雞，初時還擔心會太大隻吃不下。你見過燒春雞是企立在桌上嗎？很有創意的

 Worst restaurant ever. Bad service. Nothing on the menu is available at 7.30pm. No beers. Impossible to bring alcohol even if they don't have it. Air cond max. Never go there!

去完澳門返黎啱啱係晚餐時間肚餓到顛一落船即刻搵食醫肚見到付近有越泰立即入去開餐一入到立即叫返杯椰子冰用新鮮椰子打溶完全冇呃人成份清甜解渴店員推介法式牛油雞翼$48/2果然冇介紹錯隻隻即叫即炸係超級大大隻起初以為一定包住厚粉的雞翼原來唔係每隻只係有薄粉隻隻啖啖嫩滑雞肉必食！見越泰的炸野幾好我地追加一個泰式小食拼盤$168有鳳爪 香草魚餅 香葉包雞 蝦餅 春卷每款炸物恰到好處不會炸得太乾尤其蝦餅爽滑彈牙新鮮炸起更加好食而香葉包雞就十分特別雞塊吸引了香葉的味嫩滑而入味另外叫左軟殼蟹米紙卷$65用米紙包生菜及米粉及軟殼蟹軟同硬的口感係口中互相撞擊撞出令人滿足的幸福感見炸野食得多叫返個越式香茅浸蜆$108用樽仔上菜又型又可以保到溫一開蓋香茅味直沖入鼻令人立即食慾大增而且蜆仔飽滿鮮甜主菜叫個保寧蕃茄牛腩煲配法包$128牛腩燉煮得一口即溶再配合蕃茄酸酸甜甜的味道令我地一會兒就食哂成煲今餐真係一次滿足哂越式同泰式野食慾望

去完澳門返到上環，就同男友去到去對面的越泰食晚餐。入到越泰就覺得好舒服，餐廳以綠色sofa 同淺啡牆身，餐廳空間感大所以，傾談都舒適。越泰出名的牛油雞翼$48 2 隻牛油雞翼超大隻，係原隻雞翼而且雞翼十分香脆，牛油炸得岩岩好，而且食下去唔覺得好油膩。 雞翼用好滑，好好食。香茅上湯浸蜆用個樽裝著好特色客人可以食幾多再放幾多係碗內慢慢食個湯充滿香茅的味道，加上九層塔去煮蜆原來個味道甘出色，而且個蜆充滿鮮味。保寧番茄牛腩煲(配法包)$128見到保寧番茄甘特別，就想試下叫黎睇下，保寧番茄十分香濃的番茄醬再慢火將牛腩煮淋牛腩吸收濃濃的番茄味番茄同牛腩好夾，而且牛腩淋得黎唔會散曬而且仲有法包配可以用香脆法包點下濃郁的番茄汁食泰式小食拼盤 $168泰式小食拼盤有炸蝦餅，炸魚餅，香葉包雞，春卷同酸辣雞腳爽口彈牙的酸辣雞腳配上番茄，番茄用酸酸辣辣的醋去浸，更甜。炸蝦餅肉質彈牙，鮮味，炸得好香脆炸魚餅用上不同的香料去製成炸春卷用上雲耳蘿蔔等等包上生菜食無甘油膩，又香脆菠蘿雪芭 $48 菠蘿雪芭係係原隻微型菠蘿整成味道十分香甜嫁新鮮菠蘿味，用新鮮菠蘿製作所以會好像食到菠蘿的果肉完全唔係用濃縮劑去製造成的雪

上星期五原本諗住同honey去返近佢北角公司間「越泰」度撐枱腳，不過見大家都早收，佢就提議去餐店o既上環總店，嘻嘻，等小肥可以寫多編食評咁話 。我地五點九已經喺上環地鐡站C出口會合，轉左即達餐廳，認真方便。可能喺門外吹咗陣風，小肥到步時honey面都青埋，仲標哂冷汗 ，未入座已經先要去洗手間，就連樓面o既伙計都為佢擔心。女友行開咗，小肥就襯機四周拍攝。似乎總店o既設計比北角分店更為樸實，除咗牆上法國、越南及泰國o既相畫之外，店子o既餐桌、椅櫈、牆身同地板都全為木造，感覺都好乾爽企理。枱與枱之間空位足，加上六點前食客唔多，聲浪一啲都唔嘈雜。Honey去完二樓o既洗手間返黎，立即回報餐室原來仲有上層。上到樓梯頂，先見到擺放著玻璃器皿o既透明玻璃櫃。直入可以見到二樓o既格局主要係卡位同半卡位式o既散座，最尾仲有間房添，望落兩層都好闊落吓。Honey唔舒服，叫餸重任就交由XO仔負責。店內兩位四眼哥哥真係唔話得，高高o既一位先送上窩心o既暖水兩杯，肥肥o既另一位則提議honey食兩味較清o既越南菜式，二人細心o既舉動同態度直令我地感到非常溫馨 。 水晶蝦米紙卷（$55）：米紙卷內含花生

想去旅行..........諗起曼谷的樂園、芭堤雅四方水上市場，同時是泰國美食~~越泰 位於上環港鐵站，集合越南與泰國美食都在這裡，一定要試試。泰式小食拼盤 $168有酸辣鳳爪、香草魚餅、香葉包雞、蝦餅及春卷魚餅味道濃厚，仲有口感...蝦餅爽口彈牙不油膩...春卷拌生菜吃減低油膩感...酸辣鳳爪酸酸辣辣好吃...香葉包雞，雞肉嫩滑又唔會好乾...成隻春雞還收以為用刀切開，店員講知可以戴上白色手套用手扯，燒春雞外皮趣，香芧味道濃，很香，肉質嫰，配埋醬汁，酸甜適中，味道相當吸引！配上甘筍絲、生菜絲，泰式豬頸肉口感豐富，再加上適量泰式汁醬，酸酸甜甜辣辣，最刺激食慾又開胃的...泰國椰菜苗，一般在泰國餐廳才吃到~~我也是第一次吃椰菜苗，用上蝦醬炒出的菜又不太咸，味道很香，椰菜苗鮮甜又有口感，非常好味!!熱辣辣天氣，點少得叫鮮椰青 $30，椰汁清甜，又滿足自己想喝飲料的心 ^^最後甜品蘋果雪葩 $42 ，冰冰涼涼的蘋果，真係鮮甜，一定喜歡的！

其實個位置就正正係港澳線碼頭對面, 下次去完澳門返黎又多一間食野既鋪頭, 原來有上下2層, 咁我地班女人仔咁多野傾咁就要求上面個層來享受我地今晚既晚餐泰式小食拼盤(酸辣鳳爪,香草魚餅,香葉包雞,蝦餅,春卷)小食拼盤好似係變左指定動作咁, 因為每個人都總有唔同口味喜好, 所以叫拼盤實有一味岩食, 而我就特別喜歡魚餅 因為D香料特別香, 配上D醬汁特別惹味法式牛油雞翼牛油雞翼一直是我的最愛, 所以係MENU見到就已經引唔住一定要叫, 來到冇諗過份量咁大隻, 都算炸得乾身, 唔太油膩好爽脆香芧燒春雞呢碟送上來時我覺得好有趣, 可能佢係棟起隻雞上菜, 隻雞仲好熱, 侍應叫我地趁熱食, 仲被左手套我都話用手食仲滋味, 好啦都唔顧咩儀態啦, 但用手拆件, 原來有好多香料塞實晒隻雞既肚內, 食起上黎好香D香草味同肉質幼嫩, 而且真正做到皮脆內肉嫩既口感生蝦剌身雖然不算是大隻, 但好新鮮同最緊要好彈牙越式蝦醬炒椰菜苗椰菜苗其實我一直都好抗拒, 因為之前食過幾次都係會苦, 但這次跟侍應提起, 佢叫我被次機會試佢地既食材, 咁好啦, 就被多一次機會自己試多次先, 來到我已好經好急不及待試, 原來靚既椰菜苗

我平常就喜歡食辣,泰菜及越南泰菜我都喜愛食.這越泰店結合了越南及泰國那酸辣滋味的料理,等不及叫朋友一齊來要嚐嚐啦!店位於上環港鐵站C出口旁,非常方便就腳.有上下二層環境舒適,因晚飯時間下層FULL了,就選上層坐.装潢設計東南亞及西式感覺,座位寬敞舒適.***************************先點了個鮮椰青,清甜清涼解渴,如更冰凍會更好飲呢!還有,想不到椰青內可挖出挺多好嫩椰肉.*************************泰式小食拼盤五種泰式人氣小吃的開胃菜,非常豐富拼盤.有酸辣鳳爪,香草魚餅,香葉包雞,蝦餅,春卷.香葉包口感扎實不油膩,有淡淡的香草香雞.咬一口軟彈有好香濃香草的魚餅.Q彈牙蝦餅及春卷餅夠香脆.而酸辣鳳爪香辣帶微酸, 十分開胃的前菜.**************************生蝦剌身新鮮生蝦口感勁鮮甜,夾生蒜片及紅椒片一齊來吃,並釀點秘製少少辣泰醬,好滋味.********************法式牛油雞翼外炸粉不太厚身,入口非常脆口,有淡淡牛油味而不油膩,如濃一點牛油更好食,令人食不停口.******************香芧燒春雞上枱

從去完旅行陸續約下朋友出來聚會，亦順便派手信,今晚又約了朋友吃飯，朋友話去過越泰覺得好吃，想再去上環越泰,越泰就在MTR隔離十分方便，因為我在屯門去上環都要一段時間，朋友在附近返工比我早到,越泰有2層,地方都好大 ,我同朋友各自點了2個,份量都好多，泰式生蝦又幾好吃，生蝦夠新鮮，味道好鮮味,蝦肉好爽口，豬排湯河又不錯，豬排炸得好脆，味道不錯,河粉好爽口，個湯就稍為咸咗些小，椰子汁冰有些小過甜,香矛浸蜆又幾好味,蜆肉較為細隻咗些小，味道好鮮味,個湯味酸酸味味好開胃,小食併盤只是吃了好少,全部都是炸野怕熱氣，由朋友一個人吃了它,今次主要吃泰國菜多些,而家好興開多國料理餐廳，但是泰國同越南好少同時出現，越泰融合兩個國家美食，整體都幾好吃，服務又幾好 ，店員主動問下客人意見，今晚同朋友吃得好開心

看着openrice那麼多like,就來試試, 看着餐牌有很多選擇就点了酸辣鳳爪,菠蘿炒飯和香茅豬扒飯。廚房和樓面的上菜速度要特別留意，等了超過40分鐘，隔離枱的先生也與我對望，因大家坐枱叫菜的時間相约也遲遲未來，要三番四次提醒侍應,眼見廚房出菜的地方，(看附圖)有兩塊布不停在上菜口處hide碰食物，感覺dirty。终於酸辣鳳爪到了，得4，5件，完全冇味，很硬，感到失望。再等了约30分鐘,再一次催他們,先到了菠蘿炒飯，omg...為什麼菠蘿炒飯的賣相是和餐牌上有菠蘿蓋的圖片不同，完全無蓋，只有少於半碟的隔夜硬米,菠蘿粒的數目，寥寥可數,其他料完全淡而無味,攪甚麼？又吾夠熱,從未食過如此差的炒飯!最後, 香茅豬扒，肉質完全不鬆軟!差!好失望的一餐飯!不會再有下次…